|
|
 عامـــــود الحله
|
تحت هذا العامود اعتدنا ان نتجمع في رمضان
زمان في البورد
نسلم ونتونس
ونبهج بي طله العابرين
كانو الناس حلوين
داك يجر حجرو ويتحكر بي جاي
ويكورك لي ديك تجيب الشاي
ونسه في السهله
دعوه للجميع
وتحيه رمضانيه لكل المتواجدين
Quote: abdelfattah mohammed
»Amin Elsayed
»Anwar Ahmed
»Dr. Moiz Bakhiet
»Dr.Mohammed Ali Elmusharaf
»Elmosley
»Eng. Mohammed al sayed
»Magdi Is'hag
»mohamed osman bakry
»osama elkhawad
»othman mohmmadien
»PLAYER
»Safa Fagiri
»Saif aldin Hassan
»ابوالقاسم ابراهيم الحاج
»القلب النابض
»حبيب نورة
»حسام يوسف
»خالد عويس
»صلاح ميرغني
»عبدالعظيم محمد أحمد
»عدلان أحمد عبدالعزيز
»محسن خالد
»محمد عكاشة
»محمدين محمد اسحق
»مصدق مصطفى حسين
»نصار
»نورالدين حسن نمر
»هاشم نوريت
»وفاء تاج الدين
»يوسف إدريس
|
|
|
 
|
|
|
|
|
|
|
|
Re: عامـــــود الحله (Re: ايهاب)
|
سلامات اخ ايهاب
دعوة طيبه في رمضان
ان يتآنس الناس ويتصافوا
رغم انه نحن محرومين من قعدة العمود زيكم لكن تظل نكهة رمضان بها ذات طابع خاص واصوات العدة تكركب والجكاكا تتطاقش والكل ساكت في اللحظات الاولى يهمهم بالدعاء..ويكرطع في الموية الباردة.
والقهوة والشاي
لكأني ارى هذه اللوحة الرائعة تجمع ناس الحلة
وياريت تجمع ناس البورد.
اشربوا من قهوتنا
| |
|
|
|
|
|
|
|
|
|
Re: عامـــــود الحله (Re: القلب النابض)
|
الاخت العزيزه القلب النابض
كل سنه وانت طيبه
شكرا على الحضور البهي و على القهوه المظبوطه
منو القال ليك انتو محرومين من عامودنا دا
كدي اسالي ناس الجندريه وناس سوما ووجن وغدي
وزي ما قال نصار انتي قايله النور دا من لمبه العمود؟ابدا والله
بعدين عمودنا دا بختلف من باقي العواميد كتير
تسلمي مره اخرى
الغالي نصار
فيما مضى كنت تحضر بتلك العمه والابتسامه النديه
اوافقك فيما ذكرت واضيف لابد من الصد ق مع النفس في استيعاب الواقع شعان نقدر نعمل مستقبل
والله الواقع ما بتقابل لكن نسوي شنو انا شخصيا ةصلتا لي قناعات غايه في الاسى
ابتسم تبتسم لك الدنيا
رمضان كريم و منور العمود رايك شنو في قهوه القلب النابض دي
| |
|
|
|
|
|
|
|
|
|
Re: عامـــــود الحله (Re: ايهاب)
|
العزيز ايهاب
يا كافي البلا التقول مكتوب علينا نحنا السودانيين
اننا دايما نكون خالين حاجاتنا السمحة ورانا
و ننظر للوراء في (فرح) و يكشر لينا الحاضر
و المستقبل....... الله..الكلمة دي معناها شنو
لو ذكرتني ليها تكون ما قصرت
العزيزة القلب النابض
من ايجابيات هذا الواقع المتخيل أنه اتاح الفرصة
للخروج من المعهود بلا ضرر او ضرار
اضاء زوايا مظلمة في حياة الجنسين لبعضهم البعض
اسع زي العمود الافتراضي دا تقدي فيهو في احسن حجر
او بنبر افتراضي و تتجاذبي اطراف الحديث زي الحلاوة
لمبة العمود نورت بوجودك
تحياتي
| |
|
|
|
|
|
|
|
|
|
Re: عامـــــود الحله (Re: ايهاب)
|
العزيز ايهاب
قهوة القلب النابض مشروبة مع انه امس القريبة دي
الدكتور منعني من شراب القهوة و الحلويات تصور
الكرت الاحمر دا في رمضان...
