أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!!

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 09:42 PM الصفحة الرئيسية

مكتبة الشاعرة نادية عثمان مختار(نادية عثمان)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-05-2006, 06:54 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!!

    ياجماعة

    اولاد النفيدى عاجبنى اكتر ناس فى اغنياء السودان لانهم زى ناس كتار تانيين بدوا من الصفر وبقوا اغنى اغنياء السودان من عرق جبينهم !!
    وانا شاورت زوجى وقلت ليهو تعال نبقى نفيدية ونكسب قروش كتااااااااااااااار بالحلااااااااااااااال .. اها وجيت استفيد من خبرة الناس ديل :

    أغنياء المنبر العام

    ناس معز والموصلى وبكرى وسجيمان والناس المرطبة !!


    انا جادة جدا والله

    دلونى على الطريق الصحيح ومسكونى الدرب !!


    كيف يمكن ان أصبح نفيدية فى اقل فترة ممكنة ؟!!

    واقول اقل فترة لاننا الان فى عصر السرعة ولم يتبقى فى العمر بقية ياولدى !!



    دايرة ابقى غنية وعندى عربية زى حقت عزو !!


    وفيلا زى حقت الموصلى !!

    ومزرعة زى حقت سجيمان !!

    وبورد زى حق بكرى يدخل الكونجرس !

    دايرة ابقى زى اولاد النفيدى غنية بالحلااااااااااااال والبلال !!

    اها مافى زول فيكم عندو مشروع سمح كده نتشارك فيهو معاهو و(نطلع على وش الدنيا) قبل ندفن تحت واطاتها ؟!!

    اها الزول مستور ماديا واحسن من غيرو نحمد الله وقاعدين فى بيت ملك واى شئ علا مانفيدية يعنى !!

    ياناس بدور ابقى نفيدية انا جاااااااااااااادة مسكونى الدرب والداير يغنى ويبقى نفيدى خليهو معانا هنا ايمكن يبقى شريك فى المشروع التجارى الكبيييييييييير !!
                   |Articles |News |مقالات |بيانات

27-05-2006, 07:01 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    طبعا اولاد اب جويلى ديلاك كمبّلوا وعرضوا .. يعنى رقصوا واى شئ !!

    لكن اولاد النفيدى كمّلوا الغنى (ماشاء الله عينى باردة) وعرضوا تجارتهم من اقصى السودان لاقصاه وكده !!

    لذا لزم التنويه منعا للالتباس بينهم واولاد اب جويلى فالنفيدية كمّلوا والجويلية كمبّلوا !!
                   |Articles |News |مقالات |بيانات

27-05-2006, 07:06 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    يعنى مثلا لو اشتغلت صحفية مائة سنة تانى هل يمكن ابقى نفيدية فى يوم من الايام ؟!!

    يقال ان الوراقين .. اى الذين يعملون فى ورق الجرائد زى العبد لله هم افقر خلق الله !!

    الحمد لله على كل حال والغنى غنى النفس ..... بس برضو مافي مانع لو عرفنا نبقى نفيدية ياخ !!

    (عدل بواسطة نادية عثمان on 28-05-2006, 07:11 AM)

                   |Articles |News |مقالات |بيانات

27-05-2006, 07:22 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    يعجبنى فى اغنياء السودان تواضعهم وبساطتهم الشديييييييييدة !!
                   |Articles |News |مقالات |بيانات

27-05-2006, 07:47 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    والبريرية ايضا .. ال مأمون البرير لم اسمع عنهم الا كل خير ..
                   |Articles |News |مقالات |بيانات

27-05-2006, 08:24 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    والابريسية !!

    ناس على ابرسى (بتاع انابيب الغاز )!!
                   |Articles |News |مقالات |بيانات

27-05-2006, 08:29 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    والمرغنية !!

    ناس مولانا محمد عثمان الميرغنى !!

    عندهم جنينة سمحة وراء بيتنا !!

    ايوة صاح جنينة السيد على الميرغنى !
                   |Articles |News |مقالات |بيانات

27-05-2006, 08:49 PM

الفاتح وديدي
<aالفاتح وديدي
تاريخ التسجيل: 11-04-2005
مجموع المشاركات: 614

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    .......
    وهسة ده ذاتو مُشْ كلام زول جنينة بالله؟
    كان ما جنينة يكون بس الهواء ضربِك!
    ......
                   |Articles |News |مقالات |بيانات

28-05-2006, 07:15 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: الفاتح وديدي)

    الفاتح وديدى يامحبط !!

    Quote: وهسة ده ذاتو مُشْ كلام زول جنينة بالله؟
    كان ما جنينة يكون بس الهواء ضربِك!
    ......


    ماعشان انت برضو من قبيلتى الورقية وفقير لازم تكون متطلع وعايز تبقى نفيدى وعندك جريدة حقتك ولا شنو ياوديدى ياخ ؟!!
                   |Articles |News |مقالات |بيانات

27-05-2006, 08:57 PM

waleed500
<awaleed500
تاريخ التسجيل: 13-02-2002
مجموع المشاركات: 6653

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    العزيزة بت عمتى
    تحياتى
    الشى البعرفو انك نفيديه من حيث الموضوع والكلمة
    نفيدية بحب الناس نفيديه باحترام الناس ليك.....
    اكتر من كده عاوزة شنو انتى مجموعة نفايده فى نفيدة واحدة
    ونفيدة من حيث النفيدة اى الفلوس الدهن كما يقولون ولو كترتى
    بقوم افضحك قدام الناس الديل وانبهش ما تملكى جهارا نهارا
    حبى لى ايمان
                   |Articles |News |مقالات |بيانات

28-05-2006, 00:34 AM

Faisal Al Zubeir
<aFaisal Al Zubeir
تاريخ التسجيل: 25-10-2005
مجموع المشاركات: 9313

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: waleed500)

    الزميلة نادية :
    ليس بالمال وحده تحيا نادية !
    حسنك مالك .. رصيدك رضا الناس عنك !
                   |Articles |News |مقالات |بيانات

28-05-2006, 00:51 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20243

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Faisal Al Zubeir)

    بتنا ( نادية ) بت كابتود سلام

    Quote: يعجبنى فى اغنياء السودان تواضعهم وبساطتهم الشديييييييييدة !!


    و ما لا يعجبني فيهم .. هو راس مالهم الجبان الذي يتحاوم فقط في السوق العربي و في عيش القضارف و سمسمو ..

    لو رساميلنا تحولت إلى إنعاش السياحة .. و إلى إنعاش سوق الحياة الفطرية .. و إتجهتْ إلى إقامة وادي سيلكون و إستثمرت في المعلوماتية ..

    لكنا الآن في مكانة أخرى ..

    تخريمة : عندما غير النميري العُمْلة .. جاء بعض الأغنياء من الغبش يحملون أموالهم في شوالات و صفايح جبنة و طحنية .. جنيهات تقول وااااااااااااا غربتي .. جنيهات تحن إلى إستثمارات البنوك و صناديق الإستثمار و المحافظ الإستثمارية ..

    أغنياء السودان يحتاجون إلى ورش عمل لتعريفهم بكيفية الإفادة و الإستفادة .. و عندما تعم الفايدة .. ممكن أوريك كيف تيقي ( نفيدية ) .. و تفيدينا ..

    أرقدي عافية و نفيدية ..

    (عدل بواسطة ابو جهينة on 28-05-2006, 00:52 AM)

                   |Articles |News |مقالات |بيانات

28-05-2006, 01:16 AM

إدريس محمد إبراهيم
<aإدريس محمد إبراهيم
تاريخ التسجيل: 13-03-2006
مجموع المشاركات: 2672

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: ابو جهينة)

    Quote: يعنى مثلا لو اشتغلت صحفية مائة سنة تانى هل يمكن ابقى نفيدية فى يوم من الايام ؟!!

    يقال ان الوراقون .. اى الذين يعملون فى ورق الجرائد زى العبد لله هم افقر خلق الله !!

    الحمد لله على كل حال والغنى غنى النفس ..... بس برضو مافي مانع لو عرفنا نبقى نفيدية ياخ !!


    العزيزه الغاليه / ناديه عثمان ...

    قديما قالوا إثنان لا يجتمعان الشعر والمال .. تخيلي يا ناديه لو كنت تمتلكين كنوز الدنيا ولكنك كنت إنسانة عادية ليست شاعره وإي شاعره .. هل كنت ستفرحين بهذا.. اشك حتماً في ذلك..
    لو خيروك الآن بين أموال النفيديه الما ليها حد وبين أشعارك ودواوينك ماذا كنت ستختارين ؟... المال زائل يا أختي العزيزة وتبقى الكلمة الصادقة خالدة لا تزول ...

    أحمدي الله يا ناديه أن مكنّك من موهبة تستطيعين من خلالها التعبير عن دواخلك ومشاعرك ومشاعر الآخرين .. نحن أغنياء حقاً بما وهبنا الله .. فقط دعينا ندعوه أن يمكننا من استخدامه فيما يرضيه وينفع الناس ...

