• قبل فترة وفى موقع المشاهير فوجئت بهجوم ضارى من قِبل احد كبار منافقين الإنترنت يتهمنى فية بالتناقض!!
• بالله عليكم إقرأوا نوع التناقض الذى اكتشفها هذا الدعى بعد جهد يتوافق مع إمكانياتة العلمية الضعيفة جداً وإمكانياته العقلية الاكثر ضعفاً.
• فقد نصبني ملك للتناقضات على كافة المنتديات لهذا وجب على تفنيد إدعاءاته والاحتفاظ بلقب (الملك) وإعادة لقب التناقضات لعدم تناسبة ومقاساتى وقياساتى كلها.
• والعجب العجاب ان التناقض الذى هاجمنى على اساسه لايعدو كونة تاكيد على عدم التناقض!!
فاي غباء هذا!!
• اولاً لتثبيت بعض الحقائق حري بنا القول انه أن تتعرض لهجوم من( منافق خائن للامانة) هذا لعمري (شرف وقلادة ووسام من الطبقه الاولى) لهذا ساشير اليه فى مايلى من حديث بالمنافق.
• وأن يصفك منافق بالتناقض فهذه (شهادة اكبر من الاولى) ، ولنا فى سيرة السلف الصالح خير عبرة ومثال.
• قد يسال سائل منكم او شخص ليس له خلفية عن الامر الذى اجبرنى على كتابة هذا الموضوع عن لماذا اجروء على اتهام هذا الشخص بالنفاق!!
• وقد ياتي احد انصار نظريه المهادنة ليلقى بعض المواعظ الجميلة عن الخلاف وادب الخلاف(دون علم بالموضوع وتداعياته)!! لهؤولاء اقول عليكم بالمشاهدة او الابتعاد فالموضوع كبير.
• علماً بان هناك الكثيرين ايضاً من رواد المنتديات المختلفه قد علموا مقصدي واي شخص عنيت.
• والنفاق الذى اتحدث عنة مُثبت وبالادلة وحتى المتهم الذى لم يكن برئ ابداً لاقبلها ولابعدها لم يستطع إنكار التهمة او توضيح لماذا فعل فعلتة القبيحة او على الاقل لم يجرؤ وقتها على توضيح لماذا اوقف اقلام عن الكتابة فى منتدى يفترض ان يكون فية جامع لكل الاقلام وبمختلف الوانها!!!
• فعل فعلته الغير كريمه التى لاتشبه مايدعيه كمن يفعل الخطيئة ويخاف ان تبين عليه علاماتها ويمعن فى إخفائها ليس بدافع الستره بل إمعاناً واستغراقاً فى الذنب!!
• والحادثة ليست ببعيدة عن الاذهان..وهى أن نفس الشخص كُلف بامانة الاشراف على منتدى ذلك الموقع بعض ان ظنوا فية الخير!!
• نعم خيانة للامانة بشكلها الواضح ترتب عليها انتزاع صفة الاشراف عنه وإعادة الموقوفين.
لماذا العجب يا رأس النفاق؟؟
• فانا انسان عادى فلا تناقض إلا فى مخيلتك المريضة فانا واعوذ بالله منها كلمة تستوجب التعوذ انسان عادى ودليلى قولك!! • • فانا اسب والعن وارجع واستغفر فاين التناقض!!
• ولاثبات انى شخص عادى ايضاً تجدنى افتخر باشياء تدعو للافتخار ومنها قومى وهم مدعاة للافتخار فلماذا يغيظك قولى.
• ودليل اخر لبؤسك ظننته تناقض وهو دليل على طبيعة تكوينى وهو انا امارس الرياضة ولكنى ايضاً امرض فاين التناقض (ياللغباء) هل كنت تتوقع انى من الاجسام النورانيه(يالبؤسك)
• واحد الادلة ايضاً وليس اخرها هو انى انتمى لقبائل ولبيتين واُسرتين إن كان احدهم اخرج التجانى يوسف بشير فقط لكفى..وإن كان الاخر اخرج مكى فقط لكفى فاين موقعك من الصحراء وكيف تسير امور التهريب معكم وما هو إسهامكم الادبى او الاقتصادى فى بلد لم تنتموا اليه يوماً
• عليك تعى امر فى غاية الاهميه وهو أني كفيل برد كيد المنافقين ومن والاهم ، حتى ولو اجتمعوا تحت جراج او سقيفة فهم اوهن من أن يخدشوا قلمى.
