|
|
 ماذا تفعل اذا هيفقت العتاريس فى منتصف الليل .........؟
|
العتاريس هى الديكة ومفردها عتريس اى ديك ...والهيفقة هى صياح الديك
فإذا سمعتم هيفقت العتاريس فأسالو الله تعالى من فضله والدليل ....
فعن أبي هريرة رضي الله عنه أن النبي صلى الله عليه وسلم قال:
)(إذا سمعتم صياح الديكة فاسألوا الله من فضله، فإنها رأت ملكا وإذا سمعتم نهيق الحمار، فتعوذوا بالله من الشيطان فإنه رأى شيطاناً)) [البخاري ح3303، مسلم ح2729].
|
|
 
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: قرشـــو)
|
قرشو
كل عام وأنتم بخير
والله كلامك صااااح
تعرف هناك محافظ في واحدة من محليات دارفور
لاحظ أن سكان هؤلاء المحلية يربون { الجداد } بكثرة
وأعطى أوامره بحصر الديوك والجداد وغيرها من الفراريج والسواسيو
{ طبعاً الحناكيش بيقولوا كتاكيت }
المهم المعتمد ابن اللذين دا شاف الحكاية دي كتيرة جداً
ويمكن تغطي ليهو نصف الرواتب التي تصرفها المحلية
فقام دون حياء بفرض رسوم على الدجاج !!!!
طبعاً قال ليك الديوك دي كانت كل يوم بتكورك نص الليل
لكن بقت مما تشوف ليك ناس الضرائب تسكت سكات عدوك وتنحشر تحت العناقريب
حتى يقال أن تلك العلاقات الغير مسئولة مابين الدجاجة والديك قد اصبحت شبه معدومة
وبرضو تقولوا ليه البيض غالي ؟؟؟
| |
|
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: ابوحراز)
|
الحبيب ابو حراز
كل سنة وانت طيب
قلت لى أخونا بتاع دارفور ده غلبوه الجنجويد قبل على الديوك
امانه ما والى لكن ..
المهم اكان جيناه على رايه ....
هسع ديوك و"جداد" قدر ده حايحفظه وين ؟؟
اكان بنى ليه زريبة ما بسلم من "ابوالعفين"
وحاتك ما يخلى فيه جداده واحدة
واكان عمل ليه اقفاص حديثة تبقى تكلفة اضافية
وعاوز بيطريين وزراعيين وعمال للاكل والشرب وهلم جرا
اها صاحبك ده يكون ورط نفسه ورطه اصلوا ما معقولة
اما لو عاوز نقداً فالناس اكيد ما عندهم نقد
لكن ياخوى ناص الضرائب ديل سكتوا التجار ما يسكتوا الجداد ياخى
تسلم على قفشاتك اللطيفة يا ابوحراز
ورمضان كريم
| |
|
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: قرشـــو)
|
جواز عتريس من فوادة بااااااااااااااااااااطل !!
هو بالله عتريس يعنى ديك بالجد ؟!!!
هههههههههههههههههه
والله الصعايدة كان سمعوا الكلام ده يزعلوا زعل !!!
قرشو
رمضانك كريم يازول
شنو انت وفيصل طنشتونى كده لاسؤال لاجواب ؟!!
زعلااااااااانة منكم !!
خصوصا فيصل قريبى الفكانى عكس الهواء
بلغو الرسالة والتحايا
| |
|
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: نادية عثمان)
|
الأستاذ الكريم قرشو ..
رمضان كريم ..
عند قراءتى موضوعكم .. لم يسبق لى التعرف على معنى
كلمة عتريس - انها تعنى " الديك "
فذهبت الى المجلد الضخم " المعجم العربى الأساسى "
لأبحث عن معنى كلمة " عتريس " ..
فوجدت الآتى ..
عترس : - فى الأمر : تمسك بالجفاء والعنف.
عتريس : الغضوب الجبار.
وهذا للعلم فقط .. وأيضا كما نقول " العلم بحره واسع .."
وشكرا أخى ..
عمك العجوز ..
أرنست
| |
|
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: نادية عثمان)
|
الأستاذة العزيزة نادية
رمضان كريم يا ستى
شفتى اخواننا الصعايدة خامننا الزمن ده كله عتريس عتريس
طلع فى الاخر ديك بس .. ولا حتى ديك عدة..
بالمناسبة
قريبك ده عاوز قرصة فى اضانو
تصدقى اصلو ما برد على الموبايل
وما بتصدقى انا وهو فى برج واحد وبرضو ما قادر الم فيه؟؟
اليومين ديل ما بتلقى الا بعد يوم الاربعاء
يديك العافية وامورك معانا تمام
| |
|
|
|
|
|
|
|
|
|
Re: ماذا تفعل اذا هيفقت العتاريس فى منتصف الليل .........؟ (Re: قرشـــو)
|
أخي الكريم قرشو
كل عام وأنتم بخير
ماذا نحن فاعلون بعد إنتشار إنفلونزا الطيور. فكل هيفقة لعتريس تحمل وباء قاتلاً حمانا الله وإياكم من شر الجداد والطيور على أشكالها. ذات مرة أخي قرشو جعل الله يومي قبل يومك ذهبت إلى السينما وفي طريق عودتي إلى دارنا الكائنة مكان جميع الكائنات سمعت وثلة من أصدقائي صوت فنان يلعلع فذهبنا منحلين مملحين وحضرنا الحفلة وهججنا أيما هجيج ولما لم يكن لعسس سلطة لإنهاء أفراح الناس في بلادنا في ذلك الزمان إختلط صوت المؤذن منادياً لصلاة الفجر بصوت الفنان ، وهو ما يعرف بالحفلة الصباحي ، وعند عودتي متهالكاً فتشت عن أطول ضل حيطة إمعاناً في النوم الثقيل وما كادت جفوني تنطبق أو تطبق عليى بعضها البعض حتى حاول ديكنا أو عتريسنا فعلتها كما إعتاد فصاعد في ماسورة السرير قبالة رأسي ونفض جناحية مصفقاً ماداً عنقه للأمام مغمضاً عينيه وخلال هذا الجو المشحون ما كان مني إلا أن أطبقت بكلتا يدي على رقبته محاكياً في ذلك حارس بايرن ميونخ العملاق أوليفر كان ومن ثم رميت بديكنا إلى خارج البيت ومن يومها أصاب هذا العتريس الخرس وأصبح لا يؤذن أو ينادي برغم محاولاته المتكررة وبعد أن كان ديك نغمات أصبح هزاز
| |
|
|
|
|
|
|
| |
قرشـــو
ابوحراز
سجيمان
humida
Sudany Agouz
عادل فضل المولى
almulaomar
JAD
مهيرة
فيس بوك
تويتر
انستقرام
يوتيوب
بنتيريست