|
|
 المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!!
|
ياناس المنبر الحر.. انا والله العظيم بحبكم كلكم زى اخوانى اولاد امى وابوى
كهول على شباب على اولاد على بنات على صبية على اطفال صغار
كلكم احبة وعارفين انى والحمد لله على مدى وجودى بينكم هنا الحمد لله رب العالمين لم اغضب احد ..والحمد لله رب العباد
وهسة انا عندى عندكم طلب صغيرونى كده !!
عارفين طبعا نحنا كسودانيين ادروبات ومقبولات وعشوشات واحمدات وجونات وكلنا والله بنحب بعض ومعظمنا فى غربة ..رغم الخلافات الحادة جدا بين فلان وفلان وفلانة وفلان وفلان وفلانة انا متيقنة انهم لو اتلاقوا هسع دى يتقالدوا ويتسالموا سلام الاهل والاحباب
انا بس فى حاجة متنمنياها وهى انى اشوف صور الاربعة الف صديق واخ واخت وصديقة الاعضاء المعاى فى البورد ده عشان لو لاقيت واحد منهم فى سوق الله اكبر ده اعرفوا واجرى عليهو واسالموا واشوف بقدر اقدم ليهو شنو ..ايوة موش نحنا اهل وعشرة عمر فى المنبر ده ؟!!
تكون الصور حديثة جدا
عارفين ليه ؟
عشان على الاقل الزول يعرف بيتكلم مع زول كبير ولاولد صغير ولابت ولا راجل !!
بحزن مرات لما يجى شاب صغير يتكلم بشكل ماجميل مع زول هنا اكبر منو او حتى اصغر منو ..نحنا اهلنا علمونا نحترم بعضنا .. والمنبر ده كل الفيهو اولاد ناس..سودانيين ومحترمين جدا
لمن زول من المتصفحين يقول لى شفت الشكلة والشتائم بين الاعضاء فلان وفلان بحزن والله كانه دخل بيتنا وشاف مشاكلنا الاسرية !!
نحنا مرات بننسى انو المنبر ده مفتوح على البحرى للماشى والغاشى والطاشى !!
اها وتانى عندى وصية لاخوانى الاعزاء ديل:
نوبى
ووليد
ومنو ومنو ومنو !! عارفين روحهم ناس منو ومنو ديل !!
وكل شلة المرح
فى ناس حرشونى قالوا لى :
يااستاذة ياخى انتى زولة شاعرة وصحفية ااااااااااااد الدنيا ليه تتواضعى وتردى على المهرجين ديل ؟!!
اها قمت اتحيرت وقلت ليهو يا.........هناى
انت فى بطن البيت الست الوالدة موش والدة اخوانك فيهم الشقى والمسكين؟!!
الشجاع والرعديد؟
المهرج والجادى ؟
التوم والجيرى ؟!!
اها البورد ده بكل من فيهو من النوعيات دى اخوانى ..ابونا السودان وامنا حواء!!
لكن برضو ياشباب
انتو ختو الرحمن فى قلبكم !!
وختوا الكورة واطة !!
وختو حبة ملح فى عيونكم!!
وبطلوا الكلام القليل ....... حنكة ده ياناذر .. وانت فاهمنى !!
المنبر ده فيهو بنات .. خت دى فى بالك وانت راكب ال......نوق وماشابه!!
فاهمنى زى جوع بطنك ياناذر ماتعمل مجنون!!
دى نصيحة من اختك الكبيرة
فالح ولدى
وفالحين كلكم
روقوا المنقة شوية ياشباب بالله ..عشان نتعاطى معاكم الاحترام والود المقيم .. ومااظنكم بتتعاطوا غيرهم !!!موش ؟!!
اها فى الاخر :
فى ناس قالوا لى من اصحابى فى المنبر ده انهم مابحبوا يختو صورهم عشان ناس الامن مايقبضوهم لما يرجعوا الخرطوم !!
قلت ليهم ناس الامن يقبضوكم بتهمة شنو ؟!!
قالوا لى عشان نحنا معارضين فى المنبر !!!
اها قمت قلت ليهم سجمى كان كده انا اشيل واخت فى الصور .. معناها تجونى المكتب بتاع السيكو سيكو بالسندوتشات والحاجة الباردة !! وفى ناس هنا حتى لو مامعارضين وخاتين صورهم حايكشوهم على البوكسى من المطار لانهم قاعدين مع المعارضين فى حتة واحدة !!!
طبعا فى نهاية النقاش وصلنا الى انو ده مامنطق يحرموا نفسهم بيهو من التواصل مع احبابهم صوت وصورة وكلمة مكتوبة اى كانت الكلمة طالما انها رأى حر وفى اطار الموضوعية .. وفى النهاية ختو صور حديييثة جدا قاعدة هسة ومنورة البورد ناس منهم اصلا جوة وناس منهم برة اتوكلوا على الله وختو صورهم وقالوا لمن نرجع السودان يحلها الله !!!!
|
|
 
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: salma altijani)
|
سلمى بت عم التيجانى العسولة
| Quote: (كل اناء بما فيه ينضح) |
نعم هذه حقيقة ولذا ترين وتشمين هذا البوست وقد اكتسب من انائك الروحى رائحة الشذى وعبق الياسمين ..احبك يابت ياراقية حد الهمس .. ومصادمة حد المشاكسة !!
Quote: وبعدين عاوزة اسألك انتي موش طولتي من الخرطوم
اهي فرصة تجي وتجيبي معاك الديوان بتاعك نوزعو معك هنا |
والله صحى السودان واحشنى مووووووووووووت ياغالية
اها انا جاية اخر رمضان كده وبعيد معاكم وعندى خمسين الف حق طبعة الديوان عند ضياء بلال شيليها لى منو ولمن اجى ادينى ليها
ههههههههه
ده لو اداك ليها يعنى !!
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
الصديقة
نادية .. سلامات عوافى
نفس كلامك هذا قلته فى بوست اخر ... الاختلاف سنة الحياة ونحنا جينا المنبر عشان ننقاش ونحاور بعض و نتعرف على بعضنا البعض ... واهم شىء ان تحترم بعضنا البعض ... فاختلافنا مع بعض لا يمنعنا ان نود بعضنا بعضا.
لكن ما تقولى لى صورتك ما شديدة شدة الحرامى السرق الساوند و الحفلة شغالة .... وطبعا صورتى ما نسيتيها عشان كده مافى داعى اعلقه وكده !!!!