• التاريخ اكبر شاهد على مافعلة المنافق الذى خان الامانة بليل وطار(كـــــالوطاويط) ، والتاريخ سيظل ايضاً شاهد على كل مواقف الوضاعة التى وجدها فية الاخرين.
• وقد اليت على نفسى ان اعري شخصيته حتى ولو استغرق منى ذلك ماتبقى من وقتى الغالى جداً.
• لما سبق وجب توضيح بعض الاشياء اهمها لماذا يستهدف امثالهم شخصى..
• نعم المنتديات شي حديث بعض الشي ما أن ظهرت حتى تزامن مع ظهورها ظهور بعض الشخصيات معقدة التركيب التى وجدت لها متنفس فى المنتديات حيث تكون المواجهه وتبادل الاراء والافكار وتكوينها من وراء حجاب.
• حجاب يخفى وراءة كل معالم شخصية المحاور بكل عيوبها لدرجة أن بعض هؤولاء ومن شدة تمرسهم على الكذب وممارسة النفاق تتكون لديهم شخصيات منفصمة تماماً عن الشخصية الاساسية.
• افظع مافى الموضوع ان كثيرون من الانقياء والبسطاء لصدقهم وتصديقهم لظواهر الامور تنطلى عليهم هذه الحيلة فينقادوا دون وعى وراء اراءهم انقياد تام بتسليم ورضاء...ومع مرور الايام قد تتكشف لهم الحقائق!! وإن تكشفت يكون قد فات الآوان لتصحيح مسار الامور.
• عن نفسى ومنذ نعومة اصابعى والتى تحولت مع مرور الايام لمخالب لاتتردد فى نهش كل المنافقين اختطيت لنفسى نهج واضح وهو محاربة مزدوجى الشخصيات والمنافقين وتلك الشخصيات التى تظهر خلاف ماتبطن لعلمى بشرِها الذى إن لم يطالك حالاً فهو لامحالة طائلك فى خلال تعاملك معها فى يوم من الايام.
• اعلم ان الكثيرين قد خدعوا انفسهم بنظرية بائسة قوامها أن تساير كل نوع من البشر!!وهى لعمرى من اكثر النظريات هدماً للمبادئ!! فكيف يستقيم لشخص سوي صحيح سليم العقل خالٍ من العقد ان يجارى منافق او متسلق او ذو غرض او مرض!! وكيف يضمن سلامتة؟؟
• فمن غير المعقول ان تخرج من مثل هذه التجارب وانت غير مكتسب لعيب. فعشرتهم مصيبة ومجاراتهم اكبر المصائب ولكن كما اسلفت بعضهم متقمص للشخصية الزائفة لدرجة بعيدة حتى ان الفطِن كثير الحذر قد ينخدع ايضاً ويصدق الاعيبهم.
• ومن هم مثلهم لايمكن أن يتغير بل ان الإدعاء بامكانية تغيرهم هو ضرب من ضروب الخيال.
• لان كل النظريات العلمية اثبتت وبالادلة ان السلوك هو شي يغرس فى سنين تكوين الشخصية الاولى وهى تحديداً مابين الثالثة والثالثة عشر..فلا يعقل ان ياتى اى انسان ويدعى انه من الممكن اصلاح مالايمكن اصلاحة.
مايهمنى فى الموضوع
• اما موضوعى الاساسي هو كيف ان من توهمت انهم اقرب اليك من نفسك يكونوا اول من تنطلى عليهم حيل اليهود وتجدهم فى لمح البصر بصموا بكل اصابع ايديهم وارجلهم مؤيدين للنفاق.