أها عن المستقبل برضو قاعد ادبر في وسائل اصطناعية
لمان تنجح في تدجينه هو و الحاضر بديكم خبر
الذكرتهم ينوروا بلد و الكهربا قاطعة
| |
|
|
|
|
|
|
|
|
|
Re: عامـــــود الحله (Re: ايهاب)
|
ياحليلك يا هوبة..
انتا لسع فاكر؟؟
تلك كانت سنين مارقات ..
اي شي لامن يبدا بكون حلو ...
لكن مالو
تعال نخمس البرنجية دي سوا يا حبيب..
بس لو تكية في ميدان عقرب وشيشةومطرة.. وانتا...
| |
|
|
|
|
|
|
|
|
 Re: عامـــــود الحله (Re: DKEEN)
|
ايهاب
جريت لي حجر كبير وقعدت تحت العمو.
نصار
جبت ليك بدل القهوة ايسكريم واسمع كلام الدكتور وبلاش كلام فارغ.
ودكين ماتخلةه يمشي كلامو بالحيل لذيذ...
انتو ناس الحلة مشو وين.
والتدخين ما معانا
اشربوا الشاي والقهوة
ويادكين ما تعلم الاولاد ديل السجاير وبرنجي كمان؟ ...
الله يستر.
| |
|
|
|
|
|
|
|
|
|
Re: عامـــــود الحله (Re: القلب النابض)
|
العزيزه القلب النابض
سلامات شكرا على التواجد الكثيف
شفتي ايسكرمك جاب لينا صوره نصار القيافه دي
ودكين دا بعد دا الله يقومو
الشاي اطعم من القهوه والقهوه اظبط من الشاي
يديك العافيه وناس الحله دي الظاهر الصيام دخل فيالعضم وكدا
loOoOoOoOoOoOOolz
| |
|
|
|
|
|
|
|
|
|
Re: عامـــــود الحله (Re: DKEEN)
|
تخيل يا دكين
بعدين ياخي هي دي حاجات تتنسي
هو احنا المقعدنا هنا دا كول شنو غير الحاجات دي
برنجيتك في السلك
كلو يوم تعال بالله
loOOoOoOoOOoLZ
| |
|
|
|
|
|
|
|
|
|
Re: عامـــــود الحله (Re: ايهاب)
|
فيطير طئر كان مرخم فوقا فيذكرني بالخواض واغنيه نزلا لي طارق ابو عبيده
تقطع حوار ود عازه ونهى عن تماهي قمر في زلزله الخواطر
| |
|
|
|
|
|
|
|
|
|
Re: عامـــــود الحله (Re: ايهاب)
|
وهو نفس السبب الذي جعل حنين تفكر في ان تضيف لنملتها ضفاير
خصوصا بعد ان اخرج لها زاتوووو لسانو وقال ليها شنو ما عارف زاتووووو
| |
|
|
|
|
|
|
|
|
|
Re: عامـــــود الحله (Re: ايهاب)
|
وهاااااااااااااادي
قعدة لامن دكين يجي
وانت يا يهاب الله يخليك حارس العقاب
ونصار الله يديه العافية وحمدا لله علي سلامة الصورة
وناي الحلة دايرين مداعي ولا شنو
يا ايهاب قلت لي النملة مالها؟
| |
|
|
|
|
|
|
|
|
|
Re: عامـــــود الحله (Re: Hozy)
|
القلب النابض دوماوالله انتي بس ربنا يديك العافيه
الليله شايفك جيتي فاضيه وعملتي نايمه من القهوه
loOOOOOooolz
حنين الله يطراها بالخير وين ما كانت زي ما قالت ليك هوازن
كانت خاتا ليها صوره نمله والناس شابكنها ليك اخونا حنين لمن قررت تركب للنمله ضفاير
يسعد مساءك
الاستاذه المبدعه دوما وبتنا زمان هوزي
والله حقو الزول يقوم يقش الحته ويرش المويه
يعني في خضم الابداع المسلسلي اديتينا الطله دي
