|
بورداب الامارات قضينا ليلة ساهرة
|
بدعوة كريمة من الاستاذ رجل الاعمال عضوالبورد على اسماعيل احتفالا باطلاق موقع الاستاذ الشاعر الكتيابى قضينا ليلة ساهرة تضمنت محاسن شعر جميل بالقاء رائع من الشاعر المبدع كتيابى مداخلات لقاء مع اعضاء من البورد كتيابى على اسماعيل مهندس الموقع عضو البورد الشاب الرائع ود الجيلى عباس الذى تكبد مشاق الحضور من العين له التحية حسناوات البورد داليا ووالدتها شذى وصديقتها اشراقة حيمورة وشباب جماعة نادوس الثقافيةالجريفاوى وثق بهمة عالية كعادتة دايما بالصور العشاء بوفيةمفتوح يعنى تاكل حتى التخمة وانا ما قصرت فى سلطة الفواكة وام على افتقدنا شلبى خالد عويس عجب الفيا احمدطه الزنجى تاج السر طبعا ما بيفوت الكورة عمر عزيزمزنوق فى امتحانات الدبلوم العالى له التوفيق تحدث على اسماعيل وبلفتة رائعة ارسل تحايا للريس بكرى الذى جعل لقاءنا ممكنا قدم شباب نادوس هدية للاستاذعلى وقدم على هدية للاستاذ الكتيابى تحدث المهندس عاطف ودالجيلى عن تصميم الموقع تحدثت نيابةعن البورداب عن موقع سودانيز اونلاين الشكر لعلى والكتيابى
|
|
|
|
|
|
|
|
تحيات بلا حدود الى بورداب الأمارات من دون فرز (Re: mohmmed said ahmed)
|
كم تمنيت أن اكون حاضرا هناك في الشارقة .. لأتعشى وأتعشى .. ليس خبزا ( أم على أسالت لعابي ياودالجبل يا كريم ) ولكن لكي أتعشى ابداعا وكلما وشعرا ونثرا .. فلله دركم يا بورداب الأمارت ( بلدي الثاني وربما الأول ولو لحين !!!!! ) وعبرك ياود الجبل أمد يدي مصافحا لكم كلكم فردا فردا وفي المقدمة هذا الشاعر وصديقي الضوء في ظلمة الليل البهيم ود أهلي الكتياب عبد القادر وأهنأه على داره الجديد في عالم التكنولوجيا وأأمل أن أكون يوما من زواره للتبرك وغسل ذنوب البعد عن الوطن
| |
|
|
|
|
|
|
بورداب (Re: mohmmed said ahmed)
|
اخونا خضر عطا المنان صحفى سودانى مقيم بالدنمارك كما يظهر اسمك فى القنوات الفضائية الف مرحب الشكر لناسوعلى اسماعيل المضياف والكتيابى الصادح شعرا نحنا بس اجر المناولة الدعوة ليك بتشريفنا فى الاسبوةع الثقافى
| |
|
|
|
|
|
|
Re: بورداب الامارات قضينا ليلة ساهرة (Re: mohmmed said ahmed)
|
كانت ليله من احلى الليالي
واحلى ما فيها انها تكريم لشاعر
والجميع استمتع بها
وكان العشاء متنوع ومغذي وكتيييييييييييير و فيه تحليه كماااااااااااان
وخسارة للذين لم يحضروه وكان حقهم محفوظ وفي النهاية شالوه ناس المطعم
وكان اختيار مكان التكريم موفق وطبعا لمن لايعرف مطعم الطائرة في دبي هو مطعم على شكل طائرة في كل شي وفي مكان مميز في دبي
وشكرا لرجل الاعمال الاستاذ على اسماعيل وربنا يمتعك بالصحه والعافية ويخليك للسودان
والشكر للاستاذ بكري امين الموقع لانه هو السبب الرئيسي في جمع كل السودانين خارج الوطن في بيته الكبير
| |
|
|
|
|
|
|
Re: بورداب الامارات قضينا ليلة ساهرة (Re: mohmmed said ahmed)
|
