|
|
 للمشوكشين فقط ...
|
راحل
راحل بعيد عن حياتك
لو خلاص حبيتى ارحل
واحجب خطاى عن لقاك
والمسافة البيناتطول
لوكان مناك اكون بعيد
اكيد مناك باكر بيحصل
الخداع فى الريدعذاب
اصلوما بيرضاه يقبل
والمصير لازم نعيشو
لوجراح باكر بتدمل
كان مناى تكونى لى
اعيش معاك فى الريدة اطول
كنت اضحى بكل غالى
وكل لحظة نعيشها اجمل
بس قريت اسرار عيونك
شفت فيها الريد تبدل
وشفت فى الاعماق سراب
كيف بنقدر منو ننهل
وعارفك كمان غيرتى دربى
وما اظنى لى دربك اوصل
** ** **
ياربى ارحم لى حبى
ارفع ايدى ليك اسال
تحقق ليهو كل مناه
و لى سعادتو ياربى اكمل
واجعل عزاى فى زكرياتو
وصبر قليب بالحب محمل
تحياتي
بامسيكا
|
|
 
|
|
|
|
|
|
|
 Re: للمشوكشين فقط ... (Re: HOPEFUL)
|
HOPEFUL
سلام يا حبيب
الوجع هو الالم والالم يحتاج إلى طبيب وانشاء الله يا حبيب يجي اليوم الانت تطيب فيهو وتنسي هذه الاوجاع انشاء الله تكون فهمتني يا حبيب . لكن بيني وبينك في اوجاع بتكون مستديمة ؟؟
اشكرك على المداخلة يا عظيم
التحية لك
| |
|
|
|
|
|
|
|
|
|
Re: للمشوكشين فقط ... (Re: bamseka)
|
بامسيكا....سلام... وسلام للحضور الجميل
وهاك ده من كلام اخوك المحلق عاشق تاجوج
طول الليل مساقد وليلي كلو هموم
بحسب في كواكب الليل بدور ونجوم
البنوت بلا ست الحشا المبروم
يا عزرائيل تعال لملم عقابهن وقوم
| |
|
|
|
|
|
|
|
|
|
Re: للمشوكشين فقط ... (Re: تولوس)
|
لا يا حبي لا
لا تخيب فيك الرجاء
دموعي مهما سالت
تأكد اني بكره بجففه
غرورك وكبريائي
ارض وسماء
مستحيل ليهم لقاء
لا يا حبي لا
الجرح نزيفو ابتدأ
آآآآآه اسمعه
وتاني ااااااه بردده
حبك فيني انتهي
--------
بمسكه امسك دي وكل ما نجيك مارين بنخرف ليك اون لاين اتحملنا شويه يا حبوب
| |
|
|
|
|
|
|
|
|
|
Re: للمشوكشين فقط ... (Re: تولوس)
|
الغالي / تولوس
البنوت بلا ست الحشا المبروم
يا عزرائيل تعال لملم عقابهن وقوم
والله كلام... دا باين عليهو موجع الوجع الصح صح ياخوي
اشكرك اخوي تولوس لك التحية والتجل ....
الرائع
HOPEFUL
في انتظار المزيد يا عظيم فلا تبخل من كتاباتك الملهمة الكلم والمعاني لك كثير الشكر.
| |
|
|
|
|
|
|
|
|
|
Re: للمشوكشين فقط ... (Re: abas)
|
الاخ عباس
انك ترسم بوجهك المنير .. فتي مدينة مدني البار الاخ الفنان المحترم عصام محمد نور
بعدين يا عباس الصلعة دي والله الشاكوش جاي فوقة 100%
لك تحياتي واشكرك على طلتك مليون سلام يا عظيم ..
| |
|
|
|
|
|
|
|
|
|
Re: للمشوكشين فقط ... (Re: james)
|
سلالالالام يا جيمس اخبارك يا حبيب والله مشتهيك عدييييل يا جنا .. وبعدين رقمي رسلو ليك قبل كدا ... اخبارك وصحتك
00966501988659
والله يا حليل البورد وايامو وايامكم يا جيمس
| |
|
|
|
|
|
|
|
|
|
Re: للمشوكشين فقط ... (Re: bamseka)
|
* مسطول مشوكش سألوه عن أجمل بيت شعر قال: كلما نربي كتكوت يكبر ... يفوت!!
