|
|
 *** ليلة من ذات الليالى .. تجلى فيها الدكتور عزد الدين هلالى***
|
الاحبه الكرام ..كل عام وانتم بالف خير
فى احدى ليالى هذا الشهر المبارك .. وفى اجمل ايامه العشر الآواخر
شرفنا بمدينة مسقط الهادئه ..
الدكتور الشاعر الانسان عز الدين هلالى..
هذا الشامخ شموخ نخيل بلادى
عطر سمانا ليلة امس الخميس الموافق السابع والعشرون من شهر اكتوبر
الثالث والعشرون من شهر رمضان المبارك بالنادى السودانى للجاليه بمسقط
وكان الحضور بهيا ..وكان اللقاء مشوقا وممتعا منذ لحظة البداية...
لم نشعر بالزمن من روعة الجمال..امتعنا بقرآته من آخر اصداراته الشعريه
كان الاول( قصائد لم يتغنى بها مصطفى سيد احمد ) و(دعاء الخروج من الزنزانه)
بالاضافه لمقتطفات من اشعاره المتنوعه تلبية لرغبات الحضور الذى تداخل معه
فى مجالاته المختلفه .. وتحديدا جانبه المسرحى الزاخر..
تخلل اللقاء تقديم مجموعاته الشعريه الجديده ، هدية قيمه منه لبعض اصدقائه ولاعضاء النادى الكرام
شاعرنا المبدع غنى عن التعريف .. ربما حين نسمع اسم الشاعر هلالى
تطرب آذاننا.. ولكن حين يطيب لك الجلوس بجانبه والاستماع له بلهفه
هذا شعور يصعب على الانسان وصفه.. طيبا، بشوشا، كريما،مرهف الحس.. متواضع حد الدهشه
كان لى شرف تقديم هذا السامق .. تمنيت لحظتها ان يكون الجميع معنا يستمع ويستمتع لهذا الابداع المتدفق من احدى ينابيع بلادى الثره..
التحيه لك شاعرنا الدكتور مثنى وثلاث ورباع والى ما لا نهايه
والتحيه لاعضاء الجاليه السودانيه بمسقط
اتمنى دوما ان نكون كالاسره الواحده
ونحن كما تدرون وباشادة كثيرون من اصحاب البلد نفسه او من زوارنا الكرام ،
منهم على سبيل المثال لا الحصر .. د/ هلالى . ذكر فى مستهل حديثه ليلة امس
اننا قدوة ومثال يحتذى به فى كل الجاليات و فى شتى بلدان الشتات
وهذا يدل على ما تبذلونه من مجهود مقدر .لتوحيد راية السودان
فى كل مكان
لكم التحيه والعرفان
اسماء الجنيد
مسقط
|
|
 
|
|
|
|
|
|
|
 Re: *** ليلة من ذات الليالى .. تجلى فيها الدكتور عزد الدين هلالى*** (Re: soma)
|
بسم الله الرحمن الرحيم
شاعرتنا النبيلة اسماء , رمضان كريم وكل سنة وانت طسية
افتقدناك كثيرا , لعل المانع خير.
مرحب بالعودة مع امنياتنا بالمواصلة الشعرية الانيقة.
Quote: هذا شعور يصعب على الانسان وصفه.. طيبا، بشوشا، كريما،مرهف الحس.. متواضع حد الدهشه
كان لى شرف تقديم هذا السامق .. تمنيت لحظتها ان يكون الجميع معنا يستمع ويستمتع لهذا الابداع المتدفق من احدى ينابيع بلادى الثره..
|
تحياتنا الغالية للاستاذ هلالى ذلك الاحساس المتدفق.
