كتب الكاتب الفاتح جبرا المتوفرة بمعرض الدوحة
|
|
 ما اظن يموت الشوق معاي .. او يحزن الريد بـي قفاي
|
كانت معاي
صاره الحنين في ضحكتها
نادتني هوي يا ود تعال
براحه شان ما نفضحها
اشواقنا ديك
احلامنا ديل
يوم بكره جاييك بالقليل
يوم بكره دايما لي بخيل
نادتني تاني
وانا ما وقفت
ولا اتلفت
مع اني كنت حنيني جاريني ومعاني
لكن جد فلسان وزهجان وقلت بس يا ريت لو يطسني قندراني
ونمت
وبيك وما بالموت حلمت
وبيك وما بالحب صحيت
وعشان اجيك
عدمان قروش الحافله ديك
ومشيت وعديت كبري امدرمان كداري
وفي نصو اشر لي سيد الحافله اركب وقمت جاري
مصطفي سيد احمد كان بغني ها هي الارض تغطت بالتعب
وانا كنت تعبان
وانا كنت جاده لكن فجاه زهجت
المهم
بعد الغياب
بعد الليالي الحلوه في حضن ال.....
اها نبدا من محل ما وقفنا
الخرطوم نفر
|
|
 
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
في ذات جديه شديده كتبت والضمير راجع لي توما وفي ذات مكان وحين احساس ما زال يسكنني و..
وسكن الريد
والسكه اتقفلت
نموت او نحياك
وقال الريد
-يا زول ما بستناك
افوتك ولا تزيد
-ما عندي القدره ازيد
يا ود الحقني
الريد متسرب من بدني
يا ود اسندني
الحلم اتشتت من وسني
يا ود..
-يا بت استني
الفيني بكفي
هاك من حبي اتلفي
هاك من شوقي حسيهو بتدفي
-لكن يا ود
لسع جواي اللهفه سؤال ممتد
بتزيد ولا..
وقال الكمساري
- نشتت ??
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
وفي ذات رد كتب ود عمي الفرح
السبيـــــــــــــــــل حــادي نــازل؟ صاح الكمســاري.
يارب ما تنزل همهمت داعيا.
أصلو أنا راكب البص دا في شــانا, كان نزلت البرنامج بـــــــــاظ.
وقف البص في محطة السبيل, غمضتا عويناتي, في زول نزل ..البص قام...
فتحت..مالقيتا..
بلهفة عاينت بي الشباك..
لم أجدها..يمين..يسار..فوق..تحت..مافي ليها أثر..
بسم الله
بكرة كررت نفس المشهد..
لم أغمض عينيا
لم تنزل في السبيل..
لكنني كنت قد نزلت عشان أباريها..
بت CIA?
نقطه
انا دايره اقول كلام
بت من وريد الدهشه تغرف وتسقي ريدنا
راجينو احساسها ونريدها.. حتي لو تقلت في ريدنا
يا ود تعال
فات ريدنا ليك كل احتمال
وغالبا هو في شنوووووووووو
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
توما
والشوق الجاري عليك
أو يحزن الريد بي قفاي
وقتين حقنت تمر السما جوطة نفس مسموم
ورشحت جلودي الطين .. تاكيت عشب القلب علي مدا مقفول
فتحت عيوني مدن ....
تواقت من المدا المفتوح المدود بيناتي والطمي
لمحت زاي نايم وما غافل
نيلين
وفراشة
ونخلة تغازل بنوت المدارس
شديت غناي وقلت
الرقص أول الكائنات المقترحة عمدا
والريد نيلين
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
وعاودني الحنين
ومرقت ما خليتو ليل الفرقه يتوسد حلم
لفيت شوارعي معاك براي
ناديت عليك
رديتي لي
ياخ ما تجي
سيبيها كاشفه حالنا ديك
الدنيا ديمه مفرقي
شفتك بديتي تقربي
جريت عليك
عترت في شفقه حنيني الجاريه قبال مني ليك
إدفق الاحساس
صحيت
وانا علي ذكر عقد الجلاد فاجاني النعاس
نمت
باكر بجي
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
وعاودني الحنين
ومرقت ما خليتو ليل الفرقه يتوسد حلم
لفيت شوارعي معاك براي
ناديت عليك
رديتي لي
ياخ ما تجي
سيبيها كاشفه حالنا ديك
الدنيا ديمه مفرقي
شفتك بديتي تقربي
جريت عليك
عترت في شفقه حنيني الجاريه قبال مني ليك
إدفق الاحساس
صحيت
......................
ده الحاله بعد صحيت
(عدل بواسطة توما on 06-08-2004, 01:20 PM)
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
ساقنى ليك شعر ونضم..
حسيت بفراقك
طول...
قلت اشوف توما
الليلة
مبدعة زى مطر العشم...
اها كلامك دقاق
وانتى ناوية الفراق
بس وين كنت غاطسة
وجيتى شايلة
معاك النغم...
ابداع جميل
شعر رصين
فاقد عود وشتم...
غيبى تانى
تلقينا نحن
فى ظل الغيوم
نكتب على
رمال الريح
راجنك
زى مطرا عدم
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
وعاودني الحنين
ومرقت ما خليتو ليل الفرقه يتوسد حلم
لفيت شوارعي معاك براي
ناديت عليك
رديتي لي
ياخ ما تجي
سيبيها كاشفه حالنا ديك
الدنيا ديمه مفرقي
شفتك بديتي تقربي
جريت عليك
عترت في شفقه حنيني الجاريه قبال مني ليك
إدفق الاحساس
صحيت
امانه ما وقعت توما 
عنوان فرعي .. توما تقرض الشعر قرض الفار السمين
يا توما الشعر ده انا لحنتو و داير اغنيهو ممكن!!