و ايه الدنيا هى .. غير لمة ناس فى فرح او ساعة حزن.
وهذا مع خالص ودى وتقديرى
عبدالفتاح سعيد عرمان
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
| Quote: يااستاذة ياخى انتى زولة شاعرة وصحفية ااااااااااااد الدنيا ليه تتواضعى وتردى على المهرجين ديل ؟!! |
عارفه يانادية
السؤال دا عادي بالنسبة لمجتمعنا السوداني
الناس بتحب الفشخرة والعنطزة والأبراج العاجية لأبعد الحدود, علشان كدا بإستغربوا لمن يلقوا ناس متواضعين زيك وزي د. معز
نرجع لطلبك
طبعا دا طلب صعب جدا
وبيني وبينك نحن ماعاوزين نخلع الناس ونخوف شفعهم 
علشان كدا مافي داعي للإحراج 
تخريمة : بعد شوية حرسل ليك إيميل
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نهال كرار)
|
Quote: اها وتانى عندى وصية لاخوانى الاعزاء ديل:
نوبى
ووليد
ومنو ومنو ومنو !! عارفين روحهم ناس منو ومنو ديل !!
وكل شلة المرح
فى ناس حرشونى قالوا لى :
يااستاذة ياخى انتى زولة شاعرة وصحفية ااااااااااااد الدنيا ليه تتواضعى وتردى على المهرجين ديل ؟!!
|
تحياتى وما عارفك قاصده وليد منو هنا فمجموعة وليد هنا كبيرة...وعاوز اقول ليك من تواضع ارتفع ومن تكبر انخفض والامثلة هنا فى المنبر ما بتعطيك الدرب فكم من مبدع ركب الهبباى وانبرش بسبب تكبره فالتواضع يا عزيزتى مافى اجمل منو وكان سمعتى كلام ديل لا محال بتفقدى حب الجميع واسالى نفسك انتى محبوبه من الجميع ليه...ما هناك كم واحده بينقطو شعر وابداع فى حد اشتغل بيهم...على كل حال يا بنت خالتى دى صورتى واعطيها خمس كيزان اقصد خمسه سنة واعطي الخمسه سنه مسحه جماليه خاليه من الشيب ونظارات النظر وهلم جرا...ده من ناحيه اما من ناحية المكانه الاجتماعيه لو اتمسكنا بيها ما بنرد حتى على المهندس بكرى ابوبكر...فتك بعافيه وامسكى قوى فى طريقتك الماشه عليها
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: waleed500)
|
وليد خمسمية ود خالتى
اولا قلنا ليك عارفينك وجيه فبالله خلاص صغر لينا صورتك دى شوية لانها عاملة زحمة شديدة فى البوستات ومضيقاها علينا ولا يعنى عشان تمبس قال لى بكرى وسعها تقوم انت توسعها قدر ده ؟!!
ثانيا ياعزيزى انا والله ختيت وليد دى كده بحسبان انو كل الوليدات عزيزين على ومابقدر اشتت منهم .. وماتخاف على بت خالتك والله الغرور مابعرف طريقها لو شنو داك !!
وهو زاااااتو نغتر فوق كم ؟!!
صاح جهابذة ..لكن فوق كل ذى جهبذ جهبوذ ولاشنو ؟!!
| Quote: وامسكى قوى فى طريقتك الماشه عليها |
طريقتى بسيييييطة وهى حب الناس اجنعين وان لااترك اختلاف الراى يفسد لللود المقيم اى قضايا ..ايا كانت..
ودمت بالف خير
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نهال كرار)
|
نهولة الضلامية الزى العسل
اولا يابت أمى .. ممكن تختى الصورة الخطيييرة السمحة .. الشرط الرسلتيها لى بهناك ديك ..لانى خلاص قريت ليك فوقها وانا زولة فكية كجورى قوى مابتجيك الحبة ياغالية
عارفااااك بتخافى من الحسد !!
Quote: السؤال دا عادي بالنسبة لمجتمعنا السوداني
الناس بتحب الفشخرة والعنطزة والأبراج العاجية لأبعد الحدود, علشان كدا بإستغربوا لمن يلقوا ناس متواضعين زيك وزي د. معز |
سنة ياانا !!
ختيتينى مع البروف فى خانة واااااااحدة ؟!!
يازولة الله يعزك والله
وانا بؤمن جدا ان من تواضع لله رفعه الى اعلى مقام ..
والدنيا شن فيها يانهال ؟!!
موش ياهو كوم التراب ده وايمكن مانلقاهو كمان !!!
| |
|
|
|
|
|
|
|
|
 Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: Mozdalefa Osman)
|
نــادية
مساء الخيرات
البوست جميل .. فتحتو قبيل اول ما نزلتيهو بس قريت فيهو حاجه عكرت لي مزاجي حبتين قلت ارجع اقوله ليك وماتزعلي مني ..
Quote: | Quote: اها وتانى عندى وصية لاخوانى الاعزاء ديل: |
نوبى
ووليد
ومنو ومنو ومنو !! عارفين روحهم ناس منو ومنو ديل !!
وكل شلة المرح
فى ناس حرشونى قالوا لى :
يااستاذة ياخى انتى زولة شاعرة وصحفية ااااااااااااد الدنيا ليه تتواضعى وتردى على المهرجين ديل ؟!! |
الكلام ده بيجيب اللوم يانادية ، المساحة دي مفتوحة للجميع . لي اي طرح يخطر على بال أي زول وحسب الامزجة .. وفي فرمانات جاهزة اصبحت تتوزع من جديد في لغة الحوار وتوجيه الكلام لي شخصيات محددة ،، للاسف قريت الصباح كلام زميلة بتوجه فيه كلام بشكل استخفافي خالص وهي قاصدة تلفت نظرهم لي موضوع مهم ..
وحسع يانادية شايفك دخلتي في نفس المكان لكن بي اسلوب شوية منمق في توجيه كلامك
يانادية .. الناس تطرح العندها مهما كان شكلو مافي حد وصي على حد ومافي حد هنا مطالب بي انو يقيم حد ( ويفرمنو ) الطرح ما نفع معاك ممكن تتجاوزو بي كل ارتياح وتتجاوز الشخص الممكن تحس انو ما بيقدم ليك الغرض الدخلت من اجلو المساحة دي .. وفي النهاية الطرح الجيد بيتفاعل معاه الجميع وخلافو بيذهب للقاع .. لكن تصفو بالتهريج ، وبعدم الموضوعية وبي اوصاف ما لايقه الظاهر لي خلاف انو نخلق حساسية مع بعضنا ما بنقدم حاجه مفيده ..