    وباستعراض سريع لتاريخ الشعراء وحكايتهم مع الأموال لا نجد شاعراً امتلك الاثنان إلا أحمد شوقي أمير الشعراء الذي كان غنياً بالوراثه .. ويمكن د. معز بما وهبه الله من تمكن واقتدار في علم الطب .. وطالما الحال مستور فالحمد لله ... أنا مثلاً يا ناديه أعمل في هذه البلاد منذ فترة ليست بالقصيره كل الذي تمكنت من عمله هو بناء منزل في السودان والحمد لله .. تبقى لي شيء آخر أود تحقيقه ومن ثم مغادرة الغربه نهائياً إن شاء الله.. قارب صيد أصطاد عليه السمك من مياه البحر الأحمر وأكتب أشعاري من وسط الأمواج المتلاطمة .. ويا دنيا ما فيك إلا أنا ...

    خالص تحياتي وحبي وتقديري ؛؛؛
                   |Articles |News |مقالات |بيانات

28-05-2006, 08:09 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: إدريس محمد إبراهيم)

    الشفيف النبيل ادريس محمد ابراهيم



    Quote: أنا مثلاً يا ناديه أعمل في هذه البلاد منذ فترة ليست بالقصيره كل الذي تمكنت من عمله هو بناء منزل في السودان


    اها عاد كان كده انت صحى مرووووووووووووق .. انا بيتى فى السودان غلبنى ابنيهو كلو كلو ومفكرة اصرف نظر وابيع حتة الارض وخلاص .. تشترى ؟!!
                   |Articles |News |مقالات |بيانات

28-05-2006, 07:56 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: ابو جهينة)

    ابو جهينة ود عمتى



    Quote: أغنياء السودان يحتاجون إلى ورش عمل لتعريفهم بكيفية الإفادة و الإستفادة .. و عندما تعم الفايدة .. ممكن أوريك كيف تيقي ( نفيدية ) .. و تفيدينا .



    اها والورش دى مفروض تعملها ليهم ياتو جهة ؟!!

    وهل الامر يحتاج الى خبراء اجانب مع الوضع فى الاعتبار انى جااااااااااادة ياابو جهينة والله دايرة ابقى نفيدية كان ساعدتنى تكون ماقصرتا قلت شنو ؟!!
                   |Articles |News |مقالات |بيانات

28-05-2006, 00:55 AM

شمس الدين محمد العوض
<aشمس الدين محمد العوض
تاريخ التسجيل: 01-02-2005
مجموع المشاركات: 43

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Faisal Al Zubeir)

    العزيزة نادية

    والله عرفتي تنقي, فلوس وحسب ونسب واخلاق ملوك لم يمتلكوا الناس بالسلطان بل ملكوهم بالكرم الإحسان. ايه رايك تاخدي خلو جامد وفوق دا كمان ادلك علي البديل والعوض الفضيل أل عبد اللطيف فهم أقرب لك رحم,اتمني تنالي.
                   |Articles |News |مقالات |بيانات

28-05-2006, 08:24 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: شمس الدين محمد العوض)

    شمس الدين محمد عوض


    Quote: والله عرفتي تنقي, فلوس وحسب ونسب واخلاق ملوك لم يمتلكوا الناس بالسلطان بل ملكوهم بالكرم الإحسان.


    موش كده بالله !!



    Quote: ايه رايك تاخدي خلو جامد وفوق دا كمان ادلك علي البديل والعوض الفضيل أل عبد اللطيف فهم أقرب لك رحم,اتمني تنالي.



    اها ايدى على ايدك دخلنى معاهم فى مشروع سمح ؟!!
                   |Articles |News |مقالات |بيانات

28-05-2006, 07:43 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Faisal Al Zubeir)

    الزميل فيصل زبير


    Quote: ليس بالمال وحده تحيا نادية !
    حسنك مالك .. رصيدك رضا الناس عنك !


    صدقت ليس بالمال وحده تحيا نادية لكن هذا لا ينفى ضرورة المال لتحيا نادية حياة رغدة ورطيبة بعد طول شقاء ولهاث وعناء ولاانت رأيك شنو ؟!!


    بعدين حسنى مالى لو افترضنا انى حسناء كان ممكن يجيب لى قروش لو كنت نجمة سينمائية مثلا لكن صحفية دى بعيدة شوية !!

    اما رضاء الناس فرضاء الجميع عنى امر مستحيل بالطبع !!
                   |Articles |News |مقالات |بيانات

28-05-2006, 07:34 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: waleed500)

    وليد ود خالى



    Quote: الشى البعرفو انك نفيديه من حيث الموضوع والكلمة
    نفيدية بحب الناس نفيديه باحترام الناس ليك.....
    اكتر من كده عاوزة شنو انتى مجموعة نفايده فى نفيدة واحدة


    احمد ربى واشكر فضلو ودى ثروة لا تقدر بمال طبعا .. ووالله اتمنى ان تدوم لى هذه الثروة الى ابد الحياة وبعد الممات ان شاء الله !!



    Quote: ونفيدة من حيث النفيدة اى الفلوس الدهن كما يقولون ولو كترتى
    بقوم افضحك قدام الناس الديل وانبهش ما تملكى جهارا نهارا



    ياولى قروش شنو يافردة انت قايلنى مغتربة زيك ولاشنو يااخوى ولا حاسب مصر دى اغتراب كمان ؟!!

    ايمو بتسلم عليك وابوها كمان
                   |Articles |News |مقالات |بيانات

28-05-2006, 01:40 AM

خالد عبد الله محمود
<aخالد عبد الله محمود
تاريخ التسجيل: 28-11-2004
مجموع المشاركات: 5393

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)


    في رأي أنك أغني من بل جيتس نفسوا مش النفيدية


    و بمقياس أفضل مليون مرة من مقياس المال.



    خالد
                   |Articles |News |مقالات |بيانات

28-05-2006, 08:39 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: خالد عبد الله محمود)

    العزيز خالد عبد الله محمود




    Quote: في رأي أنك أغني من بل جيتس نفسوا مش النفيدية


    و بمقياس أفضل مليون مرة من مقياس المال.



    شهادتك وسام على صدرى اعتز بيها كتييييييير ياود الاصول

    تسلم وربنا ماحرمنا من طيبة قلبك يارب

    كن بالف خير
                   |Articles |News |مقالات |بيانات

28-05-2006, 01:06 AM

بشير حسـن بشـير
<aبشير حسـن بشـير
تاريخ التسجيل: 26-11-2004
مجموع المشاركات: 2903

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    سلام يا ناديه

    أنا موجود فى السودان اليومين ديل ، وعلى إستعداد أتوسط ليك فى الموضوع
    لكن بينى وبينك الناس ديل طريقهم صعب شويه ، المهم انا على إستعداد لأى خدمه
    مع تحياتى ,,,,
    أبو جومانا
                   |Articles |News |مقالات |بيانات

28-05-2006, 01:32 AM

saif massad ali
<asaif massad ali
تاريخ التسجيل: 10-08-2004
مجموع المشاركات: 19127

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: بشير حسـن بشـير)

    ناديه عثمان

    عندنا ناس القروش عندهم وما عارفينها

    قولي واحد

    عمي شيخ ابو امنة رجع من ربك مبسوط , قال لي ياسيف ياولدي في ربك في تاجر احتفل بالمليون السادس الكلام ده سنة 1978 , سكت قال لي ياولدي الممليون ده كم قلت ليهو المليون ده تحسب الف الف مرة وقف علي حيلو قال لي ياسيف ياولدي كان كدي انا ما عندي 50مليون

    لكن كلها ابل وبقر وضان

    الكلام يا ناديه اختي جد ما هظار والله الزول ده لو شفتيهو تقولي تعريفه ماعندو

    شيخ ابو امنة ايضا نفيدي
    النفيديه قبيلة تنتمي الي الجعلين تهتم بالرعي تقطن غرب الجزيرة وجنوب المناقل
                   |Articles |News |مقالات |بيانات

28-05-2006, 09:28 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: saif massad ali)

    الزول الطيب سيف مساعد



    Quote: الكلام يا ناديه اختي جد ما هظار والله الزول ده لو شفتيهو تقولي تعريفه ماعندو



    انا زاتى كان شفتنى تقول تعريفة ماعندى !!

    مع انى عندى خمستاشر جنيه فى شنطتى !!

    بس التواضع مهم ولا ماكده ؟!!
                   |Articles |News |مقالات |بيانات

28-05-2006, 09:20 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: بشير حسـن بشـير)

    بشير حسن بشير

    تسلم من كل شر يارب

    وقول لى انت مثلا ممكن تسوى شنو ؟

    يعنى هل ممكن تتوسط لى يشركونى معاهم فى مشروع تجارى مثلا ؟!!
                   |Articles |News |مقالات |بيانات

28-05-2006, 01:58 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    Quote: اها مافى زول فيكم عندو مشروع سمح كده نتشارك فيهو معاه

    إيه رأيك نعمل لينا محل تركيب عطور في الشهدا ؟؟
    ولّا اقول ليك نعمل محل إتصالات في سوق بحري؟؟
    طيب اقول ليك حاجة نشتري ركشة ونشغلا الشعبية سعد قشرة وبالعودة ..

