|
|
|
 Re: رمضان في ارض الغربه :( (Re: فيصل نوبي)
|
والله كان ما البورد
و الناس الحلوين
كان الواحد مات قهر
الواحد يفطر
و يجي يقعد في البورد
Quote: المتواجدون الان بالمنبر العام 313 شخص » (21 )عضو و (292) زائرا
»Abdulgadir Dongos
»Adil Osman
»Ali Alhalawi
»bakri
»Magdi Is'hag
»Shao Dorsheed
»Sudany Agouz
»Tragie Mustafa
»WADKASSALA
»Walid Safwat
»بلدى يا حبوب
»خال فاطمة
»صلاح شعيب
»عبدالعزيز حسن على
»عبدالله
»عزيز عيسى
»فيصل نوبي
»كمال حسن
»محمد عبد الله شريف
»محمدين محمد اسحق
»نصار
هذه الصفحة يعاد تحديثها كل 120 ثانية. |
رمضان كريم تصوم وتفطر علي خير
و كل سنه و انت طيب يا بكري
| |
 
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
يا حليل ايام زمان
بعد صلاه العصر
تمرق الشارع
و تجر ليك خرطوش طويل
و ترش الواطه كلها
و تقرش ليك برش
و تلقط حسنات ساي
سلام للماشي و الجاي
و معاها حبة جرسه كده من السخانه
و قبل المغرب بي ربع ساعه
تجيب الاكل الشهي
والله كان بقت فوله ساكت اخير من لحم و جداد هنا
اكل طااااااااااااااااااااعم
و ناس طيبين و حلوين
الا هنا كان فطرت ولا ما فطرت مافي زول عارفك
ده كان صحي بالجد قاعدين يصومو
غايتو الحمد لله
و عظم الله اجرنا و اجركم
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: يا حليل ايام زمان
بعد صلاه العصر
تمرق الشارع
و تجر ليك خرطوش طويل
و ترش الواطه كلها
و تقرش ليك برش
و تلقط حسنات ساي
سلام للماشي و الجاي
و معاها حبة جرسه كده من السخانه
و قبل المغرب بي ربع ساعه
تجيب الاكل الشهي
والله كان بقت فوله ساكت اخير من لحم و جداد هنا
اكل طااااااااااااااااااااعم
و ناس طيبين و حلوين
الا هنا كان فطرت ولا ما فطرت مافي زول عارفك
ده كان صحي بالجد قاعدين يصومو
غايتو الحمد لله
و عظم الله اجرنا و اجركم |
ضفرة
عشان ياحليل ايام زمان والجؤسة والبكاء على الاطلال كجرنا الخيمة وقلنا نوحد الجرسة والبكاء والفراش ومعليش الله يرحم ايام زمن والفقد واحد يابنى
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: ضفرة
عشان ياحليل ايام زمان والجؤسة والبكاء على الاطلال كجرنا الخيمة وقلنا نوحد الجرسة والبكاء والفراش ومعليش الله يرحم ايام زمن والفقد واحد يابنى |
ود عكر
والله البكاء ما بيكفي
الخيمه حقتك جيتها
و بكيت و مشيت
الا في باقي بكيه قلتا اكملها هنا
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: فيصل مالك علينا ياااااااااااااااااخ
قطعت مصارينى من الحزن والجرسة والله
ياحليل الشعبية وناس بحرى
الله يلمنا على اهلنا يااااااارب |
ندويه اختي
ما ابيتي تصومي معانا
خليتينا لي غربتنا
طليتي علينا زي البرق في ليل غيم
نورتي لينا الدار
و حرقتي قلوبنا شوق ليكي بعد غادرتينا
عايشين علي ذكراك و طلتك الجميله
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: ندويه اختي
ما ابيتي تصومي معانا
خليتينا لي غربتنا
طليتي علينا زي البرق في ليل غيم
نورتي لينا الدار
و حرقتي قلوبنا شوق ليكي بعد غادرتينا
عايشين علي ذكراك و طلتك الجميله |
ااااااااااااااااااااااااااااااااااخ
نوبى
انشاء الله لو كان بيدى اقعد وماقعدت اموووووووووت انا يانوبى ياغالى
لكن حتما اعود انت بس شيل الصبر !!
| |
|
|
|
|
|
|
|
|
|
Re: رمضان في ارض الغربه :( (Re: نادية عثمان)
|
يا نادية أزيييييييييييييك
مدخل:
ورمضان مبارك..
