كتب الكاتب الفاتح جبرا المتوفرة بمعرض الدوحة
|
........هواجس.......
|
اخاف بس يوم يجينى الخوف مزين بالوجع والهم ممدد بالخراب التام منسق بالكلام النى مكلل بالحصار العام اخاف بس يوم يجينى الخوف وابقى بعيد من السكة قريب من الودار والزيف ومطمن بانى براى وتسوى الدنيا ماتسوى ويحصل فيها مايحصل مع انو الحارة راجيانى اذا غبت واذا خشيت فى نيلك ياعشم بلدى فى صوتك ياغناى الفال اخاف بس شوقىعيونى الطال يصير منفى ويصير محبوس بحس واحد تخين متل الشجر والهم اتم احزانى بالجملة يصير نيل الوقت اعمى يصب فى نهر متواطئ اشوف فى حاضر الازمان جمل فقرية بتطاطئ اشوف النيل صبح نيلين بعدما اتلم فى الخرطوم وصبح الحال فى كل مقال موسد بالشقا ومازوم يغيب نجم السما الهداى واروح فى السكة مامفهوم اخاف النيل يصير اعرج يمشي على مهل من خوف تجيهو الوجعة تتبرج واصير مازوم
|
|
|
|
|
|
|
|
Re: ........هواجس....... (Re: zumrawi)
|
Quote: يصير نيل الوقت اعمى يصب فى نهر متواطئ اشوف فى حاضر الازمان جمل فقرية بتطاطئ اشوف النيل صبح نيلين بعدما اتلم فى الخرطوم وصبح الحال فى كل مقال موسد بالشقا ومازوم.. |
زمراوي : لك التحايا علي هذا الجمال- وإن كان حزينا - لمحاربة القبح والتثاؤب الذي أطل علي البورد..
خالص الود,,,
| |
|
|
|
|
|
|
Re: ........هواجس....... (Re: zumrawi)
|
العزيز ايهاب الطيب شكرا على مرورك واطراءك والقبح هنا هو من القبح العام الذي شمل البلاد انه قبح مغترب اسف على رؤيتى المتشائمة ولكنه كماقلت لمحاربة القبح
| |
|
|
|
|
|
|
Re: ........هواجس....... (Re: zumrawi)
|
الصديق زمراوي
لك الود غناء الروح والقلب ..قرأتك هنا بلحن آخر ...وطرب جديد وعميق..(الغناء بي حزن رايق)..لا تبعد عنا هذا الصوت الجميل واكت ودعنا نقرأك
التقدير والامنيات
عبد الله جعفر
| |
|
|
|
|
|
|
Re: ........هواجس....... (Re: zumrawi)
|
صديقي عبدالله جعفر هل لم يتبقى لنا سوى الغناء والكتابة لنسر بهما عن نفسنا .....الان نحن نحارب المستحيل بمخالبه الغليظة حزنى الرائق هذا كان متاججا واقرب للاحباط شفعت له الكتابة فاستوى رائقا.... شكرا لمرورك الذي اسعدنى وتحياتى لامين ان وجدته فى المسنجر
| |
|
|
|
|
|
|
|