التحية لكل المساطيل والمشوكشين والتحية من قبل وبعد لكم ...
| |
|
|
|
|
|
|
|
|
|
Re: للمشوكشين فقط ... (Re: تولوس)
|
الغالي بامسيكا
حمدا لله على السلامة يا زول يا رائع
افتقدناك كثيرا
بركة في الشوفة .. وتعال تاني كل يوم وخلي الكواكيش بعيد
عايزين كلام من النوع التاني
كل الود
| |
|
|
|
|
|
|
|
|
|
Re: للمشوكشين فقط ... (Re: motaz)
|
الحبيب / تولوس
لك تحية من القلب
المعتز / ابن دار جعل حباب الطله يا حبيب
ومالك يا اخوي منقطع عن البورد وين كتاباتك المميزه
لك التجل والتقدير يا دار جعل.
| |
|
|
|
|
|
|
|
|
|
Re: للمشوكشين فقط ... (Re: tariq)
|
طارق
ما احلى واجمل نكات المساطيل
قاليك في واحد فلاتي قاليهو ادخل كلمة has في جملة مفيدة قال : حسبي الله ونعم الوكيل .
التحية لك يا حبيب
بنت الجزيرة
اينه انتي اننا نفتقد في هذا المنبر تلك الروايات التي تنثريها عن الواقع الذي يمر بمجال عملك اشكرك مع خالص تقديري يا عظيمة .
| |
|
|
|
|
|
|
|
|
 Re: للمشوكشين فقط ... (Re: bamseka)
|
لو ان خيطا من زمان النور جاء
لنسجت منه عباة طرزتها شوق السيدة
النساء
ومددت من كفي شراعا
عابرا كل المدائن
حاملا شغف اللقاء
بامسيكا....تحياتي لك اخي الحبيب
| |
|
|
|
|
|
|
|
|
|
Re: للمشوكشين فقط ... (Re: bamseka)
|
بامسيكا شكرا يا غالي للهدية الحلوة.....
لها ذكري تثير لهيب وجدي
ولي فيها حبيب صار قلبي
وقد اولته حبي وودي
انا من بعده صب معني
فكيف وجدته قد صار بعدي
وهل لازال يذكرني ويرعي
علي طول النوي والبعد عهدي؟
بعد الشاكوش طبعا
| |
|
|
|
|
|
|
|
|
 Re: للمشوكشين فقط ... (Re: bamseka)
|
الحبيب بامسيكا تحياتي
دخلت بس قولت اسلم عليك وعلى الرائع تولس
الكلام كتيييييييييييييييييير بس هنا ما محله
الحيطان ليها ودان
اخخخخخخخخخخخخخخخخخخ منك ياهوبفل كدة بس
| |
|
|
|
|
|
|
|
|
|
Re: للمشوكشين فقط ... (Re: ebrahim_ali)
|
بامسكا ياركن البورد الما بهد شفتا لما رجعتا تكتب لميت الحبايب لمة حلوة
كتر لينا من الحب والشواكيش
وبعدين كنتا منتظر اللفة ياجنا قالوا جات واحدة لكن مااظنها
بكون ناس فوكس جمركوها
| |
|
|
|
|
|
|
|
|
|
Re: للمشوكشين فقط ... (Re: شمهروش)
|
الشمهروش
سلام يا حبوبه
والله مشتهيكم عديل يا جنا
الخبر يا عشا البنيات
انتو اللفة خبره جاكم .. منكم الخوف
تحياتي للعيلفون شارع شارع
| |
|
|
|
|
|
|
|
|
|
Re: للمشوكشين فقط ... (Re: bamseka)
|
Quote: ارفع ايدى ليك اسال
تحقق ليهو كل مناه
و لى سعادتو ياربى اكمل
واجعل عزاى فى زكرياتو
وصبر قليب بالحب محمل
|
بامسيكا...