كلام عبد الفتاح جميل ومفترض اننا نضعو في بالنا قبل كل حركة نقوم بيها هنا في البوردونعتبرو نهج ممكن نقيس بيهو مدى تحملنا للآخر مهما اختلفنا معاهو في وجهة النظر
Quote: الاختلاف سنة الحياة ونحنا جينا المنبر | Quote: عشان ننقاش ونحاور بعض و نتعرف على بعضنا البعض ... واهم شىء ان تحترم بعضنا البعض |
... فاختلافنا مع بعض لا يمنعنا ان نود بعضنا بعضا. |
شكرا يانادية
ولكل ضيوفك
وعندي معاك كلام كتير .. ح اتمو معاك فيما بعد
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: tmbis)
|
تمبس اخوى الغالى
| Quote: البوست جميل .. فتحتو قبيل اول ما نزلتيهو بس قريت فيهو حاجه عكرت لي مزاجي حبتين قلت ارجع اقوله ليك وماتزعلي مني .. |
ياسيدى لاعشت ولا كنت عشان اعكر مزاجك .. انت بس الظاهر عليك قريت بسرعة ومافهمت انا قصدى شنو
وانا حاقول ليك تانى ياعزيزى :
شوف انت ونوبى والوليدات كلهم ( جمع وليد) وناذر وناجى الملك وناصر ومنو ومنو ومنو كل الشباب الرائعين ديل عارفنى بعزكم قدر شنو طبعا
وانا موش قصدت الفت الانتباه لموضوع فى البوست ده بشكل استخفافى ولاكده .. وانت عارف اسلوبى ياتمبس .. لابحب استخف لايستخف بى احد ..
عارف؟
انا والله دخلت بوستات كتيرة هنا وخجلتنى اللغة الايحائية الفيها !! من شباب بعتبرهم اخوانى واصدقائى .. وانا زولة متزوجة وخجلت اكتر لخدش حياء العذارى الصغار اخواتكم هنا فى المنبر ده !!!
يعنى مثلا ياتمبس لما اقول لمنى اختى البت ذات العشرين سنة ولسة مادخلت دنيا تعالى يامنى اتعرفى على اصدقائى واخوانى الاحباء ناس ناذر وناصر والوليد بى كل الارقام وناس تمبس ومعتصم وود قاسم ومعز ونهال وبت الاحفاد وكل كل الكوكبة الفريدة فتقوم تجى منى تفتح بوست وتلاقى ايحاءات جنسية .. بل كلام مبااااشر مرات انا موش بزعل لو اخدت فكرة ماتمام عن اصدقائى مثلا ؟!!
ياتمبس انا اكتر زول .. بحب الكلام الحلو وانت عارف وبحب اصدقائى ومابرضى والله بتكميم افواههم .. ولاتكميم فمى .. انا بس كل القلتو للشباب انو يراعوا انو فى بنات صغنونات .. قعد يدخلو هنا يقرؤنا ويطلعو مكونين عننا فكرة ياحلوة .. ياوحشة !!
انا اكتر زولة بخش بوستاتكم ويوم ماقلت لى لزول ده شنو البتكتب فيهو ده ..لانى والله بحب كتاباتكم جدا وانتو شباب جواكم حلو جدا
وانا ماقلت كتابة اى زول فيكم ماعاجبانى ......لكن حبيت اقول لناذر بالذات وهو اخوى وصديقى ويسمعنى ولا على كيفو لانى اختو وهو عارف انا بعزو قدر كيف
ونوبى ووليد تلاتة تسعتين ديل اخوانى الصغار ( انتو مواليد كم) وبرضو يسمعونى ولاعلى مزاجهم من عشمى فيهم طبعا ..
وانت زاتك ياتمبس خت النضم الفوق ده قدامك تانى وشوف الناس حتى لو حرشونى قالوا شنو وشوفنى انا شنو ومنو ..واظننا فى الفترة الاخيرة قدرنا نعرف بعض شوية ياتمبس بالقدر البخليك تقدر تفهمنى كويس انت وناذر ومعتصم ونور اقصد نوبى ووليد وكل الاخوان الاعزاء ..
اها دى اطول مداخلة اكتبها من تاريخ دخولى المنبر العام الكان حر زمان ..
بس انشاء الله يكون وقع ليك ياتمبس ؟!!
وتعال كل يوم لانو وجودك مفرح جدا
سمح ؟!1
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: Mozdalefa Osman)
|
الحبيبة النقية ..الزميلة مزدلفة محمد عثمان
Quote: مبادرتك خطيرة والله
طبعا صورتي عارفاها
وانا اصلا حكاية الصور دي ما محظوظةفيها
لكن عاوزاك تشرحي لي طريقة التحميل
وحاخت ليكم صورة فنانة |
يازولة انتى قايلانى بعرف التكتح فى الكمبيوتر ده غير اكتب الاخبار وارسلها ؟!!!
هههههههههههه
انا والله صورى دى بختوها لى الاصدقاء .. وصورتى القدامك دى ختاها لى زول فنان زميل معانا هنا اسمو ناجى الملك ..
انتى بس حضرى صورتك العسل ياعسل وناس الخبرة هنا مابقصروا انشاء الله ..وبيساعدوك فى تنزيلها بسرعة ..
