|
كتب الكاتب الفاتح جبرا المتوفرة بمعرض الدوحة
|
|
 Re: بورداب جده وعمووووم البورداب " انحنا جينا وكيه للمابينا" (Re: طيفور)
|
الناس الرائعه
مشتاقه ليكم بالحيل
دريمز ,بت النيل ,استاذنا حمزه ,وليم اندريه وكل من لم تسعفني لذكرهم ذاكرتي الخربه
شايفه شمار الهلتون حااااايم!!
والله الخطوط السعوديه ماقصرت في البدايه لكن عاد كملت اللوم بعد الهلتون....
13 ساعه ونحن في مطار الخرطوم بصالة المغادره_ عفوا_ حظيره المغادره!!!!
معقوله بس يا مدير المطار ؟؟؟!! مكيف بالغلط شغال مافي ومويه الناس تشربها مافي!!!
ألذ فصل في الفلم دا كان في الهلتون....
الناس بعد ما استقرت ونعمت بالجو الجميل داخل الهلتون لا غبار لا عجاج لا كتاحه .. يضربو ليك تلفون : اتفضلوا على البوفيه الغدا جاهز " ... لحدي كدا ماشين تماااام عوجه تب ماااافي
كل شويه نسأل أها أخبار الرحله شنو
؟؟
قالوا مافي اي أخبار.. تذمر ظاهري لكن تحت تحت " كويس خالص يعني الجديع حيطول شويه"
كل غرفه فيها ميني بار .. هاك يا شوكولاتات ويا آيس تي وياالبيره .. وطبعا نحن شعب بريء وما ماخدين على البروتوكولات والحاجات دي .. المهم
قالوا خلاص الباصات حتجي تنقل الناس للمطار ...
كل زول يسلم مفتاح الغرفه .. قلنا جدا.. وكانت المفاجأه الكبرى!!
فواتير كل غرفه ... قلنا فواتير شنو يا ناس؟؟!!
قالوا الميني بار والتلفونات وحتى المويه الشربتوها
شي ميات ألف وشي ميتينات ألف وفي زول سعودي معانا شكلوا سرح شي مليون ودقداق !!!
المهم الناس دقت جرس عالي .. وقالوا ماكلمتونا .. وناس قلوا ما عندنا وبس ناس الهلتون قاموا كدا وقالوا مافي زول يتحرك مالم يدفع فاتورته ..
كان منظر وبس!
غايتوا الخطوط دفعت للفندق لكن تكون حلفت ما تنزل زول الهلتون تاني
وتوبه من دي النوبه
لكن طلعت من الناس حق الهلتون ب13 ساعه على مقاعد الحظيره الوثيره والمكندشه جدا!!!
معليش ياجماعه لكن الفلم كان ختري شديد وما كنت قادره امنع نفسي من حكايتو وده طبعا بإختصار شدييييد ...
ماتقولوا برااايه
ملاحظه خارج النص:
يادريمز وبت النيل والله الظروف بس منعتني من إني ابلغكم بسفري لكن " لما آجي وأحكيلكوا عللي جرى"
ودمتم
ZARIA
| |
 
|
|
|
|
|
| |
Hussein Mallasi
willeim andrea
HAMZA SULIMAN
طيفور
waleed500
HOPEFUL
Ehab Eltayeb
Isam Widaa
almohndis
فيس بوك
تويتر
انستقرام
يوتيوب
بنتيريست