|
|
 خـــــاطر الفـــــرح -شـــــعر-
|
--------------------------------------------------------------------------------
لملمت من خاطر الفرح
واللهفة والشوق الدفين
حتة مشاعر تحكي ليك
يا غالية افراح السنين
تديكي من روحي الامان
يا طيبة يا كلك حنان
تلقيني فرحان بيك كمان
و ارقّّص الفرح اللفيك
والله يا نور العيون
لمن اسافر في عينيك
ويحضني شوقك والشجون
الرقة والطيع الحنون
القاكي يا نور الصباح
القاكي في جوايا كون
والقاكي في حسي النغم
و سكة مشاويرك تهون
يا غالية يا طبعك حنون
اشتقتى لي الصوت الندي
اشتقتى لي الضحكة الحنان
لي الرقة وقتين ينشرح
خاطر الزمن يدي الامان
و اشتقتى ليك والله جد
قوليلي يا قمر الزمان
قوليلي كيف اقدر اجيك
وخليني افرح بي مجيك
والله هداني البعاد
الوحدة والليل السهاد
و الغربة ادتني السفر
راجيكي ضيعتى الميعاد
فتّر دميعاتي السهر
قوليلي يا شبه القمر
والله مليت العناد
و الدنيا كيف غيرك تكون
يا غالية يا طبعك حنون
لو شفتي يا خاطر الفرح
لمن يداعبني الامل
القاكي في كل العيون
القاكي في وسط الاهل
اتجارى تتلفت خطاي
امكن مشاويرك تصل
مرات احسك في غناي
اجري و اقبل بي قفاي
يغلبني اكتم سر هواي
والله يفضحني الوجل
و غير هواك انا ما بكون
يا غالية يا طبعك حنون
|
|
 
|
|
|
|
عبير خيرى
فيس بوك
تويتر
انستقرام
يوتيوب
بنتيريست