    غايتو دي قدرتي يا اللخت وشوية شوية بنفوت اولاد الفايد زااااتو و نكابس بيل جيتس في دولاراتو ..
    سمح ؟
                   |Articles |News |مقالات |بيانات

28-05-2006, 02:16 AM

إسماعيل وراق
<aإسماعيل وراق
تاريخ التسجيل: 04-05-2003
مجموع المشاركات: 9386

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: عمر الفاروق)

    نادية
    سلام
    ربنا يديك من خيره
    .
    .
    .

    Quote: النفيديه قبيلة تنتمي الي الجعلين تهتم بالرعي تقطن غرب الجزيرة وجنوب المناقل

    سيف مساعد
    كيفك يا عزيز
    إذا كنت تقصد قبيلة النفيدية فهي من بطون الكواهلة وهم:
    الحسانية
    الحسنات
    النفيدية
    الأحامدة
    العبابدة
    البشاريين (ناس الشرق)
    الكواهلة (ناس شمال كردفان والجزيرة).
                   |Articles |News |مقالات |بيانات

28-05-2006, 10:01 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: إسماعيل وراق)

    اسماعيل وراق


    Quote: نادية
    سلام
    ربنا يديك من خيره



    ده اجمل دعاء والله وربنا والله حامدينو وشاكرينو مدينا الصحة والستر وراحة البال بس كمان لو شوية مال كان تبقى الحكاية كملت !

    كن بالف خير
                   |Articles |News |مقالات |بيانات

28-05-2006, 09:41 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: عمر الفاروق)

    عمر الفاروق شيخ الدين



    Quote: إيه رأيك نعمل لينا محل تركيب عطور في الشهدا ؟؟
    ولّا اقول ليك نعمل محل إتصالات في سوق بحري؟؟
    طيب اقول ليك حاجة نشتري ركشة ونشغلا الشعبية سعد قشرة وبالعودة ..



    اغايتو جنس بساطة وقناعة العليك !!

    مشاريعك واحلامك زاتها فقيرة !!

    ياخ انت لو ده مستوى طموحك الاستثمارى والله يوم مايشلخوك (تى) زى شلوخ شيخ عمر النفيدى المعاى فى الصورة ده وماتشاركوا علا فى الاسم !


    ال كلاكلة ال !!

    ممكن تخليك جادى وتجى تورينى مشروع سمح غير مشاريع الفقراء دى بالله ؟!!
                   |Articles |News |مقالات |بيانات

28-05-2006, 03:26 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    يعني هسي انتي ما نفيدية ؟؟

    لا ياااااااخ


    احبتطيني

    كنت منشن علي ايمان ...
                   |Articles |News |مقالات |بيانات

28-05-2006, 10:07 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: فيصل نوبي)

    فيصل نوبى


    Quote: احبتطيني


    انا زاتى محبطة !!

    لكن الله فى !!
                   |Articles |News |مقالات |بيانات

28-05-2006, 05:44 AM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    نادية النادية ..

    عندي ليك كتاب حينفعك في الموضوع دا إسمو :

    كيف تصبح نفيدياً في عشرة أيام

    وهو من أحد أشهر مؤلفاتي في مجال المال والأعمال
    والتبرعات , الكتاب سعره تلاتة ألف دورار (مش عايزة تبقي نفيدية)
    وهو من إصدارات مؤسسة (الهبرو ملو) للطبع والنشر والتوزيع


    أها قلتي شنو ؟
                   |Articles |News |مقالات |بيانات

28-05-2006, 10:10 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: تيسير عووضة)

    العسللى تيسير عووضة


    Quote: أها قلتي شنو ؟


    قلت عطشان ياصبايا .. دلونى على الطريق !!

    ايدى على كتفك ومن فكرتك دى لى اقتراحك ده والنشوف اخرتها !!
                   |Articles |News |مقالات |بيانات

28-05-2006, 07:45 AM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    نادية لما تتنفدى نفدبنى معاك..سمح
                   |Articles |News |مقالات |بيانات

28-05-2006, 10:12 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: صديق الموج)

    صديق الموج

    انا سامعة انك متنفد كبير فى الدولة !!


    والدليل العمة والجلابية بيضا مكوية .. يافردة بسحروك ليا !!
                   |Articles |News |مقالات |بيانات

28-05-2006, 08:27 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    اخير اكتشفت ليكم السر

    يعني اللقاء ده هو سبب الاحلام

    (عدل بواسطة فيصل نوبي on 28-05-2006, 08:29 AM)

                   |Articles |News |مقالات |بيانات

28-05-2006, 10:16 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: فيصل نوبي)

    فيصل نوبى


    Quote: اخير اكتشفت ليكم السر

    يعني اللقاء ده هو سبب الاحلام



    هذا الرجل الذى احاوره الشيخ عمر النفيدى هو ابسط من ابسط فقير فى بلادنا بتواضعه وخفة روحه والله لم اشعر اننى احاور اكبر ابناء النفيدى من شدة تواضع هذا الرجل الذى حكى لى كيف بدأ من مجرد بياع صغير فى دكان والده الى ان اصبح احد اغنى اغنياء السودان !

    ربنا يزيد النفيدية ويبارك ليهم يارب !
                   |Articles |News |مقالات |بيانات

28-05-2006, 09:00 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    ندوية...
    أقري القصة دي..و ح تلقي فيها أول خطوات النجاح بإذن الله...



    A Conversation was between a man named Baboo & his son.

    Baboo: I want you to marry a girl of my choice
    Son: "I will choose my own bride!"
    Baboo: "But the girl is Bill Gates's daughter."
    Son: "Well, in that case...ok"

    Next Baboo approaches Bill Gates.

    Baboo: "I have a husband for your daughter."
    Bill Gates: "But my daughter is too young to marry!"
    Baboo: "But this young man is a vice-president of the World Bank."
    Bill Gates: "Ah, in that case...ok"
    Finally Baboo goes to see the president of the World Bank.

    Baboo: "I have a young man to be recommended as a vice-president."
    President: "But I already have more vice-presidents than I need!"
    Baboo: "But this young man is Bill Gates's son-in-law."
    President! : "Ah, in that case...ok"

    This is how business is done !!


                   |Articles |News |مقالات |بيانات

28-05-2006, 09:50 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: mamkouna)




    Just tell them that this woman said hi
                   |Articles |News |مقالات |بيانات

28-05-2006, 10:28 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Tumadir)

    العزيزة تماضر


    عارفة احساس انك تكونى نائمة وبتحلمى بى حلم جميييييييييييل كده واجيك من القاهرة طايرة وانتى نائمة فى سريرك فى امريكا تحلمى حلمك اقوم انهزك كده واكورك فيك تماضر .. تماضر !!

    وقبل ماتصحى كويس من حلمك الحلو اقوم طااااااااااااااااخ .. اديك كف فى وشك !!

    وانسيك اسمك زاتو موش حلمك !!

    عارفة الاحساس ده مؤلم كيف ؟!!

    اها انتى هسى جيتى بلا سبب طايرة من امريكا .. صحيتينى من حلم رائع .. مجرد حلم !!

    واديتنى طااااااااخ كف .. بالصورة الختيتيها دى وهى خارج السياق تماما وانا قبل كده فتحت بوستات مناسبة ليها تماما لكن انتى اخترتى تختيها هنا فى بوست الاحلام الوردية عشان تصحينى على كف واقع مرير مؤلم اصلو مافارقنى الا لحظة حلمى ده !!

    عموما متشكرة ليك ياتماضر وكان الله فى عونها تلك الغالية الباكية وفى عون كل البشر لاننا جميعا نحتاج عون الرب وان اختلفت اشكال الاحتياج !!

    ولا انسى هنا ان اتمنى لك السعادة حقيقة وليس فى الاحلام خاصة وانتى تعيشين فرحة نجاح الابناء هذه الايام وكونى بالف خير ياعزيزتى !
                   |Articles |News |مقالات |بيانات

28-05-2006, 10:19 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: mamkouna)

    ممكونة العسللى



    Quote: أقري القصة دي..و ح تلقي فيها أول خطوات النجاح بإذن الله...



    كان السر فى القصة دى خلاص اتنفد تب وبكلمك لمن اشترى الكرسيدا سمح ؟!!
                   |Articles |News |مقالات |بيانات

28-05-2006, 10:26 AM

Soumeta
<aSoumeta
تاريخ التسجيل: 17-10-2002
مجموع المشاركات: 1733

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    إنتي بي صِحِك؟!
                   |Articles |News |مقالات |بيانات

28-05-2006, 10:33 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Soumeta)

    سوميتا

    شكرا لاطلالتك البهية


    Quote: إنتي بي صِحِك؟!


    اها ومالو يعنى لو بصحى الله قال حرام ؟!!

    عايزة ابقى غنية انتى ماعايزة ؟!!
                   |Articles |News |مقالات |بيانات

28-05-2006, 10:39 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    Yes, you are right

    They call it "wake-up call"

    Most of the times it is like that: painfull


    Sorry for the pain, but you could do better.
                   |Articles |News |مقالات |بيانات

29-05-2006, 08:25 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Tumadir)

    Quote: Yes, you are right



    تماضر

    طيب ليه يعنى ؟!!

