|
|
 جدية
|
 عندما قال لي رئيس قسم الأخبار بقناة mbc - قناة العرب الأولى - أن القناة كانت جداً محظوظة أن تجد جدية شعرت بالفخر والزهاء وازددت عزاً وسعادة عندما شاهدتها على أخبار mbc الرئيسية وفي برنامج صباح الخير يا عرب وظلت تزداد تألقاً كلما قدمت تقريراً جديداً من المملكة المتحدة فأدركت أن الموهبة عندما تقترن بالدراسة يصبح المبدع متوهجاً ومتمكناً ورائعاً لأقصى حد .. جدية درست الإعلام بويست مينستر بلندن وتدربت مع قنوات مثل الـ ITV وشبكة الـ ANN وتلفزيون البحرين وكانت البداية بتلفزيون السودان
|
|
 
|
|
|
|
|
|
|
 Re: جدية (Re: Dr. Moiz Bakhiet)
|
مليار مبروك يا بروف
انشاء الله طوالي لي قدام
والحقيقة نحن كلنا شعرنا بالفخر
وبي كدة تستاهل الدعوة الحبيبو نورانية الحصرية المستجابة
ربنا ينجيها و يغطيها و يضاريها و يخليها و يهنيها و يعليها وما يدليها ومحل ما ماشة يوديها
| |
|
|
|
|
|
|
|
|
 Re: جدية (Re: حبيب نورة)
|
حبيب نورة الغالي،
أحلى كلام
وأحلى دعوة
من أحلى زول
تسلم حبيب الناس كلها
ونتمنى يا سيدنا
سيدنا يا ريدنا
رضاك علينا يدوم..
| |
|
|
|
|
|
|
|
|
|
Re: جدية (Re: عاصم ابوبكر حامد)
|
الحبيب عاصم أبوبكر،
تحياتي ليك
وسلامي ومودتي العميقة..
آمين يا رب
ومليون شكر على الدعوات الطيبة
ولكم كانت الدعوات تمنحني الأمان
| Quote: بس قصة العرض دى شوية صعبة ... |
أنا ما عندي حاجة صعبة يا عاصم وحياتك..
دايماً كده..
بإذن الله
| |
|
|
|
|
|
|
|
|
|
Re: جدية (Re: Dr. Moiz Bakhiet)
|
ما شاء الله...تبارك الله..
عجبتني جداً الاخبار دي.
جدية نموذج نسائي سوداني نفتخر به..
اتمنى ليها المزيد من التوفيق و النجاح..
ربنا يخليها ليك...و يخليك ليها...و يغطي على كتاكيتكم.
| |
|
|
|
|
|
|
|
|
|
Re: جدية (Re: mamkouna)
|
ممكونة الجميلة،
مشتاقين والله
وينك مختفية
تسلمي كتير ست الناس
وربنا يقبل دعواتك الطيبة
أشواق ومحبة بلا حدود والله
| |
|
|
|
|
|
|
|
|
|
Re: جدية (Re: Dr. Moiz Bakhiet)
|
الحق أنها مميزة بحق...
لها التحية علي تشريفنا بعملها المبدع
ولكم التحية أن هيأتم لها بيئة للابداع
وربنا يحفظ الجميع
| |
|
|
|
|
|
|
|
|
|
Re: جدية (Re: ود الباوقة)
|
بيعجبيني الزول الطموح..
ربنا يعليها اكتر واكتر..
وربنا يخليكم لي بعض..
(الفريق الفاز دة حيكون السبب في رفدي من الشغل ..كل يوم بفتح اليوتوب وبقعد اصفق لمن افتر)
| |
|
|
|
|
|
|
|
|
|
Re: جدية (Re: سارة علي)
|
التحية للاعلامية المتميزة جدية
مع الامنيات الطيبة لها بمزيد من التألق والنجاحات
التحايا والتقدير دكتور معز
| |
|
|
|
|
|
|
|
|
|
Re: جدية (Re: هند محمد)
|
صاحبة الحرف الأنيق
الشاعرة الجميلة هند،
شكراً رقيقاً لك سيدتي
ولك الود
ولك المحبة
والتقدير كله
والأمنيات الطيبة
| |
|
|
|
|
|
|
|
|
|
Re: جدية (Re: سارة علي)
|
الجميلة سارة علي،
تسلمي كتير ست الناس
وشكراً على مداخلتك اللطيفة
ودعواتك الطيبة
وربنا يقبل..
