|
بورداب أونتاريو/ كندا ...اي مقترحات ؟؟؟؟؟؟؟؟؟؟؟
|
كل الزملاء/الزميلات باونتاريو /كندا انهادعوة مفتوحة: لنقترح .. ونتبادل الاراء .. ونتشاور .. ونرتب .. ونخطط .. ونجمع ونطرح ونضرب ونقسم
وأخيرا ننجز يوم لكل بورداب اونتاريو .. بقرنا من لقاء بورداب الداخل ... وكل الحلم بتحقيق يوم مماثل يجمعنا كلنا .. رايكم شنو ؟؟؟ الباب مفتوح لكل الزملاء والزميلات ويلا همتكم يا شباب .. مع تقديري ايمن تابر وندسور/اونتاريو
|
|
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: suhair elsheikh)
|
الاخـت سهيــر 1000 مرحبا بيك وبالنصري وعارف ما حتقصروا .. بالنسبة للمكان لسه مقترحات دعم الناس لاي مكان اكيد حيكون جزء في نجاح اليوم وزي ما قلتي في انتظار نسمع مقترحات ... برضو ياريت مبدئيا نفكر في يوم عشان على اساسه نرتب .. ومتفائل شديد زي ما قلتي لنجعله يوما لاينسي ونضع حجر اساس لتواصل دائم.. وفي انتظار مقترحاتكم والمعاكم من بورداب مع تقديري ايمـن
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
سلام ايمن
فكره جميله جدا .... يعتمد نجاح الفكره على استعداد كل بورداب انتاريو للعمل معا....
لغاية دلوقتى ظهرو كم ؟؟
6 اعضاء .....فى اليوم الاول مش بطال ..لكن نتوقع المزيد
فى تقديرى ان عدد البورداب قد يصل الى 60 او 70 قد يقل كثيرا وقد ينقص كثيرا ....
كدى فى الاول نحاول نخلى البوست ده فى الصفحه الاولى ونترك الفرصه لاكبر عدد من الاعضاء الدخول و التعليق وفى النهايه ممكن نحكم على استعداد الناس لتكوين تنظيم مشترك ....
شكرا يا شمس على الثقه وانشالله نكون قدر العشم....
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Tragie Mustafa)
|
تراجي سلامات
مافي شك احنا بس عايزين الناس تحسم المكان بسرعة ونبقى في الزمان وباقي الترتيبات والمسالة معتمده على توفر صالة بامكانيات مناسبة والباقي هين ، غايتو كان اقتراحي من البوست ده نشوف اكبر عدد من المبادرين وين ونمشي عليهم .. عشان الحركة تبقى ساهلة و(الاقلية دايما بتخضع للاغلبية)
Quote: وانت يا ايمن مودينا ليه للندن دي قالوا فيها كيزان بالكوم |
ديل ما في اي حته في بالمناسبة برضو فيها (شيوعيين) كتار .. اما هاملتون فانا شخصيا ماعندي اي مانع بس منتظرين كل العروض والمغريات تراجي يلا همتك معانا وفي انتظار مقترحاتك كاملة
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
تحياتي .... كنت اتمنى لو أستطيع الإسهام في الاقتراحات بخصوص المكان لكن للأسف رغم أن لي أكثر من سنة ونصف في تورونتو فمعرفتي بها وبأونتاريو لازالت محدودة جدا لذلك آمل أن يوفق الإخوة المخضرمين العارفين ببواطن أونتاريو ومسالكها في اختيار المكان المناسب على أن يكون سهل الوصول إليه. وقبل أسابيع كانت عندي عطلة لمدة يوم قررت أن أذهب لآرى فيها شلالات نياجارا، وعندما حاولت أن أعرف رقم ومحطة بص أو قطار الـ GO الذي يربط تورونتو بنياجارا من موقع GO على الانترنت لم أجد أي معلومة حول الموضوع وفي النهاية اضطررت لالغاء البرنامج !! فأرجو أن يكون المكان يسهل الوصول إليه للجميع. فكرة الـ Long weekend في بداية سبتمبر مناسبة.
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
اقترح مسيساقا (Mississauga) كموقع للاجتماع...
بس اوع نبقى زى بورداب السودان و نقعد فى النجيله...
شوفو لينا الهيلتون او الهوليدى ان..
والدخول بالملابس الرسميه(بدل وتكسيدو )
عشان صورنا ما تتطلع معشكبه وكده
والناس ما يصدموا فينا...
لازم المكان يكون رهيب عشان التصوير
انا منى الفنان عازف الارغن
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Elnasri Amin)
|
النصري سلامات مسيساقا اقتراح جيد برضو عندنا كم هناك ومستعدين قدر شنو لترتيب مكان؟
Quote: بس اوع نبقى زى بورداب السودان و نقعد فى النجيله...شوفو لينا الهيلتون او الهوليدى ان.. |
ده الكلام !! وانا معاك 100% بس ناس السودان ما يشبوا فينا ويطلعونا (معارضة فنادق)!!!
