|
|
 هكذا يصوروا السودان للعالم
|
فى احدى زياراتى الى القاهره عاصمة المعز دعتنا وكيلة الشركة التى اعمل بها الى منزلها فى حى الزمالك الراقى.والحقيقة السيدة بتحب السودان جداوكانت تروى لى زياراتها الى السودان حكت لى عن طيبة الشعب السودانى وكرمو و تواضعو وانو شعب بالرغم من الظروف الاقتصادية الصعبة التى يعيشها لكنة مثقف وواعى ومدرك...والحق يقال لو كان قالولى واحد تانى كنت قلت ده نوع من مجاملة اهلنا فى شمال الوادى لكن السيدة ماليه مركزا ومامحتاجة لتجاملنى...
المهم ياجماعة الخير ونحن فى البيت كانت البنت الشغالة من بنات بلدى عرفتنى بيهاوطبعا حيتا على كفاحا والحقيقة السيدة المصرية قالت لى انا دا الشعب الوحيد الممكن اثق فية وواصلنا العشاء ونحن طالعيين سلمت على بت بلدى واتمنيت ليها التوفيق.
زرت القاهره بعد شهرين وكانت سريعة جدا لكن السيدة المصرية وزوجها اصروا الا اتعشا معاهم ولبيت الدعوة شلت لى بوكى ورد ومشييت ليهم.فتحت الباب واحدة جديده ما ركزت فى الموضوع كتير وقعدنا نتناقش فى التكامل بين مصر و السودان وانو مصر هى الشريك الاول للشعب السودانى وكيف ممكن للسودان استفيد من الخبرات المصرية وكيف نضمن دخول راس المال المصرى للسودان....كلام على مستوى اقتصادى عالى...
وفجاءه قالت لى انت عارف انا طرت الشغالة السودانية ليه...فتحت عيونى كبار وخفت لاقدر الله شالت حاجة ومشت المهم ربط شجاعتى وعملت فيها انى غير مكترث بالموضوع قالت لى انا شفت عند البنت ملف مليان وطلبت اعرف المحتوى.... قالت لى صعقت من المفاجئة اوراق لجوء الى الامم المتحدة....شئ عادى....المصيبة فى الكلام المكتوب عن السودان ايه اغتصاب و تعذيب واكراه فى تغيير الدين وسجون وووو....
مش ممكن ياحسن اصدق الكلام وانا بعرف السودان و السودانيين مافيش قوه فى الدنيا حاتقنعنى بالكلام المكتوب ده...دا لو مصر كانت اسوء دوله فى العالم يستحيل انطاء بكلمه تمسها......
انتو ياحسن مستحملين كتير اوى ربنا معاكم......
احبتى بنات السودان و اولاده عرقت وخجلت ونزلت عينى فى الواطه.نعم هكذا يصوروا السودان للعالم هكذا بمثلونا فى الخارج هكذا يبيعون السودان فى دهاليز الامم المتحدة هكذا يسوقون امراضهم ونفوسهم المريضة.....يادكتور المعز اكتب اكثر واكثر عن الشخصية السودانية
|
|
 
|
|
|
|
|
|
|
 Re: هكذا يصوروا السودان للعالم (Re: حسن الجيلى سعيد)
|
| Quote: احبتى بنات السودان و اولاده عرقت وخجلت ونزلت عينى فى الواطه.نعم هكذا يصوروا السودان للعالم هكذا بمثلونا فى الخارج هكذا يبيعون السودان فى دهاليز الامم المتحدة هكذا يسوقون امراضهم ونفوسهم المريضة.....يادكتور المعز اكتب اكثر واكثر عن الشخصية السودانية |
والغريب انهم ما عارفين انة البيعملوا فية دة حيودى سودانا فى داهية وحيجيب امم
متحدة وقوات اجنبية فى السودان يسيطروا وينهوا ويامروا ونحنا قاعدين لسانا ما نقدر
نمدة وهاك يا تفرقة وهاك يا عمالة للاسياد الجدد وينطبق علينا المثل البقول جنت
على نفسها براقش ....... مبالغة بس
انتا عارف الاكعب من كدة انهم حتى لامين ياخدوا اللجوء بالثمن دة بيعتقدوا انة
دة الحل وخلاص ابواب الجنة انفتحت لهم وما عارفين انة مكان ما يروحوا ولا مكان ما
يمشوا حيعانوا معاناة شديدة لا بلد بلدهم ولا ناس ناسهم ولا لغة لغتهم ولا بيئة
بيئتهم وزيد عليها مواطنبن درجة تانية واحتقار وضنك فى الحياة المغتربين فى اوربا
ليهم سنين ما قادرين علية واسى بفكروا فى الرجعة لكن تقول شنوا بس الله يدى العافية
ونصيحة للفاكر انة المرقة برة السودان حتحل لية وضع بقول لية انتا حالم وحتعلق
روحك واهلك بقشة لا تثمن ولا تغنى من جوع انسا واقعود فى بلدك وشوف الناس
الناس اسيى قاعدة تجى وتغترب فى بلدك ولو ما مصدق بس اقيف فى السوق ولا فى اى
شارع وشوف الناس الجديدة الحولك دى واساءل نفسك ديل الجابهم السودان منوا وجوا
لشنوا ولو ما عرفتا تعال راجع للبوست دة واقراة تانى ولو عندكم قريب مغترب فى اى
دولة اسئلوة واسمعوا كلامة وعقلوة ولو قال ليكوم الحقيقة ما تقولوا الزول دة حاغد
وما عاوزكم تغتربوا زية .........
ومرة تانية الله يديكم العافية
هشام امين
| |
|
|
|
|
|
|
|
|
|
Re: هكذا يصوروا السودان للعالم (Re: Hisham Amin)
|
وانت يا اخوي الوطني الامين قاعد مالك تمنتاشر سنة في امريكا قبل الانقاذ ظااااطهاوتدافع عنها ومالك ما رجعت للوطن العاجبك ده....والعاجباك سمعتو ده ولا الحكاية فيها ( انة)وتكون في مهمة ونحن ما عارفين ولله في خلقه شئون
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
عزيزى/هشام امين
شكرا ليك اقل حاجة نخت يدنا فى قلبنا قبل مانوم فعلا باستاهل كده باستاهل انو نفرط فى سمعتو كده...
باستاهل انو اخشو عسكرى وافد..
انت وزوجتك واولادك امك وابوك اخوانك اعمامك خالاتك ناس الفريق وناس الحلة الاصدقاء تنتهك حرمتم وتدنس بيوتون وسجن ابوغريب اكون كوبر....
ونسمع بتهكم العالم على رجولة السودانى وانهم ماعندهم غيره نسوانن سوفيهم سوفيهم......
ودا كلوا عشان جواز سفر وكذبة اسمها التهميش ....
عشان ندفع ثمن زى مادفعوه ناس الرمادى والفلوجة.....
واجيبو لى دستور من بره مفروض على....
شركات طمعانة فى البترول.....واشباه سودانيين يتحدثو عن الفروق العرقية للشعب السودانى....
سيناريو ابغض من يصفق له عشان كده شهادة زور واحده ضد هذا الوطن القامه كفيله بان تكون رصاصه فى صدره....
اخى هشام امين يجب ان نفعل شيئ
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
التقيت لدى احد الاصدقاء امرأه عرفت منه انها قامت بمثل هذا الملف والى اورباواستقرت فترة وتزوجت هناك
اختلفت مع زوجها فتطلقت وعادت للسودان
والان
بالرياض بزوج جديد
....