    ليه الخروج عن النص والسياق بالشكل المؤلم ده ؟!!

    هسى لو كنت انا جيتك فى بوست فرحتك بى سيرين وبدل ماابارك ليك نجاحها اجيب ليك صورة زى دى واقول ليك خبيز شنو العليك ياتماضر وفرحة شنو ومقبولة مكفية على بطنها الفاضية وبتبكى !!

    كنتى حاتكونى مبسوطة ؟!!

    كنتى حاتقبلى خروج بوست الفرح عن سياقو ليتحول الى الم ماانزل الله به من سلطان ؟!!

    طيب ليه انتى عملتى فينى كده وقصدك شنو وليه بوستى انا دون بوستات ناس لمنبر ديل كلهم الاخترتى تزرعى فيهو وجع مقبولة ؟!!

    انا كنت قبل كده فاتحة بوست ببكى مع مقبولة وبشد من ازرها وبعاهدها انى معاها لحدى ماتعدى الشدة .. الصورة دى كانت مناسبة هناك وتعليقك كان بيكون اوقع هناك .. ليه ماجيتى هناك وليه جبتى مقبولة تحرق حشاى المحروق اصلا بدموعها هنا ياتماضر ؟!!

    ممكن اعرف قصدك شنو .. ايمكن اقتنع بى وجهة نظرك !!؟؟ ؟!!
                   |Articles |News |مقالات |بيانات

28-05-2006, 11:23 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11635

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    Quote: كيف يمكن ان أصبح نفيدية فى اقل فترة ممكنة ؟!!


    البوست ده هو اسرع طريق ..
                   |Articles |News |مقالات |بيانات

28-05-2006, 08:08 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: AMNA MUKHTAR)

    اوعك من حلم يابنية !!


    شعر العبدة الفقيرة الى الله


    القاهرة .. فى يوم جامح الاحلام !!


    اوعك من حلم يابنية

    بنية من الوجع تحلم

    وفيها استخسروا الاحلام !!

    شايلة مخدتها ودمعة

    وفارشة الهم لحاف الآم

    تجرى الشافعة كان تلحق

    ساعة ونص من الايام !!


    *** ***

    حافية الجمرة واطياها

    وفيها الحلم شافوا بزار

    بت رامية الدموع ودعة

    وحراق روح اتشوت بالنار

    زولة الله الفرح ليك وين ؟

    وهزارك قلبوه نوبة جد

    وجدك لو تقولى هزار !!


    *** ***


    حليلك من جنوح الروح

    ماليك انتى حلم الحب

    ولا شبهك شفيف البوح !!

    اكتمى جوة نفسك دم

    ولمى عليك صديد وجروح !

    اوعك من خيال النوم

    ومن شاطح حلم وجنوح !

    هوى يابنية الزمى حد

    وماتفارقى الانين والنوح !!
                   |Articles |News |مقالات |بيانات

29-05-2006, 06:49 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    قمرية

    القاهرة فى يوم هبوب !



    على الكرعين لحافك ضاق

    وسماك أبوابها اتسدت

    لا الفرح الشحدتو حلال

    ولا الكرفيسة اتمدت

    قمرية بتقوقى تنوح

    شالت همها اتحدت

    حباية القمح والفول

    ربطت بطنها وعدت

    جات فى الليل تنونى تقول

    حصاد لميتو واتشتت !!
                   |Articles |News |مقالات |بيانات

29-05-2006, 09:52 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    طبعا اول مرة الاحظ انك رديتى على .بهذه المناحة ..
    يانادية

    ومادخل بوست فرحى بى سيرين ..بهذا الطرح؟؟

    انا قلت ليك فعلا المداخلة .زى الزول الصحوه من حلمة ....

    كل الاتعمدت اعملو ..اننا نوقف ..حكاية الاشادة بالناس الاغنياء والتحسر على الفقر..بالطريقة الجادة دى ..

    ونحن فى بلد يعتبر افقر دولة فى العالم ..وقصص الفقر والفقراء مالية البال والمجال..

    انتى صحفية وبتكتبى فى البورد ده وعندك زوار ومعجبين..وقراء ..والطرح البتطرحيه عنده تأثيره وخطورتو؟؟

    أى فقر تتحدثين عن عنه فهو احسن طبعا من ناس مقبولة ديل..ومنو الما فقير؟؟

    المهم الماعجبنى فى مداخلتك هو هذا الاستنفار الضمنى ..والمغزى الغريب من عبارات مثل اشمعنى ..وانا بالذات..

    مش ده بوست عام ..وللعام.؟؟ يعنى ما نقول راينا والا انتى تزعلى يا نادية ...؟؟

    دى ما اول مرة اشوفك "تنتحبى" بعد النقد...

    اقول ليك حاجة ...

    بدون ايحاءات ..بتاعة "اشمعنى انا ..وبوستى انا...وليه انا؟؟

    والتى تدفع الآخرين للشك فى سلامة نية .."الناقد" ..

    انا لا احمل ضدك اى مشاعر سلبية يا نادية عثمان..ولا أجد كثيرا من...ذلك المخزون فى قلبى ..تجاه الآخرين...

    .ولكنى تعمدت ان أشارك تسعين فى المئة من شعب السودان..وحاولت ان احمى شعورهم من الاستفزاز ..

    عندما يبدأ خطاب جديد ..وهو خيط شكر الاغنياء ووصفهم ...والتحسر على ما لا نملكه من ما عندهم..

    سيضعف عزيمة الملايين ..ويؤكد...نظرية جمع المال ..وعلاقتها بقيمة الرجال "والمعنى مجازى"...

    ياخى ربنا يزيدهم ويديهم

    وانتى العندك ما هينة ...

    وخلى الناس الشقيانين ..يشقوا فى "كرامة " فكرامتهم هى ..ثروتهم التى ظلوا يتمسكون بها ..ويستظلون بظلها ..

    فلا تفسديها عليهم..الله يهديك.


    ولك احترامى وشكرى
                   |Articles |News |مقالات |بيانات

30-05-2006, 09:40 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Tumadir)

    Quote: طبعا اول مرة الاحظ انك رديتى على .بهذه المناحة ..
    يانادية



    مناحة ياتماضر ؟!!

    طيب وانتى كنتى منتظرة ارد بى زغرودة ؟!!

    المناحة جبتيها انتى بصورة مقبولة الباكية وماكان ممكن بعدها اضحك ولا احلم ولا اسوى شئ غير النواح لانى بشر وبتألم عادى زى كل البشر !!



    Quote: ومادخل بوست فرحى بى سيرين ..بهذا الطرح؟؟



    دخلو انو برضو بوست فى منبر عام ومن حق أى زول يكون عندو رأى مغاير لفرحتك فى وقت فيه ناس تانية بتبكى وتتألم !!

    دخلو انو بوست فرح وده بوست مجرد حلم وطرح ممكن من خلالو الناس تتعلم برضو وتأخد فكرة عن ناس بدوا حياتهم من الصفر وهم سودانيين زينا لحدى مابقوا اغنياء ومافيها شئ لو طرحت تجربتهم هنا فى بوست عام برضو !!


    Quote: انا قلت ليك فعلا المداخلة .زى الزول الصحوه من حلمة ....



    طيب وانا قلت شنو غير كده ؟!!

    اتالمت لانك صحيتى زول بحلم بصفعة مؤلمة .. وهو الحلم كمان كتير عشان نصحى بعض منو بالشكل ده ؟!!


    Quote: كل الاتعمدت اعملو ..اننا نوقف ..حكاية الاشادة بالناس الاغنياء والتحسر على الفقر..بالطريقة الجادة دى ..


    الناس الاغنياء ديل سودانيين زينا .. وماعيب اننا نشيد بيهم لو رأينا ان فيهم من يستحق الاشادة ولا شنو ؟!!

    وبعدين مسألة التحسر على الفقر دى ماوردت بالشكل البتقوليه ده !!

    وان وردت فكونى اتحسر دى مسألة بتخصنى ومامن حق زول يقول لى ماتتحسرى على فقرك وقبلى انا تحسر سيدنا على بن ابى طالب على حال فقره وفقراء المسلمين وقال (لو كان الفقر رجلا لقتلته )!!


    Quote: ونحن فى بلد يعتبر افقر دولة فى العالم ..وقصص الفقر والفقراء مالية البال والمجال..


    اها دى برضو مسألة نسبية ..انا شايفة السودان اغنى بلد لولا الحروب والمتاريس التى تعترض نماء ارضه ورفاهية شعبه !!

    ومافى مانع انا افتح بوست عن الاغنياء والفقراء واتحدث عن هؤلاء واولائك فكلهم ابناء وطنى !


    Quote: انتى صحفية وبتكتبى فى البورد ده وعندك زوار ومعجبين..وقراء ..والطرح البتطرحيه عنده تأثيره وخطورتو؟؟


    واى خطورة فى ماطرحته فى هذا البوست ياتماضر ؟!!