معقول بس في زول حلو زيّك كده برفدوه
بس ما عندك مشكلة
بنجيب ليك الفريق لايف.. 
| |
|
|
|
|
|
|
|
|
|
Re: جدية (Re: ود الباوقة)
|
الحبيب ودالباوقة،
أحلى دعوة
من أحلى زول
وربنا يقبل ان شاء الله
تسلم كتير
ولك تحياتي الحارة
ومودتي بلا حدود
| |
|
|
|
|
|
|
|
|
|
Re: جدية (Re: عثمان رضوان)
|
الحبيب عثمان رضوان،
شكراً يا جميل
والحب في كل الأحوال حلو
حلو جداً
حلو جداً جداً
كان لي نقل فؤادك
كان للأول
كان للأخير
كان لأي حاجة
| |
|
|
|
|
|
|
|
|
|
Re: جدية (Re: أبوذر بابكر)
|
د. المعز - هون الله دربك وفرشوا بالورود والرياحين الى أن تصل باب الجنه
اتمنى لكم مزيدا من الابداعات والنجاحات - وأسال الله أن يجعل كل لحظة من عمركم
ملئيه بالنجاح - ولي قدام ربنا يسندكم - ولي جدويه كل الحب والتقدير والامتنان
ربنــــــــــــــا يحفظكم بحفظه الجميــــــــــــــــل
| |
|
|
|
|
|
|
|
|
|
Re: جدية (Re: bent awad el kareem)
|
الاخ الدكتور معز
تحياتي
جدية انسانة فنانة مجتهدة وطموحة ونجاحها نتيجة حتمية لقدراتها .. نتمنى لها المزيد من النجاح .. والمؤسف انو قناة الام بي سي غير متوفرة ضمن الفضائيات في سمائنا ..
مع اطيب تمنياتي لكما بدوام السعادة والهناء
وهذه الصورة اذكرها جيدا المكان والزمان والمناسبة
| |
|
|
|
|
|
|
|
|
|
Re: جدية (Re: elfadl abdellatif)
|
مبروك لي حرمكم المصون
وبتنا الحلوه
جديه ونتحرق شوقا كي نراها علي الاثير متآلقة دوما
ويا
جدي العزاز الجيدو قزاز
ياعزاز انا نومي خزاز
------------------
مزيد من التقدم والتسلح بالعلم والثقافة
| |
|
|
|
|
|
|
|
|
|
Re: جدية (Re: حواء سليمان ابراهيم)
|
جدية
أعتز وأفتخر بها
سودانية تملأ العين
مزيد من التقدم يامميزة
وبالفعل وراء كل عظيمة رجل بمثل عظمتها
تسلم يابروف وربي يحفظكم يارب
| |
|
|
|
|
|
|
|
|
|
Re: جدية (Re: نادية عثمان)
|
الحبيبة نادية،
وانت والله سودانية واعلامية بتملي العين
شكراً يا غالية
مع مودتي
واعزازي العميق
وتحية خاصة من جدية
| |
|
|
|
|
|
|
|
|
|
Re: جدية (Re: حواء سليمان ابراهيم)
|
الف مبروك يا بروف لجدية و ربنا يوفقها
ماشاء الله عينا باردة عليها ( اسم على مسمى )
الله يخليها لك ويخليك ليها ويحفظها من كل شر
أحمد العمار
| |
|
|
|
|
|
|
|
|
|
Re: جدية (Re: احمد العمار)
|
.
.
( عقَدتَنـــــــــــــــا ) .. يا دوكـ يا جميل ... 
| Quote: ربنا ينجيها و يغطيها و يضاريها و يخليها و يهنيها و يعليها وما يدليها ومحل ما ماشة يوديها |
| |
|
|
|
|
|
|
|
|
|
Re: جدية (Re: عمران حسن صالح)
|
Quote: دوني و وعدك شمس حب
لا تغيب
و قصيدة سكرى بحبك
من حبيب
من شاعر يهواك حتى ينجلي
في آخر الأوراد وعد لا يخيب
و الله شاهد قصتي و هواي
و الداعي لوصلك و المجيب
يا لوحتي و حديقتي ينتابني
في كل ثانية حنين..
للقاك ينبع من وريدي
بحر إحساس دفين |
يا الله.... يا الله .... يا الله
اعظم ما قرات من قصائد الحب
| |
|
|
|
|
|
|
|
|
|
Re: جدية (Re: يوسف الولى)
|
الاخ الحبيب الغالي د. معز..
تحياتي وتقديري..
والله العظيم فرحت من جوه..جوه قلبي على هذا الانجاز الذي حققته الاخت جدية عثمان..وحقيقة انا شهدت بداياتها الأولى في تلفزيون السودان وكانت ملامح وجهها تنبئ بميلاد نجم سوداني جديد.. وعندما التقيتها في البحرين ومن خلال علاقتي من العيديد من الزملاء في تلفزيون البحرين الذين تعاونت معهم في اعداد البرامج كلهم كانوا يثنوا عليها على جديتها في العمل وشخصيتها الاعلامية المتميزة.
