|
Re: دعـــــوة لبــورداب الـــرياض (Re: حمزاوي)
|
اخوي المهندس ابن عمي مسكاقمي تشجع مين يا اخوي ليه داير تاكل تركين مع صديق الموج الجماعة وعدوا صديق بقراصة 6 بوصة بتركين يا ابن عمي تسالي شنو هنا نحن بنتسلى بماكنتوش مش كدا يا تمبس
شقيقي محمد الحسن كيفك مشتاقين هو دا العاجبني فيك طبعا كل الشايقية جايين يشجعونا كي وكي لي صديق الموج صدقني صديق الموج دا الفريق اليشجعوا يجيب اجلو نتلاقى هناك
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
يشرفنا في الصالحية حضوركم جميعا ،،، بورداب سودانيزأونلاين وجيرانهم وقراء البورد ، سيكون المكان فسيحا ، يؤوينا جميعا ، هو مكان رحب كالسودان الجديد ،، يتسع للكل ،، شجعوا ما تشاءون ، كلهم أبناء الصالحية ،،، وكلنا فائزون ،،،
| |
|
|
|
|
|
|
Re: دعـــــوة لبــورداب الـــرياض (Re: ودقاسم)
|
العزيز
حمزاوي
تحية طيبة،،
والله الواحد منتظر اليوم دا بفارق الصبر واللمـة الجميلة للحبان ............. تعرف الحته الوحيدة في الرياض الصالحـية الواحد بجيها باحساس الملك المتـوج ..... من الاهتمام وكرم الضيافـة والاستقـبال ........ ناس سودانيز جو وناس سودانيز قاعدين بالسايد الفلاني وحضر فلان وذهب علان من سودانيز اولاين وبكري ما جايب خبر
تعرف يا حمزاوي لا استطيع أن اعبر عن شعوري تجاه الصالحية لما اكنه لها ولاهلها من حب وتقدير ,,, والله مكســر عديل فيها وجاينك جايين يا الصالحية،،، شكراً جزيلاً على الدعوة الكريمة
وهناك دعوة خاصة مقدمة من اسرة الصالحية لأعضاء بورداب سودانيز اونلاين بالرياض سيقوم بتنزيله معتصم دفع الله مونتاج تمبس ومتابعة واشرف محمد الشيخ وصلاح شتات والاخراج 399 .. لووول
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
الخال ودقاسم كيفك الكبير كبير . . وانت كبيرنا بافعالك وقيادتك الرشيدة واهلنا بيقولوا الماعندو كبير يشتري كبير .
شباب الله متصم ووليد 399 عجبوني الليلة جو تغطوا عين الشمس وعيني بارد عليكم يا ابوالقدح ابوالقدح بيعرف يعضي اخوه فين دايرين تشجيع حق ناس مدني في الصالحية الجميع كسبان
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
Quote: هو دا العاجبني فيك طبعا كل الشايقية جايين يشجعونا كي وكي لي صديق الموج صدقني صديق الموج دا الفريق اليشجعوا يجيب اجلو نتلاقى هناك |
محمد الحسن تحياتى
ما لم يذكره حمزاوى انه المباراة بين نجوم كرمة وبشائر الشمال والفريقان
من الناطقين بغيرها وديل لما انضموا للرابطة عشان يتعلموا العربى يقومو
يعملوها فى اهل العوض ويتعلموا الكورة ....المهم هنئا لهم الوصول للنهائى
وهنئيا للرابطة بهم فهم من معادن لا تصدأ وزى ما قال ود قاسم كلنا فائزون
بس المشكلة دايرين مترجمين يوم المباراة والايام دى اخوك داخل كورس لغة
هم فرحون بها لكنى اكتشفت انها 14 حرف فقط وما فيها شكرا..واتحدى اجعص بوردابى
من الناطقين بغيرها يورينى شكرا بالرطانة..فهم يقولون جزاك الله حير(ينطقونها
خاء حائرة بين الحاء والهاء..والى هناك حيث سيبدع نوبة الشمال ليطرب اهل
العوض فالى ذلك العرس الكروى ..استوا...يرحمكم الله،،،،
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
يا حمزاوي الجميل ركضا نجيء إليك (يا صالحية) ... رغم إنو الكاس مفروض يكون للمتمة ولكن تآمر أبناء الشمال وأخذوه مننا.. وسنهدد برفع شكوى للفيفا إلا إذا عملتو ترضية بتخصيص كأس لنجم الصالحية صديق الموج وكأس لنجم المتمة معتصم دفع الله ...
لكل من لم ير الصالحية لقد فاتك الكثير فاحرص على ألا يفوتك هذا الجمال جميلة يا صالحية تحية لك ولكل الحلوين ... تحية خاصة لنجم الصالحية (مسعودية)
| |
|
|
|
|
|
|
Re: دعـــــوة لبــورداب الـــرياض (Re: Abdulla Ageed)
|
حاضرين بإذن الله وحانشجع انا واولادي كرمه لسببين
الاول لانها المدينه الوحيده التي حظيت بزيارتها شمال الجيلي
والتاني عشان شيخنا حمزاوي
تخريمه على قول الجماعه ودعقيد الدرب انا ماني خابروا خلينا نبراك وابقى لينا دليل
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
حتى لا أشتتكم إخواني .. هذه دعوة على دعوة أخي حمزاوي باسم فريق بشائر الشمال، وأبناء عمارة والقرى الشقيقة وباسم رئيس الفريق الأستاذ علي خليل علي أدعوكم لمشاهدة هذا النهائي الذي يجسد شعار الوفاء لأهل العطاء، فالدورة تخلد اسمًا عزيزًا على الرياضيين السوددانيين هو عبدالعزيز بابكر جعفر (أبو عزيزة) الذي ظل ينثر البسمة في وجوه كل الذين عرفوه.. وفيًا لهم ومحبا للجميع.. أرجو أن تدعو لهذا الرجل بالمغفرة.. ولقاؤنا إن شاء الله مساء الجمعة في ملعب رابطة الروائع الصالحية..
| |
|
|
|
|
|
|
Re: دعـــــوة لبــورداب الـــرياض (Re: حمزاوي)
|
نسبة لتواجدي في الرياض هذه الايام ساكون حضور باذن الله
وساحضر معي ديوان الاخت نادية عثمان واي واحد يجهز الفكة من هسع لاننا بعد المبارة طوالي عاوزين نحول المبلغ لمصر
ومبروك مقدم للفريق الفائز
وانا ساشجع اللعبة الحلوة
صلاح غريبة - الرياض 0503114175
| |
|
|
|
|
|
|
|