ولا انسي الموضوع !!
بين قوسين انا جادي جدا الان وهذا علي غير العاده
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
اه يا انا
وانا لما جيت شان انتي جيتي لقيتني مافي
وجبت معاي حاجه عجبتني لبت كتابه ومن وريد الدهشه تغرف وتسقي كما سبق
كتبت هي وقرأتها باهتمام
وللحدث بدايه مفقوده وبالتالي كل زول يتم مويتو براهو
اريد سكرا.
يحمل سكره ويذهب اليه,الي النهر,
يدلقه فيه ثم يدخل يده محركا الماء,
يتذوقه ويصيح قائلا: ما زال مسيخا,النهر مسيخ,
نحن نحتاج نهر طاعم,نهر حلو
يدق الابواب بادب..سكر لو تسمح..النهر ما زال مسيخا..
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
مابالها هذه الشمس تستلهم فظاعتها من الجحيم, تقترب وتحرق جمجمة
رأسي فتتحترق معها أحلامي, المسافات الطويلة مابين الوظيفة ومنزلي لاتأتي أكلها, ما هذه التعاسة , إحس بالعجز والضياع, منديلي لايجفف عرقي ولايمسح دمعة أمي ولايشتري كراسا لأخي الصغير, كل هذه الكتب التي قرأتها لافائدة منها , إنها لاتساوي الحبر الذي كتبت به , ماذا أشتري بهذة الثقافة الرديئة ؟, ومن ياتري سيقدر قيمة المعرفة فيحولها غلي دولارات أشتري بها توبا جديدا لأمي وفستانا لأختي وكراسا وقميصا لأخي..لكن من يشتري هذه البلاهة في هذا الزمن المادي...حبيبتي التي أوهمتها بأني فارسها بدأت تمل وتقترب من ملامسة حقيقة السراب المكون الأصيل لشخصيتي.
ذهبت إلي المنزل أحرقت كل كتبي وأوراقي ..أحرقت هذه الخديعة مثلما يحترق رأسي كل يوم بسسببها وأنا أبحث عن عائد بسيط يدخل البسمة في منزلنا البائس. هنا ستكون مقبرة الحلم اللامشروع ... ماذا فعل ماركس ولينين ؟ ألم تشتري الرأسمالية دولتهم ثم قتلوها وهي من أجمل نساء الكون ولم تبلغ المائة عام؟, ألم يكن ميكافيلي يقتاد من حذاء الأمير, ..أفلاطون ..أرسطو هؤلاء الخونة قتلوا الحقيقة بفكرهم الواهم الذي يسميه المترفون فاضلا..حتي المتنبي كان نبيا من وهم يسجد للملوك ويمسح بلاطهم المبلل بالنبيذ وضجيج العاهرات.
ٍســــاسافر لن أرجع لهذا البلد المنافق ..سأرحل وأشتري لأمي وأختي وأخي ما يريدون.. سأرحل من هذا البلد الذي لم أعد أعرفه, تبدل فيه الناس بأسوأ منهم, كيف إستطاع هؤلاء أن يلبسوا الحقيقة خمارا ويبيعوا كلام الله والدين؟, من أين أتو بكل هذا الترف.
إبراهيم سيساعدني فهو يحب معاشرة القراءة مثلي لكنه لاينتظر عائدا منها, يعمل مع أبيه في وكالة السفر المعروفة, ذهبت إليه, قرأت قصتي بركاكة في أول محاولة للتعامل مع الواقع بمسمياته الرخيصة..قال لي: الحل بسيط أقرضك تذكرة سفر إلي لندن وأخبر صديقي في أمن المطار ليساعدك علي الدخول في الطائرة من غير تأشيرة سفر. هذا ممكن يا إبراهيم؟ نعم ..نعم فعلت ذلك مرات عديدة..إذهب إلي لندن لكي تساعد أهلك وسدد مبلغ التذكرة عندما تستقر بك الأمور...
ٍســافرت ودموع والدتي لاتفارفقني ..أخي وأختي كتبوا دموعهم في قصاصة صغيرة من الورق قالوا لي أقرأ هذه في الطائره ..قرأتها وعينا أمي هي عيناي ..كتبوا نحن بنحبك يا أخوي خلي بالك من نفسك. بكيت بحرقة كدت أنزف , أتمزق.
هنا لندن المغامرة , ميلادي الجديد كلاجيء سياسي . تذكرت نص المدرسة الإبتدائية صرخة لاجئ..حقيقا كنت أحتاج لهذا الصراخ..صرخة للفشل وصرخة للحسرة وصرخة في وجه أولئك الذين سرقوا وطني وأحرقوا كتبي..صرخت بشدة وبكيت بحرقة وألم في مطار لندن حتى صدقوني ووهبوني الحرية والمسكن وبعض جنيهات لتسير أموري..
المطر لايتوقف والشمس, أين الشمس تركتها في الخرطوم تقاوم أحلام الشرفاء وتضئ طريق الخطيئة وإغتصاب الحقيقة..كنت أعمل وأعمل ليل نهار وكلما سمحوا لي ببعض سويعات للراحة خرجت "أبحلق" ببلاهة في هذا القوم الغريب وهم يهرولون في الشوارع يشتتون تركيزك وأنت تتمعنهم ولكن هذا لا يهمني..
كتبت أول خطاب لأمي وإخوتي ..امي الحبيبة أختي الحبيبة ..أخي الحبيب إني أشتاقكم ,أحبكم أكثر من نفسي..أنتم كل حياتي, مرسل لكم مبلغ ..وأنا بخير وبصحة جيدة.
