|
|
 ما بال احدكم ؟
|
قال شاعر وأظنه مجنون ليلى (أحب من الاسماء ما شابه إسمها ووافقه أو كان منه مدانيا)
الاسم عندو مدلول وبرضو عندو نغمة والاسماء بتتحور وتبقى مركبة وتكون متبوعة باسم الام وباسم الولد وباسم الاب . يعنى تكون كنية . واحلى الاسماء هى الاسماء المرتبطة باسم الام . يعنى بكرى ود فوزية الذ من بكرى ود العجمى واحن .والاسماء المرتبطة بالابن ما بتشبهنا نحن السودانيين بل بتشبه العرب وخصوصا المجتمعات الذكورية فيهم . وبرضو ذكر الكتير من اسامى الرجال المربوطة بالنساء غير الامهات زى جميل بثينة وكثير عزة ونغمتها أحلى من عنترة بن شداد العبسى . ولا مش كدا ؟
و فى اسماء كودية زى (فلان وعلان) وبرضها احلى وفى الغنا قالوا ما بصح ليك يا فلان وغيرها من الفلانات الكثيرة فى الغنا السودانى . والرسول (ص) بيقول فى كثير من الاحاديث (ما بال أحدكم) وبرضها أحلى من اسامى الرجال المركبة المتبوعة باسامى رجال ولا شنو ؟؟ يعنى خذ على سبيل المثال الاسامى الجاية دى والزعل مرفوع وغيرها من اسامى الناس الفى البورد لو داير تعمل ليها سيرش عشان تقرأ افكارهم بتكون الحكاية صعيبة جدا
عبد الحميد البرنس
Albino Akoon Ibrahim Akoon
محمد عبد المنعم عمر
ابراهيم بقال سراج
ABDELMAGID ABDELMAGID
ادريس خليفة علم الهدي
عبدالرحمن عبدالله أبوشيبة
عدلان أحمد عبدالعزيز
ابوبكر الامين يوسف
يازول ya zool يازول (اتمنى أكون كتبتها صاح)
عمر ادريس محمد
ابراهيم بقال سراج
أحمد عبد العاطى (بالانجليزى كمان)
الموضوع مجرد هضربة غياب طويل ووحشة لا أكثر ولا أقل . لكن برضو فكروا فيهو يمكن يكون فيهو شوية حقيقة . ولا أخفى عليكم أنا ضد الاسماء المفروضة من لدن السيد بكرى أبوبكر
ختاما احيى اصحاب الاسماء الحلوة ناس ابوساندرا و ود عزة وفجراوى (قبل أن يقتل) وتمبس وغيرهم
لا عليكم
|
|
 
|
|
|
|
|
|
|
|
Re: ما بال احدكم ؟ (Re: ود العجمى)
|
اها شفت كيف ؟؟
داير اكتب اسمك بعد ما ختيت يا .. لقيت الاسم طويل زى نهارات رمضان فى السوق العربى
خلينى أقول فجراوى . يعنى ممكن تعتبرنى كلاسيكى
الطولة ليها اسبابها العادية فى بلدا القابض فيهاعلى اسباب رزقه كالقابض على جمر
ال 24 ساعة بقت ما بتكفى . مع ملاواة الحاصل
ومرات عديدة دخلت قريتك وانت بتفشت فى الخدر . لكن الاصابع بقت ما بتقدر على الكيبورد
وشايفك مرة رسلت لى بوست فى ود عينى عديل .. المهم يا زول الحياة حاصلة نحمد الله
| |
|
|
|
|
|
|
|
|
|
Re: ما بال احدكم ؟ (Re: ود العجمى)
|
الأخ الحبيب ود العجمي
رمضان كريم وكل عام وأنتم جميعا بخير.. التهنيئه والتحية والشوق موصولة للخالات العزيزات ولأولادك
الزاكي
| |
|
|
|
|
|
|
|
|
|
Re: ما بال احدكم ؟ (Re: ود العجمى)
|
ود فوزية
مابال احدكم يتغيب عنا طيلة هذه المدة التي نحن فيها متلهفين لطلته
سعدت بعودتك واتمني ان تواصل رغم-البشغل والعربات الحكومه.... والي شيء
انا مثلك تماما احب الاسماء المنسوبة الي نساء واتمني يتحول اسمي الي
ود الموز او عم يسرا او اخو ابتسام
وتحياتي ليهن كلهن
| |
|
|
|
|
|
|
| |
ود العجمى
عمر ادريس محمد
nile1
فيس بوك
تويتر
انستقرام
يوتيوب
بنتيريست