• كيف فات عليهم(وانا هنا اقصد من حسبتهم معى فى نفس الخندق) او على فطنتهم التى يدعون ان الاستهداف كان يمس الرؤس فقط وكيف فاتهم ملاحظة الراحة التى تبين على قسماتهم البائسة بعد النجاح فى إقصاء الاقلام التى ظلت تؤرق مضاجعهم..ولا داعى لذكر امثلة فهناك منها الكثير.
• عن نفسى لن افكر يوم ولا حتى وانا غائب عن وعي فى ان اهادن شخص سي سلوك ومنافق او دعي فوفروا على انفسكم المواعظ والخطب ومارسوا كل انواع الرياء بعيداً عنى.
• من راقه خطى الذى انتهجته فهو منى وانا منه انصرة ظالماً او مظلوماً ومن ظن انه من الدهاء بحيث انه يمكن مجاراة كل الاساليب النفاقية فله مايريد ولكن علية الابتعاد بعيداً عنى فبمثله لا احفل.
• واللذين جعلوا من المنتديات وتكوين العلاقات تمضية للوقت أن يعلموا تماماً انى لا اعتبرها كذلك واحرص تماماً فيها على الاستماتة فى مبادئي غرست فى عقلى وقلبى عميقاً.. من ضمنها الدفاع عن إنتماء رياضى اعتز به كثيراً ومستعد تماماً ان الاقى فية ما الاقى(واعنى تماماً ما اقول)
• وايضاً اعلم ان هناك من الفريقين من قد يستغرب مثل هذه الفكرة لسطحية علاقاتهم مع الإنتماء وانا اعذرهم فهم فى وادٍ اخر غير واد العشاق الذى اعيش فية.
• لم يتذوقوا طعم حلاوة ممارسة العشق فيه، ولم يتبتلوا فى محرابه كما فعلنا فهم ابعد كثيراً من هذا لذا تجدهم غير مبالين بما يحيق بنا من ظلم ولا يضيرهم بل لن يترددوا فى توزيع اشلاء جثثنا ويغنموها.
• ياللاسف.
11-14-2005, 00:53 AM
abookyassarra
abookyassarra
تاريخ التسجيل: 02-11-2002
مجموع المشاركات: 789
الأخ / سامى خارج إطار الموضوع ( دا ) عاوز أقول ليك أنا وعلى مدى مداوماتى فى كل المنتديات من سنة 96 تقريبا وللآن لم أجد مقالاً هزنى ( وأعتقد ) هزنا جميعا بروعته وجمال سرده وإستخرج كل ما كان مخبوءا فى دواخلنا من حنين لذكريات إستودعناها أمكنة وأزمنة متفرقة كما فى مقالك بتاع رحلة الهند الأولى .. عشان كده أطمع فى أن تخرج ذلك الأديب من داخلك وتتحفنا بما نحن محتاجون له فعلاً .. وعليه تجاوز مادون ذلك مع محبتى
11-14-2005, 01:14 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
انا شــــاكر جداً للإطراء الجميل مع وعد بالمواصـــلة وقد كان فى نيتى فعلاً ان اقطع بذكرياتى شوط طويــــــــل فى فترة مابين العيدين.
ولكن للاسف هناك من لايروقة ذلك.
هل تعلم ان نفس الشخص الذى اتحدث عنة اصاب حديث الذكريات برشاش قولة
هاك ماقال.
عن سردى لقصة الدولارات المخباءه فى الحذاء.
قال (ويخبرنا عن تدميره للاقتصاد بتهريبة لمبلغ مائة دولار فى حذائة!! وكان حذائة صرافة متنقلة)
ألا يعلم كيف كان يعانى الطالب لاخراج هذه الدولارات فى ذلك الوقت لتقية شر اشياء كثيرة اكثر تدميراً لسمعة السودان وهى التسول فى الغربة؟؟؟ (وهو بالتهريب خبير ولا داعى لذكر تفاصيل)
ساتجاوز هذا اعِدك لكن وجب على الرد.
مع فائق احترامى لكلماتك التى اخجلتنى.
