|
Re: حبيبي آه .. قلبي تاه .. في يوم السفارة ... (Re: ود الباوقة)
|
ثم نهض أبكر .. و بصق سفته .. وجدع أم العروس علي يمينه .. وابو العروس علي شماله .. ودقه صدره .. وصاح .. "مــــــــا قلتوا نوبـــة"
حضرت في آخر اللقاء .. كأجراء تكتيكي .. باعثه " قرفي " الشديد من مسرحيات الهم الوطني .. وعنتريات .. " بُص شوف حمو بيعمل إيه " ..
اللقطة الاولي .. اسماعيل وراق مبتسم لحدي الاثنى عشر .. وشوية كدا من فتحة الخشم كان ممكن اشوف البنكرياس .. عمنا حمزاوي " منجعص " انجعاصة وزير اتحادي في أول عهد الولاية به .. وحبيبنا محمد الشيخ .. يمارس هوايته المحببة في الغلاط الاتومسفيري ..
حسن الملك .. وصلاح غريبة .. وهمام .. " حضور مؤكد في مثل هذه الاجتماعات " لم أندهش .. !!!!
لقطة بتحت تحت .. تلاتة وتلاتين كباية كركدي .. وسبعة عشر كباية قهوة بلبن و ستة فناجين قهوة سادة
نواصل >>>>>
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: لقطة بتحت تحت .. تلاتة وتلاتين كباية كركدي .. وسبعة عشر كباية قهوة بلبن و ستة فناجين قهوة سادة |
نعلها ما من قروش الشعب السودانى ..شكيتكم على الله واخر شى ود الباوقة يطلع الراجل
وناس وما فى ايدو حاجة....يعنى يا حميدة تردح ليك اسبوع وما خليت زول ما شاكلته
تجى انت وود الباوقة توصفوا لينا فى الكركدى والشاى..انتو مشيتوا تخطبوا من عندهم
والا شنو...راجين اخوانكم الباقين نشوفهم بوصفوا لينا الملايات والعدة والا فى جديد,,
البوست ده ظريف وونسة ساكت ما يطلع واحد يقول لى من ناحية منهجية ارى ان الايدولوجيات
مهما اختلفت يجب ان تنبعث من اطر ثقافية وان تنداح على ارض الواقع وتتنزل بعدها
اتفاقية السلام واقعا والسيخ وانديرا غاندى خلوتا نكمل ما بدأ ود الباوقة من ونسة
وان شاء الله ماحد حوش،،،
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
يا عمنا صديق .. وانا عارف انت ما بتحب يقولوا ليك يا عم وكدا .. عشان ما نطير منك الحنان .. والقمري .. انت بس " جك " كل يوم ذي سبعمية مرة حول الاستاد في الملز .. وخلي ام العيال تعمل ليك جردقة تشربها في الصباح الباكر بتاع الديك الفي سنة رابعة داك .. وانت انشاء الله ترجع شباب ..
قروش الشعب السوداني دي يا اخي العزيز " علي قول اسماعيل وراق " .. بشتروا بيها لاندكروزرات وعمارات .. ومشاريع تنموية وهكذا .. الكركدي دي بجيبوه من الفكة البتقع من ناس الجوازات .. مش في كسور كدا ناس مية تلاتة وخمسين ريال ونص .. اها نص علي نص .. يشربك كركدي لحدي حبوبة حبوبتك .. يعني ما اي حاجة تجي تقول لي قروش الضرائب ..!!!!
بعدين انا زاتو .. داير من السفير شخصيا .. ويا حبذا من وزير الخارجية .. ولا انشاء الله اي " مسعول " في وزارة الخارجية .. يفسر لينا آية الكركدي دي .. زمان في عهد الانقاذ الاول " العصر الطباشيري " ( طبعا نحن حاليا في عصر " الجاهلية الثانية ") كانت السُنة في ذلك الزمان .. الفول المدمس والبلح .. تلقى الجماعة في التلفزيون شغالين .. " كُروم كُروم كُروم " الظاهر بعد تطور المرحلة وقدوم السلام .. الجماعة حبو يغيروا ويجيبوا سوائل .. نسبة الي الي وصول البث الفضائي الي دول شمال الاطلنطي .. والجماعة ديل جنهم وجن الفول المدمس .. والله أعلم ..
