|
|
|
 Re: الهلال هل سيفعلها(جهزو البامبرز) إهى إهى إهى!! (Re: abas)
|
الاخ المريخابي سامي 1952 تحية بمناسبه العيد كما يقول اخونا بله موسى
وكل سنة والمريخاب كلهم بخير
ياخي النتيجة مامعروفه ومختوته في الجيب هم كمان اولاد فوزيه ديل موريتانيا ولا اثيوبيا يارب فوز خفيف ماتصل الخمسات والسداسيات وياريت كان يكون قبل العيد ويارب الجماعة بركزوا ولا بعقدوا يقول الحكم الحكم
بامبرز والله ديل لو جابو ليهم الشركة كلها ماتكفيهم
وكل عام وانتم بخير
ابومصطفى
| |
 
|
|
|
|
|
|
|
|
Re: الهلال هل سيفعلها(جهزو البامبرز) إهى إهى إهى!! (Re: abas)
|
اخونا عباس
كل سنة وانت طيب يازول نحن المريخاب اصحاب القلوب النظيفة والله بتنمنى ليكم تفوزو وتشيلوا الكاس كمان حرام بلد المليون ميل مربع دي يكون فيها فريق واحد هو البجيب كاساات خارجية ومحموله جوا لازم يكون معاه ند ينافسوا لكن قدر ماقلنا للعالم انو الهلال دا لسع عليه بدري ما اقتنعوا واصروا لازم يكون في فريق تاني مع المريخ عشان كدا نحن بنعلم فيكم كيف تجيبوا الكاسات بس انتو مشكلتكم راسك قوي شويه كدا وربنا يسهل ليكم وتنتهي عقده الفريق السوداني الوحيد البجيب كاسات خارجية دي ويبقوا اثنين
وكل سنة وانتم بخير ياهلالاب والسنة الجايه انشاء الله عندكم كاس في دولابكم الفاضي الا من المحليات دي
اميييييييييييييييييييييييييييييييييييييييين يارب
ابومصطفى
| |
|
|
|
|
|
|
|
|
|
Re: الهلال هل سيفعلها(جهزو البامبرز) إهى إهى إهى!! (Re: سامى عبد الوهاب مكى)
|
الفــــــــــــــــــــــــاتحة.
البركة فيكم.
كنت أتمنى ان (يفوز) الهلال ويفوز بين قوسين لان الفوز بهدف يعنى عملياً الخروج من المنافسة.
يعنى المتعة ماحاتكتمل والله ابعد عنكم شر(الإتى) وكالون.
كنت بتمنى.
\
اوعى يجينى واحد ناطى جوز يقول لى نحن وعملناها والاهلى والكلام القديم داك لانو الايام بتجرى بسرعة وكلام يتكتب الليلهة نذكركم بيه بكرة
شكراً
| |
|
|
|
|
|
|
|
|
|
Re: الهلال هل سيفعلها(جهزو البامبرز) إهى إهى إهى!! (Re: سامى عبد الوهاب مكى)
|
يا سامي عبد الوهاب....نسيت تشيل كرتونة البامبرز وترجعها معاك...هسي عليك
الله يا سامي في زول اسمو مهند وطاهر ....عايز ليه بامبرز...
وبعدين...شايفك زي قنعت من نتيجة الخرطوم بعد ما عرفتها ومستنينا في القاهرة...
يعني انت خليت المريخ وبقيت تشجع حرس الحدود....طيب ياخي ما تشيل ليك عود..وتلبس
طربوش وعباية...
| |
|
|
|
|
|
|
|
|
|
Re: الهلال هل سيفعلها(جهزو البامبرز) إهى إهى إهى!! (Re: سامى عبد الوهاب مكى)
|
f
و الله عافى منك يا عمر الفاروق
رفعت البوست و كشفت نوايا الصهاينة و أمانيهم التى أخرصها الأهلة يوم الحدود فى مصر
و إن شاءالله يا سامى يا أخوى الله أصلو ما يديكم الفى مرادكم يوم الوداد
و إن شاءالله ربنا يدينا الفى مرادنا نحن و مراد الشعب السودانى كلو
و ننتصر على الوداد
و الأربعاء قريبة يا سامى
| |
|
|
|
|
|
|
|
|
|
Re: الهلال هل سيفعلها(جهزو البامبرز) إهى إهى إهى!! (Re: الطيب اسماعيل)
|
ابو إسماعيل ابو الهل
و الله منانا انو الهلال يفوز و بعدد وافر من الاهداف حتى يضمن الاياب و منانا يغلب كل الفرق العربيه ويشيل الكاس و منا لكل الفرق السودانيه ان تحسن تمثيلنا لان فرق جيده= منتخب جيد وعاوزين 2010 سودان يكون مشارك في كاس العالم وده ما بيحصل لو كانت فرقنا بتطلع من الادوار التمهيديه وبتهزم في بلادها و لما تتعادل تكون فرحانه ولان مايميز إدارتنا عن الاخرين هوعدم وجود طموح وكذلك لعيبتنا.
انا بحكي ليك حادثه تنور عليكم لماذا نحصل على الهزائم و عشان ما امشي بعيد احكي عن خروج الهلال الاخير من تونس ومن حكى لي انسان خلوق سافر مع البعثه في نفس الطائره :
(بناء على نتيجة الخرطوم الهلال محتاج يفوز او يتعادل او ينهزم بهدف او ينهزم بفارق هدف او ينهزم بفارق هدفين ويكون احرز هدف ينهزم 2/صفر و تحسم بضربات ترجيحيه)
الطائره في المدرج بها كل اللاعبين و الادارة الفنيه و عدد من مجلس الاداره يتقدمهم صلاح إدريس عدد من المشجعين و بعض الفنانين يتقدمهم كمال ترباس
تأخرت الطائره لانهم منتظرين ندى القلعهالتي تأخرت وإضطرت الطائره ان تقلع بعد تعذر وصول ندى؟
بمجرد اقلاع الطائره يتقدم صلاح إدريس ويبداء في مخاطبة الركاب (يا جماعهالحاله واحدة وماتخلوا بينا حواجز ونفتح باب النكات ويبداء بنكته خليعه جدا)؟؟
عند و بوصولهم تونس لم يتوقف اعضاء البعثه عن السكر والعربده؟؟( الا من رحم ربي)؟؟!!
يفوزوا كيف اللاعبين وهولاء قدوتهم؟؟؟؟
| |
|
|
|
|
|
|
| |
عمر الفاروق
abas
keiga2000
nazar hussien
saifkeli
عمر عبد الخالق سعيد
ELSUNNI
فيس بوك
تويتر
انستقرام
يوتيوب
بنتيريست