وسوزان مبارك ..
ومبارك نفسة ..
وانا ناس البورد ودقي يا مزيكا
نص:
انتو يا جماعة ما بركم خلتونا في نيران العذاب دي
وتجوا تقولوا شنوكدا ما عارف
كسرة:
والله أخير ليكم وانت في غربة بالجد جد
ترانا نحن في السودان ومتغربيين
يا حليلنانحنا
مع أكيد حبي وتقديري،،،
عادل فايت
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: ااااااااااااااااااااااااااااااااااخ
نوبى
انشاء الله لو كان بيدى اقعد وماقعدت اموووووووووت انا يانوبى ياغالى
لكن حتما اعود انت بس شيل الصبر !! |
ندويه
في انتظارك من قبيل 
| |
|
|
|
|
|
|
|
|
 Re: رمضان في ارض الغربه :( (Re: فيصل نوبي)
|
يا فيصل نوبي حأنقل ليك تجربتي مع زول صاحبي في رمضان عبر الرسائل التالية ...
وقول واحد...بعد ان آذن لي
يالقلب ... رمضان دا جهجه شديدة
والله اخوك فطر بى قهوة وعصير بس
لانو انا خايب فى شغل المطبخ وبعدين مابعرف افطر براى او أكل براى
فطرتى بى شنو
وبسمع فى اذاعة منقو حسع
شفتى عدم الموضوعية والقرف البقينا فيه دا
يالطيف بس
| |
|
|
|
|
|
|
|
|
|
Re: رمضان في ارض الغربه :( (Re: القلب النابض)
|
كان الرد
شفت اخر الزمن ياخوي والله العظيم الفطرت بيه انا ناس البيت لو عرفو يرجعوني السودان هسع
تصدف chanese food > رز بالخضار وشوربة كدا تصدق هو لذيذ لكن ما بشبه رمضان .
اوصيك أعمل الحلة الزمان ديك حقة العذابة جيب الحاجات كلها وكبها في الحلة وسوطها .
... البيض دا مالو ما ساهل ... الطماطم بالجبنة ....شوربة فراخهم المسيييييخ دا ماتعملها ...اي شي القهوة دي على الجوع ما كويسة . ولا اقول ليك اشتغل بالفرن ساهل واي زول ما بعرف ممكن يزبط حاجة كويسة؟
كدي جرب
| |
|
|
|
|
|
|
|
|
|
Re: رمضان في ارض الغربه :( (Re: القلب النابض)
|
Subject: Re: مساءالخير
والله ياقلب خليها ساى
والله الواحد شدت ما ذهجان ما عارف يعمل شنو
وقبل شوية ضربت لى الحاجة سالتنى فطرت بى شنو غايتو غشيتها قلت ليها
فاطر بى قراصة وفول وبيض وجداد وجبنة وعصير تصدقى
لكن والله ما عندى نفس لى أى حاجة
انتى عارفة رمضان دا برا أهلك تافه وبالذات فى اوربا دى
والله تطلع من الغرفة رمضانك يتجرح
وبعدين عاوذ اسوى شوربة عدس المرة الفاتت سويتها كعبة دفقتها
كبيت العدس والموية والبهارات وكت جيتها ليقيتها ما حلوة
بس رسلى الوصفة بتاعتها كدا بس براحة واحدة واحدة على عشان افهمها
الليلة شارب كوبايتين قهوة لى حسع
| |
|
|
|
|
|
|
|
|
|
Re: رمضان في ارض الغربه :( (Re: القلب النابض)
|
Subject: Re: مساءالخير
اوكييا اخوي
تجيب نص بصلة اوبصلة صغيرة
تجيب كباية صغيرة عدس
خمسة كبابي موية بي نفس الكباي الصغيرة بتاعة العدس
تخلي الموية تغلي
تكب العدس والبصلة ولو عندك طماطماية برضو ارميها
خليهم يغلو لما العدس تحس بيه نجض
بعد كدا لو عندك رز كب ملعقتين بس ..