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
غالبا هو في شنوو
لكن البوست ده انا برتاح ليهو جنس ريحه لانو لاقيه ليك فيهو جنس فرقه للجغمسه براي
وفجأه
يجي ود عمي الفرح ده ويكتب لي كلام يسوقني بيهو لندن و السودان و بيت حاجه بتول و المحطه الوسطي
مستر فرح
وعليه
بعد الاطلاع علي النزف الحسي والفرح المستتر و الابداع المخفي
حاكون جاده واقول ليك
خرتني في البوست ده
لكن ده ما بعني انو انت ما خرخار لانو لاعب بره اللين و انا جلتي ما سمحه و البلي ما قلووز
برضو
علمتني معني الحياه معني الحياه
علمتني اهوي الجمال و اقدرو
وعلمتني الفرح الشجاع كيف اقدرو
حقيقي ممتنه ليك
والشوق مفتوح كالحوار
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
من الشمس حدرت ضويوا
فوفق ترس البحر
شلت معاي طوريي ومنجل وشوال بعر
مالي راجيهو آخر الشهر
قت كان صبر بتقومي يا منية فوق الحجر
رحت السواقي العند البحر
بالي مشغول في بت الحسن
متلي مافي زولا حفر
غرق ريدتو متل عرق الشدر
في شانك تعبي اتصبب مطر
وريدي شق الحجر
محجوب ود التاية
| |
|
|
|
|
|
|
|
|
|
وعاودني الحنين تااااااااااااااااااااااني (Re: توما)
|
وعاودني الحنين تااااااااااااااااااااااني
الدنيا ست الفال وستك وست وصالي الليك محال
متبوبره بالجاييني بكره و بكره ما اظن جاي قال
متلبسه و شاده الحنين علي قلبي حال
متشابيه اشواق شوقي ليك , مفضوحه بحلمي المحال
ناديت عليك
ياخ ما تجي
ساكت تعال
او ما تجي
ما فارقه بيك
او دون عينيك
ياخ انت قايل انو كل الدنيا بتقيف عند حدودك وتنتهي
ياخ انت فاكر انو بستناك تحن و تحنس الخطوات تجي
وقنعت منك
الا بس
متوسداك جواي حلم
في حلمي داك وبدون احس
اشرت ليك
لسع جواي بنده عليك
ساكت تعال
مديت حبال ريدي الطوال
شد الحنين علي قلبي واتنهدت من تقل القلب
احي عليك
مت في حنيني
ومت في جواي .. من كتره الاشواق خنق
| |
|
|
|
|
|
|
|
|
|
Re: وعاودني الحنين تااااااااااااااااااااااني (Re: ودرملية)
|
| Quote: وعاودني الحنين تااااااااااااااااااااااني |
أنا العاودني الحنين تاني
طبعاً راجع من السودان قبل يومين ومجلبط بالزهج من صوف راسي لي كرعي لكن لمن لقيت الموضوع كاتباه توما وآخر المداخلين صديقي ود رملية قلت والله أكان أجدع الحزن والزهج بي قفاي وأدخل أسلِّم عليكم وأعتذر للغالي ودرملية في عدم تمكني من زيارة أهله وذلك لظروف بعض الأحزان في فقد إبن أختي أثناء الإجازة والذي قلب برنامجي رأساً على عقب وأنا آسف لإزعاجكم هنا وكنت أتمنى أن تكون المسنجر شغالة ولكن ...
تحياتي لكما ولجميع الظرفاء
| |
|
|
|
|
|
|
|
|
|
Re: وعاودني الحنين تااااااااااااااااااااااني (Re: tmbis)
|
الغالي تمبس
شوقي ليك طوَّل
شكري وتقديري وعرفاني وبضع من شناتي
رأيك شنو ما دام مافي مسنجر نتونس في البوست دا أصلو ستو مافي زمان كان إسمو (ما اظن يموت الشوق معاي ...) وهسع أجرو زول وكتب عليهو عاودني الحنين تاني ونحن ممكن وعشان توما ما تزعل نسميه (تومة ود حامد)
| |
|
|
|
|
|
|
|
|
|
Re: وعاودني الحنين تااااااااااااااااااااااني (Re: بدرالدين شنا)
|
وعاودني الحنين للبوست الحنين
تعرفي يا توما إبـــــــــداع القصيدة الأخيرة وصرة الوش أجمل من الف إبتسامة بالجد هو فاكر نفسو شنو..يلا تعالي
شخبطي لخبطي بالألوان
ودفقي لون الدهشه حنان
أكيد ردناهو لينا زمان
******
يا بدرالدين شنا حمدلالك بالسلامة ياخوي وإن شاء الله البركه فيكم
إنت يا بدرالدين داخل ساكت كدي ماك عارف إنو توما ود حامد معيناني غفير خاتي عنقريبي الهباب تحت السدره الحدا القيفة ورابط قربتي في الحرازة .. يازول أعمل حسابك ألبارح كت في سوق الذيداب بعت لي أردب فاصوليا مر عليهو الحول, وقتا أحسن أضبب عكازي عند الهدندوي والله ياجنا البلبعو بيهو تب مابفرفر تاني دحين أرعي بقيدك وجيبلك ترخيص من مفتش المشروع غير كدي تب ماك داخل علا تجي ست البنوت توما
أها فتكم بي عافية وما تنسو تصرروا العنزه والبهم تبعوهو المراح اليل أمحمد ود العوض وكان جيت لقيتو رضع شيلو شيلتكم.
