دعواتكم لزميلنا المفكر د.الباقر العفيف بالشفاء العاجل
|
|
 ياأحباب قد استجاب المولى الكريم دعواتنا ولطف باستاذى وأبى الروحى .كلكم معزومين فى الكرامة بالله
|
الاحباء اهلى فى هذا الوطن الرائع
الحمد لله ..الحمد لله..الحمد لله
اللهم لك الشكر الجزيل يالله
نعم قد استجاب الله لدعواتنا ايها الاحباب الاعزاء ..رفعنا الاكف متوسلين بأن يتمم المولى كمال عافيته على الرجل الانسان ..العزيز ..الاستاذ فضل الله محمد
فنزل مطر الرحمة عليه وعلينا غزيرا واستجاب الرب الدعوات الصادقة وشفى ابو وائل الغالى
حدثته قبل ساعات فجاءنى صوته يضج صحة وعافية
استاذى انت بخير ؟
ايوة يانادية الحمد لله
قلقتنا عليك يااستاذ فضل الله والله
الحمد لله يانادية كانت أزمة شديدة وصعبة لكن ربنا لطف والحمد لله
الحمد لله يااارب
ثم حدثه زوجى وابنتى ..وتحدثت مع الاخت الصديقة ام وائل فاذا بها يزغرد قلبها من الفرحة على تمام شفاء شريك حياتها وابو اولادها ..كدنا نبكى سويا من شدة شكرنا لله العلى العظيم
المنزل يعج ويضج بالاهل الذين قد توافدوا لتهنئية الاستاذ بتمام الشفاء وكمال الصحة
غدا سوف تنحر الذبائح كرامة وسلامة على سلامة وتمام شفاء استاذى وابى الروحى وصديقى الرجل النبيل ابو وائل
يااحباب انتو كلكم معزومين فى الكرامة بالله
وبالله من استطاع منكم ان يأتى لنا بأى اغنية من أغانى الشاعر المرهف فضل الله محمد احتفالا بهذه المناسبة السعيدة فليفعل ..وله جزيل الشكر
الله يارب العزة كم أحبك لانك قد استجبت دعوات كل الذين احبو هذا الانسان ..الانسان
كن بالف خير ابو وائل ..وكونى سعيدة جدا حبيبتى ام وائل ..وكونوا بالف خير ياوائل وطارق وياسر والاميرة اية ..بابا بخير ..متعه الله بتمام العافية وموفور الصحة دوما
امين ..امين ..ااااااامين
|
|
 
|
|
|
|
|
|
|
|
Re: ياأحباب قد استجاب المولى الكريم دعواتنا ولطف باستاذى وأبى الروحى .كلكم معزومين فى الكرامة ب (Re: samwal ebrahiem)
|
الموصلى ود خالى
تسلم ياغالى واستاذ فضل الله فعلا جبار خواطر طول عمرو والله ..وعمرو ماكسر خاطر زول ابدا ربنا يديهو العافية ياااارب
العزيز وليد محمد المبارك
ربنا يستاهل كل الحمد ..ووالله لما الاستاذ قام تترب ورجع بيتو بالف سلامة اتزكرت كلامك وعشان كده عزمتك اول زول على الكرامة ..وهو انت عايز اكتر من شية العجل السمييين بتاع الكرامة بياض ياوليد ؟
معتصم دفع الله
مابتقصر ياود القبائل ودائما سباق لكل الخير ..اعتبر تحاياك والجميع وصلت للاستاذ انا هسة حااتصل عليهو وابلغه حبكم ليهو
سمؤل الشاعر
امام نبل كلماتك تتوارى مفرداتى خجلا ..فماانبل كلماتك الرقيقات واصدقها ياشاعر
لك كل التحايا الطيبات
| |
|
|
|
|
|
|
| |
waleed500
Ehab Eltayeb
Elmosley
وليد محمد المبارك
معتصم دفع الله
samwal ebrahiem
فيس بوك
تويتر
انستقرام
يوتيوب
بنتيريست