|
|
 يا ناس خلونا نفرح شوية،،الف مبروك ،، يوم الخميس ود شندي عريس ،
|
يوم الخميس القادم 15يوليو
سوف يستشهد احد اعمدة دنيا العزوبية
في المملكة ،،
حيث يتم اكمال مراسم زواج الرائع ود شندي
وتقام الأفراح بالمنطقة الشرقية
وسوف تتحرك سيرة بورداب الرياض بقيادة
الخال ود قاسم ،، وصديق الموج
والبربرواي ابوجهينة الذي اجل سفره
لكي يشارك ود شندي فرحته
وسوف يصطحب بورداب الرياض الفنان الرائع
وعضو البورد عمار السنوسي
وهذة دعوة للجميع
وخاصة بورداب الشرقية
|
|
 
|
|
|
|
|
|
|
 Re: يا ناس خلونا نفرح شوية،،الف مبروك ،، يوم الخميس ود شندي عريس ، (Re: ahmed haneen)
|
ألف مبروك ودشندي
و نطالب شعراء الرياض و على رأسهم نصار الحاج و صلاح شتات بتأليف أغنية و تلحينها على ساطور و إهداءها للعريس ليتغنى بها عمار يوم الحفل ..
للأسف الشديد .. و لظروف قاهرة لن أتمكن من تأجيل سفري لذا سأكون معكم قلبا و قالبا و سأتابعكم من السودان بحول الله ..
بيت مال و عيال يا ود شندي
و أنا واثق من برادبة الرياض سيقومون بالواجب كما عودونا دائما فهم من خيرة الرجال ..
و الله الموفق
| |
|
|
|
|
|
|
|
|
|
Re: يا ناس خلونا نفرح شوية،،الف مبروك ،، يوم الخميس ود شندي عريس ، (Re: Hadia Mohamed)
|
يا ناس الرياض وينكم
لا أسكت الله لكم صوتاً
فيما يتعلق بما أوكل لي أنا وأخوي الكاشف معتصم دفع الله، فإن الإمور تسير بصورة جيدة لكنها بطيئة نوعاً ما.
عمار السنوسي جاهز.. وقلت ليهو يا أخي طرق صوتك ساكت أصلك حتغني من الرياض لغاية الدمام.. يعني لزوم ما نقصر الطريق وكده.
يلا يا شباب كثفوا الإتصالات
حددوا مكان للتجمع
وكيفية التجمع
يلا نسمع منكم
| |
|
|
|
|
|
|
|
|
 Re: يا ناس خلونا نفرح شوية،،الف مبروك ،، يوم الخميس ود شندي عريس ، (Re: إسماعيل وراق)
|
عماد يا ود شندي
الف مبروك عليك عشان انت راجل شهم واصيل واخو الاخوان وتستاهل كل خير
وكمان ديونك على ناس بورداب الرياض كثيرة عشان كدا جاينك بالعديل والزين
ويشاركوك الفرحة عشان الفرح ليك تبقى فرحتين وبرضو يبقى قســط اول لاقساط قادمات
والله يقدر الجميع على التسديد، المهم يا زعيم ابشر جايك اسطول عديل ابقى جاهز واركز
والعرضة العملتها في يوم تبلدينا عايزين هناك تكون قدرها مرتين أو اقول ليك خليها احسن مجموعة عروض
على العموم تاني وثالث ورابع والليلة وبكرة وبعدو مبروك مبروك مبروك يا ود شندي المبروك.
يا ناس بورداب الرياض
اطمنكم ان الامور كلها ماشه على قدم وساق ولله الحمد في متابعاتي التي تاكد تكون شبه يوميه مع الاخوان
وكنت بمثابة العين الثالثة لهم وخصوصاً من جانب الاخ / اسماعيل وراق والاخ / معتصم دفع الله والاخ / علاء الدين
علاء الدين "تمبس" من جانب وناس ودقاسم وأبوجهينة وصديق الموج وبقيت العقد الفريد من جانب اخر يا أخوانا بسم
الله ماشاء الله اتصالات مكثفة بين الجميع ومشاورات في كل الامور صغيرة كانت ام كبيرة، وعمار السنوسي دا سمع
اضاني مع اسماعيل دا مطرق صوتو وجاهز تب بس ابقو جاهزين وامشوا لي قدام، كمان من ناحية السيرة والعربات شوف
عيني هسع اظن يكونوا في تفتش الرياض يعني في مناطق التماس بين الرياض يناغمو ويسولفو مع ناس الشرقية بينهم
وبين الوصول لحظة شهيق واقفين على باب الدخول "حبابكم عشرة بلا كشرة" قنبو طول واقعدوا عافية
جايين تاني عشان موضوع التغطية وكدا..... وعقبال الجميع ما يغطي قدحوا وكمان ابو القدح يهدأ ويرتاح بالو
ولــيد
| |
|
|
|
|
|
|
|
|
|
Re: يا ناس خلونا نفرح شوية،،الف مبروك ،، يوم الخميس ود شندي عريس ، (Re: waleedi399)
|
اها ياابوزينب ..
بقينا مارقين .. عاد اتحزم لينا.. جاييك جيشا يسد عين الشمش ..
متحزمين .. وبي نقارتنا..
وسع لينا الداره .. في ناس عرضه وصقريه .. وفي حناكيشا بياكلو النار وناس حوبه ..
ح نفقد استاذنا ابوجهينة مع دعواتنا ليهو بالسلامة ..
وليد ومعتصم كلو علي السليم .. والليلة واصل ساطور ان شاء الله بي ليلي ده .. دي أخر ترتيباتي ..
اسماعيل وراق . الفرحه فرحتين .. وبقترح عليك تمشي تعتقل ليناعمار ده وتعمل ليهو معسكر مقفول من الليلة ولياقات .. بس بعدو لينا من السكريات عشانو صوتو ما ( ينقرش ) 
الصادق خليفة.. الكاميرا ... الكاميرا .. الكاميرا .. ونعمل حسابنا من بدري شان ما نتورط زي المره الفاتت
ودي دفره مني للناس المعانا..
| |
|
|
|
|
|
|
| |
ahmed haneen
Hussein Mallasi
ABUHUSSEIN
almohndis
Rakoba
ود محجوب
ابو جهينة
ودقاسم
JAD
صديق الموج
معتصم دفع الله
Elmosley
إسماعيل وراق
waleedi399
tmbis
الجندرية
HOPEFUL
فيس بوك
تويتر
انستقرام
يوتيوب
بنتيريست