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
ياااااااااااااااااااااااااااااااااااا بدر الدين
بركه الجيت شدييييييد
امانتن تقلمني حته حته متذكراك جنس ذكيره
واول امس
دي حكيت لزول نكته الراجل الوديتو ليهو عده المكانيكا قال ليكم هي ده ما النوع الكعب لكن..
حمد الله الفيين عدا ونقدا علي سلامتك
والبركه فيكم شديد وربنا يقبلو عندو ويلهم والديه ويلهمكم الصبر
وان شاء الله الجيت منهم طيبين
وجبتا لينا معاك كم نكته كده
بعدين ياخي ولا يهمك نسمي ليك البوست الشوق والمحنه
وكل الحاجات وكان ما فرقت عندنا تفرق وين
هو الشجر وقت يميل بتكي في اخوه
ابقا مع خيانك ديل ما بتالاك عوجه تب
ما شفت عبد الماجد ود عمي ده ونسك كيف
حقيقي سعيده بحضورك يا نشاه
| |
|
|
|
|
|
|
|
|
|
يا نور العين (Re: توما)
|
ود عمي الفرح تختلف المعاناه والا لم طعمو واحد
والفرح طعمو واحد برضو 
يا نور العين انت انت انت وينك ويــــــــــــــــــــن
قلبي الحابيك ما خان لياليك
ما خان الماضي ابدا ما اتنكر ليك
كما يغنيها من كان افريقيا هواها
وكما اغنيك في رقصي ودهشتي
وكما انتحرت في حبك
حين دهشتي بك
وابحرت يتقاذفني التيار
تترنح بي السفن
يستهزئ بنشوتي حتي الموج
نورس البحر في اعلانه الابدي لعشقه
وانتحاره في اداء رقصه الموت حبا
فاجاني بسؤال
اعلنت تمردي في الاجابه علي كل الاسئله اللامشروعه
فاجاته برغبتي في مرافقته
اعارني جناحا من الصمت
عاتبتني الضفه علي غيابي المتكرر
علي حميم ولعي بالنهر والتماسيح
ضحكت علي خيانتها المتكرره والمقصوده معهما
واخفاء الاثر بلا اثر
مر غراب تائه في دنياه
كمن غابت عنه الشمس
فاضحي اعمي
يمم صوب البحر لكي يغرب مع شمسه
انكسرت موجه مع القيفه
لملمت اطراف توبها وفاتت
خلت في الرمله عقاب شوقها
ناديتها
وما ردت شوقي
استني
وفاتتني عواصف
لعمق النيل
عاتبت النخله مصيرها الجاي وفاتها زمان
يا طمي النيل الاسمر
مالك ما جيت
خصبتني بي ريدي الغايب
شان اطرح تمرا متعاقب
قالت مستنيه لقسمتها تقسم
العرس الجاي اكيد متحننه بريدي
العرس الجاي
صبحت متلفحه توب الهم
ونامت متحننه بالدم
كورك شافع من جوعو
الخبز عدم
العلم عدم
الحلم عدم
يوم بكره
وهم
تاورني الجرح النازف في الغربه
تاورني عذاب الغربه بلاك
مليت الالم اليومي حضور
مليت الفرح اللونو غياب
انا ليه يفوتني الحب
وتفطني الراحه
يا الله انا راجياهو
كان جاني
جاري علي
او حتي براحه
| |
|
|
|
|
|
|
|
|
|
و عاودني الح... (Re: توما)
|
اتلبسني الحزن والشوق و عاتبتك علي لسان العطبراوي كماغني
مالك ما اعتيادي
بقيت تزعل تعادي
كتير بنشوف انت
تمر بي غادي غادي
ما زي الطيف تعدي
وفي عينيك تحدي
فايت بي طريقنا
ابدا ما بتهدي
وعايزين نحنا نعرف
قبل الريد يعدي
مالك ما اعتيادي
نعاين ليك ماشي
نقول بتجينا غاشي
بتابا كمان تسلم
وبرضنا ليك نماشي
لانك انت عارف
امرك فينا ماشي
خليك اعتيادي
يا سيد المشاعر
كيفن تبقي ناكر
للعشره الجميله
لشوقنا المسافر
كل املنا انك
ترجع لينا باكر
وتكون اعتيادي
والفي بالك انت
اشرحو حته حته
وقصدك قولو لينا
لو تجرحنا حتي
كل املنا انك
ترجع لينا انت
وتكون اعتيادي
مالك ما اعتيادي
بقيت تزعل تعادي
كتير بنشوفك انت
تمر بي غادي غادي
وبرضو يا نور العين
انــــــــت وينك ويــــــــــن وين وين وين وين وين وين وين وين
| |
|
|
|
|
|
|
|
|
|
وعاودني الح... (Re: توما)
|
فقدت القدره علي التذوق اليوم
تساوي مذاق التعب والراحه لدي
نفسي في ضحكه كبيررررررررررررررررره قدر حقت كلكله بابا ديك
-بابا تعرف تعمل كده
-دي عندها علاقه بالجينات
-يعني شنو جينات
-جينات ده من الجن الكلكي
-يعني شنو كلكي
-يعني بكل كل
-بالجد؟
-بالجد
-كيف؟
-كده كده كده
ومع انفجاري بالضحك اثر كلكله لطيفه منه
-وااااااااي يا بابا كفاني كفاني
-يلا دورك انت
-تعرفي تعملي كده
-بعرف ااي
-اها اعملي
-يلا ارح الدكان ياخ
-نجيب شنو
-نجيب بلونه كبييرره ننفخها
-ونجيب القروش من وين
-القروش ما عندك انت كتااااارات
-ما عندي
-والله عندك في جيبك ده عندك
جيب جيب يلاااااااا
