كتب الكاتب الفاتح جبرا المتوفرة بمعرض الدوحة
|
|
 شماااار : أمراة زوربا تعلن موات الغياب وتحتشد ها هنا ,, متنه حد الفرح
|
كان
في كل مرة بستدعي الخواطر
ويبدأ يلملم شتات صورتك وتكتمل جواهو من جديد
ويرجع الشريط ويقعد يفتش علي حلقات السيناريو القديم
يناديها:
ما عايزك من جديد ..
عايزك الماضي وبكرة وهسع ..
عايزك زي حكاوي الحبوبات وحجاويهن لي فاطمة السمحة عنك يا السمحة ..
ما فارق صدرك حضن الليل ...
وانا البلد الصدّت شمسها ماشة تنوم ..
مع أني عاقد زفاف آخر كلام قلناهُ في ساعة سكات ..
بس ضروري شديد نطلِّق صمتنا بي لغتين ..
زي نيلين ..
جارين عليك
واصلين ضفافك
صادين هنا
وهناااااااااك ...
في أطراف النهر
اتناقلن بنوت من اطراف الحلة الخبر
شالنو وقالن :
ود الدخري
الزين شال عشمو شيلة وقولة خير للبنية قمر دورين
وتكمل الفرحة بي وجودكم
والشمار ... أكيد
ويا أساسي وتبلدي ودكين وجمال وكل العذاب فاتكم واحد
اها العقبى ليكم
أبنوسي
|
|
 
|
|
|
|
|
|
|
|
Re: شماااار : أمراة زوربا تعلن موات الغياب وتحتشد ها هنا ,, متنه حد الفرح (Re: tabaldy)
|
| Quote: اسمعوا الموضوع شنو ؟ |
إذا النجوم تجمعن وزانن سما ليالينا.. إتلموا الحلوين وإتكسّــروا ناس حسب الله ..
أو ( الحاجة البكتبوها في كروت العزومة فوق يا تراث ) ..
آل زوريـــــــــا وآل .... أيه
لهم عظيــــــــم الشرف بي دعوة سيادتكم لتناول طعام العشاء بمنزلهم الكائن في محافظة صنعاء .. ميدان التحرير .. شارع القيادة .. منزل السيد عثمان تراث وأولاده .
الزمان : مفتوحة
اسمعوا الموضوع شنو ؟ :
ولدنا زوريا قنع من ناس حسب الله وداير يفارق دربهم , ويثبت عكس قناعات شباب زراعة وبطاطس شمبات , رغم إتفاق البعض إنها ( عملية ما كويسة منك يا زوريا ) ..
وشوف عيني في الشاشة ال أل جي 17 بوصة القدامي دي يا تراث أخوي الموضوع ما ظنيتو هظار ..
أها أديتك طرف الخيط وإنت قاعد معاهو هناك . زرزرو وورينا ما وراء ال أل جي 17 بوصة شنو .
منتظرين
و
أبنوسي
| |
|
|
|
|
|
|
|
|
|
Re: شماااار : أمراة زوربا تعلن موات الغياب وتحتشد ها هنا ,, متنه حد الفرح (Re: زوربا)
|
سلامات
وعوافي
هذه شلهتا مابعدها ياجماعة فتوهو لينا هنا خلو حشانا يبرد
يازورباالصبر ..صبر شنو يازول ... انت قايل سيدنا ايوب دا مات في حادث حركة..
استعجل والا سوف اعلنها عليكم محبة ضروس من الان وذي قبل وذي بعد وذي كل حاجة
شفتا كيف اخوك الشمار حارقوا
تاني انا اخش زي بوست تبلدي دا اكون كضبتا عليكم لانو خلاني زي الزول الجعان وبيحندقو فيهو بي سندويتش بيرجر كبيرررررررررر
لكم المحبة نيلين وشواطيء حنين
| |
|
|
|
|
|
|
|
|
|
Re: شماااار : أمراة زوربا تعلن موات الغياب وتحتشد ها هنا ,, متنه حد الفرح (Re: ودرملية)
|
الأعزاء البورداب
والشوق الجاري عليكم
في البدء اشكر لكم كثير اهتمامكم لكن يبدواان التهاني جاءت علي عجالة بعض الشي وان كنت في حالة تستحق جزيل التهاني
جاءت هذه الانثي الملكية البهاء لتعلن جديا موات الغياب
لتعلن حالة من الفرح المنتهي في داخلي .... لتعلن زمنا لفرح لا مساحات للحاقدين والمغرضين ومريضي الأنفس , جاءت رغم كثر الامنيات
لي ان لا تأتي .. جاؤت لتهزم امنياتهم
شكرا لها حدا الفرح
شكرا لكم جدا وأكيد برضوا معزومين لي قدااااااااااااااام
دعواتكم
| |
|
|
|
|
|
|
|
|
|
Re: شماااار : أمراة زوربا تعلن موات الغياب وتحتشد ها هنا ,, متنه حد الفرح (Re: زوربا)
|
Quote: الأعزاء البورداب
والشوق الجاري عليكم
في البدء اشكر لكم كثير اهتمامكم لكن يبدواان التهاني جاءت علي عجالة بعض الشي وان كنت في حالة تستحق جزيل التهاني
جاءت هذه الانثي الملكية البهاء لتعلن جديا موات الغياب
لتعلن حالة من الفرح المنتهي في داخلي .... لتعلن زمنا لفرح لا مساحات للحاقدين والمغرضين ومريضي الأنفس , جاءت رغم كثر الامنيات
لي ان لا تأتي .. جاؤت لتهزم امنياتهم
شكرا لها حدا الفرح
شكرا لكم جدا وأكيد برضوا معزومين لي قدااااااااااااااام
دعواتكم |
الترجمة
يعني بي البسيط والواضح كدة , مشيت لي النجار عشان اوضة النوم لقيت الدولاب ستة ضلف بي تلاتة ملايين , والاربعة بي مليونين , والضلفتين بي مليون , اها حمار الهدوم مابنعيبو إلا كمان مافي هدوم من أساسو شان كدة قلنا الدولاب سترة حال والملايين دايرالا كمين سنة غربة وقهر وكدة ..
ده غير توب الخالة وتوب العمة وتوبة من ناس شيل شيلتك تلاتة تلاتة ..
اها فكرنا نشيل الكلام ده نوديهو لي ناس نيفاشا , أصلهم أحسن ناس ممكن يصلوا لي حلول , يطولوا الموضوع ويلوكوهوا ويمطوا فيهو لحدي ما يلاقوا لينا طريقة , بس لي الحين داك دعواتكم وتهانيكم لينا ما تنقطع , أصلها البنية زينة وعاجباني كتير كتر
لي قدااااااااااااااام
___________________
أبنوسي
ترجمة فورية وتسويق شلاقات وشمارات واشياء اخر
بس توووووووووووبة يا زوريا منك توبة
| |
|
|
|
|
|
|
| |
HOPEFUL
اساسي
زوربا
توما
حبيب نورة
تراث
Rawia
Soumeta
zola123
ودرملية
mohammed alfadla
Ashraf Mahmoud
فيس بوك
تويتر
انستقرام
يوتيوب
بنتيريست