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
العزيزة نادية وكل الإخوة المتداخلين ... تحياتي
حقيقة يا نادية تطرقتي لموضوع مهم جداً غائب على الكثيرين هنا وسبحان الله أمس كنت أتناقش مع العزيز ود الباوقة في نفس الموضوع وحكيت ليهو رواية ذات صلة بموضوعك دا ... قبل ثلاث سنوات تقريباً حدث نقاش حاد جداً بيني وبين الإخوة الزملاء هنا في المنبر طبعاً وقتها كنت أحسبه ضمن الإخوة لكن فيما بعد صار من الأعمام الشاهد في الأمر أن ما دار بيني وبين العضو من صراع أسفت لهو عند لقائي به صدفة في منزله دون أن أعلم أن للرجل علاقة بسودانييز اون لاين وأثناء حديثنا أتى الرجل بذكر سودانييزاون لاين وما كان مني إلا أن أسأله هل لك علاقة بسودانييزاون لاين قال لي نعم أنا أكتب هناك ووقتها كان عدد الأعضاء قليلاً حيث كان من السهل التعرف على كل أعضاء البورد حقيقة الراجل أول شي طبعاً لو ما بالغت فهو في سن والدي الشئ الثاني انه راجل في قمة الهدوء وراجل حقيقة خلوق والواحد يرتاح لكل الصفات النبيلة الفيهو وحقيقة لا أنكر انه الموقف دا سبب لي عقدة من المنبر لأنه المنبر قد يعكس الشخصيات بشكل غير شكلها الواقعي أو الحقيقي وبالرغم من أن مداخلاتي مع العم العزيز ما كان فيها أي اساءة لشخصه الكريم لكن رغم ذلك الواحد بقى عامل حسابه ..... لكن حقيقة أحياناً في أشخاص بعينهم يكونوا ناس معرفوين ومعروف سنهم لكن طريقتهم الاستعلائية وأطروحاتهم الغير مسئولة في أغلب الأحيان هي البتسئ لشخصهم وسنهم وبالتالي دا بالتأكيد حيدفع بعض الناس لممارسة نفس الأسلوب ضدهم وبأشكال متعددة ... يعني مثلاً يا نادية شوفي الشخص القال ليك ليه تتواضعي وتردي على المهرجين ديل مع احترامي الشديد ليهو ... لكن اذا افترضنا انه كان شخص محبوب جداً وزول شاعر أو قاص أو أياً كان شخص ليهو مكانة مرموقة في المنبر والناس بتحبه ولا يجد من بقية الأعضاء الا كل ما يرضيه من احترام وحب وفجأة يجي داخل ليك في بوست ويقول ليك يا نادية انتي زولة شاعرة وصحفية ااااااااد الدنيا ليه تتواضعى وتردى على المهرجين ديل ؟!! أها بغض النظر عن المهرجين ديل منو ... وسبب حكمه عليهم بانهم مهرجين شنو ..... أكيد الناس حتستاء منو وحتتغير طريقة التعامل تجاه ... الا من بعض الناس اللصيقين بيهو أو البعرفوه معرفة شخصية ... أو مثلاً أجي أنا يانادية في بوست انتي كاتبة فيهو قصيدة من قصايدك السمحة دي وأنا أصلاً ما لي علاقة بالشعر وأجي انتقد قصيدتك دي بس من أجل النقدأو من خلال انتقادي لقصيدتك أكون قاصد انتقاد لشخصك الكريم ... فمثلاً أقول ليك قصيدة بايخة أو ما جميلة دون توضيح أسباب ... أكيد حتشعري انتي والمتداخلين معاك بسذاجة المداخلة وصاحبها بغض النظر عن انه القصيدة هي بايخة ولا جميلة.... أها النقطة التانية وهي انه بعض الأعضاء من االشباب كما ذكرتي يأتوا بإيحاءات جنسية حقيقة يأسف ليها الواحد لكن أكيد الشباب ديل قبلهم في بعض الأعضاء من ذوي الأعمار المتقدمة والأسماء المعروفة أتوا هنا بإيحاءات جنسية مخجلة من ناس المفروض هم يكونوا القدوة بانتهاجهم نهج قويم يحذوا حذوهم فيه بقية الأعضاء من الشباب فمثلاً افترضنا انه في احد الأعضاء من الصغار سناًً مثلاً افترضنا العضو نوبي من خلال متابعته للبورد يجد العضو فلان المشهور والناس بتحبه يكتب بما تحدثتي عنه انتي من ايحاءات جنسية وبدل أن يتخذ بقية الأعضاء موقفاً منه تجدي العكس تماماً يذداد حب البعض له ومن ينتقد أسلوبه تجدي عدد من المدافعين عنه فبالتأكيد إذا كان العضو نوبي من الذين ينشدون الشهرة وحب القراء أكيد حيعتقد انه أسلوب ذاك العضو المشهور هو طريقه للشهرة وما عليه إلا أن ينتهج نهجه .... عموماً دا ما تحيز للشباب بالرغم من الحقيقة المؤسفة انه في بعض الشباب هنا بزودوها أحياناً لكن في الأول والأخير كل واحد مسئول عن تصرفاته وليهو حرية التعبير لكن كمان لا بد من التفريق بين حرية التعبير والفوضى أو أحياناً ان جاز التعبير قلة الأدب ... اتمنى انه بوستك دا يا نادية يخلي الناس تراجع حساباتها في التعامل مع بعضها ويكون احترام الشخصيات متبادل في المنبر ومن الكبير قبل الصغير ... وتحياتي لك
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: Badri)
|
العزيز الاخ الاكرم بدرى
تسلم على المداخلة الثرة والمهمة جدا والله لانها قالت برضو كتير من الكنت عايزة اقوله
| Quote: حقيقة يا نادية تطرقتي لموضوع مهم جداً غائب على الكثيرين هنا وسبحان الله أمس كنت أتناقش مع العزيز ود الباوقة في نفس الموضوع وحكيت ليهو رواية ذات صلة بموضوعك دا ... قبل ثلاث سنوات تقريباً حدث نقاش حاد جداً بيني وبين الإخوة الزملاء هنا في المنبر طبعاً وقتها كنت أحسبه ضمن الإخوة لكن فيما بعد صار من الأعمام الشاهد في الأمر أن ما دار بيني وبين العضو من صراع أسفت لهو عند لقائي به صدفة في منزله دون أن أعلم أن للرجل علاقة بسودانييز اون لاين وأثناء حديثنا أتى الرجل بذكر سودانييزاون لاين وما كان مني إلا أن أسأله هل لك علاقة بسودانييزاون لاين قال لي نعم أنا أكتب هناك ووقتها كان عدد الأعضاء قليلاً حيث كان من السهل التعرف على كل أعضاء البورد حقيقة الراجل أول شي طبعاً لو ما بالغت فهو في سن والدي الشئ الثاني انه راجل في قمة الهدوء وراجل حقيقة خلوق والواحد يرتاح لكل الصفات النبيلة الفيهو وحقيقة لا أنكر انه الموقف دا سبب لي عقدة من المنبر لأنه المنبر قد يعكس الشخصيات بشكل غير شكلها الواقعي أو الحقيقي وبالرغم من أن مداخلاتي مع العم العزيز ما كان فيها أي اساءة لشخصه الكريم لكن رغم ذلك الواحد بقى عامل حسابه ..... |
جميل جدا اخى بدرى وده بيؤكد ماذهبت اليه انا من ان وضع الصور الحديثة للاعضاء على الاقل قد تجنبنا الاساءة لرجل او سيدة قدر الامهات والاباء ..على الرغم من الاساءة مرفوضة فى كل اشكالها حتى ولو لى طفل لكنها تصبح اشد ايلاما لرجل او سيدة فى عمر الاباء والامهات ..
