|
Re: واصبحت لنا دار .... (Re: salma altijani)
|
اتحاد الصحفيين الحالي يجد معارضة من الكثيرين للطريقة التي تم انتخابه بها, فكثير من الصحفيين وجدوا انهم لا يحق لهم التصويت لانهم غير مسجلين في الكشوفات. وكان التسجيل قد تم في فترة محدودة لم تمكن الكثيرين من سماع الخبر اضافة للحشود التي شهدها مقر الاقتراع من خارج الصحفيين الممارسين للمهنة
| |
|
|
|
|
|
|
Re: واصبحت لنا دار .... (Re: gamal elsadig)
|
شكرا جمال حسين لمشاركتنا الفرحة ونتمني ان يصاحب افتتاح الدار انفراج فعلي في الحريات الصحفية والا يتم التعامل مع الصحفيين(بتصرف) بعد رفع قوانين الطوارئ ونحلم بيوم تتوقف فيه زيارات الصحفيين القسرية لذلك المبني جوار مقابر فاروق
| |
|
|
|
|
|
|
Re: واصبحت لنا دار .... (Re: salma altijani)
|
مبروك يا سلمى
و ان شاء الله السنة الجاية نعمل احتفال سودانيز اون لاين في دار الصحافيين.
و بالمناسبة السعيدة دي .. اين تقع الدار؛ و هل ستكون هنالك نشاطات للدار غير الاجتماعيات. لانو بصراحة لازم تكون دار مختلفة عن بقية دور المهنيين.
| |
|
|
|
|
|
|
Re: واصبحت لنا دار .... (Re: Hussein Mallasi)
|
ملاسي لك التحية والف مرحب بكم في دارناوممكن تعتبروها دعوة لاقامة احتفال سودانيزاونلاين السنوي بها وكان ما شالتكم يشيلكم الراس. المبني يقع غرب البنك الزراعي بالمقرن علي الشارع الرئيسي المؤدي لامدرمان. اتمني معك ان تكون بها مناشط غير الاجتماعيات دعنا نعتبرها خطوة اولي الي الامام
| |
|
|
|
|
|
|
Re: واصبحت لنا دار .... (Re: salma altijani)
|
الأخت الأستاذة سلمى لك التحية والاحترام
ونبارك لك وللزملاء افتتاح الدار ونأمل ألا تكون هي (الإنجاز الوحيد) وأن يتمكن الاتحاد من تطبيق فعلي لصلاحياته في (حماية) الصحفي ومصادره من تغول الحكومة، بجانب مهامه الأخرى المرجوة. وأبشرك أن الأخوة (هنا) في جمعية الصحفيين السودانيين بالسعودية. قد اتفقوا على دعم الاتحاد، وربما يخصص الدعم (للدار الجديدة).
ولك خالص التقدير
| |
|
|
|
|
|
|
Re: واصبحت لنا دار .... (Re: عبد الله عقيد)
|
الاستاذ عبد الله عقيد سلامات للصحفيين مشاك مؤجلة كثيرة الاسكان مثلا لا زال مشكلة تنتظر الحل الذي يناسب ظروف الصحفيين.
