لست بناقد و لا بأديب أريب كما يقولون ولكني قارئ (على أدي) كما يقول اخوتنا المصريون .. يلفت نظري دائماًوسمعي وانفي واحياناً معدتي وربما ....... بما يوسمون بنجوم المجتمع .. في الادب والسياسة وربما (العواسة) .. وما يلوي نظري اكثر بدلاتهم الانيقة ونظرتهم الحالمة والتي في ظاهرها تبدو متواضعة اكثر من تواضع (فارام سيسي) وهم يتجولون في المساحات النظيفة في المجتمع .. (المساحات النظيفة مرجعية للعربة النظيفة والبيت النظيف واغتناء عدد من الاشياء النظيفة ومن ضمنها المرأة ...وكما قال (ص) (النظافة من الايمان).. لذا معظم السودانيون جيبوهم نظيفة (اللهم افسح لهم فسيح جناتك ) ..وكثيراًما يلوي ويسد مخارج ومداخل انفي روائحهم العطرة النفاذة وبشرتهم الناعمة الرقيقة واحذيتهم التي لا تزور بتاعين الورنيش . المهم احد هؤلاء النجوم واكثرها لمعاناً وبريقاً والقاً وتانقاً د. معز عمر بخيت الطبيب الاخصائي أو الاختصاصي . والشاعر (مع التحفظ كبير ومقصود على المفردة ) ذو المفردة الانيقة كما يطلقون عليه دائماً في سجالاته في التلفزيون والراديو والصحف وحتى في زاوية ونسة صغيرة بداخل (تكل حبوبتي التاية) مد الله في ايامها . وفي ونسات طالبات الجامعات الانيقات (البوديات ) : (من بودي) واضف انا الي ذاك الوصف بانه صاحب المفردة النظيفة والنظيفة جداً !! في الايام الفائتة استضافه التلفزيون المسمى(بالقومي) وتلفزيون العاصمة (ولاية الخرطوم )وتستضيفه جريدة الاضواء اسبوعياً (في عكس الريح ) ويستضيفه منبر سودانيز اون لاين بشكل دائم ويستضيفه الراديو احياناً والجرائد الحائطية بالجامعات احياناً اخرى وعدد من قصائده في الصحف اليومية ودواوين شعر انيقة ونظيفة ومجلدة بشكل مكلف مادياً خوفاً من عوامل التعرية الثقافية السودانية وتسضيفه ويستضيفه و.....و...... و....عموماً (الجتة بهية ) (والطلة انيقة )(والابتسامة نظيفة )... ولسان المذيعة اياها (راجياك ياابو شرا راجياك نفتو قرض ) والتسوي كريت في ..... وهلم جرا؟؟؟؟ المهم تاني : صفحة عكس الريح المكدسة بالآنسات وخوفا من انقلاب عاطفي صحفي جاء ت (المدام) بكامل عتادها ومالزم من ادوات المطبخ النظيفة وقالوا(العين الحمرة النظيفة ولا صمة الخشم ).. وبعد رحيل (ابو الجعافر) ولا اعرف الي اين ؟ بعد ان اصبحت الصفحة نظيفة اكثر من اللازم وابو الجعافر (بكتاحتو) ببقى زي (شنو البحشروا بين البصلة وقشرتها). المهم التالت: في عكس الريح (سارة حسبو) التي لا تمل البكاء على مايستحق ومالا يستحق والمفردة هي نفسها واللغة هي اللغة (واحي .. ووب ) ياها زاتا (الروووب) والمناظر هي زاتها والصور ونفس المشاهد . (وفاق عثمان) البتحاول مسك الحبل من النص مرة مع (التانين) ومرة مع (الخاينين) ومرة تالتة لا مع دا ولا داك.. يابت لملمي ورقك واركزي كان شفتي الريح صحي اعملي (اضان الحامل طرشة) .. و(سجيمان) توابل جديدة لصفحة طبيخة بايت وربنا يكفينا شر (المصران الاعور ) والظاهر يا سجيمان جابو صورتك عشان تكف العين ؟! بالمناسبة يا د. معز بعد صورتك وصورة المدام إبأالمرة القاية وحياة النبي تبأى تقيب معاك صورة الاولاد وحماتك وصورتك الخايف عليها وضروري بعد الصلعة ؟! وبمناسبة الطبيخ الخلا (جدية) المذيعة النظيفة تخلي المطبخ النظيف وتجي الجريدة دي شنو ؟ وبقت (تورق الملوخية عينك يا تاجر في الصفحة .. وزي مايقولو برضو (كل راجل بحب طبيخ مرتو )آها.. واحنا كربتنا في الدنيا شنو؟! واحنا مالنا ومال (الهوى) !! عموما اقترح اطلاق اسم بديل للصفحة مارايك د. معز ان تسميها (عكس النسيم).. والباب البجيك منو النسيم اقعد تحتو واستريح !!...
الأعزاء زملاء البورت.. قمت برفع هذا البوست حتى يتسنى للجميع معرفة المقال خاصة معز عمر بخيت حتى يكون الحوار مفهوما لمن لم يقرأ البوست وأكثر حرية و صدقا. و للجميع تحياتي.
09-22-2004, 08:36 AM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسماعيل مرغنى
عبير خيرى
فيس بوك
تويتر
انستقرام
يوتيوب
بنتيريست