وآخر مرة في بيتكم العامر عندما تقابلنا ومعي زميل آخر تحدثنا حول الاعلام بشكل عام ومشكلة السودان التي تمنعه الصعود للعالمية في هذا المجال والكفاءات التي يعتمد عليها تلفزيوننا السودان واهتمامه الكثير والأكبر بالشكل دون المضمون تحدثت الاخت جدية حديث العارفين عن الأجواء الاعلامية والتلفزيونية تحديداً هناك في بريطانيا، وكنت أدري تماماً لما أعرفه عنها انها ستكون علم سودان في المستقبل القريب جدا يرفرف في هذا الجزء العزيز من العالم الرحب.
أهنئيك وأهني السودان كله بنجاح وصول الاخت الزميلة جدية إلى هذا المستوى العالمي، ودائما كنت ولا زلت أراهن على التدريب والاحتكاك مع الآخرين ومن خلال تجربتي في التدريب بالتلفزيون الايراني تأكد لي تماماً أن السودان بفكره الراهن لا يمكن ان يتقدم تلفزيوننا ليلحق بالآخرين، والمسألة أبدا ما مسألة امكانية المشكلة عندنا مشكلة عقليات متخلفة عن الأسس الحديثة للعمل التلفازي.
مبروك اختي جدية ومبرووووووك لكل اعلامي السودان..
وإذا كان لي وصية للشباب أقول لهم أسعوا للتدريب في الخارج..والاحتكاك والتعامل مع الخبرات العالمية.
والشكر لك انت اخي معز..فقد ظللت تدفع بالاخت جدية إلى الامام في هذا المضمار ضاربا المثل الأعلى في المثالية الزوجية بفهم ومستوى وعي عال للتكامل الاجتماعي باحترام كبير للمرأة..
حظفك الله لجدية وحفظ جدية لك ولأسرتكم الكريمة.
| |
|
|
|
|
|
|
|
|
|
Re: جدية (Re: salah ismail)
|
مبروك النجاح والي المزيد
ونتمني ان نراها سيدة السودان الاولي قريبا (مازوجة رئيسنا القادم ) انشاء اللة
ويابروف انا شخصيا ضامن ليك عشرة اصوات من داخل الاسرة اها لقيتني كيف
ولك الود يابروف وللاستاذة جدية
| |
|
|
|
|
|
|
|
|
|
Re: جدية (Re: khalid abuahmed)
|
الحبيب خالد ابوأحمد،
دائماً أنت جميل
ودائماً أنت متفرد
ودائماً أنت بقلبي
لك الود العظيم
والتقدير الكبير
وصادق المودة
| |
|
|
|
|
|
|
|
|
|
Re: جدية (Re: يوسف الولى)
|
الله عليك انت يا يوسف الولي يا حبيب
شكراً على الإحساس الرائع والنبيل
ربنا يكتر من أمثالك
| |
|
|
|
|
|
|
|
|
|
Re: جدية (Re: Elmosley)
|
المبدع الإنسان الموصلي،
شكراً لك يا واهب الإحساس معنى
والكلمة روعة
واللحن خلوداً سرمدياً
شكراً مقدراً لك ايها النبيل
| |
|
|
|
|
|
|
|
|
|
Re: جدية (Re: elfadl abdellatif)
|
الحبيب الفضل عبد اللطيف،
شكراً مقدراً لكلماتك الطيبة
ولهذه الذاكرة الجميلة..
في اي البلاد أنت الآن؟؟
تحياتي الحارة لك
ومودتي العميقة
| |
|
|
|
|
|
|
|
|
|
Re: جدية (Re: bent awad el kareem)
|
بت عوض الكريم الرائعة،
دعواتك الكريمة
تبعث في النفس أمان الدنيا جميعه
وتحلق بالروح في سماء العافية
كم أنت جميلة
شكراً عظيما لك سيدتي
وصادق محبتي
| |
|
|
|
|
|
|
|
|
|
Re: جدية (Re: Dr. Moiz Bakhiet)
|
مو
عز
ساكت
Quote: إني أحبك فانظري
هذا امتداد الحب عندي
دون حدٍ دون سدٍ
دون بدءٍ و انتهاء
إني أحبك هكذا |
حين يشع الحب حولنا
تصبح احلامنا
حقيقة
و حين تقترن احلامنا .. باجتهادنا .. و جدنا
يصبح عندنا .. معز و جدية
و أمل و احمد
لكم الدعوات الطيبة ابدا
| |
|
|
|
|
|
|
|
|
|
Re: جدية (Re: اسعد الريفى)
|
Quote: شكراً يا جميل
والحب في كل الأحوال حلو
حلو جداً
حلو جداً جداً
كان لي نقل فؤادك
كان للأول
كان للأخير
كان لأي حاجة |
ألف مبروك يا جدية..
ربنا يزيدك نجاح وعلو..
