|
|
 الترابي في "عزلة طوعية" احتجاجا على شروط اعتقاله
|
الترابي في "عزلة طوعية" احتجاجا على شروط اعتقاله
الخرطوم 29-8 (اف ب)- افاد مصدر في الخرطوم اليوم الاحد ان حسن الترابي زعيم
المؤتمر الشعبي السوداني في "عزلة طوعية" احتجاجا على شروط اعتقاله.
واكد النبأ نجله صديق الترابي.
وقرر الترابي ان يعزل نفسه في غرفة بعد ان وضع في الاقامة الجبرية في كافوري
(الضاحية الشمالية للخرطوم) الى حيث نقل في 16 من الجاري بعد خروجه من المستشفى
اثر اضراب عن الطعام.
وافاد مصدر قريب من زعيم حزب المؤتمر الشعبي "لقد قرر عدم الخروج من غرفته
وطلب من زوجته ان لا تأتي لزيارته وان لا تحضر له الطعام".
ويريد الترابي (74 عاما) الاحتجاج على "اخلال السلطات بوعودها" بحسب المصدر.
ومنذ اعتقاله في نهاية اذار/مارس نفذ الترابي اضرابين عن الطعام احتجاجا على
توقيفه دون توجيه تهم محددة اليه كما يقول. واوقف نهاية اذار/مارس بعد ان اعلنت
السلطات اعتقال نحو 10 ضباط متهمين بالتخطيط لانقلاب.
وكان افرج عن الترابي, العقل المدبر السابق لنظام الرئيس عمر البشير,
في 13 تشرين الاول/اكتوبر 2003 بعد ان امضى ثلاث سنوات في الاعتقال والاقامة
الجبرية.
ـــــــــــــــــــــ
|
|
 
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: Esameldin Abdelrahman)
|
جني كيفك
الثعلب اكثر ذكاء لان الباقين مصرين انهم يكونوا اكثر بلادة
ياخي ماممكن البني ادم يخلي الثعلب يخدعه كل مرة بحجة انو الثعلب ذكي--هل يعني ذلك اعترافا ببلادتنا المقيمة؟؟ ياخي خلينا مرة واحدة نحاول انو ماننخدع للثعلب --خلينا بس نجرب -- يمكن مرة واحدة تضرب معاناونتفكى من الثعلب و شروره-- ولا رايك شنو؟؟؟؟؟؟
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
الأستاذ/ عووضة
تحياتي لك وللأخوة
ود قاسم معاه ألف حق! مطالبتنا بالحرية للترابي وغيره لا تنسيناأن معركتنامعه لم تنتهي. يد في رقبة الترابي واليد الأخرى في رقبة جلاديه. ودفاعنا عنه لا يعني دفاعاً عن عن فكره وتغاضياً عما فعله في الشعب السوداني ولا تجاهلاً لما يمكن أن يفعله. وقوفنا مع مبدأ أساسي (أي الحرية المطلقة للجميع) هو الذي قد يؤدي في النهاية إلى هزيمة الترابي وغيره بكسب بعض مساندي فكره بمواقفنا المبدئية من الحريات الأساسية التي لا تعرف الهوية والايديولوجية والجهوية.
خالد
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
الأخ عثمان عووضة
سبقتني في إنزال هذا البوست حيث كنت أنوي إنزال هذا الخبر تحت عنوان الجقلبة
والله أنا لمن قريت الخبر دا لا عرفت أبكي ولا عرفت أضحك . ولا عرفات أشمت ولا عرفت أحت على حاج ترتر دا
الجقلبة داعيها شنو. يوم إضارب عن الطعام ويوم عزلة طوعية ويوم ما عارف شنو.
هو الزول دا قايل نفسو شنو يعني
أرجل ياحاج حسن والسجن دا ما قلتوا حق "الرجال" وللا انتو شغالين بمقولة الرجالة تطير كا بقت زي دا.
أنا اعتقد أن كل هذه " الجقلبة" تنم عن شخصية مفترية "وقليلة أدب" ترى أنها مخلوقة من طينة والأخرين من طينة أخرى.
وخم وصر
وكل يوم زي دا
بعدين للناس البقولوا يجب أن يطلق سراح الترابي ، أقول لهم نحن لسنا ضد الحرية لنا ولسوانا ولكن ضد حرية المخربين "وديكة العدة"، وضد حرية الذي ابتدعوا كل وسائل تعذيبنا وذلتنا.
يعني الزول دا لو جات حكومة ديمقراطية حتتعامل معاهو بمبدأ عفا الله عن ماسلف. لذلك من المفيد لنا أن ينتقم منه البشير "شريكه" .
