|
|
 ماذا يقول الجرس ؟؟؟(2)
|
ماذا يقول الجرس (2)
رن رن رن**رن رن رن
رن جرس الباب المره دى
سهام:منو سيد اللبن؟؟؟
....:-لا سيد الشمار
سهام:- نحن مابنشترى شمار ،الله يفتح عليك بعيد مننا
بتاع الشمار:- سمعت قالوا عضتك الافعى السامه جبت ليك شمار خصوصى قلت تدعكيه مكان العضه عشان يودر السم
سهام:- العضه دى عندها حكيم بداويها بعلمه مادايرالها شمار
سيد الشمار:- يعنى مابتدورى تنفّعى عمك بى قرشين؟؟ أها خلاص ماعندك لى عمك حرف كسره وكباية شاى يتدفاء بيها من البرد ده
سهام:-أكان كدى أتفضل العصيده بى ملاح النعيميه جاهزه واللحمه والشعيريه فى النار بعدهن الشاى أبو نعناع
ولانها المره الاولى التى أراه فيها من قرب فقد ساقنى الفضول لتبين ملامح وجهه أندهشت حينما لاحظت عليه الكبر وأخافتنى إبتسامة الماكره ونظرت الخبث الطاله من عينيه
دخل سيد الشمار و فى يده علبه من الشمار
وقال:- اولاً عارفك ما بتشترى وتنفعينى ، العلبه دى من عمك جبتها ليك تكتلى بيها سم الافعى القرصتك دى، تانياً شفت عربيه الارباب ود دا رجعل ده قلت أدخل أسلم عليه وأكل معاه حرف وأشتكى ليه من بطنى دى،سلام الارباب
بله:- أتفضل ياحاج
سيد الشمار:- الشمار ده جبته ليك من مزرعتى الفى الحله الغادى
سهام:- ياتو مزرعه ياحاج؟؟
سيد الشمار:- الحله الفوقها الاسبتاليه ، مزرعه سمحه بالحيل الببيعو لى ناس الاسبتاليه براهو كفايه إلأ بس المخوفانى الدبيبه دى ماتلم فينى تقرصنى ، والله عدد ماتشترى منى شمار أبيع ليها بالزايد وعدد ماأجى بى بيتها أقول يالكباشى خصيم السم
يبداء سيد الشمار فى الاكل ،لكنه بعد اللقمه الاولى ادخل يده وسحب إحدى علب الشمار فتحها ووضع منها فى الطعام
بله:- ماقلت ليك الشمار الكتير ده هو المارضك
سيد الشمار:- كدى خلونى النضوقكم شمارى مع أكلكم السمح ده ،انتم عارفين أنه الافعى السامه دى هى أحمد الحلفاوى وهى ود عرب وهى محمد نجم الدين و و و و و و و
سهام مقاطعه:- كل ديل أسامى بتكتب بيهن؟؟؟أكل ياعم الحاج دى واحده عندها فراغ بتملى فيه
سيد الشمار :- قالت شغاله شنو كمان؟؟!!! انتو عارفين كمان أنها ماشغاله ولا راجلها شغال قاعدين بس يمصوا فى دم الحكومه شئ( فود أستامب) شى( ويك) وشى( فيب) وشى( هلث إنشورنس) وشى( سكشن ايت)وكل حول بى زول عشان كل ماكتروا العيال الحكومه بتدفع أكتر
سهام (مقاطعه):- قصدك شغاله فقاسه لى الحكومه ؟؟ونحن مالنا؟ نحن حاندافع عن الحكومه كمان ؟ كدى أكل
سيد الشمار:- وله ملف المحاكم والقضايا والاسطورات ،ده كله كوم وقصة الدهب اللابساه ده كوم
سهام:- الله يرضى عليك ياعم أُُكل وبعدين نتكلم
سيد الشمار :- الا مسكين ولد أهلها داك راح شمار فى مرقه عليك أمان الله عمره كله يقضيه فى السجن
سهام(محاوله تغيير دفة الحديث):- أنت ياعمى الحله الغادى دى الناس مالهم إنقطعو من مستشفاها
سيد الشمار:- والله الحال إتغير إلا عليك أمان الله يابت أخوى حتى ديل ماسلمو من السامه الوقع تحت ايدها كله نجضته ،وناس الحله ديل البشوفها يمسك جلابيته فى سنيناته ويالشارع جاك زول
سهام:- ناس الحله هم الفرعنوها بى خوفهم منها، ومقاطعتهم ليها هو الخلاها حاقده زياده وماعندها غير الانترنت ده
سيد الشمار :- زى ما كم عارفين عمك بحب يزرع الشمار ،أها سمعت قالو زراعة الشمار فى الانترنت سمحه بالحيل قمت أشتريت لى مساحه وشتت تيرابى ،أمانه الانتر نت ده مو سمح ،حبة التيراب الشويه دى بتقت وملت الدنيا و(الاى بى) ده فتح نواره فى يوم واحد إلا المصيبه طلع (الاى بى) حقها قريب من حقى والمساحه حقتى أشتريتها من (إسبرنت) طلعت المليعينه دى مشتريه منها زاتها ،أها يابت الحاج ماتشوفى يوم (الايى بى )حق عمك تفتكريه ده حق المليعينه دى وتديه لى محاميك ده يجيب خبرى ويدفق شمارى،أنا بوريك الايبى حقى حقها علان تفرزيهن
سهام :-حقك مادايراه وحقها عندى،وكان على الاسامى البتدخل بيهن الحيه عارفاهن كلهن من اول أسم لى أخر أسم ومن مساعدنها زاتهم رسلوهن لى لحدى بيتى
سيد الشمار(باندهاش):-أنت يابت الحاج بقيتى تزرعى الشمار زيي؟
سهام:- مازرعته ياعم رسلوه لى ناس اصحابى
سيد الشمار:- ودفعتى ليهم كم؟؟
سهام:- مادفعت ليهم قروش دفعت ليهم حسن المعامله النيه الصافيه والكلمه الطيبه،أكان بتدفع من ده برسلو لى شمار مؤكد
سيد الشمار:- أكان قروش بدفعهن إلا القلتى عليه ده عمك ماعندو منه رصيد ، عامرين أنشاء الله ،أها النقوم اوزع باقى شماراتى قبل النهار مايروح على ، ودعتكم لى الله
|
|
 
|
|
|
|
فيس بوك
تويتر
انستقرام
يوتيوب
بنتيريست