|
|
 الي الصديق معتز ترتسكي
|
| Quote: طبعا نقطة بتاعت معتز البعرفو دااااااااااك فيها نقه كتيره خلاص حتمرقنا منوضع العنصريه ذاتو؟ |
.
.
لنواصل ما ابتديناه هناك،
بس عشان ما اطلعك من موضوع البوست الاول
Re: انا عُنصرى؟!..والعُنصريه المُفترى عليها... وفوبياها..
.
.
Quote: ...واصحابو لحدي الآن نفس اصحابو إلا بعض الرماديين للاسف الشديد الخسرتهم بعد البوست الفوق ده .. وللحقيقة انا مرتاح خالص لانو بتعرف الناس الصاح من الناس الغلط الناس المفترض يكونوا معاك مش يكونوا معاك ويتأخرو شوية علشان يمدو لسانهم فيك .. ما ندمان علي الناس الخسرتهم لانو بالمقابل كان فيهم ناس بشر ناس مواقف .. لكن اقول ليك حاجة والله ما ندمان اني خسرت النوعية دي وعندي استعداد كبير جدا افقدهم كلهم في لحظة واحدة زي النوعية دي ما فارقة معاي كتير ..
|
وبما انكـ.. اخترات كلمات تمبس عشان تعبر بيها عن زاتك
حا ارد علي الكلمات اعلاه.. ليك، معتز.
.
.
انا ما هنا ياصديق عشان اتناقش معاك في مسالة خسرانك لي، ليهم.. ولا ربحك.
كل الحاصل لي ردي ليك الفوق دا كنت داير اوضح ليك سبب عدم ردي لايميلاتك ما اكتر ولا اقل.
.
.
اما بالنسبة لاستعدادك الكبير لفقد ما كنت تعتقد انهم اصدقاء لك يوم ما.
.
.
كراني، ما عندي الامكانية دي.. لسبب بسيط، اكتر ما يؤلمني في هذه الدنيا
فقد شخص اطلق عليه( صديق )او(COMRADE) باي اسلوب من اساليب الخسران
موت كانت او اختلاف رائ..
ما معني كده ما بختلف مع اصدقاء لي، بنختلف كتير لاكن ما معني كده انو الحياة وقفت
لتحصل درجة الخسران الساهله ( عندك).
لسبب واحد علاقة الصداقة المتينة ما بتنهار باختلاف، الا اذا كانت العلاقة مبنية من فراغ
Which, I don't like to have
Quote: ولي معلوميتك يا ... والله الحمد لله الواحد كل يوم بيكسب ليهو ناس حلوين خالص من البورد ده ومن بره البورد ..ودي في حد ذاته نعمة كبيرة جدا لانو الواحد إذا كان غلط صدقني كان ( بوش ) من زماااان ..
|
ما صعب انك تكسب، لكن الصعب انك ( تحافظ عليهم).
| Quote: يعنى عايزنى ارجع معتز بتاع الواكاريك والنضال بتاع الناس ديل يازميل.. |
ما عاوز يا صديق اختار ليك تكون كيف.. ولا من حقي.
ولكن، اوقفتني كثيرا بوستات ليك، طايشة
Re: شيوعييـــن ويســـار اخـــر زمـن
الى الزميله هاجر سيداحمد واخرون...
الى بعضهم ...
النضــــــــال00 الــوهم والحقيقــــة??!!!……
واكتر من ده كله ايميلات كتيره وصلتني منك، التي سوف (لا) انشرها هنا
نسبة لانو دي واحده من الحاجات (الغير) حميده ،(نشر رسالة وصلت عن طريق الماسنجر او ايميل خاص) في البورد.
.
.
Quote: لكن كان لازمان اغير طريقتى لانو الكنته ماسك فى دربهم عبارة عن انتهازين وكضابين
والغريبه انا وكتها كنت بعرف عنهم السبعه وذمتها لكن كنت بسكت ولا كنت عامل غشاوه على عينى |
كده انت جيت برجلينك لقوقعة زاتك،
عارف بكلامك ده انت قاعد تشرح في تفاصيل دقيقة لمعتز، بتعني عدم وضوح و مصداقية
انت لو حقيقة زول صادق كنت اقلها اتناقشت بصوت عالي مع من تعني بكلامك اعلاه.