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: shammashi)
|
اخوي شماشي
| Quote: سبقتني في إنزال هذا البوست |
معليش ياخ -- اول مرة في حياتي اسبق لي زول في اي حاجة في الدنيا دي يعني كدا انت تاني الطيش ولا شنو ؟؟ ماقلت ليك شفت انا بليد كيف من زمان
المهم ياسيدي الحكاية مادايرة ليها شطارة يا اما الترابي دا اجرم في حق الشعب السوداني و يتحاسب -- يا امتن زول برئ وما عمل حاجة بطالة وفي الحالة دي الشعب السوداني يعتذر للترابي و كان الله يحب المحسنين ويا دار ما دخلك شر
ولا انت رايك شنو؟؟
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
العزيز / عثمان عووضة
تحية لك
ياخوي أنا محبوس طوعاً في الرياض بنجد السعودية!! قاعد عزابي بعد أن تم فصل القوات أيضاً طوعاً!! الوليدات وامهم في قارة وأنا الآخر في قارة غير!!
بعدين البوست بتاعك الذي شككت فيه في الصورة أنا قريتو ورديت عليه. وبقول ليك مرة تانية الصورة دي ما قديمة!! تحياتي لك أينما كنت. وبالله انت قاعد وين؟؟
خالد
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
عووضة
ياخي ألف مبروك!!
يعني ما باقي كتير من إكمال الدورة الحياتية بتاعتناالزي بتاعة الجشرات دي!!!
طلحة باين قريب حيكون جد! المسألة مسألة وقت.
طلحة
نسيب أن أذكر رباب (آخر العنقود) في تانية ثانوي. يعني شوية على ما أكون جد وعندي أحفاد زي أخونا عووضة.
إن شاء اللي في بالي يطير والبعاد التانيين ماسكين في كرعيهو!!! قولوا آمين.
خالد
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: خالد فضل)
|
خالد
طبعا انا مطمئن من ناحيتكم انت وطلحة وباقي الشلة لاننا في سرج واحد يا اولاد اللذين
وكمان البيطمن اكتر حكاية الوليدات الفي الجامعة ديل
الحفيد ولد و عقبال عندكم
حكاية دورة الحشرات دي غايتو انا قربت اكملها -- الحج زاتو حجيتو --اها قصرت معاكم
ياخي تحياتي لاولاد المبارك لو لميت فيهم
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
عووضة
ياخوي مستعجل كدا ليه؟؟؟ مش حكمو لمن استطاع إليه سبيلاً؟؟ أنا غايتو عملت حجة نص كم كدا حماية لام العيال من زحمة الإيرانيين والنيجيريين!! بالجد خفت عليها تروح فيها وتيتمنا!! لكن كمرحلة من مراحل تطورنا نحو النهاية مؤجلها شوية!!!
مبروك الحفيد ويتربى في عزك وتشوف أولاده!!
خالد
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: talha alsayed)
|
طلحة
والله ليك وحشة شديدة! ودالياس وقرييتك في نعمة وسعادة. ود الياس اليوم كان قريب يكون في هونج كونج في رحلة عمل لمدة أسبوع!
وليداتي في القارة الأفريقية (السودان) يعني جلهم في الجامعات السجم دي!!
رامي في جامعة الجزيرة- ياسر جامعة جوبا - حمادة في طب الاسلامية حتى إشعار آخر - مازن دخل صيدلة الخرطوم مع ولدك! بالمناسبة سرني جداً نجاحه الباهر.
تحياتي لك والعيال وأمهم.
بالمناسبة قابلت أخونا مأمون مبارك على - جمعتنا رحلة من الخرطوم إلى جدة مرتين في العام الماضي أخر واحدة منهما كانت في عيد الأضحى الماضي. لم تخلو الونسة من سيرة الحبايب واجترار الذكريات الحلوة!!!