11-14-2005, 01:27 AM
حمزاوي
حمزاوي
تاريخ التسجيل: 10-10-2002
مجموع المشاركات: 11622
Quote: واللذين جعلوا من المنتديات وتكوين العلاقات تمضية للوقت أن يعلموا تماماً انى لا اعتبرها كذلك واحرص تماماً فيها على الاستماتة فى مبادئي غرست فى عقلى وقلبى عميقاً.. من ضمنها الدفاع عن إنتماء رياضى اعتز به كثيراً ومستعد تماماً ان الاقى فية ما الاقى(واعنى تماماً ما اقول)• وايضاً اعلم ان هناك من الفريقين من قد يستغرب مثل هذه الفكرة لسطحية علاقاتهم مع الإنتماء وانا اعذرهم فهم فى وادٍ اخر غير واد العشاق الذى اعيش فية.
• لم يتذوقوا طعم حلاوة ممارسة العشق فيه، ولم يتبتلوا فى محرابه كما فعلنا فهم ابعد كثيراً من هذا لذا تجدهم غير مبالين بما يحيق بنا من ظلم ولا يضيرهم بل لن يترددوا فى توزيع اشلاء جثثنا ويغنموها.
طبعاً مع إختلاف الواننا الرياضية يا جميل ..
تخريمة : مع إني ما فاهم الموضوع بصراحة لأني لست من رواد كثير من المنتديات ولكن يبدو أن الشديد القوي هو ما دفعك للإنفعال بهذا الشكل .. فضفض يا مان ..
بس يا ريت وإنت بتفضفض توقع لينا الكلام أكتر لأنو بي الجد كده انا غلبني أفهم الحاصل ..
11-14-2005, 01:39 AM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
ما عايز ألطف ليك جوك المعكنن ده لكن أسوي شنو لازم أرد ..
Quote: ود الفاروق سلام بلغارى.
بلغاري شنو يا مان ..أنا أمبارح متابع في نشرة الأخبار جابو الفريق البلغاري لاعب مباراة في لاتفيا ولا وين ما عارف !!! قلت معقولة البلغاريين ديل إستنسخوهم ولا شنو ؟؟ إكتشفت إنو الفريق البيلاعبكم ما البلغاري الرئيسي ولا حق الشباب زاتو .. ده بيكون فريق رابطة أبناء بلغاريا بالجامعات والمعاهد العليا !!!
Quote: تعرف ناس سلاح الموسيقى فى مباراة المريخ والمنتخب البلغارى اتضح انهم مــــا حافظين السلام وقعدوا يبرفوا لحدى مالكورة بدت!!
والله طمنتني لأنو كنت خايفك تقول لحدي ما الكورة إنتهت
11-14-2005, 03:07 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
انا لي ايام بضحك من الجماعة قالوا زعلانين من عدم تلفزة مباراتهم يازول الناس ديل زودوها حبتين هم فاكرين نفسهم مريخ السودان ولاشنو الناس ديل رصيدهم شنو عشان يتلفزوا ليهم هم ولاحرس الحدود دا زي اولادهم ناس شمبات والخرطوم ثلاثة بعدين على شنو على رصيدهم المصفر من الكاسات الخارجية ولا على هزائمهم السداسية والخماسية والرباعية ياخي ناس الartديل ذاتهم بكون خايفين من الفضائح انا اتلفز لي مباراة يجي فيها ست وسبعة اهداف دي بتقلل من البطوله تبقى زي كورة الدافوري من جانب واحد كفاية بكونوا نادمين على مباراة الترجي لحدي الان وهلمجرا واذا عادو عدنا
11-15-2005, 05:30 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: انا لي ايام بضحك من الجماعة قالوا زعلانين من عدم تلفزة مباراتهم يازول الناس ديل زودوها حبتين هم فاكرين نفسهم مريخ السودان
والله يا كيجا أكضب عليك !!!!! انا زي قوة عينك دي بي الجد ما لاقاني !!!!!!!! أكيد نحن ما زي المريخ لأنو المريخ طار من الأدوار التمهيدية !!! عارف يعني شنو تمهيدي؟؟؟ يعني سنة روضة كورة !!!!! يعني لسة ألف باء تاء ثاء زاتا ما دخلتوها بس حدكم يحشو ليكم شندوتش المربى وتلبسوا المريلة ويفسحوكم ويجيبوكم وبس !!!! الهلال وصل لي أدوار متقدمة وإتجاوز مرحلتكم دي زمااااااااااااااان وأسة بيفكر في دور الثمانية إن شاء الله !!!!!!!! بالمناسبة سؤال صغيييير كده !!! ناس Art تلفزو كورة المريخ ومولودية وهران الكانت في الخرطوم ؟؟؟؟؟ أسة يا كيجا حا تنتظرو لحدددددددددددددددددي الموسم الجاي عشان تلعبوا بطولة !!! ومش تنتظروا ساي لالالالالالا تنتظروا الهلال عشان يحدد ليكم تلعبوا ولا لأ وطبعاً في كأس الإتحاد الأفريقي وبس لأنو كأس الأندية الأفريقية حق الرجال ..والراجل خلاص حجز موقعو..