| Quote: لكن حقيقة أحياناً في أشخاص بعينهم يكونوا ناس معرفوين ومعروف سنهم لكن طريقتهم الاستعلائية وأطروحاتهم الغير مسئولة في أغلب الأحيان هي البتسئ لشخصهم وسنهم وبالتالي دا بالتأكيد حيدفع بعض الناس لممارسة نفس الأسلوب ضدهم وبأشكال متعددة ... يعني مثلاً يا نادية شوفي الشخص القال ليك ليه تتواضعي وتردي على المهرجين ديل مع احترامي الشديد ليهو ... لكن اذا افترضنا انه كان شخص محبوب جداً وزول شاعر أو قاص أو أياً كان شخص ليهو مكانة مرموقة في المنبر والناس بتحبه ولا يجد من بقية الأعضاء الا كل ما يرضيه من احترام وحب وفجأة يجي داخل ليك في بوست ويقول ليك يا نادية انتي زولة شاعرة وصحفية ااااااااد الدنيا ليه تتواضعى وتردى على المهرجين ديل ؟!! أها بغض النظر عن المهرجين ديل منو ... وسبب حكمه عليهم بانهم مهرجين شنو ..... أكيد الناس حتستاء منو وحتتغير طريقة التعامل تجاه ... الا من بعض الناس اللصيقين بيهو أو البعرفوه معرفة شخصية ... أو مثلاً أجي أنا يانادية في بوست انتي كاتبة فيهو قصيدة من قصايدك السمحة دي وأنا أصلاً ما لي علاقة بالشعر وأجي انتقد قصيدتك دي بس من أجل النقدأو من خلال انتقادي لقصيدتك أكون قاصد انتقاد لشخصك الكريم ... فمثلاً أقول ليك قصيدة بايخة أو ما جميلة دون توضيح أسباب ... أكيد حتشعري انتي والمتداخلين معاك بسذاجة المداخلة وصاحبها بغض النظر عن انه القصيدة هي بايخة ولا جميلة.... |
اتفق معاك تماما يابدرى ان من تواضع لله رفعه وفعلا الناس فى المنبر ده مابيهمها شهرة الزول من عدمها قدر مابيهمها التعامل الطيب والجميل ..وانا قناعتى انو نجاحى فى الحياة وبالتالى شهرتى بكتسبها من حب الاخرين لى والذى سينعكس بالطبع على عملى .. اى ان من يحبوننى سيحبون ايضا ابداعى او عملى ايا كان طالما انه يلامس دواخل الطيبة فيهم ..
عارف يابدرى ؟!!
الزول القال لى الكلام ده .....ماورانى هو بيقصد منو فى الاساس لكن انا متاكدة انى قد يكون بيقصد مجرد عبارات من هنا ولاهناك من احد الاعضاء الذين سماهم مهرجين الا انه لم يقصد غير المرحين وقد قلت انا شلة المرح وحتى لو قلت شلة التهريج فالمقصود منها ليس سوى المرح ..حيث ان التهريج اى المزاح ليس هو الا مرح بين الاصدقاء هنا ..
الشخص الذى تحدث الى بهذا الكلام هو متصفح يعشق هذا المنبر ولم يكن يقصد ان يقلل من شخص هنا وماكنت لاسمح له والحكاية كانت مجرد ونسة عادية زى القلتها ليكم هنا دى ..
| Quote: أها النقطة التانية وهي انه بعض الأعضاء من االشباب كما ذكرتي يأتوا بإيحاءات جنسية حقيقة يأسف ليها الواحد لكن أكيد الشباب ديل قبلهم في بعض الأعضاء من ذوي الأعمار المتقدمة والأسماء المعروفة أتوا هنا بإيحاءات جنسية مخجلة من ناس المفروض هم يكونوا القدوة بانتهاجهم نهج قويم يحذوا حذوهم فيه بقية الأعضاء من الشباب فمثلاً افترضنا انه في احد الأعضاء من الصغار سناًً مثلاً افترضنا العضو نوبي من خلال متابعته للبورد يجد العضو فلان المشهور والناس بتحبه يكتب بما تحدثتي عنه انتي من ايحاءات جنسية وبدل أن يتخذ بقية الأعضاء موقفاً منه تجدي العكس تماماً يذداد حب البعض له ومن ينتقد أسلوبه تجدي عدد من المدافعين عنه فبالتأكيد إذا كان العضو نوبي من الذين ينشدون الشهرة وحب القراء أكيد حيعتقد انه أسلوب ذاك العضو المشهور هو طريقه للشهرة وما عليه إلا أن ينتهج نهجه .... عموماً دا ما تحيز للشباب بالرغم من الحقيقة المؤسفة انه في بعض الشباب هنا بزودوها أحياناً لكن في الأول والأخير كل واحد مسئول عن تصرفاته وليهو حرية التعبير لكن كمان لا بد من التفريق بين حرية التعبير والفوضى أو أحياناً ان جاز التعبير قلة الأدب ... اتمنى انه بوستك دا يا نادية يخلي الناس تراجع حساباتها في التعامل مع بعضها ويكون احترام الشخصيات متبادل في المنبر ومن الكبير قبل الصغير |
...
انت عارف يابدرى ..انا والله ماقصدت اى بوستات بعينها ولم اقصد الا عبارة ركوب ال.....نوق التى قالها صديقى ناذر فقصدت لفت انتباهه الى ان هذا الحديث خادش لحياء الفتيات هنا .. بهذه البساطة ودون تعقيد ولم اكن اقصد تكميم فم ولامنع احدا من قول مايرآه .. فقط لان بينى وبين ناذر عشم ممتد وكذلك وليد ونوبى وكل الشباب الرائع الذين اعتز بهم هنا فى هذا الوطن ..والله على مااقول شهيد ..
ولك منى الامنيات الطيبة ايها الرجل الرائع ..