أثرت في شجونا كنت اكتمها؟؟؟؟
| |
|
|
|
|
|
|
|
|
|
Re: للمشوكشين فقط ... (Re: bamseka)
|
الرائع بامسيكا والأروع تولس تحياتي وعظيم امتناني
ياجماعة ما قلنا للحيطان ودان بس معليش مشاركة تحصلت عليها في صحيفة المشاهد ربما تخبر عن حدث ما
دعيني ارحل
دعيني اتلمس خطاي
بين عيونك السوداء
دعيني اتلمس خطاي
بين عيونك البيضاء
دعيني احمل حقائبي
وارحل من بوح الازدراء
كم ضاق الصدر بما فيه
وطال الانتظار والعناء
ليتني كنت اعلم ان
الصدر يضن بالشقاء
لقد كان حبك سراً
احتواه الكبرياء
جئت اليك بعد ان ظمأت
ساحات شوقي وسادها الجفاء
انت ذلك السر الذي اختفي
في عيون الكبرياء
عيونك رجعتني اكتب
سر الالم والشقاء
عيونك عبق الحروف
عيونك عاشت في السويداء
للشاعر عبد العزيز البدوي يوسف
| |
|
|
|
|
|
|
|
|
|
Re: للمشوكشين فقط ... (Re: bamseka)
|
السامق كبرياءٍِ وفرحاٍ بامسيكا
شوق وكلمات تحمل في محتواها كل ماهو عميق...
وشكر بقامة وطن معطاء علي ردك الشامخ....
شوف ابراهيم علي جايب شنو
Quote: لقد كان حبك سراً
احتواه الكبرياء |
يعني بولع فينا زيادة...
اخي بامسيكا ..
انا طبعا ماشايقي لكن عندي موده خاصة للشوايقة
وكنت بحب شعرهم شديد وكنت حافظ كتير منو
ومرات بترنم بيهو.....
هسة انت خليتنا نرجع شوية وننحت وتجينا
كلمات اتنفض منها الغبار...
وعلي وجه التحديد بوستك ده ذكرني اغنية كان
بترنم بيها الفنان محمد جبارة..
فيها مقطع بقول...
ضوء القميرة جاء من بعيد بهر قدل
دافر ظلام الحلة قدامو وصل.....
الليل بعيد بي غادي في اخر الديار
راكوبه كلها حارة من حر النهار
كوم من بروش وجريد تمر عيدان صغار
ودروت هدوم موروثة من زمن الكبار
وتلات عناقريبن صغار كرابة متقطع نزل
والنوم من البيفوقها روح تب جفل
قاعد هناك مركب مسافرة بلا شراع
ودموع ضياع تتجاره من غير انقطاع
أحرف انين ماخطتهم ايد بي يراع...
اوع بس تكون جعلي تتحمق وتزعل..
ولي عودة انشاء الله
| |
|
|
|
|
|
|
|
|
|
Re: للمشوكشين فقط ... (Re: bamseka)
|
عزيزي ابراهيم علي..
مودة بلون البنفسج..
وسلام خاص برائحة قهوة الضهرية..
في راكوبة صيفية ....
وشوق ...بلون شاي المغربية ..
مع لمة اسرية ...في حوش تغشاهو نسمة
تزكرك الحبييبة والزكريات بحلوها ومرها ..
اشكرك ايها الرائع فقد عدنا الي زمن ماقبل الرغبات
ودعلي لقد اعدتني الي كلمات علي عبد القيوم
تلك الرائعة التي غناها ابوسامر
Quote: مت فى قلبى..
وأدارى قلبى المكسور
كِبراً قد تبسم
فأغنى فى الربيع الغض
والإشراق فى الآمال مطعم
ذبحت كفاك قلبى
وتوسدت قلباً من حجر
أنت ظلم أنت جور
أنا إحساس وحب وشعور
أنا فى العالم فرحة
أنا فى الظلمة نور |
مالعلاقة ياتري بين كبرياءك المذكور وكبرياء علي عبد القيوم؟؟
ولي عودة انشاء الله
| |
|
|
|
|
|
|
|
|
|
Re: للمشوكشين فقط ... (Re: bamseka)
|
غردي يا عصافير وارسلي تحياتي
واحملي له عبير الورد قبل السلام
فانه عنوان كلماتي
وارعدي يا سحابتي..
وامطري الشوق وعدا وحبا
فانه من بعض ذاتي
| |
|
|
|
|
|
|
|
|
|
Re: للمشوكشين فقط ... (Re: tiger18)
|
الروائع ياروائع بامسكيا تولوس تايقر تحياتي وعظيم احترامي
*تولوس يارائع لك التحية وأنت تنثر الفرح بريشة فنان ماهر ومعلم حاذق لك التحية والتجلة وللأحباب القراب والبعاد ألف محبة وسلام
واحملي له عبير الورد قبل السلام
فانه عنوان كلماتي
وارعدي يا سحابتي..
وامطري الشوق وعدا وحبا
*تايقر تعرف الشاي دا بالذات موضوعه تاني والعقدة ياحليلها والحوش ياخي والله انت تب ما خليت حاجة وياحليل ايام زمااااااااااان ونااااااااااااااس زماااااااااان ليت الماضي يعود بحلوه ومره وما احلاه
وشوق ...بلون شاي المغربية ..