11-15-2005, 07:04 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
ياخي ماتخليك زي اخوك تاج السر وبطل المجادلة معانا لانك مابقدر علينا نحن اسياد البلد بعدين انتو مابتطلعوا من التمهيدي قاعدين تمشوا وين غير الستات والخمسات بتجيبوا شنو جبتو لينا كاس رفع راسنا ولا راس جمهوركم عملت لينا شنو غير الفضائح بعدين انتو مع حرس الحدود ماطلعتو المصرين رجعوا والنتيجة في جيبهم كفاية انبي من قبل هسع عليك الله عشمان بصعود بعدين نحن كان بنلاقي زي لكصر الموريتاني كدا لعبنا ناس امجد عبدالكبير الاولاد الصغار ديل وصعدنا من بيوتنا
ياخي اخجل هلال شنو البتدافع عنه وهلال شنو البتقول مابطلع من التمهيدي الصومال موريتانيا اثيويبا طلع هذه الفرق بالخارج وقول لي ماطلعت من التمهيدي ياما وصلنا دوري الـ16 ويما حققنا انجازات عمركم مابتحققوا نصها
تمهيدي قال هاك لكصر الموريتاني دا امانه في زمتك سمعت بالفريق دا من قبل
نحن بالستات والخماسيات البتجبوها لينا دي احسن نطلع من التمهيدي الله مايقدمنا عشان مانجيب العار للسودان فضيحة مباراة الترجي نحن المريخاب وجعتنا ودخلتنا في فضائح مع الاجانب ماقدرنا نرد عليهم نقول شنو اصلو الهلال عملها كتير وكتروها بقت هزائم (مخدرات) هسع عليك الله سمعت بلاعب مريخي سقط في الفحص الطبي
ديل اسياد البلد ديل ابطال البلد
وفوق فوق مريخنا فوق ياعم عمر
ابومصطفى
11-16-2005, 00:43 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
يا أبو مصطفى : يا حليلك بقيت تهضرب !!!!!!!! كدي قول بسم الله وروووق المنقة وتعال وريني جنس الكلام ده !!!!
Quote: نحن بالستات والخماسيات البتجبوها لينا دي احسن نطلع من التمهيدي الله مايقدمنا عشان مانجيب العار للسودان
يا راااااااااااااااااااجل !!!!!!!!!!!!!!! بتعرف الأهلي المصري ؟؟؟؟ بتعرف الجبل الأخضر ؟؟؟؟؟ ياخ لو مشيت هناك والله إحتمال تلقى حبني لحدي أسة ساكي الريان عشان يلحقو!!!!! بتعرف الفريق اليمني الجبتو منو النونو زمان !!!!!!!؟؟؟ أها دي الخمسات والستات الإنتو ما بتجيبو لينا بيها العار أصلها خمسات وستات محصنة !!!
لالالالا أطمنك من ناحية ما بتقدروا علي دي !!! والفورة مليون طالما اليد العليا خير وأحب من اليد السفلى !!!!!