خالد عبد الباقي
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: خالد فضل)
|
خالد
أعجبنى نجاح عيالك رامى وياسر وحماده ومازن ما فضل ليك عشان تتم جميلك وتدخل رباب الجامعه وحينها كما يقول اهلنا العرب تكون رقدت ربح علا صاحبى عووضه قايل نفسه اتفك من واحد او واحده بعد ما بقى جد ومو عارف انه عيال الحفيد ده منتظرنو يربيهم
اما ما يخص عيالى انا فلدى سلمى فى طب الخرطوم وقد احرزت المركز الخامس فى الشهاده السودانيه ومحمد فى كهربة الخرطوم وقد احرز المركز التاسع في الشهاده السودانيه واحمد فى علوم كمييوتر جامعة السودان. البقيه ساره وغاده ودينا فى مرحلة الاساس
حدثنى (وخير الحديث ما كان عنعنه او ما قال حدثنا)صديقى مهدى الامين فى التعليم العالى ان احدهم دخل عليه وقد كانت لحيته تغطى معظم صدره وبطنه ولم يتعرف عليه فازا به يجمع اللحيه بكلتا يديه ليتضح لمهدى ان زائره هو مامون المبارك تحياتى له ان التقيته وبالمناسبه عندك اى اخبار عن شقيقيه محمد احمد والفاضل
نتمنى ان تجمعنا بكل الاصدقاء ايام قادمات فى رحاب الوطن الفسيح
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: talha alsayed)
|
العزيز طلحة
أمنياتي لك بمديد العمر عشان تحصد ثمرة غرسك في عيالك النوابغ - ود الوز قالوا عوام!!
محمد أحمد المبارك في المنطقة الصناعية بحري- الفاضل آخر عهدي في زواج محمد في 87.
شكراً ياطلحة وأرجو أن تسنح لنافرصة اللقاء قريباً
عثمان عووضة
السماية كانت متين ياجدو؟؟
إن كان ولد يربى في عزك وعز والديه، وإن كانت بت عاد تقول شنو!!! من المستورات أم بنات الوطن العاملات!!! ياربي لو الواحد بنتو طلعت ما من الطبقة العاملة (برجوازي) مثلاُ معناها حقو راح؟؟؟ يبدو أن الشعب السوداني ما داير يشوف المرأة في بيت الحريم!!
خالد
| |
|
|
|
|
|
|
|
|
 Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
الأخ عثمان عووضة
تحياتي
تنقد الرهيفة انشاء الله ما تتلتق
اليك ما نشرته الشرق الأوسط اليوم
الخرطوم: الترابي يضرب عزلة كاملة على نفسه داخل محبسه ومعه فقط كمية من التمر والماءالخرطوم: «الشرق الاوسط»
دخل الامين العام لحزب المؤتمر الشعبي السوداني المثير للجدل الدكتور حسن الترابي في اضراب من نوع اخر، حيث ضرب العزلة الكاملة على نفسه في محبسه في ضاحية كافوري بالخرطوم بحري، احتجاجاً على إساءة السلطات معاملة افراد اسرته وعدم التزامها بوعودها.
وقال نجل الترابى عصام لـ«الشرق الاوسط» ان والده منذ يومين قام بإغلاق المدخل الرئيسي لمحبسه بشكل محكم ورفض مقابلة اي شخص سواء من الاسرة او خارجها او السلطات، واضاف هو الآن وحده ومعه فقط كمية من التمر والماء. وذكر ان ما اغضب والده اكثر هو منع السلطات شقيقه دفع الله الترابى من زيارته، واصرار السلطات على تفتيش سيارات اسرته لدى الدخول الى المنزل لزيارته.
وقال مسؤول في مكتب الترابي ان الاخير اغلق عليه الحجرة التي يقيم فيها وطلب من زوجته وصال المهدي مغادرة الموقع وعدم احضار طعام او شراب اليه. واضاف المسؤول ان الترابي غاضب من عدم وفاء السلطات بوعدها عند نقله الى كافوري بصيانة فناء المنزل الحكومي وتنظيفه حتى يستطيع ان يقضي بعض الوقت خارج الغرفة التي يعيش فيها بجانب توصيلات امدادات المياه والكهرباء بالمنزل. وكان التراب الذي اعتقل في نهاية مارس(اذار) الماضي قد نقل من مستشفى «ساهرون» الى «كافوري» قبل اكثر من اسبوعين بعد ان دخل في اضراب عن الطعام مع نحو 70 من انصاره مطالبين بالافراج عنهم او تقديمهم الى المحاكمة وبعد وساطة افرجت السلطات عن معظم المعتقلين من الشعبي.