الاخ محمد سيد احمد تحياتي بالفعل..كان يوما مميزا وجميلا ,, وكانت امسية يصعب نسيانها,,,حضر من سودانيز اون لاين ,,الجريفاوي,,داليا (بنت الاحفاد2003) المهندس عاطف,ABAS,,وآخرين,,افتقدنا الزنجي وشلبي وعمر عزيز والاخت مناهل,, نشكر الاخ علي اسماعيل كثيرا على هذا الاحتفاء الرائع باستاذنا الكتيابي,, فكل التحايا لاستاذ الكتيابي,, وكل الشكر والتقدير للاخ علي اسماعيل
| |
|
|
|
|
|
|
Re: بورداب الامارات قضينا ليلة ساهرة (Re: يا بت يا نيل)
|
[B]الاخ الصديق / محمد سيد احمد - لك الود والتقدير
اخجلتونا والله بتواضعكم - الحفل كان ناجحا و مبهرا بكم ومنكم - نحن الضيوف وانتم اهل الدار - شرفتونا ورفعتوا راسنا فى العلالى - نسأل الله ان تدوم الصداقات بيننا ونشكر الاخ / بكرى ابو بكر الذى هو سبب و شرف التقائنافله التحية والانحناء - نشكركم جميعكم بورداب الامارات - لقائكم كان شرف لنا ونعتز به و وستظل انشاء الله الصداقتة والتواصل بيننا محمد سيد احمد الجريفاوى عباس الشاعرة يا بنت يا نيل بنت الاحفاد 2003 مهدى عبدالله بابكر والضيوف جميعهم والشكر الى كل من اتى وساهم وبالاخص شاعرنا الكبير الاستاذ/ الكتيابى -واسرة نادوس التى اعجز عن التعبير لما قدموهه لنافلهم منى كل الشكر والتقدير -على الحفاوة والتكريم الخاص نسأل الله ان عند حسن ظنهم - والشكر لجميع البورداب لوضعهم لنواة الاسبوع الثقافى ونحن على اتم الاستعداد لنساهم معا لارساء مثل هذه الصالونات الادبية - ودمتم ولكم حبى وتقديرى
| |
|
|
|
|
|
|
بورداب (Re: mohmmed said ahmed)
|
الاخ الصديق على اسماعيل لك الشكر دوما على اتاحة الفرصة لنا للالتقاء فى دلك المكان الجميل مهم جدا اجتماع الجمعة القادمة للتفاكر حول الاسبوع الثقافى ويا حبذا لو جبتا لينا بورداب دبى خالد عويس وعجب الفيا وتاج السر
يابت يا نيل عليك بى حسناوات البورد
عبد الله بابكر ليه ما تعارفنا حضورك ضرورى الجمعة
| |
|
|
|
|
|
|
Re: بورداب الامارات قضينا ليلة ساهرة (Re: mohmmed said ahmed)
|
الاخ محمد سيد احمد
شكرا للسؤال لكن ياخوي انا كنت واقف جنبك لما كنت بتاكل في التحلية ومااااااااالي صحنك للاخر ( على اسماعيل ربنا يده الصحه العافية حتى التحليه كانت كتيرة )لحدي خلتك ما تشوفني مع اني انا سلمت عليك بلاسم واسال الجريفاوي وعباس
الاخت مناهل شوفي موبايلك المكالمات التي لم يرد عليها حا تلاقيني متصل بيك اكتر من 10 مرات وانت ما رديتي علينا ما عارف الحاصل شنو
وعباس سالني منك وقلت ليه انك ما بتردي على الموبايل واحتمال تكوني نائمة لانو الايام ده تعليم السواقه هادي حيلك
الاخت يابت يا نيل انا كنت موجود برضو ؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: بورداب الامارات قضينا ليلة ساهرة (Re: mohmmed said ahmed)
|
الاخوه بورداب الامارات تحياتى وبالهنا والشفا والله بى تحليتكم دى عقدتونا عديييييل والاحلى من ده كلو الاجتماعات المتكرره لاعضاء البورد داخل وخارج البلد وحقا الشكر للباشمهندس لانو حوشو كبير جدا اتمنى ان اراكم بيننا فى الداخل عشان نوريكم التحليه الماخمج اصلى بموت فى التحليه واخواتها وياعبدالله بابكر قلت لى العشا كان كيف؟ تسلموا كلكم ام الاء
| |
|
|
|
|
|
|
|