سلام يا معز..
| |
|
|
|
|
|
|
|
|
|
Re: جدية (Re: محمد فضل الله المكى)
|
الجميل محمد فضل الله المكي،
والله بالغت
ياخ ليبولد سيدار سنقور
ما كان شاعر عظيم
ورئيس دولة محترم
خلونا نعلم الساسة في السودان انو السياسة فن
مش تقاسم سلطة وثروة وخبث وخبائث بس..
تسلم كتير ياحبيب
انت وحبيب نورة
| |
|
|
|
|
|
|
|
|
|
Re: جدية (Re: Muna Khugali)
|
لن أطيل الشرح ..
فالحب اختصار ..
إنني في حاجة قصوى
إلى واحدة مثلك ..
كي يأتي النهار ..
ألف مبروك د. معز ..
هنيئا لكما بهذا النجاح ..
أم مجاهد ..
| |
|
|
|
|
|
|
|
|
|
Re: جدية (Re: عواطف ادريس اسماعيل)
|
ما شاء الله عليك يا بروف.. ليك حق دنياك خالية .. لا بتشيل هم ولا بتزعل.. ودائما وجهك ضاحك..الله يخليكم لبعض ويرفع شأنكم..
| |
|
|
|
|
|
|
|
|
|
Re: جدية (Re: رغيم عثمان رغيم الحسن)
|
Quote: هيا تعالي نستحم بماء عشق
نبعه فيض اللقاء
و هواؤه الإخلاص و الصدق القويم
و عطره زهر الوفاء
اصغي إليّ فها هو الوعد المفدّى
سوف يبقى في حياتي سامقاً
بهواك يزخر بالعطاء
إني أحبك فاشهدي
ألا صباح بغير شمسك
لا شروقاً أو غروباً
أو نهاراً أو مساء
إني أحبك فاعلمي
ألا فصولاً تستديرمن
الربيع إلى الشتاء
إني أحبك فادركي
ألا حياة بغير مائك
لا بحاراً أو سحاباً
أو نجوماً أو سماء
إني أحبك فانظري
هذا امتداد الحب عندي
دون حدٍ دون سدٍ
دون بدءٍ و انتهاء
إني أحبك هكذا
جيم ٌ
و دال ٌ
ثم ياء ٌ
ثم تاء ْ
إني أحبك هكذا
يا جدية الأمل المضاء
إني أحبك هكذا. |
1000 مبروك ليك يا دكتور ولجدية هذا الانجاز الرائع ومزيدا من التوفيق..
تحياتي والقصيدة رائعة ومعبره..
بعد دا ربنا يلم الشمل ان شاء لله
| |
|
|
|
|
|
|
|
|
|
Re: جدية (Re: Ehab Eltayeb)
|
إني أحبك هكذا
جيم ٌ
و دال ٌ
ثم ياء ٌ
ثم تاء ْ
إني أحبك هكذا
يا جدية الأمل المضاء
إني أحبك هكذا.
جميلة طموحة متالقة
الف مبروك لى جدية وتستاهل
| |
|
|
|
|
|
|
|
|
|
Re: جدية (Re: ناجية مصطفى)
|
الاستاذه جديه
طموحه قديره مثقفه وتلقائيه
نتمني لها التوفيق والسداد
ولك عميق الموده بروف معز
| |
|
|
|
|
|
|
|
|
|
Re: جدية (Re: نوفل عبد الرحيم حسن)
|
الف مبروك للجميلة جدية وأمنياتنا لها بالتوفيق
يا د. معز ..الا تخافنا أن نحسدكم . هنيئا لها بفرحتك وفخرك بها وقصائدك...
أمنياتى لكما بدوام التوفيق والهناء
| |
|
|
|
|
|
|
|
|
|
Re: جدية (Re: rosemen osman)
|
| Quote: معقول بس في زول حلو زيّك كده برفدوه |
د. المعز..
سجمي؟؟
رفدوني من وين ؟؟
ما كلموني وما ادوني خبر....
الصورة الفي البروفايل ما تبعي..
لي فيها مآرب..
اجهجه بيها كوستاوي
واغش بيها الجكس..
وخاصة ناس السعودية..
ما تكلم زول..
| |
|
|
|
|
|
|
|
|
|
Re: جدية (Re: سارة علي)
|
Quote: عندما قال لي رئيس قسم الأخبار بقناة mbc
- قناة العرب الأولى -
أن القناة كانت جداً محظوظة أن تجد جدية
شعرت بالفخر والزهاء |
هذا كسير تلج من يملك لمن يستحق
يا دكتور احبكم...
وين الغيبات،،
| |
|
|
|
|
|
|
|
|
|
Re: جدية (Re: صديق الموج)
|
دكتور المعز
سلامات
بصراحة أنت بى أنسانيتك دى قدامنا بى مليون سنة ضوئية...