....
سالت لماذا الاساءه للسودان وهل ماجمع فى الملف سابقا صحيح
قال لى صديقى (عاوزه تتخارج من البلد و ..)
هنا ياتى السوال:ــ
هل كل من يطلبون اللجوء عبر الامم المتحده يحملون ملفات تحتوى حقيقه ماتعرضوا له ؟؟؟؟؟
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
| Quote: احبتى بنات السودان و اولاده عرقت وخجلت ونزلت عينى فى الواطه.نعم هكذا يصوروا السودان للعالم هكذا بمثلونا فى الخارج هكذا يبيعون السودان فى دهاليز الامم المتحدة هكذا يسوقون امراضهم ونفوسهم المريضة.....يادكتور المعز اكتب اكثر واكثر عن الشخصية السودانية . |
العزيز حسن الجيلي سعيد
نهارك سعيد
اسمح لي ان أقول لك بانك تخلط بين السودان كشعب و مشروع دولة لم تر النور بعد و بين النظام الحاكم في السودان بداية من فترة (الاستغلال)!!التي كانت في 1/1 /1956م و نهاية بفترة المتأسلمين الجدد التي بدأت بتأريخ 30 يونيو 1989م ... لأن الفرق كبير كبير.
و اسمح لي ان اقول لك بأنه لا يمكن معالجة امهات قضايانا الكثيرة المعلقة بين السماء و الارض بمثل ه>ا الخطاب ال>ي يخاطب عواطف الناس بدلا من مخاطبته لعقولهم.
صحيح يا عزيزنا حسن انه ليس بالضرورة ان يكون كل مستنجد/ة بالمجتمع الدولي قد تعرض/تعرضت لشتي انواع الع>اب النفسي و البدني ...الخ, اي باختصار شديد التعرض للقهر بكل ما تحمل ه>ه الكلمة من معان... و لكن ه>ا البعد لا يمكن ان يجعلنا نغمض عيوننا عن حقيقة ان هنالك اناس كثر قد تعرضوا لمآسي و بلاوي ليها أول و ما ليها آخر ... و من حق هؤلاء ان يستنجدوا (بالشيطان) لدرء الاخطار عن انفسهم و عن اهلهم... و لا نري اي ساءة للسودان و لشعبه في عمل هؤلاء ... بل الاساءة واصلة لا محالة لأهل السوء و هم الفئة الحاكمة ظلما باسم الله و باسم دينه... و بمسميات شتي يعرفها القاصي و الداني الا من اراد لي عنق الحقائق لشيء في نفس يعقوب.
كنا يا حسن يا عزيزنا سنكون مبسوطين منك 24 قيراط لو انك خجلت و عرقت بسبب الظروف القاهرة التي ادت الي ظهور مثل ه>ه الحكايات ... و كنا سنفرح كثيرا لو أنك خجلت و عرقت بسبب (الحروب الجهادية) المستعرة التي شنها المتأسلمون الجدد علي الناس في السودان جنوبا و شمالا , شرقا و غربا .
و أما و انك ترجح كفة اختنا المصرية و كلامها الخمج المشحون بالكلام الفارغ ال>ي لا يخلو من الاستعباط و الاستهبال ...فأمر جد محير.
و أراك يا عزيزنا حسن قد نصبت من نفسك طبيبا نفسيا و شخصت حالة اختنا العزيزة و حددت بانها مريضة نفسيا و المدهش في الامر هو انك لم يرمش لك جفن و لم تعرق و لم تخجل من >لك ... غريبة هي الدنيا اي و الله.
يا حسن العزيز احوال الناس المتردية في السودان جراء سياسات القهر و التجويع و الارهاب لا تحتاج الي دروس عصر و لا الي عشوة في منزل اخت مصرية للتعرف عليها و لا تحتاج الي دهاليز الامم المتحدة ايضا... لأن الناس يا حسن راقدة في الطينة التشادية اي في العراء و في السهلة و تطعمهم و تسقيهم و تعالجهم الامم المتحدة ...بل حتي عصابة السوء نفسها طالبت الامم المتحدة و المجتمع الدولي الكبير الوفاء بالتزاماتهما من قروش و دقيق و عجين و فسيخ و علاج ...الخ, فلما>ا لم تعرق و لم تخجل يا حسن العزيز من كل >لك؟ و خجلت و عرقت بسبب ملف الموساد بتاع اختنا العزيزة في مصر و في عشوة مصرية.
في الختام لك مودتي و محبتي و تحايا ارواح اكثر من مليوني نفس فارقت الحياة بسبب سياسات الأسلمة القصرية تارة و سياسات الاقصاء بسبب العرق تارة اخري و بمسيات شتي تارات و تارات... فهل سنخجل و نعرق ام لا؟
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
لك التحية أخ حسن
الأمر من كل ما ذكرت أن هناك آلاف من المتعلمين الذين استخدموا نفس الطريقة وليتهم قنعوا باللجوء، ولكن استمرأوا العملية وظلوا يقبضون من المنظمات والحكومات مقابل أن يكتبوا مثل هذه الأكاذيب ويروجوا لها ولدينا منهم هنا في هذا البورد الكثير والكل يعرفهم والمصيبة أنهم يدعون الوطنية!!!!
كان الله في عون السودان وأهله
الشايقي
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
قد يكون حدث لبعضهم
ثم أن ما يمارس من حرمان للغير
وإحتكار الثروة والتسلط والبطش
وغيرها من الممارسات الدكتاتورية غير المقبولة
قد تكون مبررات لفعل ذلك
ولكن ان يكذب الفرد من أجل الحصول علي ذلك فهذا قصر نظر لا شك وعيب كبير
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
اخوى ودقاسم
دحين عشان اورى انو الحكومة دى ماتمام اوسخ سمعة بلد بحجم قارة و اوسخ سمعة شعب مافيه الزول البعمل كده زاتو.
ماندفن راسنا فى التراب وخلونا نسال نفسنا بنحب بلدنا قدر شنو...
وليك منى اجمل مودة
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الاخ برير اسماعيل
كلامك دى عين العقل لكن الدولة عباره عن مشروع و المستفيد هو الشعب.هل سالت نفسك يوم يا اخ برير لماذا نعيش فى دولة ليس فيها ابسط مقومات الوطنية تلك الانشودة التى ترددها كل شعوب العالم وعندما تصل الى افواهنا تبعثر كل الكلمات و ينتاب لحنها الاسى و العويل.هل المشكلة فى استقلالنا ونحن على عتبة الخمسيين عاما..
هل كل الانظمة المدنية و العسكرية كانت تحمل نفس الفكر و نفس العنجهية. الديمقراطية الاخيره الم نشارك فيها جميعا ماذا فعلنا بها
الحكومات العسكرية الم تكن باسم الوطنيين تارتا وباسم الشيوعيين تاره وتارتا اخرى باسم الاسلاميين ..بالله عليك ماذا فعلنا و ماذا نحن فاعلون من بعد.
