كتب الكاتب الفاتح جبرا المتوفرة بمعرض الدوحة
|
|
 يا بورداب المملكة احذروا التلات كافات
|
التلات كافات المكتوبة في الاقامة البحذروك منها في المملكة ياها دي
الكبسة :- تجيبلك التخمة الكرش والسكري الحمد لله نجينا منها
الكشة :- توديك الترحيل وهاك يا عذاب مندوب السفارة والحمد لله برضو نجينا منها معانا الخديرة
الكفيل :- ده عذاب الله اكبر عديل وياويلك ويا سواد ليلك لو وقعتلك في كفيل ذي حقي ده
والله يا جماعة هي لمن ضاقت معانا في السودان وبقت اضبق من خرم الابرة فتشنا المخارجة لقينا الطرق كلها مقفلة والطريق كان اتجته واحد وناس كتير ذي حلاتي مشوهو مجبورين ان هو طريق اتجاه واحد في مخرجة من السودان كان لكن عندو عدة طرق للمخارجة المهم بتتحارج ان كنت حاجا او معتمرا او زائرا او مقيما بتصل بتصل
والحمد لله كنا من المقيمين ولقيناها مفروجة هنا شوية وقلنا نصلح الوضع المادي المترهل من ريالات ال سعود المحدعة في الشارع وبدينا نلم من ما وصلنا واتسهلت معانا في البداية وحججنا الوالدة ومرقنا من حقها وادتنا رضاها لي البت الدايرنها بعد ما كانت معصلجة طبعا اخدنا الموافقه فوق جبل عرفات وتمينا نص دينا الناقص جنب الكعبة ده
وجينا راجعين طبعا الاجازة ما كفت لي شهر العسل المهم بي جاي كفتك كفتك شغل الشفقانيين شحتفنا رويحتنا وجينا جارين لي للكفيل قلنا يحن علينا يجيبه لينا نضوق طعم القربة وزواج الفندقة الدايمة كما يسميها احد اخوانا هنا
وتعال شوف المصيبة
عمك الكفيل صاحب المؤسسة طقت في راسو قال داير يبعة يبيع المؤسسة
يازول غير بدل نحن يادوب جايين من اجازة وعرس والدين غرقنا الاضنين مافضلن
قال لا
مالو ومال وجع الراس بعد ده داير يرتاح في البيت ولادو خلاص كبروا
يا زول المؤسسة دي فاتحه ليها بيوت
المهم جاهو واحد من ربعوا
شيل دق شيل دق
ونحن اتهرينا في الجرد والطلوع والنزول
والتقديرات
والحسابات
عمك طبق شيكو المعتمد وعمل توكيل لي المشتري الجدي .
وطبعا نحنا زاتنا من املاكو باعنا لي المشتري وسلموا جوازاتنا
وهاك ياتلتله
نمشي لي الجديد بقول عندكم شهر تنقلوا كفالة ما تنقلوا بسلم الجوازات للجوازات ماعندي قضية
نرجع لي داك يقول ماعندي شغلة باع باع باع باع
وطبعا الاقامة منقولة مرتين والرسوم مدبله الحال يعلمبو خالك
والوسطات تقوم وتقد وما في فايدة
المرة تشيل وتعاين راجاني ارسل ليها الاستقدام
وانا راجي الكفيل يفكني
ويفكنا الجليل الرحيم من مشاكل الكفيل
افتوني في امري
وفي نظام الكفالة المعمول به في المملكة
ويحلنا الحله بله من القيد ( المووووووووووووووووووووووووووووووت)
ضاقت في السودان ولما استحكمت حلقاتها
فرجت في السعودية ولكنها ضاقت تاني
وكنت اظنها لا تضيقو
|
|
 
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
إستوقـفـتني طويلاً لغة هذا البوست الأغر
تقول معاناتها في جحيم نظام الكفالة
بلا مداورة وبلاتكلـف
لغة تمس الروح
قرأت قبل أعوام كتاباً عن الهجرة في النظام
العربي الجديد لعالم الإجتماع المصري سعد
الدين ابراهيم ، ما إستعصى علي إستيعابه
هناك في الفصل الخاص بالمملكة السعودية
أضاءه لي هذا البوست المهاجر
تحياتي وشكري أخي الباقر الطاهر