يا بختك بى جدية...
يا بخت جدية بيك...
ويا بخت الجميع وفخرهم بكما...
أما أنا.. فيا بختى وفخرى بكم آل عمر بخيت العوض
حبى لكما وعبركما لصديقة الزمن الجميل أميرة عمر بخيت...
ومزيد من الأنسانية يا أحبة...
سيف مصطفى
| |
|
|
|
|
|
|
|
|
|
Re: جدية (Re: الكباشى البكرى)
|
Quote: إني أحبك فاشهدي
ألا صباح بغير شمسك
لا شروقاً أو غروباً
أو نهاراً أو مساء
إني أحبك فاعلمي
ألا فصولاً تستديرمن
الربيع إلى الشتاء
إني أحبك فادركي
ألا حياة بغير مائك
لا بحاراً أو سحاباً
أو نجوماً أو سماء
إني أحبك فانظري
هذا امتداد الحب عندي
دون حدٍ دون سدٍ
دون بدءٍ و انتهاء
إني أحبك هكذا
جيم ٌ
و دال ٌ
ثم ياء ٌ
ثم تاء ْ |
معز يا خـطيييير ..
إنى أشهـد : أنك قد جضمت الدكترة والعـلم
والشـعر والإحساس بكل جميل والقدرة علي
حلو الكلام ..والإختيار ..
مليون مبروك علي كلو وربنا يحفـظكم لي
بعض وللحلوين الصغار وللسـودان والبشرية.
والأمنيات بالتوفيق لجـدية في مجالها.
| |
|
|
|
|
|
|
|
|
|
Re: جدية (Re: Abd Alla Elhabib)
|
الحبيب عبد الله الحبيب،
شكراً زاهياً وندياً
ومحبة بطول المدى
..
أسعدتني كلماتك
وتوجتني أميراً على عرش النشوة
والبهاء
تقديري العظيم لك
دون حدٍ
دون سدٍ
دون بدءٍ
وانتهاء..
| |
|
|
|
|
|
|
|
|
|
Re: جدية (Re: SAIF MUstafa)
|
الجميل سيف مصطفى،
شكراً جليلاً لكلماتك التي تمسح الزيف
عن محطات الزمن المتعب بوجع الآخرين
فهو زمان قلما يأتينا بالنبلاء مثلك
والرائعين
والواهبين النفس
دوحة الخلود
..
لك الشكرالمقدس
والمحبة والنهى
فرح يطول..
| |
|
|
|
|
|
|
|
|
|
Re: جدية (Re: صديق الموج)
|
ود الموج يا عجيب،
مشتاقين والله يا حبيب
ونحن بنموت فيك كمان
بس انت المختفي يا سيدي
واتصلت عليك أكتر من مرة وما بترد..
بالجد شوق لا حد له
ومليون شكر
| |
|
|
|
|
|
|
|
|
|
Re: جدية (Re: سارة علي)
|
سارة علي
Quote: Quote: معقول بس في زول حلو زيّك كده برفدوه
د. المعز..
سجمي؟؟
رفدوني من وين ؟؟
ما كلموني وما ادوني خبر.... |
حبيبتنا الغالية سارة،
مش انتي فوق قلتي :
| Quote: (الفريق الفاز دة حيكون السبب في رفدي من الشغل ..كل يوم بفتح اليوتوب وبقعد اصفق لمن افتر) |
عشان كده أنا قلت ليك معقول بس في زول حلو زيّك كده برفدوه
Quote: الصورة الفي البروفايل ما تبعي..
لي فيها مآرب..
اجهجه بيها كوستاوي
واغش بيها الجكس..
وخاصة ناس السعودية..
ما تكلم زول.. |
ياخ أنا متأكد جداً إنك أحلى من صورة البروفايل..
ولو نزلتي الصورة الجد جد
يادووووووووووووب ما جهجهتيهم كلهم.. 
| |
|
|
|
|
|
|
|
|
|
Re: جدية (Re: rosemen osman)
|
مبدعتنا الجميلة روزمين،
مثلك لا يَحسد
مثلك يحقق الأمنيات النبيلة
ويصنع الفرح
..
شكراً لك روزمين
شكراً لك
ياوردة العطر الذى
غسل الدواخل بالعبق
| |
|
|
|
|
|
|
|
|
|
Re: جدية (Re: Ehab Eltayeb)
|
الحبيب الغالي إيهاب الطيب،
والله مشتاقين يا رجل
شكراً صديقي إيهاب
شكراً عظيماً لك أيها النبيل..
| |
|
|
|
|
|
|
|
|
|
Re: جدية (Re: صلاح الفكي)
|
الحبيب صلاح الفكي،
شكراً مليون يا حبيب
عارف يا صلاح أنا بستمد قوتي على الإستمرار واكتساب الفرح من وين؟
من حب الآخرين
ومن الترفع عما يجيش بنفوس البعض السوداء
ولو مشيت تحت شوية حتلاقي مثال
وفي أماكن أخرى عشرات الأمثلة..