ولو مافي ما مشكلة ممكن تعمل ليك مكرونايتين تلاتة بتزبط العدس
بعد كدا تكب الملح المناسب معاك
وبعد كدا تخلطها في الخلاطة او تفركها بالمفراكةلمن العدس يموت تب
حبة فلفل + حبة توم+ كسبرة ولو عندك شطة خدرة ارمي ليها قرن واحد لو ما بتعمل ليك حاجة بس اوعي تخلط ال
الشطة الخدرة معاها.
ولمزيد من التجويد( عدس ما شوربة بس)
بعد كدا دلي الحلة في ا########## واعمل قلية توم
وهي كالاتي :
حبة زيت في الطوة علي النار لما يسخن
ارمي التوم المدقوق شديد
خلي يحمر حبة .
يعني لونه يبقى دهبي
افتح حلة العدس وكبه فيها وغطيها بسرعة (السر هنا) وارفعه في النار دقيقتين تلاتة كدة
اها قصرت مهاك والله لو قريبة الا اجي اسويها ليك. القصة فيها تأشيرات وعبور حدود.
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
Quote: ... البيض دا مالو ما ساهل ... الطماطم بالجبنة ....شوربة فراخهم المسيييييخ دا ماتعملها ...اي شي القهوة دي على الجوع ما كويسة . ولا اقول ليك اشتغل بالفرن ساهل واي زول ما بعرف ممكن يزبط حاجة كويسة؟
كدي جرب |
صاحبك ده ما براو الما بيعرف
ما داير اقول ( خيبان )
لكن طلعتي انتي اسواْْء منو
وينك يا وليد الحقني
اها و تاني
جهجهتيني
كنت قايل روحي عارف حاجه
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
كوليل
اخير ليك هووووووووووووي
القلب ده بيوديك في 60 داهيه
هي حلتها دي كان نافعه كان اكلت هناي فود القالتو ده
البت دي اظنها شايقيه جنها شطه
تهريجه:
الدنيا رمضان و نحن ماشين الخلوه زح من الشطه سمح !
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
ياخوى انا مادام مرقت من اهلى
بجرب اكل البت دى ولو جاتنى حاجة
تراكا شاهد عليها انا زول الله ساى درويش
وبصدق اى حاجة ....
بس بعدين لو تعبت ساى اعفيها لو جابت ليها موت
شيل منها القريشات بتاعت الدية وخليها
لسع عندها باقى قراية التتمها
اعمل لى سبيل بس والباقى حلال عليك
قصرت معاك ياود الخالة
بس خلينى النجرب ليك عدسا دا بكرة ماتتسرع وتقول تسوى
خلينى انا النجرب اول وبديك الخبر
انا اصلى فار معمل
| |
|
|
|
|
|
|
|
|
|
Re: رمضان في ارض الغربه :( (Re: كوليل)
|
Date: 08-10-2005, 01:40 م
From: القلب النابض
To:
Subject: Re: هام وعاجل
يا اخوي
لو عايزها شوربة خفيفة اعمل الموية كما في الوصفة ولو عايوها تقيلة شوية قلل الموية لي اربعة او تلاتة
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
السبيل ده نعملو وين يا ود الخاله
في الخلوه ؟
و الكلب اديو لي منو ؟
و الديه كم ؟
هي البنيه دي عندها قريشات ؟
اها الباقي بتبرع بيو للناس الرافعا كوعها هي يدها دييييييييك
اصلهم بيفتشو للقريشات سااااااااااااي
انت رائيك شنو نديهم ؟
غايتو بكلم ليك المفتاح و ناذر و ناديه يطلعو ليك مرثيه بكره
و حفل التأبين كمان في لندن سمح !