الاستقلال الحقيقى ياسيدى فى المحافظة على المكتسبات الوطنية وحماية التعددية حمايةالدستور حماية منظمات المجتمع المدنى.المحافظة على القوات النظامية.اصلاحات اقتصادية ترفع مستوى المعيشة اصلاح هيكلة الدولة الصرف على البنية التحتية الاهتمام بمستوى الجودة .الرعاية الاجتماعية .الضمان الاحتماعى.الضمان الصحى .النشئ و الشبيبة.المراه والاسرة.التعليم و نقل التكنولوجيا.النظام ومظهر البلد.الجهاز القضائى .الاتصالات و الطرق .الاستفادة و تطوير القطاعات الزراعية والرعوية والمصادر المائية....الخ...
عزيزى برير
ماذا فعلنا خلال خمسون عاما ندى جبينى للسودان لطالما تحاملنا عليه.لنرفع راسنا وننظر حولنا الى الدول العربية الى الدول الافريقية..انهم لايتاجرون ببلدهم يااخ برير
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
انا حاولت اشوف فى سفرتى الاخيرة للسودان الناس الاتعذبت دى غريبة عندى اصحاب و اصدقاء فى كل انحاء السودان وعندهم وجهات نظر مغايره للحكومة... غريبة ما شفتهم... اكون عميان بصر و بصيره...ليه الواحد يالله باتهضوهو بعد ما اطلع من البلد....عاوز تفسير... يالله انا اكون مشيت بلد تانية.بعدين وين المراءه او الطفل اللاتعذبو ديل...ولو قنا المره معارضه الاطفال كمان معارضه...
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
العزيز حسن الجيلي سعيد
صباحك سعيد
اعتقد يا حسن و الله اعلم بانك تحتاج الي قرصة كبيرة من ناس البشير و عصابته حتي تعرف ما جري و ما يجري لعباد الله في السودان.
طيب يا حسن عندي ليك سؤال بسيط وهو ما>ا فعلت (القوات المجاهدة) باسم الله في جنوب السودان و جبال النوبة و شرق السودان؟ و ما>ا كانت تفعل جيوش الدفاع الشعبي في ساحات القتال؟ هل كان يوزع هؤلاء الورود و الزهور علي سكان تلك المناطق؟
و من ال>ي قتل الناس في رمضان؟ و ما>ا حدث في دارفور و من هو المسئول؟
| |
|
|
|
|
|
|
|
|
|
Re: هكذا يصوروا السودان للعالم (Re: ABDELMAGID ABDELMAGID)
|
المسألة فيها الصادق والذى يمنح أصحابه حق اللجوء وفقاً لكل المعايير الدولية ، وفيها الروايات التى ينطق بها الإنصرافيون أو حتى مشايعى الحكم الظالم نفسه لمنافع خاصة ، أو لتجميل وجه النظام الشائه القبيح .. وبعد ده "كلو " يجو ناس يحاكموا المساكين وخاصة من استحال عليهم العيش الكريم فى الوطن الذى لم يعد وطن ، ولم يصبح حضن كما كان !! هلا سألتم أنفسكم قبل المحاكمات الجزافية والتجريم والهتافية باسم الوطن هذا السؤال بعمق وصدق وتجرد !!؟ ماالذى يدفع الصادقين فى كلامهم ، وكذا المندسين فى أوساطهم لمحاولة المخارجة من البلد!!؟ فى زول مرتاح فى بلده أو عايش حياة معقولة أو أقل من معقولة يمشى يفتش للملطشة برة!!؟ مابالكم كيف تحكمون
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الأستاذ حسن ،
تحية طيبة،،
للأسف الكثير من السودانيين هاجروا إلى الغرب بهذا الأسلوب الرخيص .. ومعظم من ينتهج ذلك هو الفاقد التربوي ..
فليس مؤهلات يتقدموا للهجرة النظامية .. فتجدهم ينسجون هذه القصص المخزية ..
وما تمضي سنوات قليلة حتى تنعم بشرتهم .. وأول جملة يتعلمونها بلغة الغرب تكون في سب السودان هذا البلد الطيب .. ويبيحون من أجل منفعتهم الشخصية كل محرم ولا يأبهون ..
تعساً لهم ..
وهذه الفتاة ستنضم حال وصولها إلى إحدى المجموعات المرتزقة بقضايا دارفور
بالأمس سمعت عن فصل واحدة من مناضلات آخر الزمن من رابطة دارفور وكنت والله أظنها من دارفور ففوجئت أنها لا تمت لدارفور بصلة فتعجبت كثيراً ..
وهناك أيضاً تشكيليون يرتزقون باسم أطفال دارفور الله أعلم كم أثروا من وراء ذلك وطفل دارفور مشغول عنهم لا يدرى شيئاً.
بئس القوم هم .. وستكشف لنا الأيام الكثير المثير ,,
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
سلام للجميع مع احترامى لتعليقاتكم .....
حبى لبلدى لية بخوف الناس كده ليه عشان احب السودان واجاهر بالمسكوت عليه بخلينى فى صف الحكومة اتهامات المقصود منها الاحراج ليس الا ولى عوده....
سلامى لابناء هذا الوطن الشرفاء
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
Salam All
first of all , the UN , INS , IRB ( Immigration Refugee Board) are all well aware of the situation in Sudan More than you think , they have their own investigation and annual Reports , since I am working with the IRB, I have seen so many cases declined , they don't believe every and each case , they r well aware that people lie , use duplicated documents and make up fake stories , they use the human rights reports to aid them in making the decision, so there is no such thing as "sudanese insulting their country by faking stories" Immigration officers judges and workers are well aware of the quality of people who apply and they r trained to detect any signs ( verbal or non verbal) of misinforming.They will know when u lie just by looking at ur body language even when u r speaking Arabic or any other foreign language and I have seen that in court hearings.What bothers me is the judgments made on those people on this post , because u don't know their background , if they r saying the truth or not , what should be asked and discussed is WHY DO THEY LIE? and unfortunately a question comes back as WHY NOT? so before anyone describe the woman as being mentally sick !!! one should ask why did she work for an egyptian family to begin with? and for what probably nothing much , and I think she will be mentally sick if she didn't apply am not supporting faking documents but studies shows refugee women suffer in silence .One last note , a refugee claim is filed bases on reasons of fear of persecution because of race (e.gtribe) , gender , sexuality( hetro , homo , Bi) , political view , religion , belonging to a social group , most importantly is the fear of prescution ( death) most claimant lie because the only way u can win ur case by proving u will die if u go back to ur country otherwise there aren't any chances , thats why they try to tramutize their story, luckily though in Canada one can apply for a hummantarian status which u don't have to prove that fear, however in the US u can apply for TPS which is Temproray Political Status and Sudan is one of the approved countries.According to the Geneva Human right document , the only way to get a refugee status is thru fear of death upon ur return. ' al '7arag men daro gal megdaro' no loger true in Sudan with the current government who should be blamed first for the people flying away from Sudan becasue they are oppressed .Anyways those who preach about loyalty and shame I have one thing to say ' al yado fe al moya ma zay al yado fe al nar' understand their situation instead of creating a social stigma!!
With Respect
Rawan
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
Salam Mr Brear
I respect ur posts regarding this issue , I value the fact u r not bias toward those disparate poor and helpless people and thats is rare , most of the people who make the judgments belong to a middle class and not lower but the true refugees either those who fake or don't don't have access to the internet to begin with , so plz explain in ur words what factors drive them to lie and make ups stories because I think alot of people forgot!
with Respect
Rawan
| |
|
|
|
|
|
|
|
|
 Re: هكذا يصوروا السودان للعالم (Re: Rawan Hamid)
|
استاذ حسن ..