Quote: بعدين نحن كان بنلاقي زي لكصر الموريتاني كدا لعبنا ناس امجد عبدالكبير الاولاد الصغار ديل وصعدنا من بيوتنا
الغريبة وسبحان الله في دور ال32 السنة الفااااااااااااااتت دي لاقينا ومن قولة تيت الأهلي المصري عقدتكم ومن قولة تيت وديناهو الشارع ومن جووووووووة بلدو !!!!! عليييييك الله وريني من ما عملو السودان ده وأسسنا الإتحاد الأفريقي وريني بتين فزنا علي فريق مصري كبير أو منتخب مصر جوووووووة بلدو وداخل إستادو ؟؟؟؟؟؟؟ قال أمجد عبد الكبير قال ياخوي أمشو جيبو أخوهو الكبير زاتو من فريق العباسية بس ما يتشابه عليكم البقر وتقوم تقول عايز معتز عبد الكبير..
Quote: بعدين انتو مع حرس الحدود ماطلعتو المصرين رجعوا والنتيجة
لا يامان مافي جيبهم وإن شاء الله الكورة حقتنا ... وبعدين الفوز على المصريين ما جديد علينا وعلى الأقل جوووووة إستادنا ما بنتغلب ولو متذكر أخر مرة الهلال فاز عليهو فريق مصري بتين جوة إستادو كلمني !!! بس انا بتذكر محمد رمضان العجوز غلبكم جوة إستادكم 2- صفر !!!! وبعدين ما جاوبتني أخر كأس جبتوهو بي الطيارة كان سنة كم ؟؟؟؟؟؟؟؟؟؟؟؟؟؟ إنت بتتكلم عن 20 سنة لي ورا يا بريش ..أصحى !!!!!!!
تخريمة : سؤال بريئ وعليك الله عايز إجابة حقيقية وبدون لف ودوران .. في بطولة الرجال (كأس الأندية الأفريقية) أحسن ترتيب وصلتو ليهو الكم وسنة كم ؟؟؟؟ وعليك الله هل قريب ده في بطولة الرجال قدرتو تقطعو دور ال32 ناهيك عن ال16 !!!!!!؟؟؟
قال أسياد البلد قال .. وقال رجال البلد قال .. رجال البلد قاعدين وليهم 3 سنوات بيلعبوا في بطولة الرجال تاركين ليكم فتات البطولات بعد ما يوافقوا هم ..وياريتو كان بي فايدة !!!
11-16-2005, 00:55 AM
keiga2000
keiga2000
تاريخ التسجيل: 05-11-2002
مجموع المشاركات: 4119
صلاح ادريس وجماعته كايسين لعنتر نجم التسجيلات كدي كوس مع الجماعة يمكن تلقاه وراصدين مبلغ 25 مليون لمن يجده انت اصلوا عمركم مابتقتنعوا بالنتيجة وبتزيفوا الحقائق المريخ بطل في دولابو اكثر من 5 كاسات خارجية او قارية نحن ذاتو بقينا ننساهم ولو ماخليتو حقدكم دا عمركم مابتقدموا وشوفوا كان قروش صلاح ادريس دا بتقدمك ونتيجة شنو الضامنها الجماعه هسع بدربوا للدور البعدوا خلاص خلصوا (الماتش) من السودان انتو قايلين قونكم الصدفه دا بنفعكم
ياخي ماتفوتك الجائزة المليونية دي احسن ليك خلي الكلام الكتير تاريخ المريخ نحن اسياد البلد البنعرفوا والجبل الاخضر دي نحن انهزمنا من الاهلي بطل افريقيا وراسنا مرفوع لكن انتو الخمسه اخذتوها من المقاولون العرب والترجى والهلال السعودي وعوووووووووووووووووووووك دا غير الطرد وسوء السلوك و(مخدرات) كمان الجماعة قايلين الكاسات الخارجية بيجبوها الاساليب دي (امشوا معسكر في ) اظبطوا روؤس الجماعة وتعالوا يمكن تشيلوا كاس خارجي لدولابكم الفاضي دا
11-16-2005, 01:24 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
يا كيجا: بالله عليك عنتر!!!!!!!!!!!!!!!!!!!!! ياخ سجلوا معاهو عبلة زااااااااتا وجيبو معاهم شيبوب بعد ما فشل ديوب.. وبرررررررررضو ما بيحلكم !!!!!!!!! عنتر كان بيحل كان حل خماسية الهلال والمريخ (ما تقول لي جاب القون!!1) وبعدين صدقني الهلال ما محتاج لا لي عنتر ولا عطيل ولا أمرؤ القيس زاتو ..
