|
دعواتكم لزميلنا المفكر د.الباقر العفيف بالشفاء العاجل
|
|
 Re: سجادة حمراء من المطار للشعبية وورود وشتلات نيم يابورداب الخرطوم انا جاياكم استعدوا !!! (Re: نادية عثمان)
|
Quote:
شارع المعونة لفة صيدلية السنجك
|
إيه لا حولييييييييي ... إنت ما جيتي فوق بيتنا عديل...
طيب بالله أمانه تسلمي لي على ناس أمي وأبوي "حاجة فاطمة واالحاج محمد بس تالت ناصية على شمالك والباب تلاته ضلف لبني وقدامه نيمه كبيره وتحت النيمه حجر الصابرين القعدت فوقه سنين صباي وشبابي الباكر ... يا حليله ...
تخيلوا الزول يشتاق له لي حجر بالطريقة دي ،،، فمابال الشوق للأهل والحبيان والجيران..
غايتو لمن ترجعي بالسلامة وصيتي حفنة تراب من تحت النيمة الوصفتها ليك ولا إنشا الله كان صفقه صفرا من الصفق الواقع تحتها.
كان الوصف ما وقع ليك بس في الشارع ده أرخي أضانك ومحل ما تسمعي ليك صوت موسيقى حالمه صادر آلة كمان شجي تعرفي أنه ده عزف محمد ود عمك خلف الله وده جمبنا طوالي وتعرفي إنك وصلتي تب.,
الشايقي
| |
 
|
|
|
|
|
|
|
|
Re: سجادة حمراء من المطار للشعبية وورود وشتلات نيم يابورداب الخرطوم انا جاياكم استعدوا !!! (Re: نادية عثمان)
|
نادية .. الجميلة
( ستشرق الشمس من الخرطوم ؟.. يا بختها الخرطوم )
الأمنيات لكِ بطيب إقامة ..
و .. طلب يا جميلة .. ممكن ؟ :
أقعدي في الأرض المبلولة طرف القيف .. قصاد الموردة .. وجلبغي رجليك في موية النيل - إتباركي - .. وقرمشي لي معاك ( صِير ) من دكاكين السمك وراك .. بعد ما تغمزيه في شطة بالليمون ..
ويكون الوقت بعد تمانية مسا .. وعايني لتوتي قدامك .. واتصنتي لصوت المويه تهبش في القيفه .. وغني :
يا الطبيعة الواديكي ساكنْ
مافي مِتلك قَطْ في الأماكنْ
يا جمال النالْ في ثراكِنْ
ويا حلاتْ البِرْعَنْ أراكنْ
بي قفاهِن تور قرنو ماكنْ
لا غِشَنْ لا زارنْ مساكنْ
.. في الخُزام والشيح والبراحْ
وبعدين .... أبكي
| |
|
|
|
|
|
|
|
|
|
Re: سجادة حمراء من المطار للشعبية وورود وشتلات نيم يابورداب الخرطوم انا جاياكم استعدوا !!! (Re: نادية عثمان)
|
ندووووووووووية العسسسسسسسسسسسسسسل
والله فرحت جنس فرح لمن قريت البوست بتاعك دة لانو بالجد السودان حينور وانا بالجد مشتاااااقة اشوفك واتونس معاك وانشاءالله تجينا بالسلامة وماتخافى من الطيارات السودانية دى مابتقع ومابتتخطف البتقع البتكون جوة جوة .. والبتتخطف دى الاتكونى شنو كدة ماعارفه كان قلتها بتجيب لى الهوا اعذرينى
| Quote: سجادة حمراء من المطار للشعبية وورود وشتلات نيم يابورداب الخرطوم انا جاياكم استعدوا !!! |
دة كلو معاك فيهو وبنجهزو ليك .. عل شتلات النيم دى اتلومتى فيها وقت انتى يفرشو ليه شتلات نيم سجيمان والذى منو يفرشو ليهو ام عشر
هاك دة هدية
التحميل من هنا
| |
|
|
|
|
|
|
|
|
|
Re: سجادة حمراء من المطار للشعبية وورود وشتلات نيم يابورداب الخرطوم انا جاياكم استعدوا !!! (Re: سجيمان)
|
لاحولاااااا
أخيراً؟؟؟
أخيراً خط تقسيم المطر حيتحرك جنوباً؟؟؟
أذن الخلا علينا من أحتمال رجعة قوس قزح لي سمانا!
مدارية جيتك بتفرض علي جغرافية خرتوم بالليل
وغصباً عن عين النيل موج الأبيض
يا بت أنتي أسكندراوية واللا شكلك كدة؟
يعني كدة الواحد بحري بالليل يجيهاااااا
عشان ناس ناديه فيهاااااااااا
مع الأعتذار للأغنية
المالية ركشات البلد الأيام دي
عموماً حظك والله
ح تلاقيني لو الله مدّ في العمر
أقل حاجة تخلي سفرك
حتي لو أيميل أقلّو
| |
|
|
|
|
|
|
| |
وفاء تاج الدين
Marouf Sanad
saif massad ali
Al-Shaygi
Emad Abdulla
عنيده
لؤى
سجيمان
عبد الله عقيد
ghariba
خال فاطمة
hajhamad
ناذر محمد الخليفة
القلب النابض
فيصل نوبي
nashaat elemam
بلدى يا حبوب
munswor almophtah
altahir_2
محمد امين مبروك
waleedi399
Waly Eldin Elfakey
Ahmed Poison
عادل فضل المولى
أحمد الشايقي
فرح
Elmosley
حبيب نورة
بشير حسـن بشـير
Ahmed Mohammed Osman
عبدالرحمن عبدالله أبوشيبة
ADIL FAIT
إيمان صالح
فيس بوك
تويتر
انستقرام
يوتيوب
بنتيريست