|
|
 وانتهت مباراة القمه ...............الغمه
|
جاءت مباراة القمه على نهائى كاس السودان بارده وفاتره وممله كانها نهائى على نهاية الدنيا وفاز بها المريخ كعادته وهى بطولة الاحمر الوهاج المحببه وخرج اولاد زرقان خاسرين لها بالرغم من ان فريقهم فاق فى قوته فريق ريال مدريد حسب تغزل الاعلام الرياضى فى اللاعبينوالذين يدربهم بروفسير والمريخاب دكتور والله حاجه جميله مدرب برشلونه لا يملك مؤهلات احد مدربى القمه وده تتطور.
بختك يا شداد برغم فضائح المنتخب وسؤ ادارتكم للكورة والتى فى عهدكم لم تنجز سواء الفضائح والانكسارات وبعد ده كلو الجمهور بيدفع وبدخل وانتم تنظرون على حس الجمهور العريض
والله انت لو عارف ان الناس دى بقى ما فى ليها منتفس غير الكرة كان استقلت لكن نعمل شنو ونحن شعب ادمن الكنكشه فى المناصب بغض النظر عن الفشل او النجاح.
واحد صاحبنا حضر معانا المباراه وعندما اضاع داريو كان ضربة الجزاء علق قائلا والله اثبت ليهم انك سودانى من امك وطيرتها السماء وصاحبنا هلالابى
والله الشىء المحيرنى المحترفن البجيبوهم ناس الهلال والمريخ ديل ما عارف بجيبهم لشنو وليوم الليله ما فى واحد فيهم افادنا لا فى الملعب ولا فى خارج الملعب ولا احد منهم افاد ناديه لا خارجيا ولا داخليا والبعرف انا انو الاحتراف بتطور لا ياخر والله قبل محترفين الجمله ديل كان الكره عندنا احسن من الان
طبعا فى محترفين بمعنى الكلمه تستفيد منهم انديتهم ويستفيد منهم اللاعب المحلى فى تحسين مستواه لكن اعتقد اننا احضرنا منحرفين وليس محترفين.
عليكم الله فى مباراة اليله فيكم واحد استفاد من حاجه واحده فقط منال6 منحرفين اقصد المحترفين ديل حتى وو لوحه فنيه من فنيات الساحره المستديره؟.
|
|
 
|
|
|
|
فيس بوك
تويتر
انستقرام
يوتيوب
بنتيريست