Quote: وأبشرك أن الأخوة (هنا) في جمعية الصحفيين السودانيين بالسعودية. قد اتفقوا على دعم الاتحاد، وربما يخصص الدعم (للدار الجديدة |
ليته يخصص لصالح مشروع اسكان الصحفيين ولك التحية
| |
|
|
|
|
|
|
Re: واصبحت لنا دار .... (Re: salma altijani)
|
الأستاذة سلمي الف مبروك الدار الجديد لكن ما فائدة الدار ان كان اصحابه مطاردين؟؟؟؟ استوقفني ما جاء في مناظير د.زهير السراجQuote: لقد وقفت «الصحافة» امام المحكمة عبر نيابة الجرائم الموجهة ضد الدولة، ثم امام نيابة الاموال العامة في قضية نشر اخرى، في نفس اللحظات التي كان فيها الصحافيون يحتفلون بإفتتاح دارهم يوم الخميس الماضي.. ويستمعون لكلمات السيد نائب رئيس الجمهورية الاستاذ علي عثمان محمد طه.. عن التزام الدولة برعاية حريات الصحافة والصحفيين، وعن ثقته في الصحافة لحماية الديمقراطية والوحدة الوطنية ، وقد حُرمت «الصحافة» من حضور الاحتفال بسبب بلاغ من مجلس الوزراء السابق، وهذا بلاغ للاستاذ على عثمان محمد طه نائب رئيس الجمهورية عن انتهاك الحكومة لحريات الصحافة والصحافيين بدون أدنى مبرر. |
تحياتى لكم جميعا والف مبروك
| |
|
|
|
|
|
|
Re: واصبحت لنا دار .... (Re: هشام مدنى)
|
الاستاذ هشام مدني اشكرك علي المرور
Quote: لكن ما فائدة الدار ان كان اصحابه مطاردين؟؟؟؟ |
دعني انظر لدار الصحفيين كضؤ في آخر النفق هي دعوة للتفاؤل..ولا اقول لانتزاع الحقوق فالحقوق عندنا تمنح كعطية . كثير من الزملاء لم يفرحوا بها ,,فهي لا زالت ملكا للحكومة(قبل الشراكة) لذلك يتوقعون الكثير الذي يقف حائط صد امام الفرح.. لنجعلها شمعة في آخر النفق
| |
|
|
|
|
|
|
Re: واصبحت لنا دار .... (Re: salma altijani)
|
مبروك الدار الاستاذه سلمى التجانى مع الامنيات ان يحقق الصحفيين/يون والصحافة فى بلادى المذيد من المكاسب
Quote: المبني يقع غرب البنك الزراعي بالمقرن علي الشارع الرئيسي المؤدي لامدرمان. اتمني معك ان تكون بها مناشط غير الاجتماعيات دعنا نعتبرها خطوة اولي الي الامام |
الدار ايضا تجاور شرطة امن المجتمع وادارة المرور
| |
|
|
|
|
|
|
Re: واصبحت لنا دار .... (Re: WadAker)
|
ود عكر الجميل تحايا واشكرك علي الرور
Quote: الدار ايضا تجاور شرطة امن المجتمع وادارة المرور |
قايتو اهو بنكون بعيدين شوية من جهات الاختصاص ولك تقديري
| |
|
|
|
|
|
|
Re: واصبحت لنا دار .... (Re: salma altijani)
|
يا سلمى تاني تحية فوق الألف اول ما تقوليني كلام انا ما قلتو
Quote: الدار دي قالوا لينا حقتكم خلونا كدة لحدي ما نشوف آخرتا |
وثاني الناس الفرحوا بي الدار باقول ليهم عندكم حق تفرحو لأنو الصحفيين هم (الوحيدين) الذين تذوقوا طعم (اليتم) في هذه الحقبة وأنا شخصيا (أخذت) على هذا الطعم ولا اريد ان افطم نفسي عنه.
| |
|
|
|
|
|
|
Re: واصبحت لنا دار .... (Re: salma altijani)
|
الاخت العزيزة سلمى التيجاني انا وعثمان كنا سوا شغالين وردية مساء في الجريدة.. لكن الفرق بيناتنا زي ما قلتي عثمان كان عندو من ينوب عنه (زوجته) في الاحتفال, بس انا ما كان عندي.. غايتو اهو الدار زي بتوفر للواحد حق ايجار النادي.. وحتشجعني شويه عشان لقدام يكون عندي من ينوب عني.. وحقيقي زي ما قلتي يا سلمى الدار دي ممكن تكون بداية ضوء في نفق طويل.. نتمنى انو مع الايام تزيد الانارة وذلك بمنح المزيد من مساحات الحركة الصحفية.. اي منح المزيد من الحريات الصحفية.. ولك الود
| |
|
|
|
|
|
|
Re: واصبحت لنا دار .... (Re: salma altijani)
|
الاعزاء سلمى ونشأت تحية لكم.. أولاً: اهنئكم بداركم ان ظننتموها كذلك.. أما أنا فاستعير ما قاله الزميل عادل فضل المولى في مداخلته: داراً ما داري أنا مالي بيه والبلد الما بلدي انا مالي بيه اما حديثكما عن الزميلة ذكرى محي الدين باعتبارها ممثلة لي, فهو مجاف للحقيقة والمنطق, لأن ذكرى قبل أن تكون (زوجتي) هي زميلتكما.. وحضورها احتفال الدار مثلت فيه ذاتها الصحافية ليس الا.. ولكما التقدير والاحترام على تذكركم لنا.. وياسلمى دسك الأخبار لا يمنعني من ان اشارك في اي عمل احس أن فيه اضافة حقيقية لحرية ورفعة مهنة الصحافة التي لا تحتاج لدار بقدر حوجتها لحرية ولحماية قانونية حقيقية.. من تغول الذين اسمهوا في بناء وتعمير الدار ولا اذيع سرا ان قلت لك ان هذه الدار صانتها شركة (رويال)!! أتعلمين يا سلمى من هي (رويال) ؟؟! ان كنت لا تعلمين فذلك مؤسف.. ويكون الأسف عميقاً ان كان لك علم!!