ومن ناحية ما حدش حوش .. دا الحاصل والله .. يعني هسع لو ما مفلسين وسفيرنا مفلس وبلدنا مفلسة كان دا كلو حصل عليك الله حصل سمعت بالجالية السعودية في الخرطوم قالوا دايرين يقابلوا السفير .. قاتل الله الفقر .. يا رجل .. الحكومة تقلع مننا .. ونحن نقالع في السفارة .. الحكومة عندها جيش .. وامن .. وجوازات وبتاع وهناي وكدا .. والقوي ياكل الضعيف والبقيف بشنقلوا .. !!!! وهكذا دواليك .. والله حياة دراماتيكية جدا ..
تنويه يا عمنا .. انا ما شربت كردكي .. وقلت لناس السفارة بجيكم تاني .. قالوا لي جيب الكركدي بتاعك معاك .. عليك الله دا ما تهميش .. !!!!!
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
Quote: شكيتكم على الله واخر شى ود الباوقة يطلع الراجل
وناس وما فى ايدو حاجة |
العم ود الموج .. نحن ذهبنا للسفارة ولم نكن نحمل اي اجندة وا تصور لكيفية ما سيكون عليه اللقاء لذا كان لقاءا غلبت عليه روح الدعابة والمجاملة اكثر من انه شيء رسمي رغم طرح الكثير من القضايا التي تهم كافة المغتربين في كل مكان . برضو اكرر بان سعادة نائب السفير ليس لديه سلطة تنفيذ التوصيات ومعقول يا عم صديق انت ما عارف الكلام دا ..
ليت اضنى لفؤادي من عليم يتغابا
وجهول يملأ الأرض ضجيجا وصخابا
ونتمني ان نراك من اوائل الحضور في اللقاء القادم .. نتمنى ذلك ..
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: يا عمنا صديق .. وانا عارف انت ما بتحب يقولوا ليك يا عم وكدا |
حميدة انا مابزعل من قولة عمى عشان انا صغير ..لكن عشان بتقول لى عمى
وبتقول السفير بدون عمى يعنى انا اكبر منه(احى يا السفير)
حميدة انتو مشيتو السفارة والا مطعم فى غبيرة كلامك كله فول مدمس وقهوة بى لبن
وقهوة بدون وكركدى وشاى ..بعدين ما كلمتنا عن الهم الوطنى كلمتنا عن )المنيو
الوطنى) مش هم قالوا ناكل مما نزرغ ونبلع مما نصنع ..اها نحن بنضحك مما نسمع
يلا يا شباب اكتبوا لينا عشان سفيه النفاية مجمد,,,
وين الود تمبس برضو ما شرب والا شنو؟؟
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
نتخذ ركناً قصي .. إشكال صلاح غريبة .. يجب أن يتوقف الي هنا .. لن اتابع الحديث .. قبل أن " تبصق " هذا الامر .. وألا سأطبق عليك الإجماع السكوتي .. وأنت عارف الإجماع السكوتي دا عمل في البلد شنو ..!!!
نتفق أول .. وبعدها نواصل من انقطع من الفارغة والمقدودة ..
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: نتخذ ركناً قصي .. إشكال صلاح غريبة .. يجب أن يتوقف الي هنا .. لن اتابع الحديث .. قبل أن " تبصق " هذا الامر .. وألا سأطبق عليك الإجماع السكوتي .. وأنت عارف الإجماع السكوتي دا عمل في البلد شنو ..!!!
نتفق أول .. وبعدها نواصل من انقطع من الفارغة والمقدودة |
حميدة قول بسم الله ..هسع مداخلتى دى كلها فيها اسم صلاح غريبة
انت بتجيب الكلام ده من وين؟؟
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
لا والله طلعت حريف .. خلاص .. يا زول انا غلطان .. بس يا عمنا .. انت قاصد الجداد البطري ولا شنو ..!! ما علينا .. في حكاية ما قبل النوم .. سنة مطرة و روقة بال .. حكى لينا ود أعم لينا .. عن هجرته المزعومة الي بلاد الله أكبر دي .. لمن كان المغتربين .. بجيبوا حاجات كدي ليها ريحة مميزة .. مجرد فتح الشنطة .. تضربك الطراوة .. حكى لينا عن صابونة اللوكس ومعجون السيجنال ولبن البودرة .. روى لنا عن ممارسته أكل المكرونة بالكمشة وتحليته ببلح الشام " الما بقوم الا في بلاد الشام " وكيف ان العربية ما ذي العربات هنا .. عشان كدا سيارة .. وعن أحدهم يلتقيك في الطريق .. فينفحك بمية دولار بقشيش .. ويمكنك بمجهود قليل .. أن تلقط عفش البيت من البلدية .. !! وأن السوداني في بلاد العربان .. لا قبله لا بعده .. وأن الدنيا .. عبارة عن حفلة عيد ميلاد بت ناس العمارة " ملاذ " بلونات ملونة .. وتورتة .. وبيبسي علب .. ومناديل ورق .. وكيس حلاوة ..