Quote: نحن انهزمنا من الاهلي بطل افريقيا وراسنا مرفوع لكن انتو الخمسه اخذتوها من المقاولون العرب والترجى والهلال السعودي وعوووووووووووووووووووووك
معقولة !!!!!!!!!!!!!!!!!!!!!!!! ده العزر الأقبح من الذنب .. طيب النجاريك في كلامك الكعب ده ونبقا زيك ياخ الترجي ده بطل كمبو قرادة ؟؟؟؟ ما برضو بطل أفريقيا ... وكان جيت للمقاولون المباراة ودية وجربنا فيها كل اللعيبة !!! بقيتوا حتى تترصدونا في الودي؟؟؟؟ وكان للهلال السعودي ما بتذكر الخمسات والستات دي كدي ذكرني إنت !!!! بس البتزكروا إنو نحن غلبناهم في مصر أيام الرحوم والي الدين ..أو زي ما بنقول أيام كانت الكورة مدووووووووووورة مدووووووووووورة مدووووووووووورة ..!!! وبعدين كل الفرق الإنت ذكرتها دي الهلال فاز عليها الترجي 3 والأهلي جوة بلدو والهلال في مصر .. أها كيف ليك !!!!!! إنت سجلك مع الفرق دي شنو ؟؟؟؟؟ والفرق دي تحديداً عشان ما تجي تقول لي سيك وميك .. وأشعلت النار يا عمار ..
11-16-2005, 01:07 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
Quote: لا يامان مافي جيبهم وإن شاء الله الكورة حقتنا ... وبعدين الفوز على المصريين ما جديد علينا وعلى الأقل جوووووة إستادنا ما بنتغلب ولو متذكر أخر مرة الهلال فاز عليهو فريق مصري بتين جوة إستادو كلمني !!! بس انا بتذكر محمد رمضان العجوز غلبكم جوة إستادكم 2- صفر !!!! وبعدين ما جاوبتني أخر كأس جبتوهو بي الطيارة كان سنة كم ؟؟؟؟؟؟؟؟؟؟؟؟؟؟ إنت بتتكلم عن 20 سنة لي ورا يا بريش ..أصحى !!!!!!!
كيقا سلامات يا ابو مصطفى.
ياود الفاروق النصيـــــحه لى الله الكلام الفوق ده انا لو فى محلك مابقولوا!!
عارف ليه لانكم الفريق الوحيد البلعب شختك بختك يعنى مافى عنكم اى ضمانات يعنى ماشين بـ بركة الشيخ.
ماتملى خشمك كلام بكرة نجى نذكرك بيهو واكيد حانذكرك بالكلام ده...يعنى خليك ذى باقى اخوانك مابتكلمو إلى بعد شختك بخت تنتهى...يعنى مشاركاتكم كلها ذى المشترك فى كِرتلة مايتعرف منو الفائز لان الموضوع ببساطه بالنسبه ليكم حظـــــــوظ.
انا ماعارف لكن حاسى انو فضيحتكم المرة دى حتكون بجلاااااااجل.
انشوف اخرتها.
يابو عمير انا اعتبرك من القلايل القادرين على التميز بين صفوف مشجعى نادى صغير العرضة شمال كما يقول دكتور مرتضى....فما تسمع كلام رمضان(نصيــــــــــــــــحة) بيوديك التوج..
اها المباراة بتين.
11-16-2005, 01:18 AM
keiga2000
keiga2000
تاريخ التسجيل: 05-11-2002
مجموع المشاركات: 4119
سامي ياخوي سلام عليك والله انا هلالابية لكن يعلم ربنا بشجع المريخ اكتر من الهلال لما يكون لاعب مع فريق اجنبي ووالله ده كلام حقيقي لكن ياخوي النصيحة انا مستغربة فيكم انتم ديل هنا جد حيرتوني وعملتوا الحكاية كراهية عديل.