    Quote: أى فقر تتحدثين عن عنه فهو احسن طبعا من ناس مقبولة ديل..ومنو الما فقير؟؟



    طبعا اى فقر هو احسن من فقر ناس مقبولة فى الوقت الحالى الذى تبكى فيها مقبولة وجعا من الجوع والمرض وانتهاك حقوقها كانسانة !

    وكلنا فقراء حامدين ربنا .. ولكن ده برضو مامعناه انو الكتابة عن الاغنياء من قبل الفقراء جريمة وفعل خطير !!


    Quote: المهم الماعجبنى فى مداخلتك هو هذا الاستنفار الضمنى ..والمغزى الغريب من عبارات مثل اشمعنى ..وانا بالذات..

    مش ده بوست عام ..وللعام.؟؟ يعنى ما نقول راينا والا انتى تزعلى يا نادية ...؟؟



    استنفار عديل كده ؟!!

    ودى منو الجيوش الانا بستنفرها دى ياتماضر وضدك انتى تماضر شيخ الدين ؟!!

    وبعدين ياستى انا قلت ليك انى متألمة ومازكرت كلمة اشمعنى دى .. وماقلت ليك انى زعلانة عشان قلتى رايك لكن كان كلامى واضح انو دى مداخلة فى رأى المتواضع خارج السياق وانو كان فى بوستات بتاعتى برضو بتشبه المداخلة دى وكان حايكون وقعها ليهو تاثيرو باكتر من زرعها وحيدة خارج سياقها او جر البوست (كما ارى الان) لهذا السياق بالعافية !!

    ومرة تانية انا متألمة ومازعلانة منك فى شئ وانتى من حقك تكتبى اى شئ فى اى وقت ومن حقى اقبل كتابتك دى او ارفضها ولا انتى رأيك شنو ؟!!


    Quote: دى ما اول مرة اشوفك "تنتحبى" بعد النقد...


    طالما اتحدثتى عن الاستنفار اها انا برضو بعتبر عبارتك دى استنفار ومرفوضة لدى جملة وتفصيلا .. لانو ماتعتبريه انتى انتحاب ياسيدتى اعتبره انا تبيان وجهة نظر الكاتب فى منتوجه الابداعى او ايا كان ماكتبه ولم ارفض يوما اى عبارة نقد بناءة كانت او حتى هدامة من وجهة نظرى الشخصية .. ولست طفلة تنتحب فى الفارغة والمليانة لكن مثل صورة مقبولة الباكية اعترف لك انها قد جعلتنى انتحبت وابكى دموعا مرة والى الان وستظل هنا فى هذا البوست او فى اى مكان اخر ولن يسكت نوحى ووجعى الى حين عودة الابتسامة الى وجه كل مقبولات بلادى !


    Quote: اقول ليك حاجة ...

    بدون ايحاءات ..بتاعة "اشمعنى انا ..وبوستى انا...وليه انا؟؟

    والتى تدفع الآخرين للشك فى سلامة نية .."الناقد" ..



    ايحاءات ؟!!

    حتى انتى ياتماضر ؟!!!!

    والله انا بقيت ماعارفة مغزى العبارة دى زاتها !!

    لو قال احدهم عنى كلمة حق فهى ايحاءات ودلالات لاشياء اخر !!

    وان قلت انا عن نفسى واوضحت وجهة نظرى فانا زولة منتحبة واوحى للاخرين بشئ !!

    ايه حكاية الايحاءات الماشة فى المنبر اليومين دول ياجدعات .. ولا اقول جدعان حتى لا يبدو الامر استنفارا ولا هناى !!

    Quote: انا لا احمل ضدك اى مشاعر سلبية يا نادية عثمان..ولا أجد كثيرا من...ذلك المخزون فى قلبى ..تجاه الآخرين...


    وانا لا احمل لك سوى كل الود والتقدير والاحترام .. والله على مااقول شهيد !



    Quote: ولكنى تعمدت ان أشارك تسعين فى المئة من شعب السودان..وحاولت ان احمى شعورهم من الاستفزاز ..

    عندما يبدأ خطاب جديد ..وهو خيط شكر الاغنياء ووصفهم ...والتحسر على ما لا نملكه من ما عندهم..

    سيضعف عزيمة الملايين ..ويؤكد...نظرية جمع المال ..وعلاقتها بقيمة الرجال "والمعنى مجازى"...



    لم يكن المقصود استفزاز واحد فى المائة من مشاعر الشعب السودانى ولم تأتينى مداخلة ولا رسالة فى الايميل ولا الماسنجر من مواطن واحد من هؤلاء التسعين فى المائة الذين تريدين ان تحمى مشاعرهم ليقول ان حديثى هذا قد استفز مشاعره فى شئ !

    وكما قلت لك ياتماضر ليس فى الامر بداية خطاب جديد ولا غيره فالنفيدية والمرغنية وغيرهم هم من ابناء السودان الذين فتح الله عليهم بالمال ومافى اى عيب لو تحدثنا عن تجربتهم واستفدنا منها كمان !
    Quote: ياخى ربنا يزيدهم ويديهم


    اللهم زدهم وبارك لهم رزقهم الحلال يارب


    Quote: وانتى العندك ما هينة ...


    العندى ياتها ؟!!

    احمد الله واشكر فضله على العندى وشاحداهو يوسعها على وعلى كل من يريد يارب !



    Quote: وخلى الناس الشقيانين ..يشقوا فى "كرامة " فكرامتهم هى ..ثروتهم التى ظلوا يتمسكون بها ..ويستظلون بظلها ..



    لا املك امر الناس حتى (اخليهم) ياسيدتى !!

    ولم انزع من احدهم ثروته التى هى (كرامته) !

    ولم ادعوهم الى النهب والسرقة !

    كل ماطرحته فى بوست النفيدية هذا هو اننى اردت ان استعرض تجربتهم مع بعض امنيات لكى اكون فى ربع غناهم ان اراد الله لى ذلك وكان طرح البوست بشئ من الجدية التى لا تخلو من الفكاهة فانا لا اعرف ان كان لمعز عربة او كان للموصلى فيلا او كان لسجيمان مزرعة !


    Quote: فلا تفسديها عليهم..الله يهديك.


    مع ان طلب الهداية شئ جميل الا انه هنا ايضا جاء خارج السياق تماما .. وكأننى اسوق الناس نحو الضلال المبين .. !!

    ياتماضر

    اقول ليك حاجة ؟!!

    الله يهدينا ويهديك يارب !!
                   |Articles |News |مقالات |بيانات

30-05-2006, 01:41 AM

منصوري
<aمنصوري
تاريخ التسجيل: 28-09-2003
مجموع المشاركات: 2366

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    قال كمال عنك هذا الكلام
    Quote: حسنك مالك .. رصيدك رضا الناس عنك

    ......
    هذا ما قاله كمال عنك يا نادية... رصيدك رضا الناس عنك... انت جميلة الدواخل وغنية الدواخل.. ومسبوكة الساس والأساس.. بصورة منقطعة النظير.. وصادقة وأمينة ومخلصة.. دواخلك أجمل من ظواهرك الجميلة ميلون مرة.. وهذا هو الحصيلة والمحصلة النهائية..
    أنت نفيدية الدواخل بالغنى غنى النفس..(قدرك عالي قدرك) القاف الأول مظهرة بائنة.. والقاف التاني قاف معطشة.. أي قاف يمنية..
    ...........
    كان أهلى من جهة الأم أولاد حاج الماحي لما يجوا العاصمة لإقامة ليليات. أو تسجيل تلفزيوني أو إذاعي ينزلوا مع عميد آل النفيدية بشير النفيدي.. كنت آتي اليه في مكتبه بالسوف العربي لأستأذن منه لآخذهم معي لمنزلي في الثورة الحارة الأولى.. فكان يسمح لى بعد أن يدخلني سكرتيره عليه.. سكرتير راجل أخضراني نسيت اسمه.. راجل طيب.. يدخلني رغم مشغولية بشير النفيدي لأنه يعرفني..
    لنا زميل في العمل كلفني بأن اعرض عليه بيتاً لورثة ابيه والبيت في حي الرميلة..كان ذلك في أوائل الثمانينات.. عرضته على بشير.. قال لى بشير. أنا لاأحب أظهر كتير مع الناس..خذ المفاتيح من الشخص وتعال أنا وأنت نمشي البيت.. لكن أنا عادتي لما أشتري بيت قاعد اشاور اولادي وزوجتي.. فأرح نمشي البيت نشاور المدام.. ذهبنا الي البيت.. مع أنه راجل متدين لكنه غير متعصب.. في الصالون الفاخر جداً.. لم أر مثله في حياتي كلها.. ناداها.. جاءت وهي تحمل الشربات.ز قال لها الولد دا ولدنا سلمي عليهو.. كان صغيرة في عمرها.. يبدو أنها غير زوجته الأولى لا أدري.. شربنا الشربات. عرض عليها موضوع البيت تبسمت.. قال جهزوا الغداء ماشين نشوف البيت في الرميلة.. شاف البيت.. كان من الطوب الأحمر ثلاثة غرف وصالون.. حدد سعره بخمسة وثلاثين ألف. جنيه سوداني سنة85 . قال قبلته..رجعنا أنا وهو في العربية لوحدنا الي بيته.. الغداء كان جاهز للتو على الطاولة.. هو وأنا لوحدنا.. أكلنا وصلينا الظهر.. ورجعنا للمكتب.. إتصلنا بصاحب المنزل زميلنا.. كان عايز يلاوي في السعر ويطلب زيادة.. قال له.. ابوك كان صاحبي وذكر له عن أبوه وأنه كان يشتغل في فترة مع النفيدي.. عرف ذلك .. قال له أنا زول سوق والسعر البديك ليهو سعر مليان براعي فيهو وجه الله.. السعر اللي أديتك ليهو دا.. مافي زول بيديك ليهو في السوق كلو.. ما تلكنا أقبل.. وولدنا دا مبروك جاب لى البيت دا.. وافق صاحب البيت.. صاحب البيت.. اعطاني حق السمسار مسحة شنب..(عطية مزين) ألف وخمسمائة.. تعادل أكثر من خمسة مليون الآن.. بشير النفيدي كان يعلم بحقي ولكنه لم يعطيني شئ وأنا لم أطالبه..لأنه بنى لنا مسجد مجان في الكاسنجر قرية شاعر الرسول صلى الله عليه وسلم حاج الماحي.. وأرفقها بخلوة تدرس القرآن.. وقام بتجديد طلاء قبة حاج الماحي..
    .....
    كان هو رجل خير يا نادية.. وأنت زولة خير..
    أنا برضو بدعو ليك تكوني زيو.. عمدة آل النفيدي.. بس إنت غنية الدواخل.. ورصيدك الكبير في نفسك المسبوكة الجميلة دا أكبر رصيد بمعرفة كل من عرفك.ز ولا أنا أولهم ولا أنا آخرهم..
                   |Articles |News |مقالات |بيانات

