|
|
 على كيفي
|
على كـيفي ...
 عبد القادر الكتيابي
[email protected]
على كيفي ...
أرقع جبتي أولا أرقعها..
أطرزها من الالوب .. ألبسها على المقلوب.
أخلعها .. على كـيفي .
أنا لم أنتخب أحداً...
وما بايعت بعد محمد رجلا .
ولا صفقت للزيـــف ..
لماذا أعلنوا صوري؟
لماذا صادروا سيفي..؟
أنا ما قلت شيئا بعد حتى الآن ..
حتى الآن أسلك أضعف الايمان..
ما أعلنت ما أسررت ما جاوزت في الأوبــات ..
سرعة زورة الطيـــف
أهرول بين تحقيقين أصمت عن خراب الدار ..
عن غيظ مراجله تفك مراجل الجــوف
سئمت هشاشة الترميز
ما بعد الزبى يا سيل من شيء ..
لمن يا طبل والخرطوم غائبة و أمدرمان والنيلان يختلفان ..
والأطفال في الخيران والحرب الدمار الجوع
كيف الحال ؟ لا تسأل عن الكيف ..
حبيبي أنت يا وطن النجوم الزهر .. سلهم كيف ؟
سل عني .. لماذا لم يخلوني على كيفي ..؟
أنا والله ضد نخاسة الأحرار باسم الذين ..
ضد الضد والضدين ...
ضد جهاز خوف الأمن .. ضد الأمن بالخوف ..
أنا في هذه الدنيا على كيفي ..
إلى أن تكمل الأشراط دورتها .
بمهدي حقيقي لينقذنا من الدجال والتمثال .
والإشراك والحيـف
سأبقى ما حييت أنا على كــــــيفي
إلى أن تطهر الدنيا وينزل سيدي عـــيسى
لأن طريقتي في الحب يا وطني
على كـيفي ....
|
|
 
|
|
|
|
|
|
|
|
Re: على كيفي (Re: nadus2000)
|
كان العنوان المفترض : على كيف الكتيابي وكيفي أنا.
وحفظاً لحقوق "المؤلف" المهدرة في وطني رأيت ألا أمس بها، وإن كنت إرتكبت جرم نشرها بدون "إذن مسبق"، ولكن كما يقول الكل في تبرير مثل هذا الفعل، أن العمل الإبداعي بمجرد نشره لم يعد ملك مبدعه، أو في رواية اخرى سأقول أنني أسهمت في تحقيق رغبة الشاعر بنشرها، وبكدا تكون سطو وتحميل جمايل، وثقتي في أن المبدع والشاعر الجميل الكتيابي، ككل مبدعي بلادي قلبهم كبير.
المهم هذا النص سمعته مغنى بصوت الصديق حمزة سليمان، ومن وقتها وأنا ابحث عنه، ورايت أن اشارككم حروفه، (مع إنو ما عندي فيهو اي حق كما أوضحت)، ويا ريت حمزة ينزل لينا هذا العمل بصوته،
وللشاعر الجميل عبدالقادر الكتيابي التحايا والمعزة.
(عفواً هي محاولة الخروج من أحزاننا ببوابة الكتيابي)
| |
|
|
|
|
|
|
|
|
|
Re: على كيفي (Re: nadus2000)
|
نادوس تحياتي ...
والله قرأت هذه القصيدة كثيرا ...لكن المقطع الذي يقول فيه ...
انا ما بايعت بعد محمد رجلا ...(مقطع يسبب الرجفه والخوف)
ثم القصيدة باكملها تذكرني باغنية عقد الجلاد الذي يقول مطلعها ..
نحن اولاد بلد نقعد نقوم على كيفنا ..
(علي كيفي ) و (على كيفنا) كلمات تقول اننا شعب تواق ..للحرية ..
التحية للكتيابي ..والتحية لعقد الجلاد ..والتحية لك نادوس على هذا الكلم الجميل ..
| |
|
|
|
|
|
|
|
|
|
Re: على كيفي (Re: luai)
|
يا نادوس
وينك انت يا راجل يا طيب
ما بعرف انزل الغنا
كان فاجئتك بيها
تحياتى الشدييييييييييييييدة لى نصفك الحلو
والاولاد
| |
|
|
|
|
|
|
|
|
|
Re: على كيفي (Re: abas)
|
ياسلاااااااااام يا نادوس ياخي
تتخيل انا ذاتي الشغل ده عاجبني بي صوت حمزة
وحمزة كان لاقاني في المسينجر ده
hamnsho(AT)hotmail.com
بنزلها ليكم في دقايق
ونستمتع كلنا
حمزة
سلامات يا حلو و مشتاقين .. لاقيني في المسينجر
وسلمني البضاعه و اطلع منها 
بالمناسبة يا نادوس .. مبروكـ الصورة 
| |
|
|
|
|
|
|
|
|
|
Re: على كيفي (Re: nadus2000)
|
والله
يانادوس
قصيده بديعه
فيها....ماعارف اقول شنو
تحدى
عناد
غايتو شيتا كتر....
الكلام هنا يتخايل لى داير استعدال
(((((أنا والله ضد نخاسة الأحرار باسم الذين ..)))))
تحياتى
| |
|
|
|
|
|
|
|
|
|
Re: على كيفي (Re: nadus2000)
|
الأخ نادوس
هذه القصيدة لها قصة واقعية.. تسببت في كتابتها.. ولدي صديق مشترك بيني
وبين المبدع الكتيابي هو من أخبرني بها.. وفي مطلعها بيت كتبه الكتيابي ثم
اصر عليه أصدقاؤه بان يحذفه... ان اذن لنا الكتيابي روينا لكم قصتها وبيتها
الذي حذف..
