|
|
 Re: صــورة اليـــوم (Re: bob)
|
الاخ العزيز بوب ووليد
تحية طيبة
كل ما نشوف مناظر ذى دي...في بلد فيه اكثر من نهر ووادي اتذكر قصيدة الشاعر
كالعيس في البيداء يقتلها الظما والماء فوق ظهورها محمول
تضخمت الخرطوم كالورم السرطاني دون مرافق ومصادر مياه اكثر من الخلوها الانجليز ولمن نقول البلد كانت ماشة بخير الانجليز ساكت ينبرى لك المتحزلقين والمتسييسين من غير out -put ويلعنوك كالشيطان الرجيم وتصدق يا اخوي مشكلة دارفور دي كلها اساسها هو الاكولجيا السياسيةpolitical-ecology والجفاف والتصحر وعدم معالجته علميا وده مش كلامي ده كلام الدكتور محمد سلميان في كتابه الشهير السودان حروب الهوية والموارد...وذي منظر الطفل ده ممكن تلقاه في كل انحاء السودان...والحديث ذو شجون
سكان السودان تقريبا 30 مليون نسمة يعنى قدر سكان شنغهاي في الصين..هل عجزت كل حكومات السودان ان تقوم برعايتهم اكثر من محافظ شنغهاي؟؟
ثلثهم في الخرطوم لانعدام الخدمانت في المدن الرئيسة في الجهات الاربعة
1- ناس كردفان ودار فور تكدسو في ام درمان
2- الشمالية والشرق-في الخرطوم بحري
3- ناس الجنوب في الخرطوم
10 مليون نسمة في العاصمة فقط..هذا هو الفشل عينه والمتراكم من 1956
اعادة الحياة ومتطلباتها في كل المدن في انحاء السودان..والانسان السوداني يجب ان يتساوى مع الناس في القرن الواحد والعشرين في توفير
1- بيت
2- مياه
3- كهرباء
4- مدرسة
5- مستشفي
6-طريق
7- اتصالات(فضائية -انترنت-تلفون)
والمدن الرئيسة
في الغرب
الجنينة-الفاشر -نيالا
الابيض-كاقلي- النهود
الشمال
كريمة-دنقلا-حلفا
الشرق
بورتسودان-كسلا -القضارف
الوسط
مدني - سنار- الدمازين
الدويم كوستي -الجبلين
الجنوب
جوبا-واو- ملكال
لو عادت الحياة والمرافق المذكورة في هذه المدن كحد ادنى...ستكون معاناة 60% من الشعب السوداني ..انتهت(لانهم يقطنون هذه المدن)...
والواحد لحدي هسع ما عارف الناس متشكلين في السودان لشنو؟؟؟ هسه الكلام ده يا بوب داير ليه درس عصر ولي نجيب محافظ شنغهاي ؟!!!!!!
| |
 
|
|
|
|
bob
waleedi399
adil amin
فيس بوك
تويتر
انستقرام
يوتيوب
بنتيريست