| |
|
|
|
|
|
|
|
|
|
الترابي واعدام الاستاذ محمود محمد طه (Re: عثمان عووضة)
|
اخي عثمان
تبدو المطالبات التي يطالب بها الترابي نوعا من الرفاهية
وهنا يوجه الترابي خطابه الى الغرب,
وهو عراب النظام الذي كان يعرف التعذيب الذي تعرض له الالاف من الشعب السوداني
وهو حسب ما قيل من الذين اخترعوا بدعة ضرب المغضوب عليهم والقائهم في الشارع بدل الاحتفاظ بهم في المعتقلات
في هذه الحالة لا يمكن الموافقة على سجنه بدون محاكمة,
ولكن يجب اطلاق سراحه ومحاكمته على جرائمه في حق الشعب السوداني ,
ومن ضمن ذلك مساهمته في اعدام الاستاذ محمود محمد طه ,
فمعظم الناس الموافقين على سجن الترابي ينطلقون من ان الله يعاقبه على جرائمة السابقة
وهذه مقولة لا تصلح كاساس لبناء مجمتع ديمقراطي
المشاء
| |
|
|
|
|
|
|
|
|
|
Re: الترابي واعدام الاستاذ محمود محمد طه (Re: osama elkhawad)
|
اسامة الخواض
لك التحية
من يحاكم الترابي -هذا هو السؤال
طبعا البشير لا يمكن ان يمسه بشعرة لان اي ادانة للترابي تنطبق تلقائيا على البشير
اما الشعب السوداني فلا حق له في محاكمة الترابي -والا فما هو تفسيرك لاحتجاج البعض حتى على المطالبة بذلك؟
| |
|
|
|
|
|
|
|
|
|
في ضرورة توقير "الشيخ" (Re: عثمان عووضة)
|
كثيرون قد لا يتعاطفون مع الترابي لانه ,وغيره من الاخوان المسلمين ,
خرقوا ما نعرفه في كل الثقافات السودانية من توقير للكبير,
وخاصة للمسنين والشيوخ
ومن هذا المنطلق غير مسموح اخلاقيا باعدام الشيخ مهما كان جرمه,
لكنه اي -الترابي- وغيره من الذين هم خارج المنظمومة الاخلاقية السودانية,
وهي منظومة اتية الينا من شبه الجزيرة العربية القاسية,
امنوا على وساهموا في اعدام الشيخ الاستاذ محمود محمد طه ,
بالرغم من انه شيخ كبير ,
ولكنه ادهشهم حين نفض مركوبه,
وصعد الى المقصلة,
وحياهم مبتسما,
فنحن نحترم الكبير,
وخاصة من وصل سن الشيخوخة,
لكن الاخوان المسلمين لا يحترمونه,
ولهذا لا يحترمون شيخهم الروحي ,
والشيخ بحكم سنه؟؟؟
ولهذا قال فيهم الطيب صالح:
"من اين اتى هؤلاء؟
وهل ولدتهم امهاتهم؟؟؟
لكن ارجو الا يجعلنا ذلك نسير في دربهم السيئ
ولا يصح الا الصحيح
علينا احترام شيوخنا وتوقيرهم
المشاء
| |
|
|
|
|
|
|
|
|
|
Re: في ضرورة توقير "الشيخ" (Re: عثمان عووضة)
|
الأستاذ عووضة
تحية وبعد
أظنك خلطت بينى وبين وديوسف - ياخوي الحال من بعضو - أنا ذاتي بتي واحدة والباقيين صعاليك واتمني ما يكرروا تجاربنا الخايسة دي!!
طلحة محمد حمد السيد
ياخوي مسئول من الخير! مهدي الأمين دا هل ما زال في التعليم العالي؟؟؟
خالد
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
خالد
والله طلحة دا يلخبط الدنيا ومافيها
ماخلطت بينك و بين ود يوسف لكين رد طلحة جاء ناطي لي قدامي -سلمى و سارة و غادة و دينا- ربنا يحفظو ليهم و يحفظهم ليهو
بعدين بيني وبينك كترة البنات احسن لانهم حنينين وببكوا علينا كويس مش زي الشرامة ديل الواحد فيهم تلقاهو قاعد في بيت الفراش وشايل ورقة و قلم و قاعد يضرب في نصيبو في الورثة
| |
|
|
|
|
|
|
|
|
|
Re: الترابي في "عزلة طوعية" احتجاجا على شروط اعتقاله (Re: عثمان عووضة)
|
ياعووضة ياخوي الله لا شال حسكن ( افهمها!!!!!! )
الزول انعزل بى ارادتو وخلا ليكم الهواء البرا دا كلو ..
وانتو برضو شايلين حســــــــــــو ؟؟
سائل الله تميراتو دي ذاتا تكمل عليهو.. ونقطة موية ما يلقاها..
النشوفو داير يسوي شنو!!
عليك الله يا عووضة بلا الزويل دا الوصلنا حد شيل القرعة قدام العالم دا كلو منو ؟؟؟؟؟
سلام
| |
|
|
|
|
|
|
| |
عثمان عووضة
ودقاسم
jini
خالد فضل
talha alsayed
ahmed haneen
osama elkhawad
خضر عطا المنان
فيس بوك
تويتر
انستقرام
يوتيوب
بنتيريست