وفوق فوق هلالنا فووووووووووووق
ايمان
11-16-2005, 02:12 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
Quote: والله انا هلالابية لكن يعلم ربنا بشجع المريخ اكتر من الهلال لما يكون لاعب مع فريق اجنبي ووالله ده كلام حقيقي لكن ياخوي النصيحة انا مستغربة فيكم انتم ديل هنا جد حيرتوني وعملتوا الحكاية كراهية عديل.
سامي ياخوي القصة ماقصة مثالية ولا حاجة انا ماقاصدة اني بشجع المريخ اكتر من الهلال لما يكون الهلال برضو لاعب لعبة دولية القاصداه اني بشجع المريخ لما يكون لاعب مع فريق اجنبي واللحظة ديك الهلال لو لاعب اي مباراة مامهة مابشتغل بيها وبيبقى المريخ الشايلة همه ويعلم ربنا دي الحقيقة ومااظني محتاجة احلف ليك لكن جد كان هلالاب كان مريخاب كترتوها وعملتوها حرابة
موضوع العرس ده كدي اقرا ردي على ابراهيم بقال في الصفحة الرابعة وشوف براك
ايمان
11-16-2005, 02:21 AM
إيمان صالح
إيمان صالح
تاريخ التسجيل: 11-02-2005
مجموع المشاركات: 1811
سامي ياخوي القصة ماقصة مثالية ولا حاجة انا ماقاصدة اني بشجع المريخ اكتر من الهلال لما يكون الهلال برضو لاعب لعبة دولية القاصداه اني بشجع المريخ لما يكون لاعب مع فريق اجنبي واللحظة ديك الهلال لو لاعب اي مباراة مامهة مابشتغل بيها وبيبقى المريخ الشايلة همه ويعلم ربنا دي الحقيقة ومااظني محتاجة احلف ليك لكن جد كان هلالاب كان مريخاب كترتوها وعملتوها حرابة
موضوع العرس ده كدي اقرا ردي على ابراهيم بقال في الصفحة الرابعة وشوف براك
ايمان
11-16-2005, 02:37 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
أختنا إيمان : لا يجتمع حب الهلال والمريخ في قلب المؤمن !!!والقلب الأبيض العرف يحب الهلال مستحيل يحب المريخ وإنتي زولة قلبك أبيض !!!!! بعيداً عن المجالمة والكلمات الرنانة انا ما بتزكر بتين شجعت المريخ وما داسيها يعني لو المريخ لاعب ضد إسائيل والله ووالله بشجع إسرائيل !!!!! القصة ما كراهية بقدر ما هي مبادئ كروية لا يعرفها إلا متعصبيها وسالكي دربها والمتكويين بي نارا !!!! ولا شنو يا سامي !!!!!؟؟؟
يا سامي وكيجا : انا من زماااااااااان متعوود ما أتكلم عن المباراة إلا بعد نهايتها عشان ما أكج الهلال وأسة نقاشي معاكم في الكور الفاتت وإنتهت أما الجاي ده فبمشيئة الله منتصرين !! بالله ما تكجونا يا حاقدين !!!!!!!!!!!!!!!!!!!!!!!!
ما وريتونا لسة أحسن مرحلة وصلتوها في دوري الرجال(الأندية الأفريقية) كان وين وسنة كم ؟؟؟؟
11-16-2005, 03:01 AM
keiga2000
keiga2000
تاريخ التسجيل: 05-11-2002
مجموع المشاركات: 4119
يا كيجا : شايفك قاعد تزوغ من السؤال !!!! عفيتك يا زول وانا عارف الإجابة بس حبيت أختبرك !!!!!! عايز تعرف أحسن مرحلة وصلتوها في دوري الرجال كانت وين وسنة كم ؟؟؟ ياخ طيب كلها فركة رجل من الركابية لي حي العرب خلي سامي يصل عبدو قابل وهو بيديهو الأكيدة .. وروهو الأكيدة ويييييييييييييييييييييين .. قولوا ليهو الأكيدة وييييييييييييييييين .. في الصحافة سكنتنا كده ......
11-16-2005, 03:47 AM
إيمان صالح
إيمان صالح
تاريخ التسجيل: 11-02-2005
مجموع المشاركات: 1811
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة