|
والي سدني يفتتح شفخانة و والى الخرطوم ...........
|
معليش ماالمقصود والي سدني يفتتح شفخانة ولكنة زهب الي الامارات لجلب الخبرات لمشروع ضخم لتحلية مياة البحر مع اننا مامحتاجين واللة مويتنا حلوةو ساقطة مع ان سدني ما فيها نيل وناس النيل زاتون عطاشا يعنى والي الخرطوم دة بعمل في شنو يعني ناس الخرطوم بقو زى ابل الرحيل شايلة السقا وعطشانة وبعدين اسالني اللة ماسمعت يوم في الاخبار قام والي سدني والوفد المرافق لة بافتتاح شفخانة واللة وضع حجر اساس يعني البناء دة من غير حجر اساس مابقوم شنوحكومتنا دي مكملة الاسمنت والخرسانة في حجار الاساس والغريب ودحسونة طباب المجنونة قريب من حوش بانقا وما فيهو شفخانة لكن فيهو حجر اساس من جدى حي وابوى صبي. واحدصديقي توفي الي رحمة مولاة لانة اكل كسرة مرة في ودحسونة وترجع تفاصيل القصة الي انة زهب للرجبية وفي هزا اليوم يزهب كثير من اهل شندي والقري المجاورة لزيارة ودحسونة احد اولياء اللة الصالحين وصديقي كان عنده ايرقان(التهاب الكبد الوبائى) واكل كسرة مرة فتوفي لانة لم يجد من يسعفة ود حسونة ريفي حوش بانقا وحوش بانقا ريفي شندي وبرضو تقول لية الريس من عنديكم نرجع لوالي الخرطوم وكت لامؤمن البلد ولاموفر اى خدمات للمواطنين قاعد تسوى شنو لكن الزول قالوا متعافي تب وسادي دى بطينة ودى بعجينة اللة يكون في عون البلد ونواصل
|
|
|
|
|
|