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
والله ياعثمان اخوي انا كت قايل استوقفك حال صاحب البورد المبشتن
لكن نظام الكفالة المعمول به في السعودية غير المعمول به في باقي الدول ده نظام عبودية عديل كده
قبل فترة كان لو ماشي اي حته الكفيل ياخد خبر قبل تتحرك عشان يديك جواب
لكن رفعوها عن طريق ناس حقوق الانسان لكن ديل زاتم سكتوا الريالات ملت خشمهم ولا شنو ماعارفين
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
الأخ الباقر الطاهر
صباح الخير
وإستوقفني حال صاحب البوست
و النحو الذي عبر به عن الحال
حبره
اُخبرتُ ـ و العهدة على من روى ـ
أن ثمة إتجاه قوي في جماهيرية
القذافي العظمى لنقل نظام الكفالة
أو تصميم شيء مماثل له و تطبيقه على
إستقدام العمالة الأجنبية. وهو إتجاه
صاعد و بخاصة بعد الأحداث الأخيرة في
طرابلس و التي جـّرفت بالحديد و النار
أسواق كانت تعيل أجانب
كان الله في عون الأجانب في بلاد الله
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
الأخ الباقر صلي علي النبي وزيد شوية وأرفع معانا يدك للكريم ألله يرجعنا لي بلدنا سالمين !!!!!!!
وبركة الصباح وفرة الجناح ربنا يحلك من هذه الورطة ويحلنا أجمعين يا كريم
بس دا كله كوم وحكومتنا وجهاز المغتربين دا كوم تاني خاااالص
يا زول يعلم الله ما بجي علي بالهم غير ما نورد الخزينة وبس .. لكن معالجة لوضعنا علي مستوي الغربة ومستوي الوطن اراة زي الرهاب وطبعاً أضف الي ذلك العقلية السودانية عموم في نظرتها للمغترب علي أنها الدجاجة التي تبيض ذهباً علي الدوام
بحيراوي
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
شكرا الاخ عثمان
لكن كان الغزافي عمل نظام الكفالة وطلقوا للعرب الليبين ديل ياهو الموت عديل للبيمشو بي هناك ونحن لكن لو عملو نظام الكفالة علي الدولة ارحم
والله هنا في السعودية كان مت عديل ودقيت خروج نهائي عن الحياة الدنيا ما يدفنوك الي كفيلك جي ويعمل ليك خروج نهائي من السعودية
وكان كفيلك ما عارفو ياكا معفن في التلاجة اسبوع اسبوعين شهر لامن يلقو كفيلك .
وكمان يا الاخ بحيراوي فتحته طاقت السندان بعد مطرقة الكفيل
ديك اسكت خليها ساكت واهل مكة ادري بشعابها وناس السفارة يمكن تتفش فيهم في نعلة نعلتين ولكن الكفيل ده تقولو شنو
هو طبعا كام قال الاخ عثمان نظام رق مقنن
والله فيهو بلاوي وانا كل ما الاقي واحد احكليهو عن مشكلتي يكامني بي مشكلتو قلبي يتقطع ومصيبتي تهون علي
والله يحلنا
ويحلنا الحلا بله من القيد
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
أخوي الباقر كيف حالك
كفانا الله وإياكم شر ( الكافات بأنواعها )
حين بكيت هنا بعنوان بوستي (بكائيات مغترب مفلس ) لم يكن الفلس الهم الأول بقدر ما قصدت الإشارة إلى هذه الأشياء العجيبة التي نمر بها هنا وكل يوم قصة بشكل جديد .
المهم أخي الباقر أشرت هنا مراراً وتكراراً إلى أن هذا الحوش من أساسياته التي أعتبرها هامة لنا في بلاد الغربة بأن جمعنا بكل أفراحنا وأتراحنا وأحزاننا ولو في طريقة لنمد يد العون لبعضنا البعض يكون كويس .
على كل حال أرجو الإتصال بي (عندي ليك رأي ) .