الموضوع جميل وبيلامس العصب الحي .. وقضية الساعة .. اتابع باجتهاد ومتوقع الكثير من المداخلات .. من الجهات المعنية بالامر ..
استاذة روان حامد..
مداخلتك اضافة جميلة .. من داخل الاماكن المعنية الحساسة ..
بس
المادة لما تكون بالانجليزي ، بتصعب امكانية متابعتها ( طبعا لضروورتك الظرفية )
ومن ناحية أخرى عندي صاحبي هنــا ( قادي ) انقليزي وعندو ( مكتبة ) انا كنت عايزو يستفيد من حوارات ومداخلات زي دي ..
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الجيلى حسن سعيد
سلام
ما هو حكومة السودان بتوسخ السودان بالخراء اليونانى و العالم كل بيضحك على البلد البقى مكب نفايات وكمان ملوثة بالاشعاع. فى تشويه سمعة اكتر من كده؟
وكمان مع تشويه السمعة بالعفن فى فساد معروف للجميع والسودان اصبح الدولة رقم 124 فى قائمة الدول النضيفة؟ فى تشويه اكتر من كده؟
كل يوم فى تلفزيونات العالم تعرض صور العنف الذى يتم ضد اهلنا المدنيين العزل فى دارفور و تعرض شهادات الكثير ممن اغتصبن وقتل ازواجهن واولادهن فى تشويه اكتر من كده؟
رؤوس كبيرة فى حكومة السودان وقادةفى الجيش والامن هم الآن عرضة للمطاردة بواسطة محكمة الجنايات الدولية للإشتباه فى ارتكابهم لجرائم حرب. فى تشويه اكتر من كده؟
يا الجيلى
تفوت ده كلو وتتكلم عن سودانية مسكينة اضطرت ان تعمل كخادمة و طلبت اللجوء السياسى عشان تقدر تعيش عيشة بنى آدمين.
امرك غريب
| |
|
|
|
|
|
|
|
|
|
Re: هكذا يصوروا السودان للعالم (Re: هشام المجمر)
|
Quote:
الجيلى حسن سعيد
سلام
ما هو حكومة السودان بتوسخ السودان بالخراء اليونانى و العالم كل بيضحك على البلد البقى مكب نفايات وكمان ملوثة بالاشعاع. فى تشويه سمعة اكتر من كده؟
وكمان مع تشويه السمعة بالعفن فى فساد معروف للجميع والسودان اصبح الدولة رقم 124 فى قائمة الدول النضيفة؟ فى تشويه اكتر من كده؟
كل يوم فى تلفزيونات العالم تعرض صور العنف الذى يتم ضد اهلنا المدنيين العزل فى دارفور و تعرض شهادات الكثير ممن اغتصبن وقتل ازواجهن واولادهن فى تشويه اكتر من كده؟
رؤوس كبيرة فى حكومة السودان وقادةفى الجيش والامن هم الآن عرضة للمطاردة بواسطة محكمة الجنايات الدولية للإشتباه فى ارتكابهم لجرائم حرب. فى تشويه اكتر من كده؟
يا الجيلى
تفوت ده كلو وتتكلم عن سودانية مسكينة اضطرت ان تعمل كخادمة و طلبت اللجوء السياسى عشان تقدر تعيش عيشة بنى آدمين.
امرك غريب |
الشكر لهشام مجر على هذا الفهم المتقدم جدا وهذا فهم ما يسمى بجيل العمالقة الذين اضطروا بان يغادروا الوطن .
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
| Quote: the judgments belong to a middle class and not lower but the true refugees either those who fake or don't don't have access to the internet to begin with , so plz explain in ur words what factors drive them to lie |
Greetings Rwan
These days you don’t need to have enter net
To know what is going on if you want too apply for an asylum case people do talk To each others and do exchange even the case's and DHl the case to the country you want and I don’t know if you know that or not? o that is fact # 1
fact #2
the poor are majority not the meddle class
That is from what I have seen
And bee back
| |
|
|
|
|
|
|
|
|
|
Re: هكذا يصوروا السودان للعالم (Re: Hisham Amin)
|
Salam
Taslam Tmbis , ma3lesh ana ma 3endy keyboard 3araby , thats why I wrote in English , ba3deen al keyboard beta3 sudaneseonlie slow shadeed 7a'7od osboo3 wo nos la'3ayet ma a'7les kalamy lol laken iza sa7bak befham al ketabat al 3araby bel al 7orof al englizya ana ma 3endy moshkela batargem wo ba3eed al kalam tany , bass inta kalmny awal 
Dear Hisham
both facts are misunderstood by u , fact 1 ,I said most people who pass judgments on those poor people refering to the people in this post are MIDLLE CLASS not refering to the refugees, thats why they r calling them mentally sick etc because they r not in their shoes , Fact 1 I know u can apply out side sudan , I didn't say otherwise!! plz explain , I didn't get ur point!
Salam
Rawan "
| |
|
|
|
|
|
|
|
|
 Re: هكذا يصوروا السودان للعالم (Re: Rawan Hamid)
|
الاخ حسن الجيلى
بعد التحية والاحترام..
اولا تلك الخادة قد تكون من مناطق الحرب فى الجنوب او جبال النوبة..
وليس فى قصتها اى غرابة او تأليف واخراج..
حدثت اعتداءات جنسية وقتل وتعذيب...الخ
وأنت لا تستطيع ان تنكر ذلك..
وكذلك الحكومة التى تدافع عنها هنا..
ايضا ما يحدث فى دارفور ليس تأليفا واخراجا..
ثانيا: قد يكون البعض من السودانيين قد زوروا فى اقوالهم للامم المتحدة ولكن السؤال يظل..
ما الذى يدفع بمواطن للكذب والتدليس وابتداع كافة الاساليب الممكنة للخروج من وطنه؟
الم يخطر هذا السؤال بذهنك؟!
ماالذى يدفع بمواطنيين سودانيين بالاعتصام امام مكاتب الامم المتحدة اياما وشهورا
وبرفضون العودة الى وطنهم..
هذه هى الاسئلة التى تبحث لها عن اجابة..
خاصة وان قرار الخروج من الوطن لا يأتى اعتباطا.
فهو يأتى بعد اليأس التام من الوطن..
ايضا السيدة المصرية والتى تعاطفت معها ونسيت تاريخ مصر الطويل مع السودان من منافع
شخصية واذلال واهانة ورق..الخ..
ونسيت ايضا وادى حلفا وحلايب ومثلث شلاتين..الخ
لم يخطر ببالك ان تلك السيدة ليس من حقها اطلاقا البحث فى ارواق الخادمة الخاصة..
واذا كنا نتحدث عن سمعة السودان هنا يااخ حسن.
فالسودان ليست لدية سمعة خالص..
وخاصة فى عهد الانقاذ..
واظنك تذكر وقوف الانقاذ مع العراق ضد الكويت..
وتعلم جيدا ان السودان يتصدر قائمة الارهاب..
وتعلم جيدا ان السودان يتصدر اخر زيل القوائم العالمية فى الرفاهية واحترام المواطن..
واول القوائم العالمية فى الكوارث والخراب..الخ.
اذا يا اخى حسن تلك الخادمة ماكان أمامها غير الخروج من السودان..
وهى حينما فعلت ذلك لم تقصد الخروج لاساءة السودان..
