|
كتب الكاتب الفاتح جبرا المتوفرة بمعرض الدوحة
|
|
 Re: هكذا أراها الاخلاق.....واعفو مني وعافي منكم لوجه الله ... (Re: saadeldin abdelrahman)
|
شنو يا أبو النيز؟ المعنى يعني خلاس قررت تشيل برشك فوق ضهرك وتقوم؟. قبلك عملها أهل العوض لكن عملها في وقت سمح ما نتيجة زعلة وقرفة من (مُدخلات) المكان.
علي الطلاق أنا حاسد أهل العوض.
البورد ده زي الدنيا وأكره من الدنيا وكت تقابلك بقنقوسها، لكن الشيء المزعّلك ده أهو بدأ يختفي شوية شوية، رغم العكننات التانية الموجودة وجود الحمدو في الصلاة. أخد ليك شوقارة وتعال مقبِّل عُقُب، يمكن الزبليبة دي يشيلها السيل وترجع المراتع لصفاها القديم. ممكن ترجع لصفاها؟. القبح كتير وسيقانو غايسة في صرة الواطا وما يقلعو إلا بركان ولاّ زلزال يفتح خشمو ويبلع من طرف.
يا زول عديلة عليك. وخسمتك بشيخي أب زينب تدعي لي معاك أكان ربنا يلحّقني بيك. ولو اتراجعت بتلقاني قاعد هنا أحكحك في راسي زي القرد العجوز. بالله نحن لينا أربع سنوات في مركب على الله دي؟. تخلق خلقك يا ود أب كساوي.
| |
 
|
|
|
|
|
|
|
|
Re: هكذا أراها الاخلاق.....واعفو مني وعافي منكم لوجه الله ... (Re: nazar hussien)
|
يا زول كيف تفوت وتخلي حالنا المايل
بنترجاك ولو حكمت نجيبا قبـــــايل
وجودك فيهو خير مشهود ومو قول قايل
"أفو يا ود حسين.. فيك المروق مو خايل"
أخي العزيز نزار حسين
من قبل كنت أستقل مداخلاتك
عندما ألحظ عليك غيابا عن المنبر
فأسعى لتحريضك للدخول بتنبيه أهل الكهف
وبعثهم للحياة..
فوالله إني ممن يستطيبون حديثك ويستمعون
بما تكتب فأنت تنهل من معين عامر بالثقافة
والاطلاع وجودة القريحة وحلاوة الكلمة
وطيب المعشر، وتستند على أصل كريم
نستشفه وإن لم نعرفه..
عزمك على الخروج.. إن فعلت.. لن يغير
ما يجري، بل سيفقدنا نحن شخصا نعزه
عرفناه هنا ونخشى إن فقدناه هنا
الا نلتقيه مجددا..
فأرجو ألا تفعل..
ولك المودة الصادقة
| |
|
|
|
|
|
|
|
|
 Re: هكذا أراها الاخلاق.....واعفو مني وعافي منكم لوجه الله ... (Re: عبد الله عقيد)
|
نزار حسين
ومنو البشيل عكازو القت الحارة
يتلبب حجج ناساً تخرب الدار يقل زوارها
من التاني بقول لي اعور الماشين في عينو يا اعور
من البقدر يوقع في دفتر حضور الناس تمام يازين
من البكنس وسخ ناساً تسوي الحيلة في الشكلة وتكتب بي قلم ابليس
تعال ياخوي نحن بلاك بلا عكاز
اخي نزار
هي الدنيا بكل وجووها
فإن هربت من البورد تجدها أمامك في كل مكان , على الاقل هنا المساحة محدودة وإمكانية التغيير متاحة , فإن أصبت فلك أجر وإن أخطأت فلك أجران.
وتسلم
لا تدع تمبس وعكازة لوحده
ولا تدعنا نحن لا نستطيع استخدامها
| |
|
|
|
|
|
|
|
|
|
Re: هكذا أراها الاخلاق.....واعفو مني وعافي منكم لوجه الله ... (Re: القلب النابض)
|
نزار ..
ماتخلي العتمة تهزمك .. نحنا هنا عشان نبشر بنور جديد .. طويل وساطع وباهي ..
تنهزم انت معناها تنتصر العتمة وهوام الليل ..
تمشي معناها خليت فتحة في الصف تدخل بيها العتمة يا رجل ..
شايف كل الكتبو فوق ديل ؟؟ .. ديل هم الصف الجميل البقول : ياااااا بلد .. القاعد يحاول بهدؤ يزح القباحة عن وش الوطن .. بهدؤ لكن بصبر جميل .. كل زول فيهم بيقولها بصوتو هو .. و مع بعض أصواتنا ضو ح يهزم العتمة
النور بكره يا صديقي ..
ولا يصح الا الصحيح يا نزار
انت صحيح .. فخليك صحيح وبطل انهزامية .. واركز
.......
ما تمشي ..
خليك معانا صوت ..
بنبقى بيك لمه .. وضو
| |
|
|
|
|
|
|
| |
nazar hussien
صديق الموج
saadeldin abdelrahman
Shinteer
saif massad ali
Muna Khugali
Elmosley
عبد الله عقيد
القلب النابض
Emad Abdulla
tmbis
kamalabas
مبيوع
فيس بوك
تويتر
انستقرام
يوتيوب
بنتيريست