عشان كده تعلمت أن ابتسم
وأن أصاحب طلوع الشمس
ولا أهرب من ظلام المدينة
شكراً مقدراً لك يا زول يا جميل
| |
|
|
|
|
|
|
|
|
|
Re: جدية (Re: Muna Khugali)
|
ماشاء الله يا بروف ... عيني بااااردة ...
يارب من نجاح لي نجاح وتقدم وعلو مكانه سامية جداً ...
حقيقي وراء كل رجل عظيم إمراة عظيمة ... فهي فخر لنا ولكل إعلامي سوداننا الحبيب ...
شكراً يا بروف ... شكراً يا جديـــة ..... وربنا يحفظكم لي بعض ويغطيكم من كل حاسد إذا حسد ومن كل شيطان وهامة وعين لامه .... مع مودتي ......
| |
|
|
|
|
|
|
|
|
|
Re: جدية (Re: عماد محمود علي)
|
الغالي عماد محمود،
شكراً أيها النبيل على أحرفك السامية
كلماتك تعيد توازني
وتسقي وريد الأصيل بمحبتك
فتشرق الدنيا بروعتك
تحياتي الحارة
ومحبتي بلا انتهاء
| |
|
|
|
|
|
|
|
|
|
Re: جدية (Re: اسعد الريفى)
|
الحبيب الغالي أسعد الريفي،
وحينما تطل كلماتك
تشرق الدنيا وتخضر الحقول..
لك ايها الزارع وجدنا سنابل عافية
لك المطر المعتق بالمحبة والهطول
ولك الفرح المقيم
ولك الشوق والتحية
والود العظيم
شكراً لك يا أسعد يا جميل
| |
|
|
|
|
|
|
|
|
|
Re: جدية (Re: Dr. Moiz Bakhiet)
|
بروف معز
انت فخرا للسودان دوما
واكيد حرمكم كان لازم تكون فخر للسودان والسودانيات
مذيدا من التفوق
وربنا يحفظكم للوطن
| |
|
|
|
|
|
|
|
|
|
Re: جدية (Re: خالد العطا)
|
Quote: دون حدٍ دون سدٍ
دون بدءٍ و انتهاء |
يا جدية ؟
الرد بالسد .. لوووول .
بروف معز ياخ بتتشابهو شبه ... شديد .. !!
تقول اخوان .. كدى فكو احتكار الجمال دا
وقسمو قسمة عادلة على خلق الله الباقيين .
مش انت مرشحنا للرئاسة وكدا ؟
* نطالب بتوزيع الشهادات والجمال المتكدس
فى حته واحده
** نطالب بحقنا فى حياة كريمة ووجه حسن ..
*** نطالب بتوزيع المواهب والادب ما معقول تلموها
كلها كدا
ــــــــــــــــ
باختصار كدا شوفوا لينا معاكم سوء التوزيع دا
من شنو ؟؟ احلى اتنين
ما تخافوا ما بسحر !
| |
|
|
|
|
|
|
|
|
|
Re: جدية (Re: دينا خالد)
|
الجميلة دينا خالد،
كلامك د الحلو زيك ده يستاهل قصيدة
مهداة خصيصاً لك:
وتفتحت عيني ِ
على شوق هفا بدواخلي
منذ التقينا يا هوى..
أسماؤك الحسنى وقلبي
والصباح إذا تمدد
في عيونك وارتوى
بحنينه المسكوب
من دفء انتظارك
في متاهات النوى
قد هام طيف الحلم
في خديك توقاً
ثم دندن وانزوى
حتى رحيق الشمس
في شفتيك ذوّبه الجوى
فتح النبيذ عروقه
لهواك والكأس استوى
والنشوة استرقت
حريق مواجعي
وضياء حسنك قد روى َ
إحساسه المجدول من
وجد القصائد رونقاً
يا نجمة
ملكت تباريح الزمان
وما حوىَ..
***
من أين يا وطن انتمائي
يا جداول صحوتي
ورحيق مائي قد أتيت؟
من أين يا أحلى جدار
طوّق الإحساس عندي
قد بنيت..
هذي الجسور
المترعات نضارة
وسكبت روحك
في دمائي وانزويت
ثم استبقت صبابتي
وحبست أنفاس السنابل
في حقول العطر ورداً
وارتقيت
لمدائن الأفراح
في وطني
وجددت المشارق
في بلادي
ثم لحت بكل بيت
يا لهفة النهر المبارك
مذ رأيتك
في مرايات الشعور
المستهل رحيله
من شاطئ الإيمان
عندك قد نويت
أن أرتجيك
على سحاب مواهبي
وأشبع الغيمات
بالهمس الجريء
إذا قرأتك فاهتديت
بجمالك الأخاذ
يخطف لحظتي
والعمر بين يديك
خاتمة المطاف
ووهلة تبقى حضورك
فاكتفيت
بجلالك البراق
والشمس التي
في مقلتيك وسامة
والبحر يسقيني هواك
فما ارتويت.
| |
|
|
|
|
|
|
|
|
|
Re: جدية (Re: Alsa7afa_30)
|
العزيز المعز.