أها يا عمك .. نحن جينا ساكين الكيس دا .. !!!!
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: في كل يوم تأكد لنا يا حميدة أن الحرب.. كر .. وفر ... |
كان لي صديق .. عندما كنت أعرف ما هي الصداقة .. نمارس الفارغة والمقدودة بجدية تتطلب احيان تسجيل بعض الوقائع في كراسة .. كنا .. نحكها.. لحدي ما تجيب الدم ..
ربما .. بقدرة قادر .. أجتر هذه الايام الآن .. ََ!!!
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: حضرت في آخر اللقاء .. كأجراء تكتيكي .. باعثه " قرفي " الشديد من مسرحيات الهم الوطني .. وعنتريات .. " بُص شوف حمو بيعمل إيه " .. |
انت يا حميدة وقت قرفان الموديييك شنو
وبعدين النقة الكتيرة دي كلها وحالتك كمان جيت متأخر
اها يا حبيب
الخلاصة شنو
كركدي وونسة ومحاضرة عن الإعلام الملتزم من د كرار التهامي
وين باقي مشاكل المغتربين
انشاء الله ادوكم وعود جديدة مع كباية كركدي ساقططططة من جيب الغلابة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ahmed haneen)
|
Quote: كركدي وونسة ومحاضرة عن الإعلام الملتزم من د كرار التهامي |
انتو عندكم مشكلة مع الكركدي .. طيب يا حلوين تعالوا بكرة نعمل ليكم برميل .. تستحموا وتشربوا ..
بعدين .. ياخي انا ما شربت والله .. قالوا لي جيب الكركدي بتاعك وتعال .. ومفكر زاتو اخش الغابة .. لانه كدا في تهميش .. لقيتني كيف عليك الله .. !!!
| |
|
|
|
|
|
|
الحمد لله (Re: ود الباوقة)
|
دقر ياعين شايف الحكاية انقلبت ونسة، الحمد لله الناس نفوسها اتطايبت وبطلوا التشنج وبقوا احباب. والله دا المهم يا شباب. لانو قضاياكم دى بقت شائكة جدا ويظهر ما ليها حل. وبمناسبة الكركدى ، عندى واحد صاحبى ممسوخ كدا، كل ما نسابتى يرسلوا لى كركدى وقنفليس(والله غلبتنى أكتبها)يقول لى يازول أعمل حسابك من كركدى وقنقليس ناس أم درمان ديل. ومعزرة لكل الامدرمانيين.
| |
|
|
|
|
|
|
Re: الحمد لله (Re: م. سيد احمد قدورة)
|
والله يا قدورة .. مشكلة أمدرمان ليست في القنقليس والكركدي فقط .. وهي من المثبتات القوية للركلسة في المحطة الوسطي .. ولكن منصات الكتب خلف مبني البوسطة .. وقهوة الصم والبكم في زقاقات السوق .. وسجاير عمنا جورج مشرقي .. ودار الرياضة .. وتلك الامبورية التي كانت تهديني صباحات الورد كلها أمور يجب أن تأخذ حذرك منها .. والا لوجدت نفسك اسير ضل شجرة في واحد من زقاقات الهاشماب او الموردة .. تتصفح جريدة رياضية وترتدي عراقي وسفنجة مقطوعة .. ويمارس فيك أحد صبية الحلة فن تعلم الحلاقة ..