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: فيصل نوبي)
|
العزيزه ناديه عثمان ،،
لك خالص التحيات الطيبات ،،
اهو انا موافق على اقتراحك وبنفذو ، ودونك اسمى وصورتى ( الخائف عليها ) وبروفايلى ،،
"لا اخشى الأ الله والذئب على غنمى ،،،
وبعدين اسمحى لى ان ادمج اقتراحك مع اقتراح د. ابراهيم الكرسنى ( مع بعض التصرف ) فى
بوسته المؤرخ فى 9.3.2004 فى تسجيل جميع اعضاء البورد باسمائهم الحقيقيه درءا لاسلوب
المهاترات وحفاظا على توازنات اخرى منها ما ذكرتيه .
واظنه كده معقول وان كان مكلف ،،
كلام اخير :
اظن البصمه على بياض دى تستحق ان يكون عربونها عمل جديد لك - شرطا- يكون من "بيت الكلاوى "
دمتى ودامت حواء بلادى المبدعه
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
الاخت الفاضلة
نادية
Quote: اها وتانى عندى وصية لاخوانى الاعزاء ديل:
نوبى
ووليد
ومنو ومنو ومنو !! عارفين روحهم ناس منو ومنو ديل !!
وكل شلة المرح
فى ناس حرشونى قالوا لى :
يااستاذة ياخى انتى زولة شاعرة وصحفية ااااااااااااد الدنيا ليه تتواضعى وتردى على المهرجين ديل ؟!!
اها قمت اتحيرت وقلت ليهو يا.........هناى
انت فى بطن البيت الست الوالدة موش والدة اخوانك فيهم الشقى والمسكين؟!! |
| Quote: ونوبى ووليد تلاتة تسعتين ديل اخوانى الصغار ( انتو مواليد كم) وبرضو يسمعونى ولاعلى مزاجهم من عشمى فيهم طبعا .. |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
الغالية جدا ندي عثمان ..
تحية طيبة وبعد ..
أولا وقبل كل شئ أحب أن أهنئك جدا بهذا الإسلوب الصريح إلى أبعد الحدود في طرحك لتلك القضية الهامة ألا وهي قضية إحترامنا لأنفسنا ولغيرنا هنا في هذا البورد .. وحسبي أن الموضوع سيستمر طويلا إلا أنني سأقتطع هذه التعابير من بوستك هذا (وتبقي عشرة على إقتباساتي) .. لأن فيها من الحديث ما فيها لتعلقه بجدل سابق دار هنا في هذا البورد يتعلق بإحدى الروايات ذات الصلة ...
أؤكد لكم ان وليد 500 كان أذكى الجميع في هذا البورد بأكمله حين أدرك وفهم نوايا البعض هنا ممن يسميهم بشلة التهريج ويمكنك يا نادية العودة لهذا البوست وإسمه شلة التهريج لكاتبه وليد 500 لتدركي الكثير من خفايا الأمور ..
كان ليسعدني والله لو أن كاتب هذا البوست أحد المعارضين لروايات محسن خالد إذ كنت سأجد بعضا من المنطقية فيما سيكتب !! أما وقد جرت الأمور على هذه الحالة (ولا حظي إختفاء مؤيدو محسن خالد من هذا البوست) فإن الأمر يبدو جليا بأن غير قليل من المثفين ذوي مناصرة (اللاحدودية في الكتابة) قد أثر السلامة لنفسه وفضل عدم توريط نفسه في هذا البوست وإن كانوا يتابعون من بعيد !!!
الكيل بمكيالين أزمة حقيقية في هذا المنبر يا عزيزتي نادية وأنا شخصيا عندما كتبت ما كتبته في بوستات متفرقة هنا أو هناك ، لم يك ذاك جهلا مني أو إعتباطا ومراهقة فكرية أتى بها قلمي بل كنت أربد أن أعلم الحد الإفتراضي أو الأخلاقي المناسب الذي فضل مؤيدو ومدافعوا محسن خالد على عدم قياسه ورسمه وأرادوا الحرية بلا حدود لكتاب المنبر ..
والأن تبين لي بعد أن أثروا الزوغان من هنا أنهم أذكى من توريط نفسهم في جدال خاسر .. ولكن لم يسلم غيرهم من التوريط يا نادية ...
أثق أنك تعتبريني بمقام أخاك الأصغر وأعلم أنك ايضا تثقي تماما في انك بمقام أختي الكبرى ، لذا فالشفافية في الحديث بيننا أقدرها تماما ...
Quote: لكن برضو ياشباب
انتو ختو الرحمن فى قلبكم !!
وختوا الكورة واطة !!
وختو حبة ملح فى عيونكم!!
وبطلوا الكلام القليل ....... حنكة ده ياناذر .. وانت فاهمنى !!
المنبر ده فيهو بنات .. خت دى فى بالك وانت راكب ال......نوق وماشابه!!
فاهمنى زى جوع بطنك ياناذر ماتعمل مجنون!!
دى نصيحة من اختك الكبيرة
فالح ولدى
|
Quote: شوف انت ونوبى والوليدات كلهم ( جمع وليد) وناذر وناجى الملك وناصر ومنو ومنو ومنو كل الشباب الرائعين ديل عارفنى بعزكم قدر شنو طبعا
وانا موش قصدت الفت الانتباه لموضوع فى البوست ده بشكل استخفافى ولاكده .. وانت عارف اسلوبى ياتمبس .. لابحب استخف لايستخف بى احد ..
|
| Quote: انا والله دخلت بوستات كتيرة هنا وخجلتنى اللغة الايحائية الفيها !! من شباب بعتبرهم اخوانى واصدقائى .. وانا زولة متزوجة وخجلت اكتر لخدش حياء العذارى الصغار اخواتكم هنا فى المنبر ده !!! |
Quote: يعنى مثلا ياتمبس لما اقول لمنى اختى البت ذات العشرين سنة ولسة مادخلت دنيا تعالى يامنى اتعرفى على اصدقائى واخوانى الاحباء ناس ناذر وناصر والوليد بى كل الارقام وناس تمبس ومعتصم وود قاسم ومعز ونهال وبت الاحفاد وكل كل الكوكبة الفريدة فتقوم تجى منى تفتح بوست وتلاقى ايحاءات جنسية .. بل كلام مبااااشر مرات انا موش بزعل لو اخدت فكرة ماتمام عن اصدقائى مثلا ؟!!
|
صنفرة :
أخشى أن أضطر لفتح ملف رواية محسن خالد هنا فأفسد جمال هذا البوست !!!