و بكلم عمر داك يعمل ليك بورتريت جديد و تدخل موسوعه جينيس من اوسع عدسها
اها الخيمه نعملها وين ؟
عندنا و لا عندكم و لا عندها و لا مع الادروبات ؟
اها تاني مافي شي مدكنو هنا ولا هناك ؟
ناصر غايتو بكلمو هسي
ما تنسي رسل لي الوصيه ميل قبل ما تموت هي تاكل العدس
تهريجه:
ود الخاله الله يرحمك
كتلتك القلب النابض
وخلت قلبك واقف
لكن شيييييييينه في حقك
نقول لي الناس شنو ؟
كتلتو حله عدس ؟
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
ياخوى الزير اعملو فى التكية بتاعت السيد الحسن
والقروش وذع منها واصلح حالك بى الباقى
والدفن فى مكة
والفراش فى ميدان المولد
وبعدين المرسايت دى انا مابحبها
واهم شى بعدين المحلب فى الحنوط مايعملو بعمل لى (حساسية)
اها الكفن دا خلى يجيبو ناصر البطل
وعليك الله ماتنسى تكلم النسوان ديل يبكو شدييييييييييييييييييييد
| |
|
|
|
|
|
|
|
|
|
Re: رمضان في ارض الغربه :( (Re: القلب النابض)
|
اها يافيصل ويا كوليل ....
الزول جاب الخبر الاكيد
وقال مافي سبيل ولا ود الميرغني ... ولا دية ولا شماتة وممكن تعزموا ناس الخيمة لو عايزين وناس البورد كلهم , عشان تآآآآآآآآآآآمنوا .
ولو دايرين بكرة بديكم وصفة لكن بطريقتكم دي .. الله اعلم
Subject: خبر هام
الحلة طلعت مجنونة
بالذات بعد تطلع وتديها ليمون
تجنن عديل كدا
تسلم يدك ياست البنات
والله طلعت روعة
صحى كلام وليد يدك طاعمة فى الطبيخ
طيب ما دام بتعرفى مالك ومال اكل السلطات
يديك العافية ويوفقك يارب
بعد دا تعبتى معاى أى حاجة نفسى فيها بجيك
خلى بالك واسع معاى بس
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
يا قلب
تعالي هنا 
انتي هربتي ولا شنو 
خليتي كوليل 
مسكين 
لهط العدس 
و  ماشي ينوم
يا حبيب 
انا خلاص بشيل الكنجل سمح 
هسي حرارتك وصلت كم 
اكيد 
عملتها فيك 
تاني عشان ما تلهط كده 
اتعلم 
سمح !
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
فيصل نوبي
وكوليل
اها عاد بعد دا ما بتقدروا تشمتوا والدليل شفتو بعيونكم ديل ..ودا دليل تاني
وكوستاوي عارفني بجيب الدليل في يدي حتين اتكلم
Subject: Re: مساءالخير
الحلة طلعت ظبط ... والله
خاتى لى منها كباية قدامى
لاكن الخواجات اولاد الكلب ديل جايطين السكن سكر وكلام فاضى
دى براها حاجة تزهج
والله خاتى منها كباية قدامى
رسل لى حاجة افطر بيها بكرة بس تكون بسيطة فى عملها
مع تحياتى
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
يا كوليل
با قلب
خلاس اتفقتو علي
اها ما داير معاكم اكل
نتلاقا في الخلوه
لكن يا كوليل ما تقول لي بطني واجعاني سمح !
وانتي يا قلب ما تقولي لي جبت ناس الداخليه بالضحك سمح !
| |
|
|
|
|
|
|
|
|
|
Re: رمضان في ارض الغربه :( (Re: فيصل نوبي)
|
يامراحب
ياحميم
رمضان كريم
أولاً هاك المنديل ده وأقسم لي منو معاك
بعدين
شايف الحميمه القلب النابض ما قصرت معاك ولا معانا
وصفاتها دي حتصبرنا شوية وناكل ونتذكر السودان برائحته المنبعثة من قلوبنا المسكونه بعشقه
أبداً
علاء
| |
|
|
|
|
|
|
| |
فيصل نوبي
ADIL FAIT
القلب النابض
Ala Asanhory
nasiradin
ناذر محمد الخليفة
فيس بوك
تويتر
انستقرام
يوتيوب
بنتيريست