دعواتكم لزميلنا المفكر د.الباقر العفيف بالشفاء العاجل
|
|
 بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا ؟؟
|
ياناس المنبر الحر اهلى الجداد والاحباء
انا طبعا جديدة عليكم برغم انى والحمد لله صديقة واخت لبعضكم ومعروفة لديهم ..لكن انا هسة بس عندى حاجة وسؤال صغييير مافاهماه ..كدى ياناس البورد القدامى بصفتكم خبرا قولو لى يعنى شنو انا اكتب رسالة ليكم بدمى وعميق ودى وكثير امتنانى على ترحيبكم بى وارسلها وهسة اجى افتش فيها سماء وارض ماالاقاها ؟انتو لامن رسائلكم تروح بتكون فاتت وين ؟لو فى الارشيف هو مكانو وين يااستاذ بكرى ابو بكر ؟
يعنى شنو لمن بوست يروح منكم وبتلقوهو وين تانى يابورداب الوطن الحر؟
المهم امبارح وفى رسالتى الراحت ديك فى ظروف غامضة كنت بحبكم كلكم فيها وماعارفة شوفتوها ولالا لانى كنت فى شغل برة وجيت هسة !! وهسة دايرة تاااانى اقول ليكم كتر خيركم ياعز الناس .
استاذ فضيلى جماع ماتتخيل شهادتك دى رفعت روحى لى ياتو مصاف ..حقيقة توجت مهنتى وابداعى بوسام رفيع وشهادة تقدير غالية
استاذ الموصلى ..سعيدة جدا بيك ياموسيقار يارائع وبالمناسبة انا اسمى بالاى وليس الواى لكن فى الصورة مكتوب ندية وليس نادية فقد رأى اخى ان المعنى واحدا فلاداعى لتغير الواى ولاانت رايك شنو ؟....انور كنج سعيدة بيك ،اشراقة مصطفى موش انتى زااتك البنوتة المثقفة الواعية المهذبة الكانت فى ندوة المرأة والابداع فى القاهرة مع دكتور حيدر ابراهيم؟..محمد الحسن العمدة انت فعلا عمدة وشكرا ليك..يمنى قوتة انتى متاكدة انى ماشفتك قبل كده؟..ود المايقوماانت بتعرف ناس امال بت عمتى ساكنين هناك؟..الصادق
|
|
 
|
|
|
|
|
|
|
|
Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا (Re: jini)
|
هنا مساعدة اتمني ان تكون لائقة
هناك خياران للبحث عن مواضيعك
اما بالضغط علي الارقام الموجودة اسفل الصفحة الرئيسية للمنبر كما موضح في الصورة المرفقة حتي تصلي للصفحة التي يوجد فيها مشاركتك او بالضغط علي كلمة ابحث كما موضح في الصورة و بعدها سوف تنتقلين لصفحة اخري كما موضح في الصورة الثانية و لك الخيار بالبحث عن الموضوع باسم كاتبه او عنوان الموضوع او كلمات كتبت فيه
اتمني ان يكون شرحي واضح ويمكنني ان اوضح اكثر في المرات القادمة
اتمني لك التوفيق
ومرحب بك
| |
|
|
|
|
|
|
|
|
|
Re: بصفتكم خبراء قدامى ..مامعنى ان تبحث عن نفسك فلاتجدها وانت على يقين من انك وضعتها بيدك هاهنا (Re: samo)
|
ود قاسم الاستاذ..والله فرحت بمداخلتك وترحيبك جدا وانشاء الله ادفع الفاتورة بتاعة الاستشارة كاااملة مواد متنوعة ومفيدة
الاستاذة نور تاور الراقية انا بعرفك جدا وكنت متابعة نشاطك العظيم فى القاهرة انتى ماشوفتينى ابدا فى مكتب جريدة الخرطوم بالقاهرة؟ بتعرفى احمد عبد المكرم؟
رجاء العباسى مراحب هتون ..دائما مبادرة وسباقة لى عمل الخير وياهو حال الجعليات بنات العباسى كلهن ..حااعمل بنصيحتك تسلمى من كل شر
الصادق تسلم على الاستشارة المجانية ..علم وينفذ
سوما مراحب ..انا برضو عندى احساس انى بعرفك من زماااااان..انتى ساكنة الشعبية بحرى؟
جنى انشاء الله بعد ماشفت بوستاتنا طلع ليمونا ماحمضان !!
انور احمد ليك التحية ياراقى والله انا قايلة كلامى ده كلو راح فى الهوا تسلم من كل شر
| |
|
|
|
|
|
|
| |
Adil Osman
jini
Elsadiq
Raja
nour tawir
ودقاسم
samo
صديق الموج
فيس بوك
تويتر
انستقرام
يوتيوب
بنتيريست