| |
|
|
|
|
|
|
Re: واصبحت لنا دار .... (Re: salma altijani)
|
عاتبني الزميل محمود الدنعو بأنني لم افتقده ضمن من افتقدت قلت ليهو كان فقدتك حا ترد لي في الجريدة ؟؟ وهذه مناسبة لاذكر الباشمهندس بكري ابوبكر ان الدنعو يدو وجعتو من دق الباب .
الاستاذ البدوي يوسف لم افتقده لذات السبب وهو الآن يقف بجانب الدنعو بأنتظارك بكري
| |
|
|
|
|
|
|
واصبح لنا دار (Re: salma altijani)
|
سلمي التجاني كيفك مبروك عليك الدار شايفاك مبسوطه عليك الله انت جادة وفرحانه بالدار؟؟؟ انا اتعمدت اغيب لانو زي ما قال عادل وساندو عثمان الدار ما داري دي سلمي يفرحو بيها اهلا نحن مهم جدا نلمس بيدينا اشراقات في السكن وفي السفر وفي مشروع الكمبيوترات وقبل دا كلو مهم الصحفي يكون محترم من الدوله وانت اكتر العارفين بانو دي بالذات ما حاصله وماسطره زهير السراج خير دليل علي السطوه والكبت والحرمان من ان تنتقد اي شئ عندو علاقة بالحكومه وما سوي ذلك متاح مباح تدق له الطبول سلمي اسفت فقط علي ان غيابي حرمني من لقاء ذكري التي كما وصلني وكما العهد بها ظلت تسأل عني بالحاح ومنعتني الغيبه كذلك من لقاءك واعين كتيره انشغلت عنها طويلا ولم التقيها عموما يبقي العشم اكبر في ان تكون مساحات اللقيا في دار اكبر في ظل واقع افضل ديشيليون مره قولي اميين
| |
|
|
|
|
|
|
Re: واصبح لنا دار (Re: Mozdalefa Osman)
|
مبروك الدار يا سلمى .. وللذين قالوا ان "الدار ماداري" ارجو ان يتذكروا ان الدار ليست منحة من احد وانما هي حق عاد لاهله ونرجو ان تتبعه بقية الحقوق. سلام لكم جميعا ايها القابضون على الجمر عثمان ود فضل الله وعادل ود فضل المولى ونشأت وذكرى ومزدلفة وكل الصحفيين داخل السودان.
| |
|
|
|
|
|
|
Re: واصبح لنا دار (Re: حسن البشاري)
|
سلامات وعوافي الف مبروك ليكم ياشباب .. ثم اوليس طريق شندي الخرطوم اكملت تشييده الانقاذ(حيكومة الجبر).. نعم .. اها تسافروبو والا تيممو وجوهكم شطر العتامير القاحلة .. اكرر ماقاله الاستاذ البشاري
Quote: وللذين قالوا ان "الدار ماداري" ارجو ان يتذكروا ان الدار ليست منحة من احد وانما هي حق عاد لاهله ونرجو ان تتبعه بقية الحقوق |
خالص التحايا لكل الشرفاء القابضين علي جمر القضية .. استاذة سلمي ياريت ياريت لو (تلحلحوا) لينا (ابوغتيتة) الاستاذ البدوي يوسف ويجي معانا بي جاي وخصوصا فردة جناحوا التانية دخلت مضمار (الردحي) في المنبر دحين قولي ليهو تعال (اردح) معانا بي وشك ياابوحمد .. ثم هل مازال ساخرا ؟؟!! .. بلغيه عني شديد الحب والشوق .. اقعدوا جميعا .. في رضاء الله ..
| |
|
|
|
|
|
|
| |