والله ذكرتيني مادمت انا في خضم الذكريات زمان زيكو كان خاتي ليهو شاكوش والشاكوش ويشيل ويدقدق بالله ادي الراجل فرقه معاك loOoOoOoOoOoOL
كل التحايا
| |
|
|
|
|
|
|
|
|
|
Re: عامـــــود الحله (Re: ايهاب)
|
ايهاب كيفنك
اها الكهربا جات
الناس الجبت سيرتهم ديل ان شاء الله تكون الدنيا
منسترة معاهم اينما كانوا
تصدقي يا القلب دكتور الجن دا منعني من الايسكريم
كمان؟ اي نعم ما قالوا بالاسم لكن منعني من الحاجات
الحلوة،، مصيبة معقول في رمضان الواحد ما يحلي؟
بس الكويس في الموضوع انه فترة المنع مؤقته
و بعد داك ممكن الواحد يعوض بس ان شائ الله الايسكريم
ما يكون ساح للزمن داك
دكين علي الله تعال هنبت البوست دا باقي هنبتك سمحة
تب و بتوزع الهنبتو للغلابة و الغبش التعابة
| |
|
|
|
|
|
|
|
|
|
Re: عامـــــود الحله (Re: ايهاب)
|
ايهاب رمضان كريم, جيناكم في العمود قالوا مشيتو الدورة الرمضانيه والشاهد اني لقيت المتواجدين ديل بس
Quote: rani
»ابو مهند
»فيصل نوبي |
سلام
| |
|
|
|
|
|
|
|
|
|
Re: عامـــــود الحله (Re: ابو مهند)
|
يا ايهاب
انارصيت الحجار
وقشيت الفجة
ورشيتها كمان
بمشي اجيب القهوة والساي وحليب بلرد لي نصار
الدكتور دا مالو معانا
شايفو هوووووووزي جات حجرها وجات
قلت لي المسلسل مالوا نحن ما شايفين
قاعدين في حجر العمود
وبنوصل في ناس الحلة من راس الشارع لي طرف الشارع
ويا دكين الرسوووووول ان ما جيت
والدعوة لي فيصل نوبي يجي
| |
|
|
|
|
|
|
|
|
|
Re: عامـــــود الحله (Re: ابو مهند)
|
العزيز ابو مهند(الفاتح)
رمضانك شيرا
LOoOoOoOoOooOLZ
كيفك وكيف حليمه
انا والله كنتا قاعد علا مشيت اجيب لي قايشاب واجي
LOoOoOolz
متزكر عليك الله رمضان في بونا كان كيف
يا ســــــــــــــــــلام
الليله كنتا فاطر في وانوري شايفك ماشي على فاطيمانقر
| |
|
|
|
|
|
|
|
|
|
Re: عامـــــود الحله (Re: ايهاب)
|
العزيزه القلب النابض والله بعد دا الا نسجل ليك العامود بي اسمك عشان نقدر نجازيك
رايك شنو نستثمرو
loOoOoOooOoOOlz
يعني الناس دي بدل ما تجي تتفرج ملح ساي كدا
وبعدين احنا المؤلف زاتو قاعد معانا
| |
|
|
|
|
|
|
|
|
|
Re: عامـــــود الحله (Re: ايهاب)
|
كنت ماشي الفطور الجماعي لاسرة امدرمان ومن هناك مشينا ميدان بونا كولج للمشاركة في دورة الطائرة وكالعاده انتهت 3 امدرمان 2 مدني loooool 
| |
|
|
|
|
|
|
|
|
|
Re: عامـــــود الحله (Re: ابو مهند)
|
هههههههههه
ابو مهند ياخي غايتو تلاته اتنين دي انا ما متزكرا لكن متزكر لقطه تانيه
لؤي ولدنا وهو ماشي من النص على قونكم ولما شات الكوره قبل ما تصل القون كان فرتقتو الفلم بعدين غايتو قالو في ناس بهادر ديل احنا ما لحقناهم لكن قالو السوهو كتيير
loOoOoOoOoOOOOOOlz