و تبدا الكلكله والقرقره
-يلا قولي نشيد
-ما حافظه
-انتي يا بت ما شاطره ولا شنو
-لا لا شاطره
-طيب ما حافظه ليه عامله كده زي امك
تتدخل ماما صائحه من المطبخ
-امها مالها كمان اسا سالتك
-ااااااااااي ماما مالها كمان
تعالي يا ماما نوريهو
-يلا قولي
كاف نون زين
كنز كنز كنز
دخلي ايدك جوه يا فيفي
وانتي استني وراها اقيفي
ده الكنز مليان بعرائس
يمسحو هم البائس
فيهو اسود ونمور وافيال
فيهو حكاوي عن الاطفال
فيهو زرافه و فيهو لطافه
وفيهو الارنب ذوق و قيافه
يا ضلناااااااااااااااااااااااااااااااااااااااااااا
وينكككككككككككككككككككككككك
ما كفاك ارجع
وحياه البينا و بينك
| |
|
|
|
|
|
|
|
|
|
وعاودني الح... (Re: توما)
|
ودي قلعتها من بوست قرمبوز حق العميري لانها عجبتني .. مش حقتي
عميري قال في زمن ضائع والنص نقلا عن زوله حافظاها منو شخصيا وانا كاتبه نصه منها والباقي حاولت اتزكرو براي
بعيد يا اخوانا بتزكر
حلاوة الزكري لما تهف
وفي اعماقنا تتحكر
محال في لحظه نحنا نخون
ولي ماضينا نتنكر
ما اصلو عمرنا جدول شوق
وحبه ريده ما اكتر
بعيد يا اخوانا بتزكر
حليل الخور يفرحنا
ومويتو تطير وتتبعثر
ونبني بيوتنا بي طينه
نسيبها نفوت وتتكسر
ونشحد يابا تعريفه
دحين يا ابويا ما بتقدر
يقول والله والله
ويحلف زين ويتعزر
ونزعل نحنا بي رقه
دموعنا الغاليه تتقطر
بعيد يا اخوانا بتزكر
لمه بيتنا كل صباح
وقعدة يمه في البنبر
تناول داك حبيبه شاي
وتدي التاني ما بتفتر
بعيد يا اخوانا بتزكر
حاجه تبيع تسالي و فول
تحت نيما ظليل اخضر
ونختف نحنا نجري هناك
وهي المسكينه ما بتقدر
ونضحك نحنا ما عارفين
مصيرنا يكون وقت نكبر
ونلقا الدنيا مر الدنيا
لما تتضيق وتتعتر
اصلو الما عتر مره
مصيرو ...(شنو كده ما عارفه والله ..غياظه مش معليش استحملو مش بركه الاتزكرتا دا كلو)
بعدين معليش الزاء زنب ديك ما لقيتا والله فاستعملت الزاء زراف وهزا للزكري عشان ما تقولو ما عارفه
وشكرا
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
و في احساس خواطر مريومه نحوم بشمار متعمد كالجميع
تميت حولين راجياك
سالوني الناس
اكلو لحمي سؤال
بجي قريب بجي ان شاء الله ما بطول
قالو الفال تحت اللسان
وانا ياني راجيه فالي يجيني راجع
يا ربي خبارك يا محمود
يا ربي البلد البعيد ده شن مسوي فوقك
و البنيات الفي بلاد الله دي دحين ما نسوك لي
انا غايتو تب ما نسيتك
ولا قنعت من شوفتي ليك من تاني
امي طوالي تقول لي يا بت الجنا ده اخير نقنع منو
الناس بالسؤال اكلو لحمي و قلو فهمي
ابوي بقول لي الصبر يا بنيتي
الغائب عزرو معاهو وانا اديت الراجل كلمه
اخياتي و بنات الفريق مره مره يجيبن لي مجلات كدي
فيها بنات سمحات و شعرن طواال يقولن لي باقي ليك بتذكرك مع ديل
صحي يا محمود نسيتني
صحي هنت عليك وهانت عليك فضيحتي و حسرتي
يا شماته البنيات فيني
انت يا محمود ما كان تخليني لقدري ساي
و للزمن يوديني محل ماشي
مالك علي يا الحبيب
انا بعدك شن بسو
محمد ود اللمين رسل لي اخيتو قبال اسبوع
قالت بتدور تشوفني اكان باقي قنعت منك هو بدور يتقدم لي بوي
انا صديتها و حلفت ما اناضمها تب فوق جنس الفارغه دي
مرقت مني زعلانه
كيفن بقنع منك يا محمود
وانا طرزت مناديلك عريس بايدي دي
نسجت فوقن حرفك و حرفي
للملفحه حلفت انسجها ليك بايدي
و بخرتها
طوالي بشم فوقها ريحتك
متين بتجي يا محمود
حولين هلكني الريد
والناس شقوني سؤال
مات قلبي حاضنك سيد
الحق كفنا تعال
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
حبيب نوراا انت زيد نورا حبا
انا طبعا بعتقد في الانتماء ل الأم و الحبيبه جدا
عشان كده انتماءك لنورا جد مفرحني
شكلي كل ما الاقيك حاقول ليك الكلام ده
لووول بقيت حبوبه عديل
تاني كان جيت بقول ليك حبيب نورا هووي في حق يوم داك انت
عندنا حبوبتنا و تحديدا حبوبتنا انا وزول كده عارف روحو ..لما تفرحنا بزياره حنينه زي حضنتها و ريحتها كل فتره كده تقوم اذا استدعي الامر ترسلك بالشبط للنقلتي و لما تقول ليها يا حبوبه جيبي القروش عشان تقوم بالباقي تقول ليك قول ليهو في حق امبارح ..وتبقي انت و النقلتي في حق امبارح الليهو شهرين
