|
الأخ أنور أحمد ..عريسا .. والحنة يوم 10 ديسمبر!
|
أولا نتقدم بالتهنئة الحارة للأخ أنور أحمد بمناسبة الزواج ونتمنى له سفرا وزواجا وعودا حميدا ويسعدنا أن ندعو الجميع لحضور حفل الحنة الذى يقام للأخ أنور بمدينة ريشموند بفرجينيا يوم السبت الموافق 10 ديسمبر قبل سفره للسودان يوم 16 ديسمبر ونخص بالدعوة بورداب نورث فيرجينيا وميريلاند ومنطقة واشنطن عموما وعقبال العزابة
|
|
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: Mamoun Zain)
|
استاذنا مامون محمد زين اسعدني كثيرا ان أري الدعوة فلك التحيه. عند الزواج سوف اقدم دعوة لكل اساتذه كلية الاقتصاد في جامعة الجزيرة و حتما سوف نفتقدك !
الاستاذ كمال عباس الاستاذ إسماعيل التاج
دكتور محمد عيد الله
دكتورة مهيرة
الصديق محمد عبدالرحمن
دامت بيوتكم عامرة بالأفراح
والدعوه عامه للجميع وهذا البوست بطاقة دعوة
و أرجوا من الله عز وجل أن يوفقني لكل ماهو خير لي في ديني ودنياي
ودمتم
أنور أحمد
| |
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: Mayada)
|
الأخوة والأخوات الكرام لكم الشكر جميعاعلى المداخلات والتحية والتقدير على تبريكاتكم وتمنياتكم للأخ العريس أنور.. وعقبال العايزين ..
طبعا ياست البنات أقنعت المدام أنك لم تقصدى شئ عندما قلت لى عقبالك ، بدليل أنك قلت أو عقبال أولادك !!! لكن "بينى وبينك" أتكيفت من كلمة عقبالك دى .. وما بخلى المدام تقرأ معاى البوست تانى .. ما تخافى!! الأخ اسماعيل التاج تحياتى الخالصة وياريت تلفون العريس عبد السلام الموبايل. الأخ على الحلاوى وييييييييييييييين انت؟ منتظرين مشاركاتك فى حلاوين دوت نت. الأخت منى خوجلى .. تحياتى و تعازى فى وفاة الوالد .. كنت قد بعثت لك تعزية فى البوست .. وبلغى تعازىّ للأخت ماجدة . ومبروك الزواج
| |
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: Agab Alfaya)
|
تحياتي، إلى كل الأحباب والأصدقاء
محمدين محمد اسحق
الشريف
ابراهيم بقال سراج
مياده
عبدالرحمن عزّاز
عوض أحمد الطيب
السماني تحياتي يا رجل، وين انت! سعيد بان اسمع أخبار العريس علي بشير، و من هنا برسل سلامي وتبريكاتي له عبرك، كون بخير.
أستاذ عجب الفيا
أريتكم طيّبين، و تحيات قلبية لكم
أنور أحمد
| |
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: Deng)
|
عم انــــــــــــــــــــــــــــــــــــــــــــــور ياخي والله دا فرح ما عادي البوست دا كان وين ياخي الايام الفاتت شكله ما جديد وانا ما شفته دا اجمل خبر اسمعه واقرأ من صباح الرحمن ما تتخيل يا انور يا جميل فرحت ليك قدر ايه ربنا يوفقك ان شاء الله في كل خطواك يا صاحب النية الناصعة والقلب الكبير وان شاء الله يتم علي خير وبيت مال وعيال تغلبها بالمال وتغلبك بالعيال والله الواحد حاسي انه مفروض يحتو قرض في البوست دا
| |
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: Mamoun Zain)
|
المرة الفاتت كنت غايبة جيت راجعه افتش فى بوست انور احمد بتاع الماجستير عشان اهنيهو ...وانتظرتو لمن قلع ..
نفس الحكاية حسة ...احاحى للبوست ده لى ساعه عشان اقول لانور بيت مال وعيال...
اها من حسة يا جماعه زول يربط لى لى بوست انور بتاع الولد البكر لانى ياخوانى مشغولة وعندى وليدات فى المدارس وايدى واحده وكده..
هههههههه
الف مبروك انور....والعروسه وبيت مال .........................
وعيال
| |
|
|
|
|
|
|
Re: الأخ أنور أحمد ..عريسا .. والحنة يوم 10 ديسمبر! (Re: bint_alahfad)
|
Quote: أولا نتقدم بالتهنئة الحارة للأخ أنور أحمد بمناسبة الزواج ونتمنى له سفرا وزواجا وعودا حميدا ويسعدنا أن ندعو الجميع لحضور حفل الحنة الذى يقام للأخ أنور بمدينة ريشموند بفرجينيا يوم السبت الموافق 10 ديسمبر |
التهنئه موصوله للأخ أنور أحمد ,والحنه مبروكة وإن شاء الله بيت مال وعيال .
| |
|
|
|
|
|
|
|