سلامى وتقديرى
بكرى
| |
|
|
|
|
|
|
|
|
|
Re: *** ليلة من ذات الليالى .. تجلى فيها الدكتور عزد الدين هلالى*** (Re: soma)
|
الصائمة سوما
سلامي وإحترامي
| Quote: تمنيت لحظتها ان يكون الجميع معنا يستمع ويستمتع لهذا الابداع المتدفق |
بس خلاس أنا زعلت منك وتاني ولا بتكلم معاك وفوتي لينا من ضل منبرنا
والله جد جد زعلتيني يعني أنا أستاذي يجي مسقط ويفوت وأنا ما اسمع بيهو؟؟؟
اليوم فقط شعرت بأني صحراوي وتعيس حظ ومحروم بالإضافة للشنا المعروفة
هل تعلمي يا سوما أنني مدين لهذا الهلالي بدين يثقل كاهلي ولكنك حرمتيني من إيفاء بعض هذا الدين
فأنا يا ستي لحم إبداعي من خير روعة هذا السامق ولولاه أنا كنت الآن أشتغل في محل عطور في المنطقة الصناعي بحري وهذه قصة طويلة ليس مجالها الآن
والله حقو أتصل بيهو في العيد من موابايلك الخاص عشان أكلفك كرت أبو خمسة ريال
لكن المسامح كريم فأنا سامحتك لأن الدنيا رمضان
| |
|
|
|
|
|
|
|
|
|
Re: *** ليلة من ذات الليالى .. تجلى فيها الدكتور عزد الدين هلالى*** (Re: بدرالدين شنا)
|
سلاااااااام يا حبان
كل سنه وانتم جميعا بالف خير
الاخ الكريم والصديق المرهف .. ود اهلى الحنان
بكرى سمندلاوى .. اريتك طيب يابا .. واريت حالك زين
والله ليك وحشه قدرصفق النيم الفى البنطون
وقدر نفس الحنان الجايين عابرين رفاعه منها ولها
والشوق محنه
تحياتى لك واتمنى دوما ان تكون بالف خير..
والله يا ود امى مشغوليات بس .. الحمد لله كلنا بالف خير
لك الود والمحنه
****
بدر الدين الحنين
الشوق نيلين
حقك علينا
العيد مبارك عليك .. علينا وعليك يتبارك
العفو.. لله والرسول .. وانت اعفا مننا يا يابا
والله كلنا فقدناك بداية بمبدعنا الضيف هلالى .. كما ذكرت لك
لكن الجايات اكتر بأذن الله
عذرا على تأخير الرد
وانتو عارفين رمضان وآخر ايامه وقبائل العيد
كل عام والجميع بالف خير
والتحيه مجدده للدكتور هلالى واسرته الكريمه
ربنا يديم عليهم الصحه والعافيه
| |
|
|
|
|
|
|
|
|
|
هلالي (Re: soma)
|
والله اتلومت يا د عزالدين
هسا كان غشيتني بجاي ما كان مشيت معاك وشفتا عمان
انا راجي من زمن بس اشوف بيرق الجننوني بيهو ناس محمد عبد الحميد وعلي بابكر وعلي السفوري
| |
|
|
|
|
|
|
|
|
|
Re: هلالي (Re: mohmmed said ahmed)
|
الموصلى الحنين ..
الشوق قمر دورين
والشوق غناك الجارى منك ايها المروى من نفس الاهل
كل عام وانت بالف خير .. كل عام وانت الموصلى الموشح طيبه ومحنه
نحن فى رجاك .. نحسب فى الايام والسويعات لحين اشراقتك البتشرح الصدر
دعواتنا لك دوما بالتوفيق
شاشتنا كانت منوره بى طلتك السمحه يا ود السمحين
تحايانا لكم بالعيد ولاسرتك السعيده بك
***
اخونا ود سيد احمد .. كل عام وانت بالف خير
حبابك وحبابك من غير ما يغشاك الهلالى ..
تشرفنا وتنور ديارنا فى اى زمان ومكان
وياريت ظروفك تسمح ليك بالحضور ومشاركتنا فى احتفالات الاستقلال المجيد
حبابك من تانى .. وكل عام وانت واسرتك بالف خير
| |
|
|
|
|
|
|
| |
سمندلاوى
بدرالدين شنا
الواثق تاج السر عبدالله
Elmosley
mohmmed said ahmed
فيس بوك
تويتر
انستقرام
يوتيوب
بنتيريست