الله يرحم حبوبه كلتوم الحنينه و حبوبه فاطنه و حرم و بخيته و السره
و يا حبيب نورا انت في حق امبارح
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
توما يا حنيييييييييييييييية
ياخي والله زكرتني بالذي مضي
انا هسة ما عندي حبوبة علي قيد الحياة
الخلاء علينا رسمي وشعبي
لكن عارفة نورة دي قصتها شنو؟؟
والله عشان كلامها زي كلام حبوبتي صبرهان
مع أنها جاية من قلب الضجيج والهجيج
بس الزولة حنييييييييييينة
وانا بموت في الحنان يا ست البنات
اها ما تقولي لي عندك الأعراض دي؟؟
والله بالطريقة دي بتروحي في حق أمبارح
وبكرة زاتو بس الرسول يكسرك لو
وقّفتي النضمي السمح دة
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: عبدالماجد فرح يوسف)
|
حبوبتى زمان قالت الجنا دا أروش .. أنا لا أروش ولا حاجة .. أنا داقس و بس .. مرات كتيرة أغالط نفسى فى دقوسيتى .. أقول انا ما داقس بس ما قادر أركّـز .. لكن الليلة بالجد إكتشفتا أنى أروش و داقس و معدوم التركيز .. لى زمن أتضهب فى البورد و ما شفتا تـومـا !!! بس أكان ركبت بص أم درمان ما كان عينى لفحتها .. و بتركيز أكتر .. ما كانت و قعت فى عينى .. ياربى عينى قدر شنو البتقع فيها توما .. لكن تقولو شنو .. روشـة و بس
شكرا توما على هذه الصور الجميلة .. و تحيا كمرتك البديـو
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
التومة!!
التومة؟؟
هوي ها
سامعاني واللا حسي أنقرش بين السكات والقول
والله جيت أقيّل هنا
لقيتك مقوّمة القيامة علي خلايق الله
الرسول أنسعلك
الحس دة هولك واللا دي موسيقي تصويرية
الخلا علينا من فن الخدع السينمائية في الفيديو كليب المقرؤ
عارفة !!
لمحتك قلت برآمن
لقيتك زي الواطة دي
التراب ما حنين عشان كدة خليك قاعدة في الصقيعة دي
أنفشخي ومارسي كل حقوقك كزولة شجرة
ياخي انا زاتي قاعد في الصقيعة
لكن عشان انتي بديتي
الليلة بي موية وكملت
اها أرجي الراجيك
هووووي دا شنو دا يا بت ؟ مالك انكشحتي فيني كدا ؟ برااحة برااحة أ الحنينة , انا ما بقدر علي جنس دا ,أأأأي قليبي رهيف وما يقدر علي الهبباي في عز الصيف ,لكن بي الطريقة دي انتي حاتضيّعي مستقبلي الثقافي والله ,عشان كدا انا بقترح انك ,تدّفقي فيني حبّة حبّة , وتختي جواي الّرحمن ,شيلي الهم الساكن جوفي , أرمي الوجع العاش في قليبي ,, واجدعي فوقي الغنية بشارة , ادّيني شوية فال لي بكرة , انا بديك في الدنـيا السترة , يا مليانة قصيد واغاني يا رويانة كلام ومعاني , انا كلمتك وانا حدثتك ,انتي الغنية وانتي المنية انت الدنيا ,.. وانت رجوع جنيات قمرية , تعبت حاضنة العش وتنادي , دايرة جناها الشالو غباهو, شالو رماهو في حفرة هم .
أها نتفق ... ونقعد في الصقيعة دي ونشوف الحاصل علينا , وعشان تعرفي الريد , وزول أتمحّن كاتلا محنّة و.. داك يا الشوق الما خمج !! عاد يا يمة شوق اليابة و شوق التابة , دا الخلاني ألفح توب الحشمة , واخش في نبضك حافي الراس ,وينو غطاي ؟ وينا طريحة حاجة زكيــــــــــة , الكتبت فينا نداوة الحال وراحة البال فرح الاطفال . اها نقوم يا بنية والا نواصل قعدتنا ؟ونلز الشافعة القليصة دي تمشي تشحد ليها راس سكر من ناس ست النساء , وتجي تتحكر للجبنة المتنتنة , والله القعدة غلبتنا وكمان الوقفة غلبتنا , قهر وفراق أهل , وعلي العلينا بشتنة ورقاد واطة.
وبعد دا كلوا اّ السمحة , تجي تدخلينا تااااني في وجع الشوق ؟ أها انا كان قلت كدي وضربت السكلي والردحي , و أترمّدت و سفيت التراب ,ولميت علي امة لا اله الا الله , وكل ناس الفريق عليك الله خاتي ,؟ في زول بقدر يلومني ؟ أأأأي بسوي ليك فضيحة , لي متين انا اقعد انادي عليك وانتي ساّدّة دي بي طينة ودي زاااتة بي طينة ,يعني بتوفري في حق العجين ؟ بعد ما وفرتي الفرح الفيك؟.
فكي قيود البسمة النسمة , خلي غرورك يسطع نورك يملا الفجة شعاع النجمة .. هو انا عليك الله الا امشي بي عكاز عشان انتي تعرفي اني اتكسرت وأتحسرت ؟ ما خلاص انا قصتي باظت وحالي بقي للخلا والشدر .
