|
|
 دم أجدادنا بيحرض فينا على الحرية وبيذكرنا عشان ما نحافظ على وحدتنا الوطنية..ابوعركى البخيت
|
احل بينكم آملاً انا اكون رصيدا يضاف الى هذا المنبر
اعرفكم جميعا وان لم تعرفونى فبيننا سنتان ونيف تجولت
خلالها بين بوستاتكم جميعاً..راجياً ان تروق لكم صحبتى واقامتى بينكم..
لكم جميعاً ولهذا الوطن اهدى رائعة عركى
تعالوا نغنى
كلمات والحان وغناء : ابوعركى البخيت
التنفيذ الموسيقى: محمد ابوعركى البخيت
*********
تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل فئه من فئة الشعب
بالف سؤال: دم اجدادنا بيحرض فينا على الحرية
وبيذكرنا عشان ما نحافظ على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا بعدالة وبديمقراطية
انا شايف الجوع بيطل من وقت لاخر
ليه!! وبلدنا سهول
اطفال بيتشردوا فى الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير فيها كمان ظهر البترول
اشياءنا بتنتاقض
وفى الواقع نحنا كتير وكتير بندور فى الحلقة الواحده
كما البندول..
نكسرها كيف!! الحلقة الواحدة دى نكسرها كيف!!
ونمدها جسر يوصلنا
والدنيا عجول..
يا حكامنا الدنيا عجول
ياساستنا الدنيا عجول
يا جنرالتنا الدنيا عجول
يا ساداتنا الدنيا عجول
|
|
 
|
|
|
|
|
|
|
 Re: دم أجدادنا بيحرض فينا على الحرية وبيذكرنا عشان ما نحافظ على وحدتنا الوطنية..ابوعركى البخيت (Re: Naji A.Moniem)
|
العزيز
ALGARADABI
تسلم على الترحيب يا جميل..
Quote:
وفيما يبدو انك داخل على التقيل طوالى...
يعنى مافى اى علامات برلمة...
طوالى منزل أغنية...يعنى منافس خطير لى
ناس تمبس وعمك تنقو ومعتصم دفع الله
|
انت عارف انا لى قريب السنتين وزيادة بقراء من منازلهم فى البورد ده
وناس تمبس وعمك تنقو ومعتصم ديل مافى زول بيقدر عليهم
وانا متوقع تمبس بالذات يجى هنا ويشرفنا..
وتانى تسلم على الترحيب والمداخلة
موسيقارنا الموصلى
مرورك هنافى اول بوست اشارك بيه تشريف كبير اعتز به
ولو انك مااشتغلت بى  لكن كفاية كلامك ده لعركى
Quote:
اخي الحبيب الرائع ابوعركي
اقل ما استطع ان اقول هو
احبك
|
واسمح لى استعير تعبيرك واقول ليك انت:
اقل ما استطيع انا اقول هو
احبك..وواسفاى بتشهد على الحب ده..
وليك كل الود والاحترام
| |
|
|
|
|
|
|
| |
Naji A.Moniem
ALGARADABI
Elmosley
فيس بوك
تويتر
انستقرام
يوتيوب
بنتيريست