تعرف بورداب الهند لو لحقو جو العامود دا حا يبقوهو زي العتبه بتاعت عمك انصاري ولا دكان فريده ههههههههههه
يديك العافيه
| |
|
|
|
|
|
|
|
|
|
Re: عامـــــود الحله (Re: ايهاب)
|
العزيز ابو مهند
ما لقيت الا مدني عشان ناس صلاح دوليب و شيخ العرب مافي؟
اسع تلقاهم ايميلاتهم تتخابت لبكري عشان يجوك هنا
العزيزة القلب النابض
اهلنا بقولوا لو جاك ضيف بالليل و خفت منه قديم ليهو لبن
اذا ما شربو يبقي سحار لووووول كويس انه ما ممنوع من اللبن
و الايس كريم لو ما ساح او لهطو دكين برضو بنرجع ليهو بعد
رفع الحظر
العزيز ايهاب
الصحة بومب و الحمد لله
ذكرتونا رمضان الهند كان عندنا ميز رهيب في مدراس عندنا معاهو
قصص و ذكريات بعض ابطالها اعضاء هنا علي الله يجوا يحكوا تحت
العمود دا
| |
|
|
|
|
|
|
|
|
|
Re: عامـــــود الحله (Re: نصار)
|
الله يجيبهم يا نصار
مدارس دي انا جيتا تلاته ايام سنه 95 وكان في عز السخانه مافهمتا اي حاجه
الغريبه انو في الهند رغم الفلس العام والدائم الا انو رمضان دا كان بقلب كل الموازين
سبحان الله
| |
|
|
|
|
|
|
|
|
|
Re: عامـــــود الحله (Re: ايهاب)
|
العطر أضحى إحدى أمسيتين
والعهد أضحى اقرب إلى الغناء
في احتفال العنقالة
والعنقالة في انشغال الأشياء
تفتت مجاهيل الأصول
والتراث البهيل
يروَّعون البضائع في ارففها
وهي بذات حلتها الدارجة
وهم يحصلون على أرزاقهم بقدر ضوضائيتهم
وفي الضوضاء تضيع الأرزاق،
دي الكلمات التي تشرق عقب كل سجارة مشرقة..
مزيدا من العمود قليلا من البرنجي كثيرا من الشعر ..
يا يهاب .. انتا الجكس ده وكت محتج على السجاير ما يمشي هناك يقعد قدام دكان الماحي جنب باب الداخلية..
يا قلب انا كنتا قايلك تبتا من تعب السفر وقعدة العمدان..
دخني عليها تنجلي..
| |
|
|
|
|
|
|
|
|
|
Re: عامـــــود الحله (Re: DKEEN)
|
شفت آآدكين
انا العنقالة بتاعينك ديل بريدهم وبريد كلامهم
وان شاء الله ما يكونوا بيدخنوا.
ودكان الماحي وريني ليه بقول ليه ما يجيب السجاير ومنظمة الصحة العالمية تدفع ليك
ارباحك على داير الملين ... لانه اولادنا ديل ثروة قومية,
وأختا البنجي آآآآدكين
والعمود نوووووور
| |
|
|
|
|
|
|
|
|
|
Re: عامـــــود الحله (Re: القلب النابض)
|
ياقلب
دكان الماحي يقع في العرضة شمال ..
الى الجنوب تماما من ترتار ناس عبد اللطيف بتاع الطبلية ..
بالضبط جنب ناس المرة خريجة القابلات ديك..
ناصية يفتح جنب بيت ناس زغالي..
وعلى بعد عشرة متر من زير الحلبة ..
الماحي شخص اعتاد التغزل بنساء الحلة والتحدث بما يليق وبنا لا يليق ..
نساء الحلة ادمن غزل الماحي وحديثه اللائق وغير اللائق ..
الماحي ادمن ادمان حريم الحلة ..
لهونه عن بيع او تجارة حتى ذار مخادعهن..
هو الان رجل مخادع..
ما تمشي الدكان نحنا بنخلي السجاير ..
السجاير هين..
كعب الماحي..
| |
|
|
|
|
|
|
|
|
|
Re: عامـــــود الحله (Re: DKEEN)
|
دكين انت متاكد انو سيجارتك دي برنجي
loOoOoOoOoOoOLZ
باقي انا عندي نزله وما قادر اميز هههههههههه
دكين وين صاحبك دافيء
ذلك الدافيء قلبا وقالبا
لعله بخير
| |
|
|
|
|
|
|
|
|
|
Re: عامـــــود الحله (Re: ايهاب)
|
يا ناس ايهاب ودكين
ما شفتو ثورة الماحي في حي العرضة
ولا دايرين تجو في العيد الاول للبطولات الماحوية
في اصلاح الراعي والرعية
وذهاب كونداليزا رايز شمار في مرقة
في الشؤون الدوليه
وبيع السجاير في دكان الناصية
جنب الغنماية الواقفة
افتكر نسميها ثورة البرنجي
ونتيجة لغياب العضوية فانا افتي براي لامن يجي دكين
والخال نصار
واللخو ايهاب
| |
|
|
|
|
|
|
|
|
|
Re: عامـــــود الحله (Re: ايهاب)
|
| Quote: والله فهمتآآآآآآ والتوبة لي حبوبة ...ما ببيع السجاير .... |
ياقلب
قوندليزا ان مرقت من فجتها ديك وجات العرضة حيث الماحي ..فقدت جميع صلاحيتها ..
يعني هسع زول مثلا عندو ماستر في ادارة شركات البتروكيمكال اودكتوراه في علم الصواريخ..
لو وديتو دخلتو غابات دجنوب النيل الازرق واديتو وازا في يدو .. تفتكري حتنفعو الافكار والمعادلات التي يتمتع بها في علم المقذوفات وشركات البترو كيمكال؟؟
اها قوندليزا دي حرم تصل الماحي بس ..
تاني ما تكون إلا مجرد انثى ..
انثى لا حول لها ولا قوة..
انثى فقط .تخجل وتستحي وتنظر الارض حين تملع عيون الماحي ..
وحرم ترى في الشي ما كان احتمالا ..
زي ما قال الصادق الرضي سلمه الله
ياهوبة
الناس الجايين من ماربيا ديل بستهتروا بي قدرة الماحي بتاع الدكان ..
ياخي انا في العمود ده مرزوع اربعة سنة ..
اربعة سنة فقط استغراب في الماحي..
ود عقاب
اخر مرة شفتك حقتك كانت توجوج ..
عساك ما بطلت الصعوط ؟!
دمتم رفقاء عمود وضل ضحوية
| |
|
|
|
|
|
|
|
|
|
Re: عامـــــود الحله (Re: DKEEN)
|
دكين
وانت قايلني اخترتها ليه
عشان سوء التفاهم يحصل
والماحي يبرطم وهي ما تفهموا
وهي تتكلم وهو ما يفهما
والشكلة تقوم
و البوليص الدولي يجي يخم الماحي
عارفة ما في عدالةهنا
لكن تسقط دكاكين الكونر البتبيع السجاير البرنجي
ويسقط الماحي البيعاين لي نسوان الحلة م طرف
وكونداليزا ما مكجنة شئ غير الرجال
والكلام دا قالتو في لقاء البي بي سي.
اها كلم الماحي بالكلام دا
وبي كجتنها للرجال دي بالذات.
ايهاب ؟ وينك
الليلة الكنيس عليك
والرش
نصار
الغياب ليه لعلك بخير طمنا عليك وعلى صحتك
العمود داير نور
| |
|
|
|
|
|
|
|
|
|
Re: عامـــــود الحله (Re: القلب النابض)
|
دكين
والقلب النابض سلام
لي يومين نزله شديده والمره تشيل وتقول لي كلو من قعده العامود
وناس العامود
الايام دي اي حاجه سببا العامود
المهم انو انا عندي مشروع اكبر من الرش والقش وكدا
اذا انه يجب تكشيب هذا العامود للعيد وكدا
بعدين في خلفيات انتو ما عارفنها
العمود دا ما عامود عادي
دا عامود مناضل وقصتو طويله ومال الرماه الرميه دي شنو
عشان احكيها ليكم عايز لي كبايه شاي ماكنه
يعني الا بعد الفطور باذن الله
كل التحايا
| |
|
|
|
|
|
|
| |
ايهاب
القلب النابض
نصار
مين طفى النور
فيس بوك
تويتر
انستقرام
يوتيوب
بنتيريست