30-05-2006, 10:03 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: منصوري)

    Quote: هذا ما قاله كمال عنك يا نادية... رصيدك رضا الناس عنك... انت جميلة الدواخل وغنية الدواخل.. ومسبوكة الساس والأساس.. بصورة منقطعة النظير.. وصادقة وأمينة ومخلصة.. دواخلك أجمل من ظواهرك الجميلة ميلون مرة.. وهذا هو الحصيلة والمحصلة النهائية..
    أنت نفيدية الدواخل بالغنى غنى النفس..(قدرك عالي قدرك) القاف الأول مظهرة بائنة.. والقاف التاني قاف معطشة.. أي قاف يمنية..
    ...........


    منصورى الفنان

    شكرا لكلماتك الطيبات فى شخصى المتواضع ولكمال الذى استشهدت بكلامه شكرى وتقديرى !

    مع اننى قد قلتها لكمال واكررها لك ان رضاء الناس غاية لا تدرك ابدا !!

    ويكفينى رضاء بعضهم الذين يعرفوننى عن قرب والحمد لله !


    Quote: كان هو رجل خير يا نادية..



    وانا كل ماسمعته عن النفيدية خيرا واسعدنى ان تحكى عنهم بالخير الذى وجدته منهم فالناس بالناس والكل برب العالمين !

    منصورى

    طمنى على الاسرة وعليك وكن بخير دوما
                   |Articles |News |مقالات |بيانات

30-05-2006, 10:58 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    خصمتك بالنبي يا نادية لامن تبقي (نفيدية) ما تنسيني
    ياني برضو معرس رطانية منكم وكدا
                   |Articles |News |مقالات |بيانات

30-05-2006, 01:51 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: طارق جبريل)

    العزيز طارق جبريل


    Quote: خصمتك بالنبي يا نادية لامن تبقي (نفيدية) ما تنسيني
    ياني برضو معرس رطانية منكم وكدا



    طبعا الرطانية بتنا الغالية وانت عشان معرسها بتمسكنى من يدى الغالية

    اها يازول ماعندك مشكلة ليك على لو عشتا لامن ابقى نفيدية وانت كنت عايش للزمن دااااااااااااااااك!!

    ليك على ماانساك من خير ربنا الحايدينى ليهو .. اها قصرت معاك ؟!!
                   |Articles |News |مقالات |بيانات

30-05-2006, 01:38 PM

ناجي عز الدين الصديق
<aناجي عز الدين الصديق
تاريخ التسجيل: 09-05-2006
مجموع المشاركات: 650

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    الأخت الفاضلة/ نادية
    تحية طيبة
    أنا عندي ليك سؤال بسيط
    تنفعي تكوني من غير نادية عثمان بجلالة قدرها
    وإلى الملتقى
                   |Articles |News |مقالات |بيانات

30-05-2006, 02:33 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: ناجي عز الدين الصديق)

    الكريم ناجى عز الدين الصديق

    تحية طيبة وسعيدة بوجودك بيننا واطلالتك الطيبة

    قلت لى :
    Quote: أنا عندي ليك سؤال بسيط
    تنفعي تكوني من غير نادية عثمان بجلالة قدرها


    اولا اشكرك على (جلالة قدرى هذه) وانا والله زولة بسيطة اعلم قدر نفسى ولا اعطيها اكثر من حقها !

    لكن معليش .. والله مافاهمة السؤال ياناجى ممكن توضحو لى لو سمحت واكون ليك شاكرة ؟!!
                   |Articles |News |مقالات |بيانات

30-05-2006, 02:12 PM

Haitham El Galal

تاريخ التسجيل: 18-07-2005
مجموع المشاركات: 227

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    ناديه عثمان

    متعك الله بالصحه و العافيه

    يازوله عليك بابوعبيده الشخيط...... بوريك كيف تبقى نعمانيه نفيديه دوت كوم لكن اوعك يقول ليك نتاجر فى الوووكر والكوالين. اسألى ابو الليل و جبلو...

    اى حاجه الا الكوالين

    مع تحياتى
                   |Articles |News |مقالات |بيانات

30-05-2006, 04:59 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Haitham El Galal)

    هيثم الجلال


    ازيك كده وكيف الحال بالله




    Quote: اوعك يقول ليك نتاجر فى الوووكر والكوالين



    هم ديل زاتهم قالوا الايام دى ناقصين فى السوق انا حااتاجر معاهم فى السمسم والقمح كيف معاك ؟!!



    كوووكر وكوانيل ديل يعنى شنو بالجد ؟!!
                   |Articles |News |مقالات |بيانات

30-05-2006, 10:36 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)
                   |Articles |News |مقالات |بيانات

31-05-2006, 03:10 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: smart_ana2001)

    سمارت

    ياسلاااااااااااااااااام


    على ابناء السودان وعلى السودان الطيب الجميل بى اولاده

    اسامة داؤد اسم من اسماء اولاد السودان الاسهموا فى اثراء اقتصادو كتير جدا
    سعيدة بالفيديو الرهيب الجبتو لينا وعليك الله خليك معاى هنا بمواد توثيقية زى دى عشان نوثق لكل سودانى اصيل خت طوبة فوق طوبة وبنى مصنع او مستشفى او اجزخانة او مدرسة او حضانة او دكان جزارة او سوبر ماركت او شفخانة او مركز اتصالات او اى شئ يستنفع بيهو مواطن سودانى غالى من ابناء وطنى الحبيب


    الف شكر سمارت وان شاء الله ماعدمناك يارب
                   |Articles |News |مقالات |بيانات

31-05-2006, 02:21 PM

ناجي عز الدين الصديق
<aناجي عز الدين الصديق
تاريخ التسجيل: 09-05-2006
مجموع المشاركات: 650

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    الأخت الفاضلة/ نادية عثمان
    تحية طيبة
    يعني يا نادية لو بقيتي نفيدية
    ما حتكوني نادية عثمان الصحفية
    لانك حتتفرقي بس للبسنس وبكده
    حتكوني حرمتي القراء من كتاباتك الجميلة والرائعه
    لكي التحية
    وإلى الملتقى
                   |Articles |News |مقالات |بيانات

31-05-2006, 05:28 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: ناجي عز الدين الصديق)

    النبيل جدا .. الكريم ناجى عز الدين

    Quote: يعني يا نادية لو بقيتي نفيدية
    ما حتكوني نادية عثمان الصحفية
    لانك حتتفرقي بس للبسنس وبكده
    حتكوني حرمتي القراء من كتاباتك الجميلة والرائعه



    ياناجى ان شاء الله مااعدمك يارب

    رفعت معنوياتى بكلامك الطيب الغالى

    ياسيدى انا البزنس ده عمرو مايخلينى ارمى قلمى واتفرغ ليهو ماتخاف انت بس ادعى لى ربنا القى لى مشروع سمح كده وابقى نفيدية وشوفنى كان خليت الكتابة !!

    هههههههههه

    سعيدة ياناجى انو كلامك معاى كلام حميم وطيب زى كلام الاخ الشقيق لى اختو ودى حسنة المنبر ده الحقيقية !

