|
|
 وكمان بتاع فيران وعامل فيها حقار!!!
|
تعال يهنديـــــــــك وحدي.
وينها؟؟
ياهنديــــك عاين ليها مقلوظه كيف؟؟
وين والله ماشايفها الشمس ذاتها جاهراني!!
انت عميان ولا معمش إنعل ابو اليوم الـ لماني فيك!!
أأأي يادابي شفتها...اديني اننيشه ليك انا عليك الله..
أنت ياود حمار ولا شنو؟؟
وهو أنتا كنت شايفه عشان تنيشا!! قوم لف بلا صعلقا معاك ؟؟
إنت المرة ديك مارسلتني وقلت لي بديك النِبلة لو سرقت لي سفه من حقة جدك؟؟
ياود اسكت ولا هسي اخنقك اجيب خبرك!!
إنت عاوز أُمي تسمعك ولا شنو؟؟
اسكت ساكت شوف المعلم ينيشه ليك كيف..
بس الله يستر الحجر مايطش تاني ذى المره الفاتت ويطير عند ناس عمك علي.
تتذكر كردونا كيف!!
الله يلعن... ماكلو منك يامعفن.
مني انا؟؟
ااي منك افتح بوزك عشان ادخل ليك النبله دى في خشمك الوسخان ده ده عليك الله خشم ولا جحر ضب؟؟.
ياخي خلاس نيش قبل القمرية تطير.
زززززززززززززبط امااااك ظبطها ليك فى صنقوعه لكن عاين ليها وقعت وين؟؟
الحق جيبها قبال ماكلبهم المعفن ده يشمها ولا يهبشه اجري.
والله جنس حقاره!! عشان فيها كلب وما ادراك ماكلب امشي انا!!
امش قبال ماجني يقوم علي قلت ليك!!
يهندي جبتها لكن تاني والله ما امشي ليك محل الكلب ده إنت قايل اهلي قنعانين مني؟؟
قصدك شنو؟؟
ولا حاجه!!
خلاص قطم يازفت يلا بيت ناس امنه نشوشيو القمريه دي بديك منها حته.
إذيك يا أمنه..
ترد وهي مشهورة بلوثه فى العقل.
اهلاً
عن إذنك ننجض القمرية دى عنك..
ومتنجضوها عند اهلكم!!
ماقلت ليك المرة دى مكشكشه!!
تتذكر يوم جبت الفيران ونجضتهم ليك؟؟
يامرة فيران شنو انتي مجنونه ولا شنو؟؟
وكمان بتاكل فيران وعامل لي فيها حقار؟؟
والله العظيم المرة دي كضابة.
يابتاع الفيران وشغال فوقي نبز من الصباح ومراسيل!! والله اكلم ناس الحلة كلهم..
وتربة ابوي المرة دي كضابه..
خلاص جيب القمرية وتاني ماترسلني.
كويس.
|
|
 
|
|
|
|
|
|
|
|
Re: وكمان بتاع فيران وعامل فيها حقار!!! (Re: بدرالدين شنا)
|
سامي
يا لجنون قلمك.
تعرف ياسامي أنا عجبتني التداعيات دي و وقفت عند النبلة’
كنت في عطبرة أحسن واحد ينيش القماري و العصافير بالنبلة. كانت هوايتي المحببة إلى نفسي.
أيام المراهقة و الشقاوة .. جارنا كان قبطي. أحببت إبنته ، و لما عرف والدها أخبر أبي الذي عاقبني عقابا صارما.
إنتقمت من القبطي بأن دشدشت له زجاج عربيته الأمامي من سقف بيتنا دون ترك أثر يستعمله قصاص الأثر. فآثر الرحيل.
واصل يا زول يا زين
| |
|
|
|
|
|
|
|
|
|
Re: وكمان بتاع فيران وعامل فيها حقار!!! (Re: ابو جهينة)
|
Quote: يا لجنون قلمك.
تعرف ياسامي أنا عجبتني التداعيات دي و وقفت عند النبلة’
كنت في عطبرة أحسن واحد ينيش القماري و العصافير بالنبلة. كانت هوايتي المحببة إلى نفسي.
أيام المراهقة و الشقاوة .. جارنا كان قبطي. أحببت إبنته ، و لما عرف والدها أخبر أبي الذي عاقبني عقابا صارما.
إنتقمت من القبطي بأن دشدشت له زجاج عربيته الأمامي من سقف بيتنا دون ترك أثر يستعمله قصاص الأثر. فآثر الرحيل.
واصل يا زول يا زين |
ابو جهينة.
كثيراً مانظرت لاحمد طفلي الصغير وتسألت عن هل بإمكاني توفير نِبله وشجرة وسرب من الطيور لطفوله اصبحت تشاهد الاطفال يلعبون في التلفاز و تكتفي بالمشاهده.
يالجنون طفولتنا.
| |
|
|
|
|
|
|
|
|
|
Re: وكمان بتاع فيران وعامل فيها حقار!!! (Re: سامى عبد الوهاب مكى)
|
عم حسن عليك الله لمن كلبتكم تلد تديني جريو.
كويس الله يحلها بالسلامه!!
هي مره عشان تقول لي يحلها بالسلامة??
خلاس مامره!!
أُمال شنو؟؟
كلبة!!
ضكر ولا إنتاية??
ماقبيل قلت ليك إنتايه!!
لأ ياعم حسن إنت قلت لي مرة!
يا ابن ال... امشي طير دي مصيبة شنو؟؟
ياتو مصيبة الكلبة؟؟
الله ينعل ابو الكلبة لابو اليوم الجبنا فيهو الكلبه ياود طير مني انا براي ماناقصك!!
خلاس يعني حاتديني جريو؟؟
ااااااي اديك جريو وحياة الله اديك ليهم كلهم!!
خلاس انا ماشي لكن عليك الله ماتغشني.
يالطيــــــــــــــــــــــف ياناس دي مصيبه شنو؟؟
المصيبه انه ما اداهو جريو.
| |
|
|
|
|
|
|
| |
بدرالدين شنا
ابو جهينة
Emad Abdulla
فيس بوك
تويتر
انستقرام
يوتيوب
بنتيريست