|
|
 أبكى فتبتسم الجراح من البكا ,,,,,’
|
أبكى فتبتسم الجراح من البكا
فكأنها فى كل جارحة فم ,,,
يالابتسام الجرح كم ابكى وكم
ينساب فوق شفاهه الحمر دم ,,,
أبدا اسير على الجراح وانتهى
حيث ابتدأت فأين منى المختم ,,,
وأعرك الدنيا وأهوى صفوها
لكن كما يهوى الكلام الأبكم..
|
|
 
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: Emad Abdulla)
|
Quote: ودعكر ..
ياخي يبدو أنو أنا خشيت غلط ..
أنا آسف والله .. كلها كانت مداعبة .. ما أكتر
باعتذر منك شديد لو كان الرسم سبب ليك أي ضيق
تحياتي ..
و ح أسحب المداخله البايخة بتاعتي ديك |
استاذنا عماد
ياخي ود عكر ده حبيبنا
ما بيزعل من حاجات زي دي
والا ما كنت عملت ليو الاقتباس
و الكلام ده علي مسئوليتي
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
نجوت
Quote: رسمت فى وجيها بسيمة ضو بتغالط فى الزمن القاسى
بتعاتب فى الغنوة الصعبة فى لحن حزين ووتر موجوع
يحى احساسى تسأل ,, عن شدو الافراح يمكن بى جراحنا يكون حاسى |
الاسبير ده مابركب هنا اصلو اليابانى غالى وابو شيبه رفوفو اتهلهلت من التركيز
سبب الجوطة عينيك وعينى
هن الجارو عليك وعلى
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
الوجيه عماد
Quote: ودعكر ..
ياخي يبدو أنو أنا خشيت غلط ..
أنا آسف والله .. كلها كانت مداعبة .. ما أكتر
باعتذر منك شديد لو كان الرسم سبب ليك أي ضيق
تحياتي ..
و ح أسحب المداخله البايخة بتاعتي ديك |
رغم انك باصك الاسكرو جاء فى صالح ابو شيبه لكنى احبك يارجل وبالجد حا ازعل اذا سحبت الرسم او المداخلة فكيف سادخل التاريخ اذا لم اجد حظى من اقلام الكركتيرست .فى النهايه انا صحفى ...
ضفرة..بس انا ماعندى صلعة وحتى تكون عادلا داير اشوف ابوشيبه من خلال الحوارات السابقة وبيت البكاء الكاجرو فى حى ناس نجووووووط
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: بلدى يا حبوب)
|
| Quote: ضفرة..بس انا ماعندى صلعة وحتى تكون عادلا داير اشوف ابوشيبه من خلال الحوارات السابقة وبيت البكاء الكاجرو فى حى ناس نجووووووط |
ودعكر الختر
ياخوي ماناقلنك الدمازيييييييييييييييييين
Quote: ودعكر
سلام
وفى معية روعةالكلام تتساقط الحروف
تحياتى |
بلدي ياحبوب الزول السقطان دا اعطه من ناركم قبسسسسسسسسسسسا
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
الطريد ابو شيبه زعيم بنو شيبان وقايد مسيرة الحبان
Quote: ودعكر الختر
ياخوي ماناقلنك الدمازيييييييييييييييييين |
رغم ان لى بها ايام لها ايقاع زمان .... .لكن اسع .ابييييت رفضا لسياسة الاقصاء كما يقول الاخ العزيز حسن البشارى سلم لى عليهو
| Quote: بلدي ياحبوب الزول السقطان دا اعطه من ناركم قبسسسسسسسسسسسا |
سيبنى فى عز الجمر............ سقطكم ولا نار بلدى ياحبوب
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: عبدالرحمن عبدالله أبوشيبة)
|
الى ..
ياجرح عزة هوانا ..
الساكنة فى حروف
الكتابة..
اصلو فى زمن الاسى
المشدود على وتر
الكآبة..
فى زمان الحرقه والخوف
والرتابة ..
إنكتم نبض الاغانى ..
وانبهم حدس المعانى ..
وانجرح خاطر المهابة ..
جيتينى فى الزمن الاليم ..
وقلبى مثخن بجراحات الهوى ..
عمرى ضايع فى متاهات النعيم ..