ولك الشكر وعلي كيفيك يا زول
| |
|
|
|
|
|
|
|
|
|
Re: على كيفي (Re: nadus2000)
|
عزيزنا عبدالجليل
تسللت من خلال حساب دكتورنا وصديقناالنجيب أحمدعثمان لأنني لست عضوا في المنبر ولم يكن لي منفذ ولكن..
على كيفك.... وعلى كيف الكتيابي
وعلى كيفنا نحن كمان
أنا لدي صديق عزيز "يوسف سعيد"ربنا يطراه بالخير، دائما يقول " نحن قوم يحكمنا صاحب الجلالة الإمبراطور مزاج"
وأظن" نحن شعب أسطة"
ولهذا الأسطة من مزاج معروف في أدبيات السودانيين
دعونا نتداعى في هذا المزاج وإندياحاته
ودمتم
خطاب
| |
|
|
|
|
|
|
|
|
|
Re: على كيفي (Re: nadus2000)
|
تحية طيبة للجميع
شكرا نادوس على اشراكنا فى هذا الجمال
و التحية موصوله لشاعرنا عبدالقادر الكتيابى
Quote: حمزة
سلامات يا حلو و مشتاقين .. لاقيني في المسينجر
وسلمني البضاعه و اطلع منها |
اهه يا جماعة انتو لسه !
منتظرين نحنا
| |
|
|
|
|
|
|
|
|
|
Re: على كيفي (Re: Elmosley)
|
الصديق العزيز خطاب
وعبرك التحايا للأخ العزيز د.أحمد عثمان، وشكرا للمداخلة،
وأتساءل وأدعوك بالمشاركة بالتسجيل في المنبر والمشاركة بإسمك، وأنا على يقين بقيمة مشاركتك كإضافة حقيقية.
ويا بكري عوووك عليك بهذا "الخطاب".
الأخ العزيز يوسف الموصلي
تحياتي، كتبت لك الرد هناك، وكذلك تحدثت مع الأخ مدني النخلي.
| |
|
|
|
|
|
|
|
|
|
Re: على كيفي (Re: nadus2000)
|
يا سيدنا يا نادوس
على كيفك
على الأقل هنـــــا ..
على الأقل فى الغنا والشعر ..
لكن نحن برضو على كيفنا ..
| |
|
|
|
|
|
|
|
|
|
Re: على كيفي (Re: معتصم الطاهر)
|
نادوس
تحياتى ...
اختيار جميل جدا ..الكتيابى يملك نفس شعر قوى ومتماسك ...
نتمنى ان نقرا له مزيدا من الابداع ..
تخريمة :
لكن نحن برضو على كيفنا ..
والله كان على كيفك ماعارف ..اقول ليك حاجة لو على كيفك تعال يوم الخميس
عازمينك انا و(بكه) و(ودرملية) تشرب معانا شاى ....بس بشرط تكون براك ،
عشان نشوف كيفك ده حدو وين ..
اسف يانادوس ..بس قلنا نشوف الناس العلى كيفها دى ..
سلام يامعتصم وتشكر يانادوس على اختيار هذا النص الجميل ..وتحياتى
لاستاذنا الكتيابى ..
محبتى ....
| |
|
|
|
|
|
|
|
|
|
Re: على كيفي (Re: محمد عبدالرحمن)
|
...
..
.
الجميل .. نادوس
لك الود الجميل .. ووقفة بها كثير من التأمل
الكتيابى ..
هذا الرجل بقامة وطن
وسموق صوفى معذب ..
مرور بعد غياب بلغ فيه الحزن
مراقى الروح
واستباح كل التفاصيل ..
لنا لقاء ياصديقى .. ولاسرتك الجميلة
عطر التحايا ...
| |
|
|
|
|
|
|
|
|
|
Re: على كيفي (Re: hero)
|
الأخ العزيز الباشمهندس معتصم الطاهر
عبدالقادر الكتيابي، أحد القلائل الذين تأتيهم العبارة طائعة جزلة،
ونصه يفوح صوفية "ومزاج".
الأخ الاصغر محمد عبدالرحمن
ننتظر أن نلتقيك في معية خدر الأخضر وحرمه، أما حكاية ألاقيكم يوم الخميس "كان أنا على كيفي" فأنا عندي برنامج مزاج طالع فيهو جديد، فأخوك بقى كييف شيشة، لو بنفع معاكم ما عندي مانع، وإن كنت أعرف رأي ود رملية، والذي هرب من أول جلسة.....شفت علي كيفي ونص.
البطل الأزرق "Hero"
أين إختفت تلك الحروف الأنيقة المتشحة الأزرق، فمنذ فترة طويلة لم أقرأك.
وبركة بالشوفة الآن، ونأمل أن تكون هذه نقاط "بتشديد القاف"، البيعقبوا مطرة يقيسوها بمقياس رختر.
ويللا يا مطيرة صبي لينا.
| |
|
|
|
|
|
|
| |
nadus2000
luai
HAMZA SULIMAN
abas
خدر
عمر ادريس محمد
nashaat elemam
أحمد عثمان عمر
محمد الامين احمد
Elmosley
معتصم الطاهر
محمد عبدالرحمن
فيس بوك
تويتر
انستقرام
يوتيوب
بنتيريست