في بداية خريف سنة تمنية وتمانين .. كنا نصحي قبل الديك .. لممارسة هواية الطابونة .. صف العيش .. ملتقى ثقافي رياضي اجتماعي مدني .. ولا أجدع نقابة للعمال .. صاحب الفرن .. هو المسئول الاول .. كمتهم .. وكراعي للبشرية .. جميع المشاكل الكونية تبدي منه .. وتنتهي إليه .. كنا نُحمل الرجل فوق طاقته التي يمنحها له ناس التموين .. ونطالبه بمناقشة أمر كوتة الرغيف .. ووجوب زيادة الغلة .. وأنه اي صاحب الطابونة .. مجحف في حقنا .. ومقصر وحرامي ورمة .. فقرر أنه من يوم غد يا جماعة .. انا ألخ ليكم شوية " مونة " مع الرغيف دا عشان نزيد كوتة الفرد الواحد .. وعملها الراجل ..
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
حميدة لكن وناس خلاص..نحن نقول ليك الهم الوطنى تقوم تقول لى الفرن
وكوتة الرغيف وصف العيش...وين سؤالى عن الزكاة..
يظهر عدوة الونسة دى استشرت ..القنصل يونسنا ..نائب السفير يونسنا..
حميدة يونسنا..الحكومة تونسنا..المعارضة تونسنا...تونسونا تونسونا لحدى
ما نبقى توانسة..ونصل كاس العالم وتغلبنا هولندا ونزعل من هولندا وما
نستورد منهم حليب كانى وفورمست ونشرب الشاى الاحمر بالرغيف من الطابونة
الكنت بتقيف فى صفها وتشاكل واحد فى الصف وتفلقوا بى حجر ويودوه المستشفى
ويمشى يلقى الكهرباء قاطعة من المستشفى ويتوكل يمشى لى بصير يحشيها له
قرض مستورد من ودحسونة ذلك الشيخ الورع نفعنا الله ببركاته..والحكاية لها
بقية اذا مد الله فى الاجآل (دى مسروقة من احمد البراى الطيب بوصفه اجدع وناس
فى الكرة الارضية) اها القصة بتمها ليك فيما بعد..سمح،،،
| |
|
|
|
|
|
|
وتتواصل الونسة (Re: ود الباوقة)
|
يا مـــــــــــــــــوج ما اهو الحكاية بقت ونسة وبينى وبينك من الاول هى ونسة ساكت واحسن لينا نتونس وبلاس نرفع ضغطنا فى الفاضى ياخى.
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: humida)
|
Quote: ينتظر الناس ، اهتماماُ من
السفارة بعدالة مطالبات جموع المغتربين حول هموم كثيرة ، أمثال : موضوع الجالية
وتكوينها العادل ، ومسألة مشروع جامعة المغتربين التى تواجه بالكثير من الإنتقادات
الجادّة بعدم جدواها ، بالإضافة للمواضيع الحسّاسة والأساسية تجاه الضرائب والزكوات |
اخي محمد جودة .. هنا مربط الفرس ...
عند تمكنك باذن الله من حضور الاجتماع القادم ستكون الصورة واضحة لك جليا وكما يقولون من رأى ليس كمن سمع .....
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
فاتني أن أشيد بالاستاذ خالد نائب القنصل والملحق الثقافي حاليا هذا الشاب الهادىء المسكون بحب الوطن احسست انه قريب جدا من همومنا ومشاكلنا ومعاناتنا .. الشاب خالد يمتلك رصيدا ضخما من التهذيب لو تم وضعها ارضالرصفت طريق الانقاذ الغربي وطريق عطبرة بورتسودان وربما طريق بربر العبيدية ابوحمد .. له منا يا أستاذ خالد كامل الاحترام والتقدير ....
ود الباوقة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: فاتني أن أشيد بالاستاذ خالد نائب القنصل والملحق الثقافي حاليا هذا الشاب الهادىء المسكون بحب الوطن احسست انه قريب جدا من همومنا ومشاكلنا ومعاناتنا .. الشاب خالد يمتلك رصيدا ضخما من التهذيب لو تم وضعها ارضالرصفت طريق الانقاذ الغربي وطريق عطبرة بورتسودان وربما طريق بربر العبيدية ابوحمد .. له منا يا أستاذ خالد كامل الاحترام والتقدير ....
