|
|
 قول لي مبروك... انا سودانيه
|
كل عام وانتم بخير وسنه حلوه عليكم انا رندا منصور اعمل صحفيه من ام انجليزيه واب سوداني انا سعيده جدا جدا ان انضم اليكم وسعيده جدا لاني اصبحت سودانيه بعد ان استخرجت جوازي السوداني واتعلمت اللغه العربيه والفضل يرجع الي سودانيز اون لاين حين استفزاني زميلي الخواجه وقال انا اعرف عربي اكترمنك واول مره اصوم رمضان في بلدي
|
|
 
|
|
|
|
|
|
|
|
Re: قول لي مبروك... انا سودانيه (Re: رندا منصور)
|
أختي رندا منصور
Quote: كل عام وانتم بخير وسنه حلوه عليكم انا رندا منصور اعمل صحفيه من ام انجليزيه واب سوداني انا سعيده جدا جدا ان انضم اليكم وسعيده جدا لاني اصبحت سودانيه بعد ان استخرجت جوازي السوداني واتعلمت اللغه العربيه والفضل يرجع الي سودانيز اون لاين حين استفزاني زميلي الخواجه وقال انا اعرف عربي اكترمنك واول مره اصوم رمضان في بلدي
|
كل عام وأنتِ بخير وتقبّل الله صيامكِ وقيامكِ
والف مبروك إنضمامك لمنتدى سودانيزاونلاين
وألف مبروك الجواز السوداني وسعيد جداً بأنّك تفتخرين به وبأصلك وفي إنتظار قصة رحلتك البرية من تشاد للسودان
تحياتي وتقديري
فرانكلي
| |
|
|
|
|
|
|
|
|
|
Re: قول لي مبروك... انا سودانيه (Re: رندا منصور)
|
ألف مبروك .. كبيرة قدر حجم السودان يا(بت بلدي)
وحقيقة أنا إندهشت لي زول في الزمن المعاكس دا .. بناضل عشان يأكد سودانيتو في زمن السودانيييين المولدين وعايشين ومعايشين البلد طافشين منها وبيكوسو إعادة التوطين وبلدان جديدة تأويهم ...
مبروك لي تأكيدك .. ويا ريت البرة يشوفو المفكرين يتأملوا
| |
|
|
|
|
|
|
|
|
|
Re: قول لي مبروك... انا سودانيه (Re: عثمان فضل الله)
|
بقدر سعادتك، تغمرنا السعادة أيضا لأن فتاة ولدت خارج السودان وتحمل جنسية يحلم بها الكثيرون، تبدي سعادتها بهذا القدر لحيازتها جنسية بلدها. هذا البلد عظيم يا زميلتي العزيزة، وستكتشفين عظمته تدريجيا. مرحبا بك في سودانيز أون لاين، ومرحبا بك مواطنة سودانية تفخر ببلادها
| |
|
|
|
|
|
|
|
|
|
Re: قول لي مبروك... انا سودانيه (Re: رندا منصور)
|
سودانية... أولاً مبروك..
الشى المهم عندي الآن.. وعملى ومهم جداً.. هو أن يكون أخوانك وأخواتك هنا بقدر المسؤولية.. ويتعاملوا معاك تعامل صافي ضافي وافي..كلو عوافي.ما بيوظو ليك بعضهم فرحتك وفرحتنا بهذا الإنتماء الغالي للسودان.. ويبقى ليك المنبر دا وطن.. يبدو أنه هذه الخلطة الطيبة ان شاء الله لها مابعدها..
قبل سنوات.. وفي هلتون مطار لندن..قاعدين في كافتيريا العاملين ناكل.لقيت واحدة شغالة في الروم سيرفس قسم خدمات الغرف.. رائعة تجيب صينيتا في الغدا تجي تقعد جنب السودانيين العاملين في الفندق وعددهم خمسة ومعاهم شوية عرب..سألت عن السبب قالوا لى دي من زمان كدة.أبوها سوداني وامها ألمانية.. والبت بأمانة رائعة مؤدبة.. واحد مصري قال لى شايف الخلطة دي يامنصوري طلعت كيف؟ ( زي البسكويت بالعسل).. قلتا ليهو طيب نحن العسل والله البسكويت..قال لا.. إنتو السودانيين العسل..والبسكويت الألمان..
| |
|
|
|
|
|
|
|
|
|
Re: قول لي مبروك... انا سودانيه (Re: رندا منصور)
|
مبروك يا رندا مبروك ليكي صيام اول رمضان وخاصة تزامن اول صيام ليكي مع حصولك على الجواز السوداني ومبروك تعلمك اللغة العربية وهي اعظم لغة في وجه الارض لان الله خصها ان تكون لغة اعظم ديانة انزلت مع اعظم رسول وهو الحبيب المصطفي صلى الله عليه وسلم
| |
|
|
|
|
|
|
|
|
|
Re: قول لي مبروك... انا سودانيه (Re: elameen)
|
اضم صوتي الي اصوات الترحيب واتمني لك اصدق الامنيات بحياة سودانية مائه مائه وحقيقة انني اكبر فيك هذا الخيار خاصه انك قادمه من بلاد اطلقت اسم السودان علي السرطان , نصحيتي الوحيده لك ان تتوقفي عند كونك سودانية وان لا تبحثي اكثر عن قبيلتك او جهتك او اشياء اخري يكفي النيل ابوك والجنس سوداني
| |
|
|
|
|
|
|
|
|
|
Re: قول لي مبروك... انا سودانيه (Re: elameen)
|
ليك الورود مفروشه
بي لون الفرح
ليك القلوب مملوكه
بي حق الوطن
ليك المرح
انتي الفرح
عز الوطن
انتي الوطن
لي كل من اعرب رطن
انتي الوطن
نورا سطع عز الظلام
عز المحن
كسانا بي ثوب الامل
في شروق بدر
روح افل
انتي الامل
تحيه لك وامنياتي ان يطيب لك المقام
بين اهلك وعودا حميا
| |
|
|
|
|
|
|
| |
Adil Osman
Hussein Mallasi
فرح
Elmosley
lana mahdi
احمد معتصم الطيب
Frankly
محمد حامد جمعه
محمد الامين محمد
Ahmed Mohammed Osman
عثمان فضل الله
فيصل نوبي
ghariba
انتصار محمد صالخ بشير
وفاء تاج الدين
عبدالرحمن عزّاز
nashaat elemam
صديق الموج
إسماعيل وراق
Saifeldin Gibreel
aosman
احمد العربي
Emad Abdulla
willeim andrea
bint_alahfad
saadeldin abdelrahman
فيس بوك
تويتر
انستقرام
يوتيوب
بنتيريست