مع لمة اسرية ...في حوش تغشاهو نسمة
تزكرك الحبييبة والزكريات بحلوها ومرها
جايكم تاني صاد بس النقدم ناس الفريق ديل وأجيكم .
| |
|
|
|
|
|
|
|
|
|
Re: للمشوكشين فقط ... (Re: ebrahim_ali)
|
أخي إبراهيم علي... سلمت أخي العزيز...وده كلو بفضل تجاوب الأحباب... نفتح نافذة للفرح المكبوت في جدران الغابات الاسمنتية ونتذوق فيها غذاء الروح بدل عن الدجاجات البلاستيكية ونشحن دمائنا من أكثير الحياة والضحكات بدلا عن فقر الدم الملازم للغربة ... نجلس جميعا ونعيد ذكرياتنا مع رشاش الأمسيات الحالمة ومقاعد أمام البيت علي إيقاع ونسه لطيفة نتجاذب فيها أطراف الشجن والشوق وحلاوة الحب العذري للبلد وبت البلد...
وهاك من كلام الهمبته
صدق يا قلبي في الوصف والغرام الطول
ريدن من جلوس كرسي الضمير ما تحول
كل ما يخطرن ليك الفكر يتهول
يصب مطر العيون يأتي الشعور الأول
| |
|
|
|
|
|
|
|
|
|
Re: للمشوكشين فقط ... (Re: bamseka)
|
العزيز بامسيكا
تصبح الشواكيش نسمة باردة في زمن اصبح ضرب المحب عن طريق قاذفات تي 52 التي لا تبقي ولا تزر
كونك ما زلت تعبر عن ذلك ( الشاكوش) فمعنى ذلك ان الضرب كان
علـــى خـــفــيـــــــــــف
وأعمل حسابك كويس المرة الجاية
على ما يقول المثل
الضرب بالشاكوش حرام
جمال
| |
|
|
|
|
|
|
|
|
|
Re: للمشوكشين فقط ... (Re: جمال السنوسي)
|
الحضور الكريم سلام واجمل تحية
كانت معي
عمري تجمع كله عند اللقاء الممتع
خطواتها وقع الحداء مموسقا في اضلعي
وحديثها الممراح
دوزنة تدغدع مسمعي
اللحن في الحرف الذي
في ثغرها المتمنع
يافرحتي بالكلمة السكري ترف فلا ادعي
لفي الضفيرة او دعي ... عمري عليها مرتعي
ابو امنة
| |
|
|
|
|
|
|
|
|
|
Re: للمشوكشين فقط ... (Re: bamseka)
|
يا جماعة عندي سؤال
ليه البنات ما بتتكلم عن الشواكيش زي الشباب؟
وهل التفاعل مع الشاكوش عندهن يتخذ منحى آخر
زي : هو الخسران, بكرة الاقي الاحسن منه
كنوع من التعزية للنفس
واعادة البرايد المسلوب( البرايد بالعربي شنو نسيت؟)
وهل الحكاية دي موثقة في الكتابة النسائية؟
في حد عنده امثلة؟
تحياتي
زولة123
| |
|
|
|
|
|
|
|
|
|
Re: للمشوكشين فقط ... (Re: zola123)
|
الحضور الكريم... سلام
زولة 123
ربما عقدة الؤاد ما زالت تسيطر علي عقول البنات.... فكانما الحب الضائع جذء من ظلام الحياة ومكانه اعمق بئر في الوجود... لانه مصدر للقلق ولقتل الامل القادم وللمشاكل في اضعف الايمان
....
تسلمي من الشواكيش
.......................................
شاكوش اول
هو..انا احبك
هي .. بل انت تحب ما يحبون ... مشيرة الي نفسها..
ان وراء هذا الاهاب الزاهي لروحا تتعلق بالنجوم
انت ... تحسبني رقيقة وهينة ولينة
هو.. يصك اسنانه.... اراك شيا اخر ... ارك فظة غليظة القلب ... رغم انك ناعمة الملمس والاهاب
هي ... وهذا ما ينزف دمي.. كانك تحدثني بنصل خنجرك
هو ... اصدقك القول.. انني احبك مثل حبي لذاتي
هي ... هراء فالذي يحب ذاته ولا يحب الكثيرين ... لا يحب احدا ولا حتي يحب ذاته
| |
|
|
|
|
|
|
|
|
|
Re: للمشوكشين فقط ... (Re: تولوس)
|
نبكي بس
بامسيكا والحضور المعذب...
كنا انا واخي الهمباتي نتجادع في الدوبيت
الهمباتي اخد لو صنة وقالي ... يا تولوس اخوي ات مالك بتبكي كتيير
قتلو يالضو البكا ما حق الرجال
ضحك وقالي ...
حقهم ساكت وبس ...فى الحالة دى بى سكليه ...ونفرش ملاية فى الوطة ونتفن فيها
واحد قالو بكاى شديد جاء ماشى بى عند بيت بكاء والنسوان سكليب وردحى... فى واحدة سمحة قاعد بتبكى ...اها دا اصلوا ما كضب جاء من هناك وقلدها وقعد يبكى معاها.... فى حاجة من النوع الما بتفوت عليه حاجة ديك .... جات ودقتو فى كتفتو قالت يا ولد العم دى مى ست البكاء ستو هديك الكابسات فوقها النسوان ديلك.... عاين ليها كدى وقال ليها نان دى الماتو ليها شوية فى الدنيا
| |
|
|
|
|
|
|
|
|
 Re: للمشوكشين فقط ... (Re: تولوس)
|
أين أنتم أيها الرائعون
تولس بامسيكا تايقر وكل الحلوييييييييييين
والله يا تولس مش نبكي بس نسكلب بس نكتك في السلك قلت لي جاء قلدها ياخي دا يكون من النوع الطائر ليهو وتعرف الناس الطائر ليهم كتار كترة عيييييييييك ياخي دا بالهبل
وجايكم بكلام سمح زين ما هو مغتغت بالواضح الصريح المافاضح
| |
|
|
|
|
|
|
|
|
|
Re: للمشوكشين فقط ... (Re: ebrahim_ali)
|
استاذي ابراهيم علي تحياتي وشوقي لشخصك
*ما ناسيك بس اليومين ديل الحالة دقو ليها نحاس
*وجاييييييك في خيمة الحاردلو
هاك من تباريح الشوق
هديك ريرة يا تدري المصنة
عقد وادي النعاس طارن قبلنا
نشوف شرف البلد نبلغ اهلنا
تقول ام خد حباب جنيات اهلن
*** بامسيكا اظهر وبان
| |
|
|
|
|
|
|
|
|
|
Re: للمشوكشين فقط ... (Re: تولوس)
|
الثلاثي المرح بامسيكا تولوس تايقر أين أنتم ايها المبدعون ما زلنا في انتظار المزيد من تباريح الهوي واجترار الماضي الجميل بحلوه ومره وما أكثر حلاته ولا يعرف تلك الحلاة إلا لمن تذوقها وعرف معانيها وترجمها لأرض الواقع حباً معاشاً وإخلاصاً متبادلاً ووفاءً نقياً
كما قال هاشم صديق الحب وجود ... الحب قضية
فنحن نكون مع الأولى والعندو قضية أمكن يكون مع التانية
بامسيكا اظهر وبان
تولوس أظهر وبان
تايقر أظهر وبان
وكل الحلوين أظهروا وبينوا
| |
|
|
|
|
|
|
|
|
|
Re: للمشوكشين فقط ... (Re: السفير)
|
إعادة تلفزيون السودان
الثلاثي المرح بامسيكا تولوس تايقر أين أنتم ايها المبدعون ما زلنا في انتظار المزيد من تباريح الهوي واجترار الماضي الجميل بحلوه ومره وما أكثر حلاته ولا يعرف تلك الحلاة إلا لمن تذوقها وعرف معانيها وترجمها لأرض الواقع حباً معاشاً وإخلاصاً متبادلاً ووفاءً نقياً
كما قال هاشم صديق الحب وجود ... الحب قضية
فنحن نكون مع الأولى والعندو قضية أمكن يكون مع التانية
بامسيكا اظهر وبان
تولوس أظهر وبان
تايقر أظهر وبان
وكل الحلوين أظهروا وبينوا
| |
|
|
|
|
|
|
| |
bamseka
HOPEFUL
تولوس
abas
james
tariq
bint algazeira
motaz
ebrahim_ali
شمهروش
WaD OmI
Elkalakla_sanga3at
جمال السنوسي
zola123
فيس بوك
تويتر
انستقرام
يوتيوب
بنتيريست