قديماً قالت العرب"لاقى شِنُ طبقة"،
والحق أن كلاكما مفخرةَ وعزُّ وتاجُ
على رأسنا ورأس هذا الشعب المعلّم
أبداً، وما نجاحاتكم التى تسير بها
الرٌكبان إلآ دليلٌ ساطعٌ على تميزكم،
وتميز الشعب الذى إليه تنتمون.
الحق أننى، وكل سودانى نمتلئ زهواً
وغروراً كلما وجّ نجمٌ من نجومنا التى
ترصّع سماوات الدنيا بعلمها، نبوغها،
إبداعها وبراعتها.
دمتم ذخراً لنا، منارات ومصابيح تضئ
سماء بلادنا بوهج التألق .
التحية والإجلال لكما، ولكل من رفع
رأسنا فوق هامات الشعوب الأخرى .
ولـ جدية، ولك محبتنا .
دمتم
| |
|
|
|
|
|
|
|
|
|
Re: جدية (Re: قلقو)
|
أحبابنا الكرام
معليش ممكن أرد على قلقو ده لأنو شكلو متضايق شوية..
وبعدين برجع ليكم يا أحلى وأعز ناس
حبيبنا قلقو كتب:
Quote: د.معز
لاأريد ان افسد عليك فرحتك بحرمك المصون لكن حقيقة انت نرجسى اكتر من اللزوم . |
يا سيدي بالعكس والله
انت كده بتزيد فرحتي وسعادتي
وربنا يزيد ويبارك إن شاء الله
ويديك إنت كمان على قدر نيتك ..
| |
|
|
|
|
|
|
|
|
|
Re: جدية (Re: ALZOLZATOO)
|
ما بالسمنة وكده
......
ماتشوفو ليكم حاجة تكافو بيها العين وكده
......
ماتعلقوا ليكم فردة جزمة من حقاتى ديل وكده..
......
ما تدونا"البياض" وكده..!!
.....
.....
و....أكان ماكده..!!
.....
.....
.....
كان الواحد هسع يطقكم عين و"ما" كده.....!!
| |
|
|
|
|
|
|
|
|
 Re: جدية (Re: abas)
|
تهنئة لها ولك من القلب ،
إن وطنكما الإبداع ..ألف سلام عليكما في الباسقات من الشجر
والعاليات من الثمر
| |
|
|
|
|
|
|
|
|
|
Re: جدية (Re: عبدالله الشقليني)
|
Quote:
الحق أننى، وكل سودانى نمتلئ زهواً
وغروراً كلما وجّ نجمٌ من نجومنا التى
ترصّع سماوات الدنيا بعلمها، نبوغها،
إبداعها وبراعتها.
دمتم ذخراً لنا، منارات ومصابيح تضئ
سماء بلادنا بوهج التألق .
التحية والإجلال لكما، ولكل من رفع
رأسنا فوق هامات الشعوب الأخرى .
ولـ جدية، ولك محبتنا .
|
د. المعز
وافق كلام عبد الله شمس الدين كلامي وكفاني قولاً
هشام
| |
|
|
|
|
|
|
|
|
|
Re: جدية (Re: ALGARADABI)
|
د.معز وضيوفو الكرام
تحياتى العطرة مهداه اليكم فى هذا الباحة الوريفة والمخضرة بالاناقة والوجه الصبوح وبالطبع الصوت الشجى على الرغم من اننى لم استمع اليها الى الآن جدية دعاؤنا لها بالتوفيق والنجاحات المستمرة
وشكراّ
على فكرة يا د.معز فى واحد فى البوست ادناة طالب مشاركتك وضيوفك الكرام وحبابكم الف فى البوست
افراح عصام
| |
|
|
|
|
|
|
|
|
|
Re: جدية (Re: عبدالمنعم خيرالله)
|
عزيزنا البروف معز
تحياتي ومحبتي ،
Quote: إني أحبك هكذا
جيم ٌ
و دال ٌ
ثم ياء ٌ
ثم تاء ْ
إني أحبك هكذا
يا جدية الأمل المضاء
إني أحبك هكذا. |
ألف مليون مبروك لك ولها، فأنتما
معاً قد رفعتما ومازلتما ترفعان
رؤوسنا واسم السودان عالياً خفاقاً
في شتى المحافل العلمية والاعلامية .