ولا، الفكرة تبقي دفن راس ليوم اسود. زي اليوم الكتبت فيهو كلامك ده.
Quote: انا ما اتغيرت لكن غيرته اسلوبى وزى ماذكرت سابقا بانو مامهم ديل يعرفو بعمل فى شنو لكن الاهم عارف انا بعمل في شنو...
خش هنا لو عندك وكت بعض ماكتبته بكل تجرد وهو شى من حتى..
النضــــــــال00 الــوهم والحقيقــــة??!!!……
|
لقيت الزمن يا صديق ودخلت ولكن، طلعت زي ما دخلت.
Quote: قدامك وقدام اى واحد منهم هنا عامل فيها اكبر مناضل هنا
بى عمرى ده الما تامى الى30 اتحدها عمل شنو ورويهو انا عملت شنو واتعرضته لى شنو؟
كان فى مستقلبى ولا فى جسدى وووووووالخ..
|
What are you talking about my friend?
Quote: بقى البحث عن الحقيقه هو المطلب وطريقتهم تلك لما يدعونه نضال غير مقتع بها..
هل هذا فى رايك هو التنغير الذى تعنيه؟ |
عارف؟
انا التغير البتكلم عنو ليك ما عندو علاقة بالكاتبو انت فوق دا، بل
ببساطة ما اكتر من احترام ذاتك ومخالفة كلمات خانت كلمات الرب.
زياده علي ذالك انا ما بختلف معاك في كون انك اخترت طريق مختلف
عن طريق لمانا..
لكن، كون انك تمارس تعرية الاخر دي عملية غير حميده
دي زي انك تمشي بيت صديق ليك وتلقي عندو مشكلة مع زوجتو
وخلال المشكلة الدائره بين الزوجين طلع كلام بيقولو عليهو هنا
Dirty Laundry
وبعد فترة اختلفت مع صاحبك دا وقمت ابحت للمله ما سمعته اذنيك في
تلك الشكلة.
.
.
باختصار هذا ما تصوره الي كتاباتك ضد الشيوعيين في بوستاتك اعلاه..
ياخ "للبيوت محارم"
.
.
كنت اتمني ان اجد ولو القليل في كتاباتك، عن شي واحد جميل عن الشيوعيين.
عارف، اتذكرت كلام كانت بتقولو لي امي زمان وانا صغير. المهم معني الكلام
( اذا مشيت بيت ناس وقدمو لي وجبه والوجبه ما عجبتني
ما اطلع واقول للناس ناس فلان ديل اكلهم كعب)
حقيقة ماكنت عارف كانت بتقول لي كده ليه..
لكن اليوم ادري.
.
.
علي اي حال ياصديق دى بداية مشوار
ولحدي ما نتلاقي في الصين
ولي عوده هنا ايضاً
وتصبح علي وطــن، معافي
|
|
 
|
|
|
|
|
|
|
 Re: الي الصديق معتز ترتسكي (Re: هشام مدنى)
|
خالص التحايا
الصديق العزيز رانى
كل ما اساقوله لك سيكون فى الايميل مش افضل
لو اصلو عندك وكت للكتابه قدر ده...
وحارسالك كل الاجابات ديى برسلها ليك فى الايميل..
مش قلت ليك حكاية مشاغل دى شى تعللى
فاقبل عذرى عزيزى
ومنتظرين جيتك عزيزى
الاستاذ والعم
هشام
تسلم كتير لمرورك وكلامك الطيب..
والتحايا النواضر..
| |
|
|
|
|
|
|
| |
rani
معتز تروتسكى
ناذر محمد الخليفة
فيصل نوبي
فيس بوك
تويتر
انستقرام
يوتيوب
بنتيريست