خرجت لانها فى ظروف لا يعلمها الا الله...
ولم يتبق امامها حل اخر..
وقبل ان نلهب ظهور الشعب السودانى بسياطنا الجاهزة دائما وابدا..
علينا ان نبحث عن الاسباب..
وماذا فعلت حكوماتنا الغير متبصرة والغير رشيدة..
حتى جعلت البلد جحيما طاردا..
| |
|
|
|
|
|
|
|
|
|
Re: هكذا يصوروا السودان للعالم (Re: برير اسماعيل يوسف)
|
الله ينور عليك ياالبرير يااخوى..
واضيف نقطة اخرى..
وهى ان السودان الذى كان من المؤمل ان يكون سلة غذاء العالم..
اصبح الان سلة نفايات العالم..
يعنى نفايات نووية..
ونفايات بشرية..الخ
ايهما اكثر اساءة للسودان؟!
الخادمة التى تطلب اللجوء؟
ام الحكومة التى مرغت بسمعتنا تراب العالم؟!
| |
|
|
|
|
|
|
|
|
|
Re: هكذا يصوروا السودان للعالم (Re: برير اسماعيل يوسف)
|
الأخت نور، تحية واحترام.
| Quote: لم يخطر ببالك ان تلك السيدة ليس من حقها اطلاقا البحث فى ارواق الخادمة الخاصة.. |
حقيقة لا أدري كيف سيرد هذا "الوطني الغيور" علي هذه ، دع عنك أي شئ آخر. يريد أن يصور لنا نبله بالتضامن مع الخادمة السودانية، الا أنه لم يسعفه قلمه.
أراك تسألينه عن "وادى حلفا وحلايب ومثلث شلاتين"، يا أخت نور خافي ربك ، الرجل يقول بأنه كان يرتع في موائد المصرية وأنت تريدين منه أن يقلب المواجع. الأتسمعينه يخطب فينا عن التكامل وكيف الأستفادة من الخبرات المصرية؟ أمثال هذا المتشعبط يبحثون عن موطئ قدم لهم في منظومة أصحاب "المشروخ الحضاري" لذا نراهم بهذا المسخ اللا أنساني.
لك الود سيده نور
دنقس.
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الاخوات والاخوان ابناء الوطن الواحد
تحية لكم جميعا ( من غير فرز )....
عند كتابتى عن هذا الموضوع تطرقت الى هذا الموضوع لانه ربما يثير بداخلنا هذا الحس بالوطن وحصرا الطبقة المتعلمه من ابناء السودان.علنا نجد الداء والدواء لمشاكل ربما تكون بسيطه فى عين البعض ولكن اثارها ستكون للمدى البعيد وسلبياتها لربما يكتوى بها جيل المستقبل.
فوجئت بان الموضوع قد تحول الى مجرى صعقت منه الحقيقه كنت اعلم باننا ربما نكون الشعب الوحيد فى العالم الذى يحب ان يكون معارضا لاى شئ حتى نفسة ولكن لم اكن اتصور بانها قد تغلغلت فينا الى هذا الحد.اصبحنا اذا سلمنا على بعضنا نساءل ليه سلمت الزول دا قاصد شنو.
اذا تحدثنا عن مشكلة الحلول ليست موضوع النقاش بس من هو المسؤول عن المشكلة طيب عرفنا من هو المسؤول هل هو حل للمشكلة..ومشاكل الوطن لايمكن حلها بدفعها الى شخص بعينة لان هذا البلد ليس ملكا لاحد من هو وطن الجميع.
كتب الاخ محمد سليمان (و إنتو مستعجلين تنضفو و تجملو وجه النظام ليه و بإسم الشعب السوداني ؟)
و كتب الاخ عبد الماجد( نظام الإنقاذ هو وحده الذى لطخ سمعة السودان و كفى دفن الرؤوس فى الرمال !!!! يااااااا وطنيين !!!! )
وكتب الاخ مسعود على (دعنى أقول لك بالواضح .. إما أنك تدافع باستماتة عن ظلم الحكومة وجرائمها بكل قوة عين ، ومع ذلك لاتريد أن تعلن ذلك صراحة)
وكتب الاخ تمبس (أمثال هذا المتشعبط يبحثون عن موطئ قدم لهم في منظومة أصحاب "المشروخ الحضاري" لذا نراهم بهذا المسخ اللا أنساني.)
انا ليس مدافعا او منصب من طرف حكومة الانقاذ للدفاع عنهم لديهم من يدافعون عنهم مامحتاجيين لخدماتى الجليلة..والموضوع مش مجرد عشاء فاخر وونسة فارغة مع مصرية وانا اعتذر لتلك لسيدة المصرية لزجها فى موضوع ماعندها فيه ناقه ولاجمل.
الموضوع الاهم هو الحوار الهادف بين ابناء الوطن الواحد ...احترام الاخر و تحمل الاخر والاحساس بكلمات الاخر...
نعم هناك حالات جاده ويتم التحقيق فيها بجدية وعندها معايير معينة كما ذكرت الاخت روان ..وادتنا معلومات جيده اثرت الموضوع اكثر واكثر..
اذا كان هذا الموضوع غير جدير بالنقاش فانى ساعلن حدادى على الوطنيين والمتعلمين من ابناء وبنات البلد...اذا كان الخوف على سمعة البلد معناه انك طابور خامس ساسدل الستار على كل مايمس كرامة السودان والسودانيين ونقعد فى بيوتنا نقول ملعون ابوك يابلد....انت الحاتغير الصوره المقلوبة دى.
حبى و تحياتى لكم ابناء السودان وانتم تجلبون له البؤس والشقاء تحياتى ليكم .... وانتم ترمون مسؤوليتكم وفشلكم فى خلق وعى وطنى على كل حكوماتكم وكانكم لم تكونوا يوما مشاركيين فى هذا الشقاء والعبث واللعب ...
الم تكونوا اعضاء فى احزاب وحكومات حكمت ومازالت تحكم الم تكونوا تعلمون ماهو التهميش من قبل الم تكونوا متفرجيين على صفوف الخبز والوقود والعون الامريكى وزيت ريغان...
الم تكونوا متفرجيين على السودان فى حكومة الاحزاب وهم يوزعون المناصب فى ليالى الخرطوم المليئة بغبار الكذب والدجل والنفاق...
السودان الذى كان يقصف فى وضح النهار من طرف سلاح الجو الليبى المتهالك ونحن لانملك يدا ولا قوه....ويقصف مصنع الشفاء من المارد الامريكى ربما كانت هذه السيده تعمل بذلك المصنع....ربما....
تخونكم الذاكرة دوما يامتعلمى وطنى اين كنتم حينما احتلت همشكوريب من اسمره هل قلتم كيف دخل الارتريون ال السودان....هل ادنتم احتلال حلايب هل اوصلنا مطالبناالى العالم....والان نسب ونلعن فى حكوماتنا وانتم سبب الفجعة....
اقول ليكم وللاوطان فى دم كل حر يد سلفت ودين مستحق
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
| Quote: وكتب الاخ تمبس (أمثال هذا المتشعبط يبحثون عن موطئ قدم لهم في منظومة أصحاب "المشروخ الحضاري" لذا نراهم بهذا المسخ اللا أنساني.) |
..
تمبس لم يكتب ما تحته خط وباللون الأحمر
اصبحنا واصبح الملك لله ..