فى دروب الغربة لا تاب ولا قوى ..
كان عيونك فيهن الوصف القديم
معنى فى الحب انطوى ..
وضاع معاك زمن الوسامة ..
واختفى الفرح العلامة ..
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
البكاء كتير وانواع يا بنت الخال
اولا نعرف البكاء ذاتو
هو إنفجار نتج عن كبت داخلي
وليهو عدة انواع
في نوع بطلع من غير دموع ودا ختري وفي نوع برضو بدون دموع لكن وحوحة ساكت
اجيك لي انواع البكاء
بكاء الخوف والخشية من الله دا أفضلهم لأنو صاحبو ما بمشي النار
بكاء الحزن دا بكون على حاجة راحت وما بتجي تاني ودا نار نار حمراء
بكاء الشوق ودا زي حق المغتربين وأهلهم وبزول بزوال المؤثر
بكاء الفرح ودا معروف طبعا ... الله يكتر منو
بكاء الموافقة دا بتاع الناس البتبكي وماعارفه الميت
وأخيرا بكاء التماسيح ودا دموعه ظاهرة وباينه بينونة كبرى
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: الأمين عثمان صديق محمد)
|
الأمين عثمان صديق محمد .. تحياتى
انا بكيت فى كل واحد من الزكرتو وبوريك المناسبة البكتنى
| Quote: بكاء الخوف والخشية من الله دا أفضلهم لأنو صاحبو ما بمشي النار |
بكيت لمن كنت فى الحرم المكى الشريف فى 27 رمضان فى سنة 1996 اثناء تأديتى لصلاه العشاء بصوت
القارئ السديس وعن جد بكيت بكا فى حياتى ما بكيت زى دة حتى عند فقدان اعز صديقة لى
| Quote: بكاء الحزن دا بكون على حاجة راحت وما بتجي تاني ودا نار نار حمراء |
بكيت عند وفاة صديقتى بحادث مرورى فى طريق شندى (بكا .. بكا)
| Quote: بكاء الشوق ودا زي حق المغتربين وأهلهم وبزول بزوال المؤثر |
دة لمن اخوانى الكبار غادرونا بكيت واتنخجت ..
بس وصلتو بى هناك قلت ليهو الحقنى بى شنطة اخت بنات
| Quote: بكاء الفرح ودا معروف طبعا ... الله يكتر منو |
دة لمن اخوى الاصغر منى اتزوج بكيت بكا العدو لانو كان فردة والله
هوووووووووى الاصغر منى مامعناها انا الطيارة فاتتنى لكن هو براهو مستعجل
| Quote: بكاء الموافقة دا بتاع الناس البتبكي وماعارفه الميت |
دى مابكيتة ما مرت على
| Quote: وأخيرا بكاء التماسيح ودا دموعه ظاهرة وباينه بينونة كبرى |
دة طوااالى دايم مع الافلام .. الحجة بقت كل ماتشوف الدميعات والتلفزيون شغال
تقول لى لمن ماتت حبوبتك مابكيتى عليها كدى
بينى وبينكم حبوبتى ودعت بدرى زمن الناس بتشيل الموية من البير بالجركانات
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
بكيت يوم 22/01/2002 يوم وفاه اختي الكبيرة ربنا يرحمها رحمة واسعه ويسكنها فسيح جناته
بكيت يوم 21 / 10 / 2005 يوم وفاة خالي ربنا يرحمه
ابكي كل سنه عند مقابلة الاهل في الاجازة
ابكي في لحظات الوداع عموما
تخريمة 1
ما حصل بكيت عشان شاكوش ولا حاجه زي دي
تخريمة 2
احياننا ببكي لما اشوف بنت حلوه بس بكى بدون دمووووووووع
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: abdalla BABIKER)
|
Quote: ما حصل بكيت عشان شاكوش ولا حاجه زي دي
|
علينا احنا برضو
على ناس سودانيز اون لاين برضو
| Quote: احياننا ببكي لما اشوف بنت حلوه بس بكى بدون دمووووووووع |
دة بتاع التماسيح القالو ود الامين قبيل
هبشة (على قول ود فايت الله يطراهو بالخير)
لكن لقيتك ..