اّخر هـــام ,تعالي وشيلي من اساي , تعالي وأبقي ليا شعاعا للضلام غلاب , أمشي مني لكن ليك , أتدفقي وأبقي ليا الطل , أمسحي عني سجم الفكرة والاحساس , شخبطي فيني ,قصة جديدة في الخاطر ,بشتني همي بي شوفتك , أكشحي فيني روح الوردة تبقي ليا أرهاص زول كتب بالهم مساديرو ,وسرح بيك وسافر ليك , وعشمو يرجع ليك , زي النيل يفارق ضفة الميعاد , يجيبو مخاضوا بي المطرة ,يربي جروفو بي ضمّة وكلام فنان ,نشاف حلق الدريبات ديك , بسقيهن , نجيلة ريد جداول جارية حنية وبتسقيهن..
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
Quote: يا بت استني
الفيني بكفي
هاك من حبي اتلفي
هاك من شوقي حسيهو بتدفي
-لكن يا ود
لسع جواي اللهفه سؤال ممتد
بتزيد ولا..
وقال الكمساري
- نشتت ?? |
يا بت يا توما لك عاطر التحايا ..وانت تتشتتين عبرنا.. لحنا.. ونغما..
وكلمة جميله باسلوب السهل الممتنع
ولك الشكر ..علي هذا النص الملحمة..
وانداحي فينا.. يا تومة ..يا نيل,,
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
| Quote: وعشان توما ما تزعل نسميه (تومة ود حامد) |
أنا قاعد ياشباب هنا من ألصباح وحاجز وكان ما مصدقني شوفو الطوبة المختوتة دي حاجز بيها الصف.
الكلام دا كلام كبيييييييييييير بس كدي دقايق روقو المنقة ؛توما ماجننتي الشوق وبهدلتي المشاعر و(نكتّي) الذكريات ؛مالك علينا ؟ ما نحنا بينا الامنيات.حسي الواحد يعمل شنو نطير يعني؟ طيب رسلي حق التذكرة مادام مضرّه كدا.
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
عبد الله وداعه
طبعا والله جد جد جد كتاااااااب و شعااار عديل كده
طبعا من دون مجامله انا من قراءك خصوصا عندما تكتب بالدارجه او في الهجاء كقصيده شنو كده يا ريم لووووووول ولو في زول كل ما يشوفك في البال بقول ليك اقرا لينا شعر بالدارجي دي ولا انا ولا حاجه
حقيقي استمتعت بقصيدتك جدا و فرحني انها من نفس الشوق الليلنا
وبالجد ما تحرمنا جمال حضورك
شكرا جدا
| |
|
|
|
|
|
|
|
|
|
ويستمر الحنين (Re: توما)
|
ممتدا من هنا عبر الغائبين وحتي حبلك السري يا امي حيث كانت اولي جرعات المحنه سببا في ادماني للحب و الحنين
قاتل الله الشوق ..
و مرغما
يستمر الحنين
الطين مداه الشوق
معجون بريد البيت
الدم مدد للهم
دمك ده دم الكل
همك شقانا كتر
ليلك صباحو يطل
شق السكون الصوت
ضج الانين مكبوت
يا نلقا بكره الحق
يا بكره ذاتو يموت
يا دنيا واسيهو
بالحيل ظلمتيهو
مال الخراب بالبيت
من حضني شلتيهو
يا ست شقانا الفات
والجاي بالفيهو
هل مر تاني عليك
او حتي شفتيهو
يا مارقه من دمو
من كل بقاع بلدي
اتشتت ارواح
في جيدك اتلمو
ماسك مقالد الروح
والشايلو من همو
يوم تنفتح ابواب
نار الجحيم وحساب
يا صاحب السلطان
ياما الدوالي تدول
يا تموت عشان تنجم
يا رجيت صباحنا الجاي
باكر تضوقو ندم
فتحت علي دروب
كايس لدربك وين
ما فتي من البال
ما ملتي عن العين
يا ست وريد الحب
ست الضلام والنور
شقي الجفا المشرور
فجي الغياب بالجيه
مدي المحنه جسور
بيناتنا والقلبين
قطعت طريقها مشت
يا ربي راجعه متين ؟؟!!!!!!!
| |
|
|
|
|
|
|
|
|
 Re: ما اظن يموت الشوق معاي .. او يحزن الريد بـي قفاي (Re: عبدالله وداعه الامين)
|
اها يا توما جيت راجع اكمل القصيدة
بس وين انتي و وين قلمك؟ وويت النلس دي؟
يا ستي شوق الناس
الفة و محبة اساس
و الباقي حتة ريد
تمزج شذى الانفاس
و نداوة الانسان
في رقّة الاحساس
والله مشتاق جد...
حت شوقي فات الحد
اتوسد الكراس
عطّر اريج الند
ما خلى فينا امد
عبى الدواخل كاس
ما شفتو مره هجد
في جزرو وّلا المد
ما زارو حتى نعاس
انا شوقي شوق الروح..