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
اخـــــــوي حسن
انت لمن عاجباك البلد وسمعتها المقعدك وحاشرك في تركيا شنو؟؟ مع اتراك ومصريين ولا تكون من جماعات ( تمكنا)وامورك مظبطة وعشان كدة ما قادر تحس بمعاناة اهلك وشعبك وكمان داخل في اضافريك... داير الناس تجمل ليك وش الحكومة الخربانة دي وتجارة ( البراز ) بتاع اليونان دي ما دخلتك في دين كرعيك ظاااطن والبلد بقت رسميا اكبر ادبخانة في التأريخ...... اتق الله يا راجل وشد حيلك وخليك زول امين بطل الكلام النـــــــــــــى ده.... ولله في خلقه شئون
| |
|
|
|
|
|
|
|
|
|
Re: هكذا يصوروا السودان للعالم (Re: هشام هباني)
|
ود هبانى اخوى
مساك الله بالخير و ليس ( الخرى )
الموضوع شايف فيو مؤامرة خلطة ( حسب منطق اولاد بمبه ) بين الخرى التركى و الهرار المصرى حتى اطلعوا لينا هجين مزدوج ( HYBRID ) اعفن و اكبر من قلوط عمر البشير ظاااااطو ....
عبدالماجد
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
لكن يا اخوى الوطنى الغيور لماذا لم تسألك مخدمتك هذه عندما هتف من يحكمون اليوم فى السودان عام ١٩٩١ ( بالكيماوى يا صدام .. السد العالى يا صدام .. ) يل و دشنوها فى يونيو عام ١٩٩٥ بمحاولة اغتيال رئيس نظامها حسنى مبارك ( كان كنت كضاب اسال المحبوب عبدالسلام الذى كان جزءا من النظام فى ذلك الوقت ) .. هل هو النفاق ؟؟ يا سيدى ؟؟؟ ام هو تسديد لفتاتورة حلايب و شلاتين و كذب و نفاق المصريين ؟؟؟ يا بتاع الزملك ...
عبدالماجد
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الاخ عبداالماجد و الاخ هبانى
اسلوبكم فى النقاش لايرقى الى الرد عليكم ممكن لو كتبتوا بجمل افضل او حتى مليتوا ليكم زول عندو اسلوب اقدر ارد عليكم... وللعلم انا اشطر منكم فى الكتابة باسلوبكم الغير لائق ده بس البورد مليان ناس متعلمه ومثقفه وماعاوزنها تشم هذه الروائح النتنه...
لكم وللجميع خالص التحايا
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
وكتب الاخAbdulgadir Dongos (أمثال هذا المتشعبط يبحثون عن موطئ قدم لهم في منظومة أصحاب "المشروخ الحضاري" لذا نراهم بهذا المسخ اللا أنساني.)
تمبس لم يكتب ما تحته خط وباللون الأحمر
اصبحنا واصبح الملك لله ..
يا اخوى تمبس
اى والله اصبحنا و اصبح الملك لله ...انا باعتذر عن الخطاء المطبعى دا...وياسيدى حقك على ودى راسك نبوسا ياملك...
يومك انشاء الله زى الورد
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الجمعة 23 ديسمبر 2005م الساعة 09:12 ص
--------------------------------------------------------------------------------
مصر قالت ان استعمال القوة في انهاء الاعتصام "معلق على قرار سياسي."
الامم المتحدة تقطع مفاوضاتها مع اللاجئين السودانيين المعتصمين في القاهرة
--------------------------------------------------------------------------------
الخميس 22 ديسمبر 2005م
قالت المفوضية العليا لشؤون اللاجئين التابعة للامم المتحدة اليوم الخميس انها قطعت مفاوضات مع لاجئين سودانيين معتصمين في القاهرة لاستحالة تلبية مطلب نهائي لهم هو توطينهم في بلد ثالث.
واعتصم مئات السودانيين المقيمين في مصر منذ ثلاثة أشهر في حديقة عامة بحي المهندسين في القاهرة مطالبين بمنحهم اللجوء السياسي ثم زاد عدهم بمرور الوقت الى ما بين 1500 وثلاثة الاف وقالوا انهم يريدون الرحيل. ويقول اللاجئون الذين تحملوا الحياة في برد الشتاء وتحيط بهم أكوام القمامة ان 11 منهم ماتوا منذ بدء الاعتصام وان البعض بدأ الشهر الماضي اضرابا عن الطعام.
وتوصل ممثلون للاجئين يوم السبت الماضي الى اتفاق مع المفوضية العليا لشؤون اللاجئين بالقاهرة يقضي بانهاء الاعتصام يوم الخميس لكن المعتصمين رفضوا الاتفاق بزعم انه لم تجر مشاورتهم. وقالت المفوضية انها عرضت مساعدات مالية ومراجعة طلباتهم للجوء.
وقال دامتيو ديساليني مساعد الممثل الاقليمي للمفوضية في مؤتمر صحفي يوم الخميس "لم نر تحركا ولذلك ليس هناك ما يمكن عمله او قوله."
وأضاف "الرسالة التي تلقيناها من المحتجين هي أنهم لا يقبلون بغير التوطين (خارج مصر)... ليس من الممكن ببساطة أن يطالبوا بالذهاب الى الولايات المنحدة أو كندا لمجرد أنهم لا يفضلون العيش في مصر."وتابع أن الامر متروك للحكومة المصرية لايجاد حل للمشكلة.
ويقضي الاتفاق الذي رفضه اللاجئون بأن يتقدم كل لاجيء ترك مسكنه لينضم للاعتصام الى المفوضية لتوفر له مسكنا مناسبا لكن الاتفاق يطالب المعتصمين بالتقدم الى المكتب في مجموعات صغيرة لمراجعة طلبات اللجوء بما يعني أنه قد يطالب بعضهم بالعودة الى بلادهم.
ويقول سكان في الحي انهم ملوا معيشة اللاجئين في الحديقة وعلى الارصفة المحيطة بها واشتكوا من أنهم يرشون مياه غسل الاواني في الشوارع.
ويقول اللاجئون انهم طلبوا تحسين أوضاعهم المعيشية في مصر ومنحهم حق اللجوء السياسي ثم طلبوا في النهاية ترحيلهم.
وقال صلاح الدين موسى أحد ممثلي اللاجئين لرويترز "نشكر سكان المنطقة أنهم تحملونا هذه الفترة الطويلة وهم في النهاية اخوة لنا. نطالبهم بمزيد من الصبر حتى تنتهي الازمة."
وأضاف أن اللاجئين يواجهون مشاكل "التعليم والصحة والحالة الاقتصادية وهكذا."
وحول امكان عودتهم الى بلادهم بعد عقد اتفاق السلام في جنوب السودان قبل نحو عام قال موسى "الاتفاقية نفسها التي تمت بين الحركة الشعبية لتحرير السودان وحزب المؤتمر الوطني اتفاقية هشة. هي نفسها مهددة بأن تنهار في أي وقت. وفي دارفور مازالت هناك حرب. الشرق ملتهب."
ولاول مرة منذ بدء المشكلة أبدت مصر ضيقها بالاعتصام. وقالت وزارة الخارجية في بيان ان "تقاليد المجتمع المصري يتعذر عليها تقبل استمرار مثل هذا الوضع أكثر من ذلك."
