|
ياعواليقة يا أنانيه
|
خلاص نسيتى عشان بقيتى جامعية ورسلت لى جواب فراق باللغة الانجليزيه وكتبتى لى فورقيت للأبديه ياعواليقة يا أنانية. نسيتى زمن الإبتدائيه .. زمن بناكل الطعميه من حجه عشة بالزيت مرويه خلاص نسيتى زمن العام زمن امتحنتى وماجبتيها.. أمك وأبوك حلفو عليك قالو ماتخشيها انا خشيت معاهم فى نقاش من الصباح حتى العشية وقلت لازم تخشيها حتى لو إتكلف بالمصاريف المدرسيه وخشيتيها وربطى مع واحد فى الكلية وفتحتى لى ياعواليقه يا أنانية تمشى العاصمه تلعبى السيرك وتلبسى ليك طاقية إن شاء الله فى العاصمه تصدمك عربيه وسيد العربيه يموت علشان مايدفع لأهلك الدية "ياعواليقه... يا أنانيه"
|
|
|
|
|
|
|
|
Re: ياعواليقة يا أنانيه (Re: ADIL FAIT)
|
بعمل فى شنو ي أخ عادل ماده الحاصل الزمن ده ولا انت مامعاى فيهو
دة مش كلامك لمن سألو عن شاعرك المفضل انا ماشاعره لكن ترجمت الحاله الحاصله كل شاعر قادر علي ترجمة حالة المجتمع او الحالة الظاهرة (رصين القول)
| |
|
|
|
|
|
|
Re: ياعواليقة يا أنانيه (Re: ADIL FAIT)
|
نجـود،،
تحية طيبة،،
هي منو؟؟ وهو منو؟؟Quote: خلاص نسيتى عشان بقيتى جامعية ورسلت لى جواب فراق باللغة الانجليزيه وكتبتى لى فورقيت للأبديه ياعواليقة يا أنانية. نسيتى زمن الإبتدائيه .. زمن بناكل الطعميه من حجه عشة بالزيت مرويه خلاص نسيتى زمن العام زمن امتحنتى وماجبتيها.. أمك وأبوك حلفو عليك قالو ماتخشيها انا خشيت معاهم فى نقاش من الصباح حتى العشية وقلت لازم تخشيها حتى لو إتكلف بالمصاريف المدرسيه وخشيتيها وربطى مع واحد فى الكلية وفتحتى لى ياعواليقه يا أنانية تمشى العاصمه تلعبى السيرك وتلبسى ليك طاقية إن شاء الله فى العاصمه تصدمك عربيه وسيد العربيه يموت علشان مايدفع لأهلك الدية "ياعواليقه... يا أنانيه" |
أعتقد دي خـواطـر الفـيل بس مشكوش اللي بقولوا عليها!!
| |
|
|
|
|
|
|
Re: ياعواليقة يا أنانيه (Re: نجود حسن عبد الرحمن)
|
استاذه نجود... ذكرتيني قصيده حلمنتيشية لفرقة الهيلاهوب أو الجو الرطب ما متأكده.. بتقول... يوماً شوم الجابك الخرطوم... مصيتي المنجه... خليتي كد الدوم... نسيتي المسواك... بقيتي الليلة بالمعجون... كدي اتذكري قرش البصل بالليمون...
لعل ما في عوجه و كلامك ده يكون مجرد حبر على ورق و تخاريف بصوت عالي و بس!!!
| |
|
|
|
|
|
|
Re: ياعواليقة يا أنانيه (Re: waleed500)
|
الاخت نجود كيفك ،،،،،،
هل هذا من راسك ولاكراسك أتمنى انو يكون من كراسك
من البروفايل بتاعك انك من مدني الجميلة الوراقة الظلال
وليد، الطيب، احمد، عبدالرحمن مالعلاقة
| |
|
|
|
|
|
|
|