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: ناذر محمد الخليفة)
|
ناذر محمد الخليفة
ايها الهروبى المستفحل فى التقوقع بعيدا عن بؤر الاستكشاف الداخلية للشخصية السيكوباتية .. المضمحلة فى عوالم اللارغبة فى التواصل المباشر بين الاشقاء منعا للالتباس فى الفهم المشترك ومن ثم الدخول الى دهاليز الاستلاب الفكرى والابداع الاتوسفيرى ..
مابالك ايها الصنديد الخارج لتوه من توابيت العصور التى خلت تتقاذفك امواج التيه المنبلج من الذات الاستعلائية فتجيب هنا على ماهو مرصود هناك وكأنها بداية القيامة قد انشلعت ابوابها فهبت رياح الجحيم لتلفح وجه النضارة والزهو المفتخر بوابل من رصاصات ليست للرحمة ..!!!!!!!!!
ناذر
تصدقنى لو قلت ليك انا لحدى يومنا هذا ماقريت تموليت السحاقية ديك !!
انا اتكلمت عن النوق النازل وطالع فيها دى .. موش مدرسة انا اصلا لسة ماعارفة حصصها شنو !!!
لم اعتد منك ايها الناذر النبيل .. اسلوب الصنافر هذا .. جمع صنفرة خارج البوست المعنى !! عندك كلام داير تقول لى وجهو لى مباشرة دون الصنفرات فى بوستات الاشقاء المجاورة
وتعال انا برضو راجياك هناك
سمح
اها ماقلت لى رايك شنو فى الكتابة الرهيبة والتحليل الفوق دااااااااك ؟!!
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: ناذر محمد الخليفة)
|
| Quote: الغالية جدا ندي عثمان .. |
ندى منو دى ياناذر ؟ّّ!!
| Quote: أثق أنك تعتبريني بمقام أخاك الأصغر وأعلم أنك ايضا تثقي تماما في انك بمقام أختي الكبرى ، لذا فالشفافية في الحديث بيننا أقدرها تماما ... |
هوووووووووووى انت مواليد كم فى الاول ؟!!
انا عارفة انى اكبر من نوبى لكن انت عمرك كم اول تبادى ؟!!!
| Quote: أخشى أن أضطر لفتح ملف رواية محسن خالد هنا فأفسد جمال هذا البوست !!! |
ناذر .. بالله ماتجيب لينا الشبك وانا جنى وجن المشاكل عليك الله
فاااااااااالح ولدى !!!
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: عبد الله عقيد)
|
نادية
مساء النور
احترام الكلمة المكتوبة علنا
والمقرؤة علنا
يوجب علينا
أن نضع أسمائنا الحقيقية وصورنا أيضا (إن أمكن)
حتى نتحمل مسئولية ما نكتب
وهذا عين ما قلته هنا
ثانيا : ليس كل الذين يكتبون كلاما خادشا هم من أصحاب الأسماء الوهمية
والصور التي ما أنزل الله بها من دلالة أو سلطان
لكن هؤلاء يتميزون بتحملهم نتيجة ما يكتبون
وهم بذلك ينصبون وجوههم في وجوه الناس علنا
وهذا يدعو للاحترام
وهو غير ما يلقي به المتسترون وراء حجاب
ففضلا عن قبح الكلام فهناك قبح الصفة (الجبن)
أما بخصوص الكتابة الخادشة للحياء نتفق أيضا
على أن هذا المكان هو مكان عام
وعلى الذين يكتبون ذلك
أن يأتوا بآبائهم وأمهاتهم وأخوانهم وأخواتهم وأبنائهم وبناتهم
ليقرؤا ماكتب تحت اسمه
فإن فعل فهو متسق مع نفسه
وهو بذلك يدعو نفسه ويدعونا لشئ آخر قد نقبله أو نرفضه
ولا أظنهم يفعلون
في هذا نتفق وبهذا طالبت أكثر من مرة
شكرا
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: أيمن حسين فراج)
|
الفنان الراقى ايمن حسين فراج
شكرا نبيلا على المرور الباهى جدا
Quote: احترام الكلمة المكتوبة علنا
والمقرؤة علنا
يوجب علينا
أن نضع أسمائنا الحقيقية وصورنا أيضا (إن أمكن)
حتى نتحمل مسئولية ما نكتب
وهذا عين ما قلته هنا |
هذا جزء مما قصدته ..... والجزء الاهم لكى يكون تعارفنا وثيقا فمن اتحدث اليه اعرفه شكلا وموضوعا .. لكى لا تنطبق علينا مقولة
(عرفة منابر ساى ) !!
فما بيننا من ود واحترام وعشرة اكبر بكثييير من مجرد ( عرفة منابر ساى )
تسلم ايمن وكن بالف الف خير
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
العزيزة
نادية
خليهم يقولو ذى من الناس يقولو ... حلات البوست كتابتو وحلو القاهرة مقليه ... وذى ما بقولو مع الاعتزار للاغنية.
انا يا سيدتى متواجد فى امريكا للدراسة و من ثم العودة للوطن الحبيب.
لكن قبل شهرين كنت فى السودان و زرت القاهرة لفترة قصيرة و كان وقتها ايام اتفاق التجمع مع الحكومة الاخير وسالت عنك بعض الاصدقاء و الصحفيين و اودعتهم سلامى لك .
فلك و لهم السلام .. ودمتى فى خير و عافية
رمية اخيرة
كما تقولى امى ... سالت عنك العافية.
مع خالص ودى و عظيم احترامى
فتاح عرمان
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
بت برنامجى تحياتى
اول شىء عن تواضعك حا اقول ليك نحن مقدرين كده جدا وعارفين مفروض الزيك ده
كان اشترى ليه فستان ساكت الزينا يقرأه فى الجريدة...ويمكن ده سبب تقدير الناس
الشديد ليك..اما عن الصور تصدقى كلامك ده جاء على بالى اكثر من مليون مرة..لدرجة انا
اعزى بعض مشاكل البورد لعدم معرفة الناس لبعضها لان بعضهم يكون اصحب اصحابك لكنه
يكتب باسم حركى ولا تستطيع ان تتبينه او تتبين حسن ظنه فلوعلمت انه فلان لوجدت له
العذر لانك تعرف دواخله..اويد بشدة وضع الصور عشان التعارف يكون اسهل.
اما بخصوص صورتى فقد وضعها لى الشواطين وليد399 ومعتصم دفع الله ووحاتك اتلحست
وما لقيت طريقة انزلها تانى مع انى كنت( فرحان بى )وانا باسم فى الصورة
الا العوازل ما بخلوا السمح اصلوا واعدك بتنزيلها حين ازورهم...