شوق الاماسي الفيك
الما غشاها يباس
بحلم بجيني هواك
كم مرة شفتى عينيك
سكنت مدارك الراس
يا ستي مشتاق جد
مستني شوقي معاي
ما قال كفايا خلاص
راجيكي ماني نسيت
لا قلبي اتلفت
لا مرة قالك ابيت
فتشتى ليك في الريح
جوه الحنايا مشيت
لا الخطوة ضلّت يوم
لا السكة ديك مليت
ما اخترتا غير دنياك
لا مرة واحدة شكيت
لفيت شعاب الروح
فتشتى ليك بيت بيت
و سكنتا في جواك
و فرحتى بيك غنيت
دايراني ما افرح
و كمان اقول دوبيت؟
يا ستي لو بقدر
والله كنت حكيت
و فضحت سر امرك
لو كان تحل يا ريت
بس جوة جوة الروح
في قلبي جوه لقيت
مكتوب هواكي زمان
قبال اظني قريت
شفتك فرح جواي
من عشقي ليكي سقيت
و عرفتا انو كمان
اياكي ست الريد
اياكي ست الناس
و عرفتا انو الشوق
يا ستي شوق الناس
مشوار بناهو الود
الفة و محبة اساس
و الباقي حتة ريد
تمزج شذى الانفاس
لندن
2004-08-12
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
دخلت من باب الخاطر بمهله شديده
فكره شوقي الليك
اتمهلت تجاها شويه شان ما استعجل في صدها ليك
وفي مهلتي ديك قامت قعدت وقعدت وقعدت , استحليت قعدتها جواي خصوصا لما تكلكلني بالشوق عند المعده وتحديدا
بين الحجاب الحاجزني من معدتي , وفي قعدتها الممتده الي جهه الوجدان قررت الاقامه هناك واتخذت شكل القلب
| |
|
|
|
|
|
|
|
|
|
Re: ما اظن يموت الشوق معاي .. او يحزن الريد بـي قفاي (Re: توما)
|
غصبا عن الصداع الربع راس والغربه والليل والمطر والشوق والهمله والحنين وبيت البكاء وقله المعزين او حتي الجايين للغداء ساي ..
اها
مواعيد عشقي ما بتنهد
اعلنها حبيب يثق في فعله
خانته الايام لم يهتم
تواطا معه الحب
والحبيبه
كفياه الم العالم
حين يتواطا الحب و الحبيبه
لتذهب كل العقبات الي قعر الجحيم
ملعونه كل العثرات التي قد تسهل او تصعب المشي
لانني و بلا اهتمام سامشي غير عابئ بالمسافه
يفصلني و سيد قلبي محيط و ارض شاسعه
لكنها خصبه بالحنين
تبحر سفينتي باتجاه مرفأه فيحتضنها بلا هواده
ذات شوق زاد عليهما
امتد اثره الي المحيط
هيجه الحنين
فابتلع كلاهما
يا راجيني هناك في القيفه
جاياك باكر اكيد
وعليه جدا
رغم الزوغه من الزهج والامنيات
بغني للايام البينا
تعالي
وفرحي خلق الله واتني
ارقصي رشي عبيرك فينا
وامرحي يا سمرااااا
| |
|
|
|
|
|
|
|
|
 Re: ما اظن يموت الشوق معاي .. او يحزن الريد بـي قفاي (Re: توما)
|
تلقينى معاك.
احساس بى غادى
ما لميتو وراك
عينيك طفله
تلعب المردوم00
مره تعاين في جوف
السما المحموم00
ومره يسوقها الزمن
الهش
يوديها بنادر الغش00
اقول ومعاى النبض الالفه بكاك
توما ماقدرته اكتر من كده..
جميل وجمال..
حكيكى خيال..
وبقول دهشه..
ياريتنى لو ماخشيت..
كيف وانا كل يوم فى البوست رفيق..
الليله خلاص..
غلبنى الاحساس..
ياتوما..
اه وعميق..
يا انتى انسان..
يا انتى انسان..
عذاب؟!؟..
| |
|
|
|
|
|
|
|
|
|
هلا (Re: توما)
|
يا امسيات العشق والشعر الحنين
هلا تقاربت الخطي
الحزن ثوره عشقنا المكبوت
والفقر المبين
الظلم لوحه همنا المقروء
في كف الجبين
الحب ذاك الثائر الموهوم
لا يكل ولا يلين
هلا توقفت السعاده عندنا
والفقر ذاك الزائر اليومي
هلا تمشيت قليلا خارج حدود الحي والمدينه
والامسيات الحلوه الضحكات
يا ليتها اكرمتنا بالمبيت
وبالشرب المحلي بالحضور المتوج بك
بنا
بالام والاخت والاخ المهاجر والاب المسافر ابدا
كثير جدا هذا فوق حد الاحتمال
جميل لا يطيقه القلب ولا الاحساس
نظيف تفر منه الجرذان المعشعشه في الوطن
الوطن الميت في قلبي
| |
|
|
|
|
|
|
|
|
|
Re: هلا (Re: توما)
|
بعد الغياب الطال
و الوحدة و البتقال
انو المسافة سفر
بتبدل الاحوال
عاد بيا تاني الشوق
و اتجددت أمال
و عرفتى انو هواك
يا سيدي شوق الشوق
كتبوهو قبلي قبيل
قبال اظن القاك
قبال حروف الريد
ترسم خطاوي رؤاك
بين السفر و المد
و اللسه في جواك
قبال خيوط الند
تدي الطبيعة شذاك
يا سيدي مشتاق جد
لو شوقي ببقى سند
اسكن مرافي الروح
اتوسدالخاطر
قبال اجي المرسال
و اتذكر انو كمان
لو المسافة سفر
جسر المحنة ظلال
يا نبقى فيهو الشوق
و نبدل الاحوال
او تبقى توم الروح
تدي العشم شبال
او ابقى في جواك
عطر المحنة الشال
وادى الفرح بسمة
تمزج عبيره السال
يا روحي فرحان بيك
و الله مشتاق ليك
و ان قلتا بس مشتاق
اشواقي ببقو قلال
يا سيدي مد الشوق
ايديكا يللا تعال
لندن 24.10.04
| |
|
|
|
|
|
|
| |
توما
زوربا
HAMZA SULIMAN
حبيب نورة
بدرالدين شنا
abuguta
khider
عبدالماجد فرح يوسف
ودرملية
tmbis
الجندرية
Ehab Eltayeb
ود حماد
طيفور
معتز تروتسكى
Kostawi
فيس بوك
تويتر
انستقرام
يوتيوب
بنتيريست