وقال أحد ضباط الشرطة الذين يقودون مئات الجنود بالقرب من الحديقة لرويترز ان استعمال القوة في انهاء الاعتصام "معلق على قرار سياسي."
وتقول مفوضية اللاجئين انها تعطي أي سوداني يتقدم اليها بطاقة تتيح له الاقامة في مصر لمدة ستة أشهر قابلة للتجديد والحصول على مساعدات منها. وتقول انها مستعدة لمساعدة الراغبين في العودة الطوعية الى جنوب السودان ونقلهم في رحلات جوية مباشرة الى جوبا عاصمة الاقليم
--------------------------------------------------------------------------------
جميع الحقوق محفوظة لهيئة الخرطوم الجديدة للصحافة والنشر © 2004-2005م
--------------------------------------------------------------------------------
سؤال واحد ديل البنادو باسم حقوق اللاجئيين السودانيين هل تعتقدون ان هذا الخبر قد نشر في صحيفة سودانية فقط ..لا فقد تناقلته كل صحف العالم وما زلت اصر على كلامى......................
هكذا يصوروا السودان للعالم
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
الجمعة 23 ديسمبر 2005م الساعة 09:53 ص
--------------------------------------------------------------------------------
اصباح الخير ياطالبي اللجوء والهجرة
وسط القاهرة وتحت أعين الكاميرات (فضحتونا الله يفضحكم)
--------------------------------------------------------------------------------
السبت 26 نوفمبر 2005م: سيداحمد خليفة
لن يغفر لكم الشعب السوداني هذا العمل القبيح والمشين
بلادنا تستورد العمالة الأجنبية الآن وأنتم تطلبون التسول الدولي
وقفت الوطن ومباشرة على حجم المأساة السودانية التي لابد من إعتبارها كارثة قومية ووطنية وأخلاقية وهي المسألة المتصلة بأعتصام بضعة آلاف من السودانيين وسط القاهرة حيث يتفرج على هذا المشهد المهين للسودان وسمعة شعبه كل الغادي والرائح كما أن وكالات الأنباء والصحف والفضائيات والمنظمات العالمية جعلت من هذه الكارثة المتواصلة منذ شهر سبتمبر الماضي وحتى يوم أمس مادة للتندر والتعبيرات المؤذية بحق السودان والسودانيين.
كنا وزميلي الأستاذ عثمان ميرغني في طريقنا للوقوف المباشر على هذه الكارثة في موقعها عندما بدأ سائق التاكسي المصري يتحدث عن هذا الأمر حديثاً جرح مشاعرنا وهزّ وجداننا وأدخلنا في حالة من الحزن العميق لأن اسم السودان الذي ظل نظيفاً عالمياً وإقليمياً يتعرض لمثل هذه الإهانة والإشانة .. وقال سائق التاكسي المصري (إيه ده.. دول زباله .. نحن في مصر مالنا ومال الكلام ده ..ده هو السودان مافيهوش أكل وشرب أو عمل .. طيب الناس ليه ماتشتغلش هنا في مصر وتأكل عيشها إذا كانت مش عاوزه ترجع السودان..).
ولقد حاولنا وزميلي الأستاذ عثمان ميرغني أن نخفف من مرارة هجوم هذا المواطن المصري الذي يعبر – كما لاحظنا – عن الإنطباعات المصرية الشعبية العامة تجاه هذا الحدث السوداني المهين لبلادنا إلا ان السائق المصري واصل هجومه المرير على الحكومتين المصرية والسودانية حيث وصف الأولى بأنها عاجزة عن التعامل مع (شوية ناس سيئة ومتسيبة وعايزة تعيش على عرق غيرها ..).
وقد كان حديث سائق التاكسي عند العودة وبعد زيارتنا لهذا المعسكر العجيب الغريب أكثر مرارة من الذي سبق.
إن الوضع الذي عشناه وشهدناه فوق أكبر مستعمرة برية مسيئة للسودان خارجياً في تاريخه الحديث كان وضعاً لا يمكن تصديقه إلاَّ كتمثيل من خلال فيلم مأساوي أسود وحزين..
المئات بل الآلآف من السودانيين يفترشون الأرض ليلاً ونهاراً والقليل منهم يعيش تحت ظل كرتون أو خرق بالية وهؤلاء هم إما المرضى وإما النساء المقبلات على حالات وضوع أو اللائي وضعن حملهن ، بالفعل يتساءل المرء عن كيفية ونفسية الطرفين الذكر والأنثى عندما حدث التلاصق بينهما لإنجاب طفل مصير والديه نفسه في مهب الريح . فكيف يهديان للدنيا مأساة جديدة.
إن المعسكر وكل مظاهر الفوضى فيه يبدو أن ثمة مجموعة من الشباب أكرر الشباب الأقوياء هي التي تتحكم فيه وتديره وتتعامل مع زوار المعسكر من الصحفيين وغيرهم تعاملاً أمنيا واضحاً يشوبه الحذر والشك.
قال محدثنا - عندما تمكنّا من من دخول المعسكر – إن قضيتهم هي أن هيئة غوث اللاجئين أخذت تبطيء أو ترفض التعامل معهم كلاجئين يطلبون الهجرة وإعادة التوطين في عدد من البلدان التي تقبلهم ..
وقال إن عدد المعسكر يزيد وينخفض ولكن متوسطه مابين 2 إلى 3 آلاف معتصم بينهم الأطفال والعواجيز والنساء ولكن ملاحظتنا تقول أن الشباب هم الأغلبية شبه المطلقة.
وفي حوارطويل مع محدثنا الذي يتولى مهمة الامر الإعلامي داخل معسكر الحزن والدموع واليأس والطعن المخذي للوطن والشعب قال إن وسيلتهم هذه الهدف منها هو لضغط على الأمم المتحدة ومنظمات حقوق الإنسان لكي تيسر لهم أمر الهجرة وقال إن بعضنا أمضى في القاهرة نحو أربع سنوات دون أن يتحقق له هذا الحلم .. كما أن عشرات الآلآف من طالبي اللجوء قفلت ملفاتهم لدى الهيئة وأصبحوا بلا أمل ..
وسألناه : ماذا ينتظر هؤلاء إذن؟؟ ولماذا لا يعودون إلى بلادهم .. بل انت نفسك وكشاب تحت الثلاثين لماذا لا تعود للسودان الذي يستورد الآن عمالة أجنبية عادية.
قال محدثنا وفي كثير من المرارة وعدم المنطق (أرجع وين..أنا من دارفور .. الحرب مدورة هناك).
لماذا لاترجع إلى الخرطوم .. او المدن والقرى السودانية الآمنة؟؟!!
هذا الشاب يجيب أيضاً في كثير من المرارة وعدم المنطق وضعف الحجة
قال (أنا عندي مشاكل سياسية ما أقدر أرجع والكثير من الناس دي عندها مشاكل ).
ولكن نلاحظ أن الاغلبية هنا من أخوتنا الجنوبيين الذين أنهت إتفاقية نيفاشا المراقبة دولياً والمحروسة بنحو 10 آلاف جندي أممي لماذا لايعود هؤلاء من هنا إلى الجنوب رأساً ومن خلال جسر جوي عاجل ومنظم ..!! طبعاً عرفنا فيما بعد ومن الزميلة النشطة سمية هندوسة المتعالجة الآن بأحدى مستشفيات القاهرة أن الأمم المتحدة قدمت بالفعل مثل هذا العرض ولكن محدثنا يقول (الجنوبيون يرجعون كيف وفي بلادهم ملايين الألغام التي تهدد حياتهم) .