وبعدين وحاتك ردك لى ناذر افحمنى لدرجة ما عرفت عربى والا هيروغلوفى تسلمى،،،
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: صديق الموج)
|
الغالى العزيز ود برنامجى التلفزيومى الجميل صديق الموج
عاد انت بالذات لازم تخت صورتك الانا شفتها حقيقى دى !!
ماشاء الله شباب وقيافة وشياكة والله
بالمناسبة عليك الله لو البرنامج ده مسجل عندك تختو لينا هنا فى بوست ودى المرة الالف اطلب منك الطلب ده ياموج ياااااااخ !!
Quote: اول شىء عن تواضعك حا اقول ليك نحن مقدرين كده جدا وعارفين مفروض الزيك ده
كان اشترى ليه فستان ساكت الزينا يقرأه فى الجريدة... |
دى منو دى ؟!!
سنة ياانا !! يكون فستان العيد ده ولاشنو ياربى ؟!!
Quote: ويمكن ده سبب تقدير الناس
الشديد ليك.. |
الحمد لله وانا والله حب الناس وتقديرهم لى هو الجائزة الربانية البحمد ربى عليها ليل ونهار
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: هشام عبدالعاطي)
|
العزيزة نادية،
أنا عضو منذ زمن طويل
أكتب بإيجاز وبإسمي الحقيقي وأعامل كل أعضاء المنبر بسواسية.
ولا أدخل أبداً في مجادلات شخصية تسيء للآخرين ولا طائل من ورائها أو تضيع وقت القراء الثمين.
أحيي كل العضوية الجادة والمساهمة لرفعة الوطن وحمل قضايا الناس وهمومها وإيجاد الحلول لها.
واحيي أيضاً من يكتبون بدم خفيف يزيل التوتر ويرسم البسمة في شفاه القراء.
أحيي مشاركتك،
وأعتبر أن سودانيزأونلاين هي بيت السودان.
وهذه صورة حديثة.
وتحية مني لك
وللمتداخلات
والمتداخلين.
العوض أحمد الطيب (عوض الله)
الرياض
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: نادية عثمان)
|
الأخت
نادية عثمان
تحية تقدير واحترام..
لم اجد افضل من مداخلة الاخ ايمن حسين فراج
فلا ازيد عليها
Quote:
احترام الكلمة المكتوبة علنا
والمقرؤة علنا
يوجب علينا
أن نضع أسمائنا الحقيقية وصورنا أيضا (إن أمكن)
حتى نتحمل مسئولية ما نكتب
وهذا عين ما قلته هنا
ثانيا : ليس كل الذين يكتبون كلاما خادشا هم من أصحاب الأسماء الوهمية
والصور التي ما أنزل الله بها من دلالة أو سلطان
لكن هؤلاء يتميزون بتحملهم نتيجة ما يكتبون
وهم بذلك ينصبون وجوههم في وجوه الناس علنا
وهذا يدعو للاحترام
وهو غير ما يلقي به المتسترون وراء حجاب
ففضلا عن قبح الكلام فهناك قبح الصفة (الجبن)
أما بخصوص الكتابة الخادشة للحياء نتفق أيضا
على أن هذا المكان هو مكان عام
وعلى الذين يكتبون ذلك
أن يأتوا بآبائهم وأمهاتهم وأخوانهم وأخواتهم وأبنائهم وبناتهم
ليقرؤا ماكتب تحت اسمه
فإن فعل فهو متسق مع نفسه
وهو بذلك يدعو نفسه ويدعونا لشئ آخر قد نقبله أو نرفضه
ولا أظنهم يفعلون
|
عذراً ايمن لكن كل ما كنت اود قوله اتيت به انت فى لغة اوضح وابلغ
لك الشكر..
ولكى عظيم المودة ..نادية
| |
|
|
|
|
|
|
|
|
|
Re: المثقفين ..والشماسة ..ناس ماركيز ..وناس توم وجيرى تعالوا عايزاكم دقيقة بالله !!!!! (Re: Naji A.Moniem)
|
العزيزة -اختي الكبيرة- لانو اخوك لسه ما دقا في التلاتينات بتاعتكم دي
تبقى الصور الشخصية للأعضاء مؤشراً دالاً لأخذ الانطباع الأول للشخصية.. لذا يفضل الكثير من البورداب ان يعرفهم الناس من خلال ما يكتبون.. من خلال أفكارهم بعيداً عن أشكالهم.. هذا امر ربما لا نختلف عليه..
والبعض هنا يكتبون بأسماء حركية خشية أشياء بعرفونها هم وربما نحن نحيط علماً ببعضها، لذا فوضع الصورة يميط لثام تدثرهم بتلك الأسماء.. لذا فهم في عزوف عن ذلك..
احترم جداً طرحك في أن يحفظ الأعضاء مقامات بعضهم البعض.. فهناك عدد لا بأس به ممن هم في مثل سن آبائنا.. وعلينا تقدير ذلك.. وان كانت احدى مداخلات الاخوة قد حملت تساؤلاً عن الخط الفاصل بين الاحترام والحرية.. ولست هنا بصدد فلسفة الأمور.. فهناك من هم ادرى مني بذلك.. ولكن حسب فهمي المحدود يجب أن نحترم كبارنا..
وليست الصورة فقط هي التي تحدد من هو الكبير.. فذاك عندي ليس بالعمر وحده.. بل الكبير كبير في فهمه.. وفي كتابته.. وفي تعامله.. لذا فعلينا ان نحترم كل هؤلاء الكبار..
ولك تحيات بجمالية اطروحتك
| |
|
|
|
|
|
|
| |
munswor almophtah
saif massad ali
Abdelfatah Saeed Arman
waleed500
tmbis
suliman ibrahim
Badri
فيصل نوبي
دفع الله خطاب
صلاح الدين عبدالله محمد
معتصم الطاهر
waleedi399
ناذر محمد الخليفة
معتصم دفع الله
عبد الله عقيد
أيمن حسين فراج
EMU إيمو
قاسم المهداوى
Kostawi
صديق الموج
ALGARADABI
حبيب نورة
Elawad Eltayeb
nashaat elemam
ودقاسم
mohamed elshiekh
Naji A.Moniem
فيس بوك
تويتر
انستقرام
يوتيوب
بنتيريست