ود الباوقة |
ود عمى لاحوله لاقوة زى ما يقول تميس تلج قدر ده مصنع البيرقدار ماكسروا
ياخى انت زول طيب وودناس ..الله يديك قدر نيتك،،،
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
Quote: ربك يستر هس يجيك واحد ناط يقول ود الباوقة بقى مؤتمر وطني |
لا يا ودالباوقة ما مؤتمر وطني وانت الصادق .. لكن ممكن نعتبركـ مهندس التطبيع مع السفاره
القصة اصلو وكت كركدي و ونسة ما تشربوها معاهم في بيوتهم زيها زي اي زياره عاديه ؟؟
عفا الله عن ماسلف قر قر قر قر قر قر
التوقيع ودالعَبيديه
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: خدر)
|
Quote: لا يا ودالباوقة ما مؤتمر وطني وانت الصادق .. لكن ممكن نعتبركـ مهندس التطبيع مع السفاره |
الاخ خدر .. ود العبيدية .. السفارة يدخلها يوميا عشرات السودانيين وابشرك بأن التطبيع امر مكتوب علينا رضينا ام ابينا ...
ود الباوقة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
Quote: ود عمى لاحوله لاقوة زى ما يقول تميس تلج قدر ده مصنع البيرقدار ماكسروا |
العم ود الموج .. احساس الانسان الداخلي لا يعلمه الا علام الغيوب .. الرجل لا احتاجه في شيء وهو ايضا لا حاجة له بي .. اذا افترضنا أن نصف عائلتي مؤتمر وطني هل معنى ذلك انهم سيئون وانني يجب على مقاطعتهم . وهم بنفس القدر لا يرونني منهم فهل المعادلة هي بنفس الفرضية التي تميل اليها وتسعي لتمريرها عبر اكبر عدد من الموجودين .. عمي العزيز السودان يسعنا جميعا بمختلف ايدولوجياتنا وكفى الله المؤمنين شر القتال ...
ود الباوقة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
الدنيا ونعيما بزهورا وثمارا وكرديها وشمارة ووكلاما الكبارة في يوم السفارة
يا ريس ود الباوقة .. لا هسي ما عرفنا شي عن الاجتماع غير الكركدي..
ما تقول لي المرة الجاية تعال براك عشان تعرف الحصل شنو!! بقوم احكي ليك نكتة عمنا الشما الخرطوم وناس اللجنة هناك سألوه قالو ليهو أها امبارح اجتمعتو في البلد؟ قال ليهم ايوة قالو ليهو .. اها الجماعة قالو شنو..؟؟ قال ليهم .. والله قالو ما قالو.. وفي النهاية اعترف انو كان نايم .. لأنو الاجتماع بيعملو في القوز والرملة بااااااردة.. فياخي الجماعة قالو شنو؟؟
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: صديق الموج)
|
Quote: (وما يلقاها الا الذين صبروا وما يلقاها الا كل ذو حظ عظيم .. صدق الله العظيم ..)
|
اعوذ بالله ان اكون من المنافقين والمنتفعين برضوا يا ود الباوقة ماحايعفوك من الضرائب هي سفارة الجن دي غير لطيشنا عندها شنو . جاري الاتفاق علي سحب اسم ود الباوقة منك
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
وليد سلامات
يا حبيب ود الباوقة قبض مقدما قبل الكركدي وتم اعفاءه من الضرائب بطريقة شخصية جدا ولم يدفع ريالا وذلك اثناء سفرته الأخيرة في اغسطس الماضي
المصيبة بعد ما شرب الكركدي قام يكسر التلج
فلان مهذب وفلان ود ناس وعلان وناس
يا ود الباوقة اطالب بسحب رئاسة لجنة بورداب الرياض من واحد ببيع تلج وايضا ثمن زمته كباية كركدي
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: (وما يلقاها الا الذين صبروا وما يلقاها الا كل ذو حظ عظيم .. صدق الله العظيم ..) |
أعتقد الآية الصحيحة هي وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ (35) والتي وردت في سورة فصلت الآية رقم 35 الجزء الرابع والعشرين
ملحوظة أنا لي هسع ما قريت البوست لأن الآية إستوقفتني من البداية ولكني أعدك بأن أقرأ البوست والذي يبدو أنه ظريف وخاصة أن فيه صديقي الجميل صديق الموج
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: بدرالدين شنا)
|
Quote: ملحوظة أنا لي هسع ما قريت البوست لأن الآية إستوقفتني من البداية ولكني أعدك بأن أقرأ البوست والذي يبدو أنه ظريف وخاصة أن فيه صديقي الجميل صديق الموج |
اخونا بدرالدين . شكرا على الطلة السمحة ومن قبلها شكرا على تصحيح الآية ( اللهم لا تؤاخذنا ان نسينا او أخطأنا ) صدق الله العظيم ..