بتاع تماسيح وشواكيش
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: abdalla BABIKER)
|
Quote: ما حصل بكيت عشان شاكوش ولا حاجه زي دي
|
علينا احنا برضو
على ناس سودانيز اون لاين برضو
| Quote: احياننا ببكي لما اشوف بنت حلوه بس بكى بدون دمووووووووع |
دة بتاع التماسيح القالو ود الامين قبيل
هبشة (على قول ود فايت الله يطراهو بالخير)
لكن لقيتك ..
بتاع تماسيح .. وشواكيش
| |
|
|
|
|
|
|
|
|
 Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
ابوشيبة
| Quote: لاوزت من ابو نيراناً ملهلبة وقلت ليه إني احببببببببببببببببببببك وهو صدقط |
نبرانى بتحرق الزول الجافنى
ودعكر يمين ما بجيه دوخانى
وبهدى ليك يا ابوشيبة نيرانى
متل تكابة فى مسيد وانت وحدانى
تخريمة
ودعكر حرم بكاك داير ليه خيمة عديل
تحياتى
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: WadAker)
|
Quote:
أبدا أسيرُ على الجراح وانتهى
حيث ابتدأتُ ! فأين منى المخْتمُ ,,,
وأعرك الدنيا وأهوى صفوها
لكن كما يهوى الكلامَ الأبكمُ..
|
هذا الكلام الجميل كأني قرأته ـ أو قريبامنه ـ في مكان ما..
يعود بي إلي نفس الإحساس الممض الدي أجده عندما أتامل معارك أبي الطيب المتنبي
اليائسة مع الأقدار ومحاولته تصويرها .
لكني ، ولاأعرف لماذا ، تصطك أذني من شدة صوت إجتماع همزة القطع مع الكاف في
كلمة لا تتجاوز أحرفها الأربع ( أعرك ) .. أتكون كلمة ( أعرف ) أنسب ..؟!
شكرا لك علي الجمال الذي فيه .. ياآآآخ لقد أعدتي دهرا سالفاً .
| |
|
|
|
|
|
|
|
|
|
الشايقية (Re: نجود حسن عبد الرحمن)
|
يا نجود
قالوا فى واحد رباطابى مسطول قالوا ليهو انت عاوز تمشى النار ولا الجنة.
قال ليهم الشايقية بمشوا وين قالوا ليهو النار.
قال كمان أنا عاوز أمشى النار مادام الشايقية مشو النار أكيد الحكاية فيهاسر.
| |
|
|
|
|
|
|
|
|
|
Re: الشايقية (Re: م. سيد احمد قدورة)
|
Quote: قالوا فى واحد رباطابى مسطول قالوا ليهو انت عاوز تمشى النار ولا الجنة.
قال ليهم الشايقية بمشوا وين قالوا ليهو النار.
قال كمان أنا عاوز أمشى النار مادام الشايقية مشو النار أكيد الحكاية فيهاسر. |
ضافر الشوايقة مالك ياباش مهندس
هبشوك ولا هبشوك
| |
|
|
|
|
|
|
|
|
|
Re: أبكى فتبتسم الجراح من البكا ,,,,,’ (Re: نجود حسن عبد الرحمن)
|
م .قدورة...حبابك الف
Quote: أى مساعده يا ود عكر نحنا مستعدين
وبمناسة الشايقية ايه رايك عن البوست بتاعى حق الكداد(حميضة يا ود الموج) |
تعرف ياقدورة انا حا ارحب بيك بمعلومة صغيرة اتمنى ان تفسر فى نطاقها الضيق وهى : انا من اب " رحمه الله" شايقى مشلخ وتصدق انو امى جعلية وكمان مشلخة" زواج تم تقريبا 1948واستمر وكانت بينهم اجمل مناكفات عن بت الجعلييين الاتزوجت الشايقى وانت عارف مثل هذه الخلطة بتورث شنو ؟ تفتكر زى ديل بغلبونى .. وبرضو مابردك زعلان ...اهلا بيك
| |
|
|
|
|
|
|
| |
saif massad ali
خدر
محمد عبد المنعم عمر
عبدالرحمن عبدالله أبوشيبة
Emad Abdulla
فيصل نوبي
nashaat elemam
بلدى يا حبوب
م. سيد احمد قدورة
فيس بوك
تويتر
انستقرام
يوتيوب
بنتيريست