اعزائى ساقص عليكم بعض من المعاناة التى يعانيها الشعب السودانى المغلوب على امره،هذا الشعب الذى يقف مذهولا من جراء ما يراه من معامله ((سئية)) بمعنى الكلمة.. فهناك متشفى (( المغربى ))سابقا ((مجمع مكه لطب العيون)) هذا المجمع عندما تهم بدخوله ينتابك احساس بالراحه التى سوف تشغر بها بمجرد رؤيةتلكم الامكانات المهوله التى به ويخيل اليك انك سوف تنعم براحه ورفاهية ( بلا حدود)ولكن الحقيقه انك سوف تعانى من ( مسقة وتعب ) بلا حدود فبمجرد ما تدخل رجلك ( اليمين)وقبل ما تقول بسم الله تبدأ رحلة عذابك الطويلة وما عارف ايه اللى حيحصلك لودخلت برجلك (الشمال) غايتو الله اعلم نبدا ليكم من ناس (الاحصاء) تقيف فى الشباك لمن روحك تطلع ختى يجى دورك ( مع العلم انك واقف اول واحد فى الصف ) طبعا بعضكم حيتسال (دى كيف؟) ارد عليهو بكل بساطه بتاع الاحصاء ده خاتت ليهو رزمة اوراق بيناولوها ليهو من وراء الباب الورانى ( تحت تحت يعنى) وويلك ثم الويل لك اذا تجرأت وصدرت منك اى حركه تدل على انك فاهم الحاصل شنو؟ طبعا اخوكم (دقس) وعمل فيها تفتيحةوقلت للراجل بكل ادب واحترام لو سمحت ممكن تمشينى عشان انا قمت من الفجارى وجاى من الحاج يوسف وقبل كده اصلا جاى محول من الولايات وقبل ما اتم كلامى ردالموظف بكل (رقة) : يااخونا ده ما شغلنا قلت ليهو : اى انا عارف انو ما شغلك طيب بتعمل فيهو لى شنو؟ طبعا (العبد لله) قاصد عل الواسطات البعمل فيهو واتارى على خيبتى هو بيقصد (يسكتنى) لمن شكوته لنفسه؟ طبعا كلمه منى وكلمه منه الموضوع دخل فى حيذ الجد واتنرفزت وجاتنى الحمية ديك بتاعتنا اللى اهلنا ربونا عليها لمن تلقى ليك حاجه ما راكبه عدلتها(صلحها) ولو بى رقبتك الموضوع كبر شويه وتدخلت الاجاويد( لاحتواء الازمة) التى نشبت من هذا الشخص(انا) الاقليمى الجاى من وين ما عارف (( على حسب اقاويل الناس اللى سمعتهم)) طبعا حاولت اوصل المشكله الصغيره فى نظر الناس اللى تدخلو للمدير العام المهم قولو خير وصلو على النبى ( ما عارف ) سبحان الله لها كبير اثر فى نفوس السودانيين والحمد لله توصلنا لحلول وسط كما فهمت طبعا اخونا (الموظف) وردا على الاهانات ( كما يزعم)التى تلقاها من واحد ما يسواش اى حاجه ( على حسب قوله) والله اعلم دفن لى وقام طنشنى (مع اننى الاول) بالنسبه للحضور الضخم ولم ادخل للمستشفى الا بعد ان انتهى دور كل رواد الصاله الكرام وعندها فقط اقتنعت بأن سبب تغيير الاسم جاء خطأفادح نتيجة عدم المام المسئولين بمكان الداء قال مجمع مكه قال
ما اكتر عليكم المره دى واوعدكم المره الجاية اقص عليكم قصة الممرضة اللى طلبت من المريض فى غرفة التخدير عن الدم المفروض يكون جاهز؟معاهو
وبعدها عن قصة العدسات اللى بيطلبوها بعد ما تقول ليهم قبل ما اخش العملية شوفو الاوراق دى ناقصة ولا لا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة