دعواتكم لزميلنا المفكر د.الباقر العفيف بالشفاء العاجل
|
|
 القسم والحليفة والتخصيم في الأغنية السودانية
|
كنت منتبه للاغنيات التي تبدأ بقسم
وجميعها كانت من بيت الكلاوي
فكرت ان احصيها عددا ولأتبين أي قسم كان عظيما
ظننت أن الأمر ستعلق بعشر اغنيات أو أكثر
فإذا بي أتعثر بمئات الأغنيات ، الشاهقات
محاولتي تلك كانت في الفيسبوك ، في دقائق كان هناك اكثر من 50 أغنية بدأت بقسم
ومازالت السبحة تكر وبلغت المداخلات 200 واكثر
في تلك المداخلات قدمت نماذج باهرة
أتمنى ان تساهموا معي هنا لنرى كم ستبلغ الأغنيات أمات حليفة
|
|
 
|
|
|
|
|
|
|
|
Re: القسم والحليفة والتخصيم في الأغنية السودانية (Re: عاطف عمر)
|
بالمودة.. بالمعزة البينا بى أغلى الصلات
بالعذاب الشفتو والسر الكتمتو وباقي الطيبات
أستحلفك سيبني لوحدي أقاسي مر الذكريات
___________
هسع يا بركوتة دا بوست تفتحوا وإنت تعرف سلفاً أن رواده سوف يكونون ناس كدا ( ع الهبشة ) ؟؟
الله يجازيك
نعمل شنو ؟؟
ح نتكسر معاك
والكائن يكون
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: أبو ساندرا)
|
فيصل عثمان الحسن :
Quote: عليك النبى تجى ود الزمزمى تجيب ال.... تجى ود الزمزمى .
أكيد معظم الجماعة الفوق ديل ما سمعوا بالغنية دى , اما
صاحب البوست فأكيد قد سمع بها ان لم يكن هو ذات نفسه شاعرها
, عيد سعيد يا أصلى وكل أمانيك وأمانى من تحب محققة باذن الله . |
ههههههههههههه يا جنابو بالغت معاي ، انت قايلني انا عوض كيتا ؟
طيب هاك :
(يا ود الزمزمي عليك النبي تجي
تجي يا ود الزمزمي
الخضر الليمون
يا ود الزمزمي الازرق الكمون
تعز النبي تجي
يا ود الزمزمي )
الشاعرة إمرأة بتحنس في حبيبها ودالزمزمي الغتيت
دي الحليفة أم تخصيمة ، خصيمك النبي لو ما عزيتو
وهي متداولة عند النساء
جعل الله كل ايامك اعياد وحقق امانيك انت وكل حبانك وناسك
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: أبو ساندرا)
|
فكرة بريليانت يا ابو ساندرا ...
اذا ادخلنا الاناشيد في القصة فـ ..... الملحمة تضج باغلظ القسم
قسماً قسماًلن ننهار ...
.
.
.
حلفنا نموت او نلقى النور ...
.
.
.
اما فيما يتصل بـ (قسم بي محيك البدر) فهنالك طرفة لاحد بلدياتنا العاشو في مصر
وهو انو سأل بعد ما سمعا انتومين (قاسم بيه محمد بدري) البئوول عليه وردي دا .....
تحياتي
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: أبو ساندرا)
|
بحلف لك بحبك وأنا مخلص لحبك
يا حبي وربك أوعي تقولي لا
انا ساهر في دربك وأنا هائم في حبك
يا حبي وربك أوعي تقولي لا
يا ساكن في بالي بحلم بيك ليالي
بس اعطف بحالي وأوعي تقولي لا
حبي إليك صافي وحياتك يا جافي
لوعدك ما بتوافي وليه بتقولي لا
__________________
الأستاذ صلاح بن البادية
___________
قالوا ليك الناس ع الهبشة
عملت رايح
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: محجوب البيلي)
|
بوست جميل استاذنا ابو ساندار وكل عام وانتم بخير ،، بس الاخوان ما خلو لينا قسم حايم عشان نقولو لكن هاك دي لغاية ما نبحث ونجيب ليك كم حاجة كده ،،
عليك النبي تعز النبي تجامل تجي ،،، تعال يا رشا يا بارد الحشا..
ولو ما اخاف عازلي الرزيل اصلك هناك ولي عياك ازيل ,, ذاد وجي ونوم عيني اصبح قليل ..
وبجيك صاد ..
تحياتي : ياسر العيلفون
قال الرجل السوداني ما رومانسي قال ,,,
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: ياسر السر)
|
والله ظلم علينا ظلم ...يا ناس القوز علينا ظلم
الشالو سيدة وخلو حرم
الكابلي
...........................................................
والله ما ما مني
كل الحصل ما ما مني
زيدان
...........................................................
حلفتك يا قلبي حلفتك بحبي
وردي
...........................................................
وو نور ايكايمينكن ماجنقا مدي دامونا (الترجمة لغير الناطقين بها) والله مافي شي بملا عيني غيرك
وردي باللغة النوبية
...........................................................
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: ياسر السر)
|
لو خلاص أنكرت حبي
في النهاية لا وحبك
لا وحبك لن تكون أبداً نهاية
أنت عارف نظرتك كانت بداية
ما بتغير حبنا السامي وشاية
...
...
لا وحبك يا وحيدي
مستحيل تبقى النهاية
حبنا أكبر من الدنيا
وأطول من سنينا
فيه من وطني المسالم
كل طيبة و أغلى زينة
فيه من عاطفتي معنى
الإلفه و العشرة الأمينة
يسعد العشاق شذاها
وتفرح الدنيا الحزينة
و برضو يحصل تنسى عشك
في النهاية لا وحبك
_________________
أستاذنا عثمان حسين
_________________
بركوتة
البوست تبيع ؟؟
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: د.يوسف محمد طاهر)
|
ربي يعدل ليك سبيلك
كل مناي في الكون عديلك
ونهاية الخير مصيرك
أصلي عهد العُشرة ما اتنكّرت ليه
أنا عهد العُشرة ما اتنكرت ليه
والله عهد العُشرة ما تنكّرت ليه
ليييييه .... ضيعوك
ودروك
إنت ما بتعرف صليحك من عدوك
وإستغلوا الطيبة في قلبك
وبي اسم العواطف خدعوك
الله ياخد ليك حقوقك ويجازي الظلموك
___
وردي/ إسماعيل حسن
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: تيسير عووضة)
|
Quote: وفي واحدة ما قادرة أتذكرا بتاعت ود الزومة آسيا بابورك في الأراك
شنو كدا وحاة سيدي الحسن .. |
آسيا واقفة دغري بلا تدابير
وعودا صندل وعرقو إكسير
شاهد الله إن وقفت عديل
تشوف وشيك في ساقا في الليل
بابورك في الأراك يا آسيا بابورك في الأراك
أنا لو ماكنت من الله بخاف الحساب
وأخشى إنتو تقولوا كضاب
أنا كنت بحلف فوق الكتاب
آسيا من نور ما من تراب
___________
إهداء لتايسا
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: عاطف عمر)
|
تيسير عووضة :
Quote: أبو ساندرا شفيت حقاتي البي هناك كلهم
هسي أنا أقول ياتو واحدة؟ |
ههههه والله لمن فكرت أنقل الموضوع هنا من هناك
قلت تيسير ح تنقله كله معاي
لسع عندك فرصة ، هناك في روائع لا تضاهيها إلا منتخبات الشيخ/عاطف عمر
أنقلي زي ماعايزة ومش ح اسألك عن حقوق المؤلف
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: عاطف عمر)
|
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك ليا