    تسلم من كل شر يارب

    كن بالف خير
                   |Articles |News |مقالات |بيانات

31-05-2006, 06:01 PM

هشام آدم
<aهشام آدم
تاريخ التسجيل: 06-11-2005
مجموع المشاركات: 12213

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    _________
    الأستاذة نادية عثمان
    تحية طيبة

    في ركنٍ ما من ذاكرتي الخربة
    تقبع صورة لشخص مقعد اسمه (جعفر)
    هذا الجعفر .. شاعر وطني ويحلم كثيراً

    له قصيدة تقول:

    لمّا الأكل البيهو معاشكم
    يبلى ويقع في قمصانكم
    مش بتقولوا عليهو وساخة؟
    مش لأنو الأكل وساخة ..
    بس لأنو ما في محلو


    إلى أخر القصيدة.

    هنالك أزمة مفاهيم عارمة يا نادية. كنت أظن أن كراهية الأغنياء
    هي خصلة اليسوعيين الكلاسيكيين .. انتهت بثورة بولس حين
    سمح للأغنياء بالدخول في الملكوت وأتاح لهم ما أتاح للفقراء
    من ترف كهنوتي .. حرمهم منه يسوع. ولكن يبدو أن الروح اليسوعية
    تسري في دماء البعض. وبدل أن كان يسوع ينزع عن الأغنياء الملكوت
    الكهنوتي .. أصبحوا اليسوعيون المعاصرون .. ينزعون عنهم إنسانيتهم
    أيضاً ..

    المقاربة الغريبة بين الغنا وبين أحلام اليقظة بالغنا يوماً
    وبين مآسي البشر !!! إذ يصبح الواجب الإنساني الوحيد هو الافتقار
    لرفع راية المناصرة لهم وللإحساس بهم !!!!!

    العهد الجديد لليسوعية المبغضة للغنا .. هي إنما أزمة مفاهيم
    لا أكثر ولا أقل.

    لا عليكِ .. فالحلم يظل حلماً .. كما أن البعض (قد) يرتدي الثوب
    الذي لا يناسبه في الوقت الذي يشاء ويخلعه في الوقت الذي يشاء

    وعجبي !!!!

    _____

    (عدل بواسطة هشام آدم on 31-05-2006, 06:03 PM)
    (عدل بواسطة هشام آدم on 31-05-2006, 06:05 PM)

                   |Articles |News |مقالات |بيانات

31-05-2006, 06:28 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: هشام آدم)

    الاستاذ هشام آدم

    تحية بحجم وطن نحلم ان يكون ديمقراطيا ومتقبلا للاخر !!


    Quote: في ركنٍ ما من ذاكرتي الخربة
    تقبع صورة لشخص مقعد اسمه (جعفر)
    هذا الجعفر .. شاعر وطني ويحلم كثيراً

    له قصيدة تقول:

    لمّا الأكل البيهو معاشكم
    يبلى ويقع في قمصانكم
    مش بتقولوا عليهو وساخة؟
    مش لأنو الأكل وساخة ..
    بس لأنو ما في محلو

    إلى أخر القصيدة.


    لاحولا ياهشام !!

    ده كلام عجيب وشعر اعجب من رجل مقعد برجليه محلق بخياله الخصب الى آفاق لا تعرف الحدود ولا الحواجز ولا الاعاقة !!

    ليتك تبحث فى قاع الذاكرة واعلم انها ليست خربة لتأتى لنا ببقية هذا النص الشعرى (الملحمة)!


    Quote: هنالك أزمة مفاهيم عارمة يا نادية. كنت أظن أن كراهية الأغنياء
    هي خصلة اليسوعيين الكلاسيكيين .. انتهت بثورة بولس حين
    سمح للأغنياء بالدخول في الملكوت وأتاح لهم ما أتاح للفقراء
    من ترف كهنوتي .. حرمهم منه يسوع. ولكن يبدو أن الروح اليسوعية
    تسري في دماء البعض. وبدل أن كان يسوع ينزع عن الأغنياء الملكوت
    الكهنوتي .. أصبحوا اليسوعيون المعاصرون .. ينزعون عنهم إنسانيتهم
    أيضاً ..

    المقاربة الغريبة بين الغنا وبين أحلام اليقظة بالغنا يوماً
    وبين مآسي البشر !!! إذ يصبح الواجب الإنساني الوحيد هو الافتقار
    لرفع راية المناصرة لهم وللإحساس بهم !!!!!

    العهد الجديد لليسوعية المبغضة للغنا .. هي إنما أزمة مفاهيم
    لا أكثر ولا أقل.

    لا عليكِ .. فالحلم يظل حلماً .. كما أن البعض (قد) يرتدي الثوب
    الذي لا يناسبه في الوقت الذي يشاء ويخلعه في الوقت الذي يشاء

    وعجبي !!!!



    عارف ياهشام ؟!!

    اكتشفت مؤخرا وبالصدفة ان معظم اعز اصدقائى من الميسورين جدا ماديا .. وبعضهم من الاغنياء (عديل كده).. واكتشفت مؤخرا دى لانو ابدا اصدقائى ديل ماادونى يوم احساس انهم اغنى منى !! ويعلم الله لم اصاب يوما بنوبة حقد ولا كره ولا احساس بالدونية لان اصدقائى اغنياء جدا وانا على قدر حالى والحمد لله !!

    عارف ليه ؟

    لانو اغنياء السودان (البعرفهم) غير اغنياء كل العالم كلو لا يشعرونك ابدا بأنك اقل منهم او انهم افضل منك فى شئ !

    هكذا عرفت الشيخ عمر النفيدى وهكذا عرفت على ابرسى رجال يتسربلون بثوب البساطة حتى ان الذى يرأنى مع احدهم يظننى انا العبدة الفقيرة الى الله اغنى منهم واكثر مالا .. وهذا لشدة تواضعهم فى المظهر والحديث والتعامل !

    هذا ماوجدته منهم ولانهم من ابناء وطن اعشقه حتى الثمالة فليس بكثير عليهم كلمة اشادة لانهم من وضعوا اموالهم فى خدمة الاقتصاد السودانى لعل وعسى ان يصبح السودان يوما مرفّه الارض والشعب .. وهل كثير على رب العالمين !

    شكرا هشام على مداخلاتك الثرة وكن بالف خير
                   |Articles |News |مقالات |بيانات

01-06-2006, 02:47 PM

ناجي عز الدين الصديق
<aناجي عز الدين الصديق
تاريخ التسجيل: 09-05-2006
مجموع المشاركات: 650

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    الأخت الفاضلة/ نادية عثمان
    تحية طيبة
    الحمد لله اطمئنينة على كتاباتك
    وانشاء الله ربنا ينولك الفي مرادك
    وإلى الملتقى
                   |Articles |News |مقالات |بيانات

02-06-2006, 09:04 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: ناجي عز الدين الصديق)

    النبيل ناجى عز الدين الصديق

    تحية تشبه طيبة قلبك ونبل اخلاقك العالية اخى الكريم


    Quote: الحمد لله اطمئنينة على كتاباتك
    وانشاء الله ربنا ينولك الفي مرادك



    ربنا ينوّل السودان وشعبه الطيب الفى مرادو يارب من سلام وامان واستقرار .. ويدينا من خيرو الماهل الصحة والستر ثم بعض الاموال التى تعين على معايش الحياة ويجعلنا دوما من الشاكرين نعمته يارب.
                   |Articles |News |مقالات |بيانات

02-06-2006, 06:07 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    والمالكية

    ناس ابراهيم مالك
                   |Articles |News |مقالات |بيانات

03-06-2006, 01:22 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14359

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    عزيزتي نادية

    من زمن ما اتواصلنا,

    تعرفي يا نادية ,

    الحاج بشير النفيدي صديق مقرب جدا لجدي الحاج بابكر, وكانوا ثلاثي من (الخلفاء) مع العم أحمد عبد الجليل,

    علاقتهم قديمة جدا, من خمسينات القرن الماضي, كثيرا ما التقيت الحاج بشير والحاج محمد صالح في معية جدي, كانوا يتزاورون, يتسامرون ويسألون عن الأبناء والبنات كل باسمه وكانوا يحرصون على حضور عقد قران ابناء بعضهم البعض,

    الشئ الوحيد الذي لا تحس به في معية الحاج بشير هو انه شخص غني ورجل أعمال,

    هذا البوست جيد جدا في الاشادة بــ (الرأسمالية الوطنية غير المرتبطة بالاستعمار) قديما و(الرأسمالية الوطنية غير المرتبطة بالأنشطة الطفيلية والفسـاد) حديثاً.

    كانت للحاج بشير أنشطة في مجال المحاصيل وانشطة أخرى في مجالات تصدير الابل , من أحاديثه التي تجمعها الذاكرة , تحس بالحرص على المزارع التقليدي فقد كان يشكو مما يشكو منه المزارع وكذلك مما يشكو منه الراعي,

    إذن في اشادتنا بالرأسمالية لا نخرج عن التزاماتنا الوطنية كنخبة وصفوة ملتزمة بالأجندة الجماهيرية وهي أجندة ليست مضادة للرأسمالية الوطنية والقطاع الخاص ولكنها مضادة بكل تأكيد للرأسمالية الفاسدة والرأسمالية الطفيلية والرأسمالية العميلة.

    ولذلك, فستكون اشادتنا بمظاهر الغنى والترف سطحية المنطلق لو أنها لم تفرق ما بين الصنفين من أصحاب الأموال,

    بينما تسعى حركة الجماهير لتشجيع الأولى (الوطنية الملتزمة) ومحاكمة الثانية( الطفيلية - الفاسدة والعميلة).