صديق الموج فعلا رجل ظريف ودمه خفيف .. وانا قالو لي سافر ...
ود الباوقة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
ود الباوقة
افتكر انّو ما فضـَل لينا بعد دا إلآ نقول بلسانكم :
شـَـبَـكنا السـّفارة !! وبقينا قرااااايب ! حباااايب !!
--- بس أوعى بالك ! الرَّك على إعفاء الضّرائب ! والزكائب والحقائب
===
الفوق دا تخريمات ساي ،، خلـّونا في الجّد ..
سنعتبر هذه الجلسة الشمباتية ، عربون نيفاشي مع القنصلية فالذي لدينا عند القنصلية أكبر من ان نتحارد عليه او نخشي وصمة التطبيع
**
ياودالباوقة ، إنتَ سندويتشات كافتيريا القنصلية ألآت الفول الكُبار كُبار ديلك ، ما نوّموكم بيهن ؟ ..
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
الحبيب ود الباوقة سلامي وإحترامي مش قلت ليك بقراهو؟؟؟ أها قريتو كلو وشربت شاهيهو المنعنع وكركديهو لكن القهوة ما شربتها عشان بتعمل لي الحيرقان
Quote: تونسونا تونسونا لحدى ما نبقى توانسة.. |
لو سمحت ممكن أكلم سعد الله ونَّوس؟؟؟ وإنت يا موج خير ونيس
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: بدرالدين شنا)
|
Quote: لو سمحت ممكن أكلم سعد الله ونَّوس؟؟؟ وإنت يا موج خير ونيس |
بدرالدين شنا .. خد راحتك .. كلم سعد الله واخوه عبدالله وما تنسى فرج الله ..يشهد الله اولاد ونوس ديل عندهم معزة خاصة عندي بالذات عبد الحكم الصغيرون ..
الموج خير ونيس من زمن( ابوكديس ) ما قلت يا بدر الا الحق ...
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
الغالي ود الباوقة
المهذب شديد جدا .............. حميدة
المشهد كان مروع
الانسجام التناسق
في تلك اللحظة تناسينا عن كل شي واتفقنا على أن يكون في هذا القاء
تناسينا عن خلافاتنا عن مذاهبنا الفكرية حتى عن اسفافنا
وتعانقنا ...... كتعانق كل سوداني أصيل
وستتواصل اللقاءات وشرب الكركدي والتعانق
وحنوصل انشاء الله
ان نكون شئ رقما في خضم هذا المليون ميل
مش معانا ود الباوقة وحميدة وتمبز ووراق وعبد القادر وهمام وغريبة
وكل النسيج وكل الوان الطيف حنوصل الى التلاقي
همسة لود الباوقة
اريحتك البسيطة جعلتني اشعر في ذلك الاجتماع بالكثير من الراحة
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ahmed haneen)
|
Quote: فاتني أن أشيد بالاستاذ خالد نائب القنصل والملحق الثقافي حاليا هذا الشاب الهادىء المسكون بحب الوطن احسست انه قريب جدا من همومنا ومشاكلنا ومعاناتنا .. الشاب خالد يمتلك رصيدا ضخما من التهذيب لو تم وضعها ارضالرصفت طريق الانقاذ الغربي وطريق عطبرة بورتسودان وربما طريق بربر العبيدية ابوحمد .. له منا يا أستاذ خالد كامل الاحترام والتقدير ....
|
سبحان الله اهلنا في الباوقة مشهورين بالشجاعة لكن الظاهر الشغلانة قلبت ودايرين يبقوا مشهورين بالاشادات والله يا ود الباوقة مش لو اشدت بنائب القنصل لو شنو داك برضو حايمشي للمحاسب ويقول ليهو الطير ديل ما تنقص ليهم هللة .
| |
|
|
|
|
|
|
Re: حبيبي آه .. قلبي تاه .. في يوم السفارة ... (Re: ود الباوقة)
|
Quote: عمي ود الموج .. لا مفر من ركوب القطر . اركب وتوكل وسيب الزعل ... |
ود الباوقة وحات خوتك الاحسن من السفارة زاتها انا ما زعلان وبركب القطر لمن يكونوا
السواقين قوميين ...ولما ما يركب غريبة وهمام درجة اولى ونسطح انا وود الباوقة ولما
ولما.. ولما ...بلا لمة،،،،
| |
|
|
|
|
|
|
|