أخول عمران
0506408622
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
الاخ عمران
والله كتر خيار وهذا شعور طيب منك
والله الجورات المتكوين بها في البلد كتار
لكن جمرت الكفيل اول مرة اجربه ورتني الويل وسهر الليل
علي العموم بيننا اتصال ونشوف خبرتك في التعامل معاهم ونتعلم منك شوية
اصلوا في ناس اخدوا خبرات في هذا النوع من المشاكل
والحمد لله مشكلتي دي جابتلي رقم من بورداب السعودية عشان نتواصل معاهم ونطمع في بقية الارقام
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
انا كنت أعمل في السعودية لسنوات وفعلا نظام العمل في السعودية هو نظام مسكوت عنه بمسمع ومرأي حقوق الانسان
حدثت لي مشكلة كبيرة في السعودية
وهي الآن ختم كبير في جوازي لأنه كفيلي مات وتم نقلي لورثة الكفيل كأي سقط متاع
وتم تخفيض مرتبي بناءا علي رغبة الورثة
طالبين مني التفهم
وقبل كفيلي الذي مات كنت مكفول أو قل مستعبد من كفيلي ألاول (زي غرامي ألاول)
ولما فلس كفيلي ألأول قفل المؤسسة تبعه
وطالبنا نحن العاملين معه أن نلاقي لينا كفلا
في ظرف شهر أو يرحلنا
المهم من جاي لي جاي أنا لقيت كفيل
لكن كانت العقبة الكبيرة انه قال (أعني كفيلي الأول) أنه أشتري الفيزا من واحد بتسعة الف ريال
ولازم أدفع المبلغ
عشان أخارج نفسي من كفالته
المهم من جاي لجاي اتحاسبنا طلع الباقي ليهو في ذمتي خمسة الف وستمائة ريال
وبعد ما أتحاسبنا قال لينا يلا الصلاة
فقلت ليهو أنا ما ماشي
قال لي ليه
قلت ليهو عايز أشتغل شوية عشان أعتق رقبتي
قال لي أستغفر الله
انت حر يا رجال
لكن فلوسي ألأقول عليها دفعها دين مستحق في الشرع
قلت ليهو في لحظة غضب ............ أنت والشرع بتاعك
وقلت ليهو من بكرة أنا في البيت رحلني
ما راح أجي العمل
وخرجت
وجاني
معاهوه أبوه
نتفاوض عشان القروش
ودفعتها تصدقوا
وفكاني
وورثتني العائلة التي تلت الكفيل ألأول
أحسست بلا آدمية تافهة
تلك هي السعودية التي هجرتها غير مأسوف عليها
وسأوصل الحكاية مع الكفيل الوريث
| |
|
|
|
|
|
|
|
|
|
Re: يا بورداب المملكة احذروا التلات كافات (Re: albagir altahir)
|
ابو خالد الخارك يخارجنا
بمناسبة كفيلك المات وورثك ولادو ده تحضرني نكته
واحد اظنو كان كضاب المهم بيحي لي جماعة في موضوع والجماعة اصلا ما مصدقنوا
وقعد يحلف ليهم بالتقطعوا
اعدم روحي ....
اعدم امي وابوي ....
اعدم اهلي كلهم
الجماعة اصلا ما صدقوهو
في الاخر قال ليهم اعدم كفيلي ......؟؟؟؟؟
صدقوهو طوالي
عدمان الكفيل ما بشتنه في البلد دي
وجودو بشتنتين
الاخ جيني
البلمها النمل ياطاها الكفيل السفارة
هي زاته ما بتتلمه قروش البلد دي
الظاهر عليها الدعوة بتاعت سيدنا ابراهيم كانت مخصصة
المصري قالوا جاء السعودية لقي الخير راقد
قال ده شنو الجماعة ديل ما ناقشين حاجة والقروش راقده عندهم
قالوا ليهو دي دعوة سيدنا ابراهيم
قال نحن جانا موسي قال ليهو ماذا ترديد فال اريد ان اراك تراه شنو يا راجل
ما تصلح البلد اول
| |
|
|
|
|
|
|
| |
albagir altahir
Osman M Salih
البحيراوي
عمران حسن صالح
ABUKHALID
jini
فيس بوك
تويتر
انستقرام
يوتيوب
بنتيريست