ربنا يحفظكم لي بعض ويحميكم من
عين الحسود ، ويوفقكم دائماً وأبداً .
و .. مزيداً من النجاحات .. الغالية جدية .
ومؤكد.. جدية تستاهل دواوين شعر وليس
بضعة قصائد .. فمثلها أكبر من كل
كلمات الغرام وأرفع من كلمات الهيام،
ويكفي أنها جدية صنوة الروح وقرينة
حبيب الملايين وهامتنا الشماء بروف معز .
أشهد الله أنني أحبك مثلما أحبها في الله ،
و .. تسلموا لينا دوماً .. أغلى الأحباب .
مودتي ،
( ليمو )
| |
|
|
|
|
|
|
|
|
|
Re: جدية (Re: abdulhalim altilib)
|
جدية
كانت من (ذوات الأداء الضعيف) فى تلفزيون
السودان ... ما شفتها فى (محطات) أخرى بعد ذلك
آمل إنها تكون صارت أقوى عودا" بعد سنوات من الخبرة والتأهيل...
لك ولها الود
| |
|
|
|
|
|
|
|
|
|
Re: جدية (Re: Giwey)
|
معز يا غالي..
ســلام وتحايا..
صادق الأمنيات للعزيزة جدية بالتوفيق والتقدم بإذن الله..
للإمــام..
رجا
| |
|
|
|
|
|
|
|
|
 Re: جدية (Re: Raja)
|
يا دكتور المعز
| Quote: قدمت للشوق المقدس في عيونك توبتي |
لو كنت فى محلك لقلت
لقلت ( أعلنت ) بدل عن ( قدمت) ..
فاعلان التوبه أقر ب الى الشهادة فقها
التوبة تعلن لا تقدم ...
ولما كان حالك هذا محرابى وتعبدى فالاشياء من بعضها فى لزومها
فبدلا عن قولك
| Quote: و مشيت نحوك عابراً كل الحواجز و الجسور |
| Quote: وهرولت نحوك عابرا كل الجسور |
فالمشى اقل بطئا لكن الهرولة أدخل الى حالتك
أما قولك
| Quote: فلقد وجدتك في الشواطئ زورقاً |
فيه تخفيف أنت لم تجدها بل تنزلت اليك
أما ان كنت مصرا على على قولك ( فلقد وجدتك )
أرى يمكن أن تجدها لؤلؤة على الشط
ويكون يكون المعنى أعمق اذا صارت زورقا للنجاة عند أمواج البحر المتلاطمة فتتنزل عليك (انقاذا)
أما قولك :
Quote: طوقاً يصد البحر عني
يحتويني في جيوب الصبر
يزرعني رحيقاً في بساتين الحبور |
قمة التعبير والابداع ... فالحبور مقام من مقامات الاشراق والفرح الصوفى
عندما ترد مفردة حبور مسبوقة ببساتين ورحيق
يدل ذلك على جبلتك المبدعة أبدا وانت هكذا...
أما قولك
به تصغير ... بسبب الصورة العادية
لو أنك قلت ( جدية الفراديس أو جدية الزمن السحيق ) او شيئ من المفارقات التى اشتهرت بها
لصار المعنى أعمق ..,انت أدرى وسيد العارفين
أما قولك
| Quote: كالصبح كالفتح الرهيب |
..
تستحق علية جائزة ابداع البورد ...لكن بعد أن نستشير رئيسنا ( ....) ...
عزيزرى الشاعر المجبول المعز
تحياتى وتقديرى
وآمل أن تكون محتملا لهزارى
شكرا
قور
| |
|
|
|
|
|
|
| |
Dr. Moiz Bakhiet
حبيب نورة
عاصم ابوبكر حامد
mamkouna
عثمان رضوان
سارة علي
هند محمد
أبوذر بابكر
bent awad el kareem
وليد الطيب قسم السيد
elfadl abdellatif
Elmosley
حواء سليمان ابراهيم
عمران حسن صالح
يوسف الولى
khalid abuahmed
salah ismail
بدرالدين كاجوري
اسعد الريفى
Muna Khugali
محمد فضل الله المكى
عواطف ادريس اسماعيل
رغيم عثمان رغيم الحسن
Ehab Eltayeb
نوفل عبد الرحيم حسن
rosemen osman
صديق الموج
SAIF MUstafa
Abd Alla Elhabib
دينا خالد
Alsa7afa_30
عبدالله شمس الدين مصطفى
قلقو
ALZOLZATOO
أحمد عبدالوهاب الأحمدى
abas
عبدالله الشقليني
Hisham Ibrahim
ALGARADABI
عبدالمنعم خيرالله
abdulhalim altilib
Giwey
Raja
Abuelgassim Gor
فيس بوك
تويتر
انستقرام
يوتيوب
بنتيريست