طبعا منطق غريب وعجيب ذلك لان كل السكان الحاليين هناك يعيشون دون إظهار مثل هذا الخوف .
وسألنا محدثنا عن كيفية التعامل الأمني المصري معهم كمجموعة ضيافة أو هكذا يفترض تقوم بأحتلال أرض مصرية وفي قلب عاصمة البلاد فقال : ( والله في الأول حاولوا معنا الشدة .. التحقيق والإعتقال التحفظي .. التهديد والوعيد والحملات الإعلامية .. ولكن إصرارنا على البقاء هنا وتزايد أعدادنا جعلهم يخففون من هذه الضغوط وإن كنا نسمع من وقت لآخر بأحتمالات مهاجمة الأمن المركزي المصري لهذا المعسكر وهو إحتمال إن حدث – يقول محدثنا الشاب الذي ينتمي إلى إحدى القبائل العربية بدارفور- سيقود لمأساة أكبر حيث أننا قررنا المقاومة والصمود هنا وبتقديرنا أفضل من العودة للسودان .
زميلي المهندس عثمان ميرغني وأنا نسأل ولكن الإجابة طويلة ومبهمة وغامضة وغير مقنعة ..ان هناك ثلاثة جوانب بتقديري تقف خلف هذه المسأساة التي سببت للوطن السوداني العظيم كل هذا القدر من الاذي في السمعة والاساءة للماضي والحاضر والمستقبل.
الجانب الاول:هو المتصل بظروف خروج كل هذا العدد من السودانيين من البلد تحت مختلف الحجج والاسباب والحروب والاخفاق الشديد في مجال التوظيف وتوفير فرص العمل والغلاء الشديد الذي جعل من الحياة في بلادنا عامة والعاصمة خاصة امرا طارداً ودافعاً لمثل هذه السلوكيات.
الامر الثاني: التطلع غير المشروع ولا المدروس لدي الالاف من الاسر والافراد الذين يتطلعون لمشاكلهم المعيشية او تحقيق مامون لطموحاتهم وتطلعاتهم واعتقادهم بسهولة تحقيق ذلك بمجرد وضع القدم علي ارض ( الميعاد) في بلاد المهجر.في هذا الجانب وفي هذه النقطة بالذات نري ان ثمة ضبابية وقصوراً واضحاً في الكشف عن الحقيقة معاناة السودانيين الذين سلكوا هذا الطريق واستطاعوا الوصول الي محطات اهدافهم واحلامهم حيث كان ولا يزال مصير عشرات او مئات الالاف منهم اسوأ بكثير من المصير والواقع الذي يهربون منه في بلادهم. وفي هذا الجانب يجوز القول بان نجاح البعض في مهاجرهم وهؤلاء أقلية ولا شك..شكل حوافز واضحة للتدافع نحو الهجرة المهينة والمشينة هذه.
الامر الثاني: هو ان السلطات السودانية سواء تلك التي تعطي تاشيرات الخروج ولاشخاص يمكن التعرف بسهولة علي نواياهم وخططهم في البقاء بمصر او غيرها بانتظار الهجرة او اللجوء.او اعادة التوطين .نقول ان هذه السلطات تتحمل جزءاً كبيراً من مسؤولية انفلات كل هذا العدد وخروجه كاسر وافراد دون الاعتماد علي دراسة مسبقة لاسباب ودواعي ونتائج هذا السفر العشوائي الغريب. كذلك ايضاً في هذا الامر القبيح سكوت وحياد الحكومة السودانية ممثلة في مركزها بالخرطوم او سفارتها بالقاهرة.
اذ ان امر لا يمكن الحياد فيه باي حال من الاحوال لانه لا يمس سمعة وكرامة كل السودان والسودانيين وحسب ما هو كارثة قومية واجبة المواجهة العاجلة والحسم العاجل وباسلوب من الاساليب الممكنة لانهاء هذا المشهد البالغ الخطأ والخطر والاساءة لكل من حمل الجنسية السودانية..بل كل محبي السودان الذين فاجأهم واحزنهم هذا الوضع من خلال معرض مفتوح ويومي متواصل لعدة اشهر هدفه ومبتغاه ونتائجه هي القضاء علي ما تبقي للسودان من سمعة بعد ان ضرب الارهاب علي ما تبقي من سمعة او احتضان الارهاب او دعمه..او مواصلة الارهاب وحماية السلوكيات الحكومية العدوانية التي تقوم بها بعض الجهات باسم المجتمع او امن المجتمع ونحن مجتمع امن..او كنا هكذا قبل ان تحل علينا هذه الظواهر وتغمرنا هذه السلوكيات وقبل ان يصبح التشرد والاعتصام واللجوء سمة من سمات شعب كان مضرب المثل في السلوك الحسن والخلق الرفيع.
سيدي رئيس الجمهورية ونائبيه ان السكوت علي هذا الامر المعروض وسط القاهرة ..وامام اعين وتحت كاميرات مئات الاعلاميين هو جريمة بحق الوطن الذي تكابدون وتسعون ليل نهار لتصحيح ومعالجة بعض اوضاعه حيث انه معكم ولكنه يفعل عكس ذلك ويتسبب في العديد من الايذاء والاخطاء والكوارث وبافعال وسلوكيات كالتي تحدث في الميرديان وغيره.
--------------------------------------------------------------------------------
جميع الحقوق محفوظة لهيئة الخرطوم الجديدة للصحافة والنشر © 2004-2005م
--------------------------------------------------------------------------------
| |
|
|
|
|
|
|
|
|
|
Re: هكذا يصوروا السودان للعالم (Re: Masaoud Ali)
|
Quote: سؤال واحد ديل البنادو باسم حقوق اللاجئيين السودانيين هل تعتقدون ان هذا الخبر
قد نشر في صحيفة سودانية فقط ..لا فقد تناقلته كل صحف العالم وما زلت اصر على
كلامى......................
|
حسن سعيد الكلام الذي تحته خط هو مانسعى له ان نحدث العالم عن فضائح حكومتك
وكا تفعله بشعبها.
يبدوا اننا نجحنا بدليل اصرارك على كلامك.
تراجي.
| |
|
|
|
|
|
|
|
|
|
Re: هكذا يصوروا السودان للعالم (Re: حسن الجيلى سعيد)
|
اخوى عبد الماجد والاخت تراجى
هم منو البصنفونا ديل يا اخونا اول حاجة سواء امريكا او اوروبا تحسن وضع حقوق الانسان عندها.وبعدين اقربو مننا.ممكن اجابة وين اخونا سامى الحاج وماهى التهمة ....وحقوق الانسان دى شفناها فى العراق وفلسطين والصومال...
وبعدين يا اخت تراجى يعنى انا فضحت السودان للعالم معناها اى حاجة ماشه تمام راجعى نفسك شويه الخسرانين فى الاخير اهلنا
| |
|
|
|
|
|
|
| |
حسن الجيلى سعيد
Hisham Amin
هشام هباني
صلاح الدين عبدالله محمد
برير اسماعيل يوسف
Al-Shaygi
othman mohmmadien
ودقاسم
Mohamed Suleiman
JAD
tmbis
هشام المجمر
nour tawir
Tragie Mustafa
فيس بوك
تويتر
انستقرام
يوتيوب
بنتيريست