سوال برى هل الموقع حكومة ...حزب...رابطة... ولا وطن بنحلم بيوه يوماتى صدق من قال هذا العبارة... زول عنده جهاز..قطع من وقتو..ومن مصاريف عياله وقال احسن اشترى كومبوتر واسسس موقع سماه سودانيز اون لاين استضافه على سرفرات الشركات الكبيرة..برسوم تدفع شهريا.. التف حوله ناس فى المنافى وناس فى السودان قد عانو من ظلم الحكومات...وناس تانين مؤيدين هذه الحكومات...الناس صارت تكتب وتكتب وتالف..وفى ناس تانين مش عاجبهم هذا الكلام...اها الناس بقت تتخاصم وتتداوس...وفى ناس بقت تهكر عشان توقف حركة الموقع فى ناس بتفكروا ان الموقع دا ممكن يغير الحكومة الليلة قبل بكرة..وفى ناس عاوزين يوصلو فكرتهم للشارع ..والشارع فعله مضارع...نفسه طويل ..ومامتسارع...اها الزول دا ما هو انسان مرات بزهج ومرات عنده شلليات واصحاب..بقولو ليه فلان دا غير صالح ولفلان داك حقو تصالح...ومرات عنده قرارت لوحده..ومرات بستشير..الرجل القارح...ودا كله عشان ما يتحمل النار والوجه الكالح...قام وقف زول مشاغب شلته قامت عنه تدافع...المسكين اتصل بيه وقام اعتزر..قال ليه خلاص نفتح صفحة جديدة.ولمن خاصمت تكن الريدة .بس فى ناس ما عجبهم قرار الرجوع..قامت نضرب وانشاءالله دار فور نجوع... وبعد كدا المنبر جاظ...مين الصاط..ومين اللاط..وهاك ياغلاط...اها صاحب الموقع فصل السلك..تعيش الدينكا يعش الشلك..وقال لمن هما سوف نقفل البورد لاجل غير مسمى...والليل على اخوكم عم..قرايت يس وقريت وسورة عم...عشان القى لى موقع جميل وعليه اتلم...حمت مواقع...ومشيت الشارع... وجيتكم راجع...لقيت الحال هو الحال...ولكن هنالك بريق امل ..وبعد القول العمل...اها صاحب الموقع قعد فى الشاطىء..والف قصيدة زى ابو قطاقطى..وقال احسن زول لمنبرنا العاتى ..عادل عبدالعاطى..ياربى وين الشاطى...هداك الشاطىء...يابقوتة.. ياشاماراتى....لكن عادل مالو زول كويس .وله خبرة فى الاداراتى...خلينا نشوفو الليلة...وسنة وسنتين...وبعده كدا نديه زول اماراتى وعشان نصل للبر والشاطىء..لازم نسير..خلف عادل عبد العاطىء..مجرد راى من زول بعاتى...بس بحب اقول لكل زول منظراتى...دا منبر عادى....جمعنا كلنا...وممكن ناس تسوى موقع تانى..وتصل الشاطىء وبدون عادل عبد العاطى... ابقوتة_فى الدوام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة