|
يا بكري .. أحمد ساطور ( ترهاقا ) أوف لاين...
|
هاتفني الأستاذ ساطور مساء امس .. ما قادر يدخل البورد .. ربما لسبب تقني .. علما أنو ما اتعرض إلي أي محاولة سطو .. مسلح أو عادي .. الراجل قدها وقدود ..
يااستاذ .. ربنا يحل القيد .. وكان داير الباص وورد حقنا ده بنديك ليهو
بس طبعا بتلاقيك مشكلة في الكيبور .. لانو ما بقبل ( رطانة ) الا نشوف ليك سوفت وير من ( حمزاوي )
|
|
|
|
|
|
|
|
Re: يا بكري .. أحمد ساطور ( ترهاقا ) أوف لاين... (Re: tmbis)
|
مجــرد .... مــزحــــــــــة
يا احمد لك التحية
انشاء الله تكون المشكلة اتحلت، وعدت لاهلك البورداب سالم
يا تمبس ساطور دا معاه اقوى الاسلحة البيضاء وما قادر يحل المشكلة
قول ليه والله ضربة واحدة تفرتق النت كلو كمان معاه الهكرز، المتلبد خلف الكواليس دا
ويا بكري خلي بالك من منتدانا دا اسلحتو كثرت خلاااااااااااااااااص ... الله يستر
لكم جميعاً التحية يا اخوان .............. مجرد مزحـــــــــــة
وليد
| |
|
|
|
|
|
|
Re: يا بكري .. أحمد ساطور ( ترهاقا ) أوف لاين... (Re: Abo Amna)
|
استاذ الفاتح يس سلامات .. ووين الحي بيك .. والله صاحبك ده لسه مشنوق بره .. انا اقترحت عليهو انو يطول العمة شويتين غايتو
شكرا يا باشمهندس .. ساطور ده رسل ليك وفي انتظار الرد ..
وليد .. والله ساطور ده خليهو ساكت غايتو كان مشيت البيت .. ووقفت قدام الباب الا تدخل الباص وورد يا تقول افتح ياسمسم .. وتبتسم للكاميرا
حمزاوي .. غايتو قريبك في الانتظار ولحدي الآن مشنوق .. غايتو كترو ليهو التركين يوم الجمعه
ندي امين منورة البوست .. وساطور علي عتبات الدخول .. بس شوية من الزمن ..
عمر علي ... الف شكر لمرورك .. بس اعمل حسابك ..ودنقر راسك شوية لي تحت .شوية لانو حسب علمي أنو الساطور الجديد ح يكون استانلس استيل...
يا بشاشا .. صاحبك في السكة .. وبيسلم عليك
يا ابوامنه والله انت الحيرتني .. غايتو علي حسب علمي ترهاقا كان عندو ساطور .. وبعدين راح منو .. وحسع اشتري ليهو ( نشاب ) بلاهي اتحرك معانا شوية ياخ ...
| |
|
|
|
|
|
|
|