واخاف شوق العمر كلو يفاجئك يوم فى عينيا
وراء البسمات كتمت دموع وبكيت من غير تحس بيا
المعلم أبو الأمين في بتتعلم من الأيام
والله انت وعاطف جنس بكاكم دا ما شفنا لا في الناس ولا في الريل
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: حمد عبد الغفار عمر)
|
| Quote: والله انت وعاطف جنس بكاكم دا ما شفنا لا في الناس ولا في الريل |
حمد يا حمد
ناسي يا حبة ولا بتتناسى ؟؟
حفظتنا إنت دا الغنا دا كلو
جيتنا ( برلوم ) ملهلب من أحضان الدورات المدرسية
صوت جميل واختيارات راقية
تتناوبوننا غناء أنت وعبدالكافي وطارق حسن الشيخ
تشهد سطوح داخليات البركس وحدائق شمبات
أيام الخميس لو الواحد ماشي يزور أهلو ما بتدوهو فرصة
________________
هسع بركوتة دا يقولوا عليهو شنو ؟؟
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: عاطف عمر)
|
انت يا عاطف تشيل وتلصق فيني تهم البكاء والله أقبل عليك أفرج فيك المنبر دا والمنابر المجاورة
انت عارف وأنا عارف خليها مستورة
| Quote: هسع بركوتة دا يقولوا عليهو شنو ؟؟ |
بركوتة شكلو كدا النوع الكان لما يسمع غنية ملهلبة
يفتح زرايرو ويقعد يكورك :
أضاعوني وأي فتىً أضاعوا ليوم كريهة وسداد ثغر
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: سلمى الشيخ سلامة)
|
يا بركة مفروض تضيف - مع القسم والحليفة والتخصيم - العتاب والرجاء
عشان المعذبين الفو ديل يجعروا ليك هنا ده..
وفردتي وصاحبي اللحام الخالدي قال :
دي الهموم ياها القدرنا وحتى ما قادرين نشيل
والقدر غضبان علينا وهدّ ما خلى لنا حيل
يا أهلنا عليكم الله تعالوا ورونا الدليل
دقت الآهات قلوبنا والنكد ياهو البديل..
(أغنية متاهات)
وقال :
يا حبيبة وحاة عيونك عشت متألم معاك
لما أشوفك ماشة جاية قلبي يسرح بي وراك
وخى لو يا سمحة غبتي بدعو رب الكون أراك
يحفظك من كل ناظر والزمن ما يبقى جاير
(عشت متألم).
وقال:
ما جنيت غير المذلة وغير عذاب ضيّع سنيني
وكل يوم ضايع وحاتك كل يوم بيزداد أنيني
وبرضي بهواك وانجرحت والسعادة ما بتجيني
(ما هويتك).
سأعود.
| |
|
|
|
|
|
|
|
|
|
Re: القسم والحليفة والتخصيم في الأغنية السودانية (Re: Ashraf el-Halabi)
|
ياحنان الدنيا كلو
قصدي في حبك نبيل
حبي أجمل عاطفة سامية
والله أكتر من جميل
لو وصفتك وقلت طاهر
كنت في وصفك بخيل
نور جمالك يا حبيبي
بادي ما داير دليل
عشت عمري أغني ليهو
في انتظارك لو تميل
_____________
" كيف يهون عندك خصامي "
الأستاذ عبدالكريم الكابلي
وشيخنا سعادة اللواء عوض أحمد خليفة
جاءنا في الأثر أن " أغنية ( عشرة الأيام ) براااها بتدخلو الجنة "
_________
كيتاً في Ashraf el-Halabi
| |
|
|
|
|
|
|
| |
أبو ساندرا
khaleel
عاطف عمر
Asim Fageary
المعز ادريس
محجوب البيلي
Azhari Nurelhuda
طاهر بدر
وضاحة
د.يوسف محمد طاهر
ياسر السر
جلال جبريل
Zomrawi Alweli
محمد أبوالعزائم أبوالريش
تيسير عووضة
محمد كابيلا
حمد عبد الغفار عمر
سلمى الشيخ سلامة
Ashraf el-Halabi
فيس بوك
تويتر
انستقرام
يوتيوب
بنتيريست