    أما عن كيف تصبحي من الأغنياء, فعليك بدفع (أتعابي) قبل أن أسلمك (الوصفة).



    لك التحية

    أحمـد الشايقي
                   |Articles |News |مقالات |بيانات

03-06-2006, 08:19 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: أحمد الشايقي)

    أحمد الشايقى سلام وياالف مرحب بالطلة بعد طول غيبة

    عساك طيب وتمام التمام يارب


    اها نجى لموضوع النفيدية

    Quote: الشئ الوحيد الذي لا تحس به في معية الحاج بشير هو انه شخص غني ورجل أعمال,



    اظن ان الراحل الشيخ بشير النفيدى قد اورث التواضع والبساطة لابنائه .. لان هذا هو احساسى ايضا وانا مع الشيخ عمر النفيدى ابن الشيخ بشير الاكبر والذى يشبهه كثيرا .. متعه الله بالعافية

    Quote: هذا البوست جيد جدا في الاشادة بــ (الرأسمالية الوطنية غير المرتبطة بالاستعمار) قديما و(الرأسمالية الوطنية غير المرتبطة بالأنشطة الطفيلية والفسـاد) حديثاً.



    هذا كلام طيب جدا والتحية لكل من اسهم فى رفعة الاقتصاد السودانى بماله الحلال دون نهب وتلوث !!

    Quote: إذن في اشادتنا بالرأسمالية لا نخرج عن التزاماتنا الوطنية كنخبة وصفوة ملتزمة بالأجندة الجماهيرية وهي أجندة ليست مضادة للرأسمالية الوطنية والقطاع الخاص ولكنها مضادة بكل تأكيد للرأسمالية الفاسدة والرأسمالية الطفيلية والرأسمالية العميلة.



    عين العقل يااحمد والراسمالية الوطنية التى تضع الوطن ومصالحه نصب اعينها هى التى تستحق كلمة الثناء والعرفان فمن لا يشكر الناس لا يشكر الله !!


    Quote: ولذلك, فستكون اشادتنا بمظاهر الغنى والترف سطحية المنطلق لو أنها لم تفرق ما بين الصنفين من أصحاب الأموال,

    بينما تسعى حركة الجماهير لتشجيع الأولى (الوطنية الملتزمة) ومحاكمة الثانية( الطفيلية - الفاسدة والعميلة).



    ولذا تجدنى اهملت ذكر الكثير من الاسماء التى يدور حولها لغطا وحول كيفية جمعها للثروة احاديث واحاديث !!

    وتجدنى خصصت هذا البوست للراسمالية الوطنية التى نفعت البلاد والعباد بما اعطاها الله من خير ومال وربنا يبارك ليهم يارب



    Quote: أما عن كيف تصبحي من الأغنياء, فعليك بدفع (أتعابي) قبل أن أسلمك (الوصفة).



    انا عارفة انك عندك وصفات كتيرة بما انك احد هؤلاء الراسمالية الوطنية وزول غنيان ماشاء الله .. يلا تعال قول الوصفة خلينا نلحقك ياود الشايقى !!
                   |Articles |News |مقالات |بيانات

13-06-2006, 05:00 AM

Aisha Hommaida

تاريخ التسجيل: 17-02-2006
مجموع المشاركات: 411

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: نادية عثمان)

    سلامات اختى نادية ماقلتيه صحيح وينطبق كذلك على المرحوم الشيخ مصطفى الأمين فقد كان رجلاً بسيطاً وزاهداً ومتواضعاً .. اتوا من قرى بسيطة واهلهم مزارعين ورعاة بسطاء والعين لاتعلوا على الحاجب وكلامك هنا واقع للكثيرين من اصحاب المال:

    Quote: هكذا عرفت الشيخ عمر النفيدى وهكذا عرفت على ابرسى رجال يتسربلون بثوب البساطة حتى ان الذى يرأنى مع احدهم يظننى انا العبدة الفقيرة الى الله اغنى منهم واكثر مالا .. وهذا لشدة تواضعهم فى المظهر والحديث والتعامل !


    بساطة اغنياء السودان اصيلة بل ومهمة جداً فى وطن الفقراْء الذين اتوا منهم ..كثير منهم لايريد ان تظهر عليهم سيماء النعمة خوفاً من جرح شعور الفقراء من اهلهم وابناء وطنهم..

    فقراء السودان كذلك اغنياء بالتعفف . وبهم غنى باشياء اخرى غير المال....تسالت كثيراً عن السبب والذى قد يكون فى تقديرى نابع من تصوفهم وزهدهم واعلاءهم لاشياء اخرى يستعيضون بها عن المال ...وعندما تخلوا الجيوب منه فان قلوبهم مثلك عامرة بالمحنة والطيبة وتعلوا سيمائهم البسمة...ولسان حالهم يقول "السلطان فى البعد عن السلطان"........

    اختى العزيزة من المهم للصحفى ان يحلم لان حلمه يمتد لمن حوله بس الصحفى ضمير امته وقد يكون من واجبه عند طرح موضوع الأغنياء ..سرد شكل علاقة اغنياء اى بلد بمؤسسة الدولة اى كانت نوع تلكم العلاقة......شراكة...مشايلة....تسهيلات......الخ

    اضف اليها تاثير عوامل اخرى اسهمت فى الغنى وتراكم الثروة من علاقة راس المال بالأحزاب الحاكمة والطوائف ومؤسسات الصداقات والنسب والعلاقات العامة.. .الخ ....وهى فى مجملها عوامل فاعلة ولها تاثير اكبر من راس المال المادى بشلكله المعروف ودوره النافذ فى تراكم الثروة......ادرى انه سرد موضوعى فى بوست للحلم فمعذرة ان اثقلت عليك وانت سيدة العارفين

    ربنا يحقق كل احلامك الجميلة يزيدك من فضله نور وعلم وسماحة...وغنى المال والنفس

    مودتى
                   |Articles |News |مقالات |بيانات

15-06-2006, 01:07 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Aisha Hommaida)

    Quote: ما لا يعجبني فيهم .. هو راس مالهم الجبان الذي يتحاوم فقط في السوق العربي و في عيش القضارف و سمسمو ..

    لو رساميلنا تحولت إلى إنعاش السياحة .. و إلى إنعاش سوق الحياة الفطرية .. و إتجهتْ إلى إقامة وادي سيلكون و إستثمرت في المعلوماتية

    نعم الفهم يا ابا جهينه
    لكن معظم اثرياء السودان دا تفكيرهم قطاع تجاري في الغالب ولا يقبلون علي القطاع الانتاجي طويل المدي . يعني هم ناس زرعوا وحصدوا وباعوا ولموا قروشهم
                   |Articles |News |مقالات |بيانات

02-07-2006, 06:40 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أولاد النفيدى .. كمّلوا وعرضوا بى حقهم الحلال .. دايرة ابقى نفيدية ياناااااس !!! (Re: Aisha Hommaida)

    الغالية عيشة حميدة

    لك التحايا الباسقات

    اسعدنى حديثك الطيب ونزل على القلب بردا وسلاما فلكى منى كل الحب

    Quote: سلامات اختى نادية ماقلتيه صحيح وينطبق كذلك على المرحوم الشيخ مصطفى الأمين فقد كان رجلاً بسيطاً وزاهداً ومتواضعاً .. اتوا من قرى بسيطة واهلهم مزارعين ورعاة بسطاء والعين لاتعلوا على الحاجب وكلامك هنا واقع للكثيرين من اصحاب المال:



    للشيخ مصطفى الامين الرحمة فلم اسمع عنه غير كل الخير



    Quote: اختى العزيزة من المهم للصحفى ان يحلم لان حلمه يمتد لمن حوله بس الصحفى ضمير امته وقد يكون من واجبه عند طرح موضوع الأغنياء ..سرد شكل علاقة اغنياء اى بلد بمؤسسة الدولة اى كانت نوع تلكم العلاقة......شراكة...مشايلة....تسهيلات......الخ



    علاقة من ذكرتهم من اغنياء بلادى اراها ترتبط بمصالح الشعب عبر مؤسسات الدولة الخدمية من اتصالات وشركات ومصانع للادوية ومستشفيات وغيرها ويقينى ان اغنياء السودان ( ليس جميعهم ) يختلفون كامل الاختلاف عن اغنياء العالم بأثره فى منتهى تواضعهم وحسن تعاملهم الطيب مع الفقراء من ابناء بلادى ولى مشاهد كثيرة حضرتها بنفسى ولم يحكيها لى احد !


    Quote: ادرى انه سرد موضوعى فى بوست للحلم فمعذرة ان اثقلت عليك وانت سيدة العارفين

    ربنا يحقق كل احلامك الجميلة يزيدك من فضله نور وعلم وسماحة...وغنى المال والنفس



    احكى ماشئتى اختى النبيلة فلحديثك طعم الموضوعية الممتعة والتناول الثر المفيد فى صلب الموضوع .. وهى دعوة للنقاش الايجابى

    كونى بالف الف خير
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de