Quote: والدخول بالملابس الرسميه(بدل وتكسيدو ) |
دي غايتو حتكون ورطة ، اخير من اسه الواحد يفتش ليهو درب ايجار!! وطالما حسمته موضوع العازف خلاص ، ماعندك اي مشكلة تكسيدو1000 انشاء الله .. يلا نجض المسائل الباقية وفي انتظارك
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
يابورداب اونتاريو عشان المسالة برضو تجي بي فايدة وتساعد انو الناس تعرف بعض ياريت لو الناس لما تدخل تكتب بروفايل سريع : الاسم كامل(لو مسجل بغير الاسم الحقيقي): مكان الاقامة في اونتاريو/المدينة : ومقترحات اليوم المنتظرنها : 1- المكان 2- الزمان 3- المساهمة المالية (مقترح مشاركة كل زول كم ؟ 4- مسئوليات في اليوم (مبادرة)- مالية - تنظيم اليوم - اعداد فقرات - دعوات ...الخ 5- مشاركات في اليوم (فقرات مقترحة) 6- اي حاجة تانية ممكن تكون فاتت علي فياريت نغطيها بشكل عملي وسريع عشان الوكت ما يضايقنا قبل الوينتر .. وانا تلفوني في وندسور موبايل 519/9916377 [email protected]
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
Quote: اقترح مسيساقا (Mississauga) كموقع للاجتماع...
بس اوع نبقى زى بورداب السودان و نقعد فى النجيله...
شوفو لينا الهيلتون او الهوليدى ان..
والدخول بالملابس الرسميه(بدل وتكسيدو )
عشان صورنا ما تتطلع معشكبه وكده
والناس ما يصدموا فينا...
لازم المكان يكون رهيب عشان التصوير
انا منى الفنان عازف الارغن |
الاخ النصري تحياتى مع كثير اشواقى لو بقت على القاعة فتاكد أعتى قاعة فى تورنتو تحت تصرفكم ولو عايز تشوف زوقنا فى القاعات أمشى على الوب سايد ده www.scaon.com وادخل على photogallery
وبالمناسبة يا أيمن انا لامن اقترحت تورنتو او نياجرا كنقاط وسطي كان فى بالى بورداب أتاوة والان لو عايزين الاجتماع: Formal: the best place is Toronto Casual: we can not find better than Niagara
هاشم نوريت دبايوا بالمناسبة كنا عايزين نشرب الدبنه يوم الاحدمعاكم لكن ما لمينا فيكم وانت هسع خليك من دبنة البورداب واكرب صلبك لانو لو اقتراح المكان وقع على تورنتو فالبتاكيد حنشيلها انا وانت
شمس الدين السنوسى
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
الاعزاء بورداب اونتاريو
تحياتي
عن المكان عندنا صاله للجاليه السودانيه مؤجره كل
كل يوم احد وهي طبعا مجانيه لكم لو عايزنها
جميله وبتنفع للقشره فى الصور
تجنبوا لينا اقتراح اخر اسبوع فى اغسطس
لانه عدد من بورداب اونتريو مشاركين فى
مؤتمر فينا المنظمه ليها اشراقه مصطفي
اؤيد اقتراح قبل الجليد
و الدفع اقصي شئ عشرين دولار بقصد بالنسبه لي!!!!!!!
اختكم ما كحتوته لكن كثرة العمل العام كله من جيبنا.
عن الفنان البوردابي بشير كردفان هو مبدع حقيقي
بس ما بعرف للاغاني الهابطه لكن اذا عايزين غناء جاد
انا متأكده ما حيخزلنا.
تراجي.
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
سلام ياشباب من جديد عندى فكره...
نعمل اليوم ده مهرجان سودانييزانلاين بكندا وتوجه الدعوه لجميع الاعضاء بكندا وتوجه دعوه خاصه للاخ بكرى ابوبكر والموصلى وتماضر
ندعوالجاليات السودانيه لتبنى اليوم خاصه جاليه تورنتو هاملتون و سانت كاثرينز
وقيام حفل ساهر جامع عائده لصالح النشاطات الخيريه للجاليات المعنيه
يكون اجتماع البورداب فى نفس اليوم قبل ساعات من بداية المهرجان
رائكم شنو؟؟؟؟؟
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Aymen Tabir)
|
سلام يامنصور حيثما حللت ,رجاينا,كالغرى,بروكس,ادمنتون حتى السكين الصفراء (Yellow Knife) الاسكيمو ومشاهده صيد الحيتان من قبل اصحاب البلاد الاصليين(طبعا عندهم رخصه بالصيد)
وصولا لشلالات نياجارا العجيبه التى تبدو لى الان كانها حنفيه مفتوحه نتيجه للمشاهده الكثيره الممله..حيث فقدت القدره على الدهشه وزى ما بيقولو كترة الطله بتمسخ خلق الله
تحياتى للجميع بارض البرارى
ونتمنى حضوركم البرنامج
النصرى
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: Elnasri Amin)
|
مساء الخير يا جماعه...
اسفه ما طليت عليكم تاني ... وشايفه أقتراحاتكم وهي كلها قابله للتنفيذ و أنا مع اقتراح دعوة الموصلي و تماضر وبكري و كل من نحب. بس أعتقد ان الموصلي لديه رحله فنيه اخري بنهاية شهر اغسطس وتماضر مشاركه في مؤتمر فينا و أنا و تراجي و رقيه وراق و أخريات.. وعليه أقترح بماأن العيد الخمسين للأستقلال في 1 يناير 2006 دعونا نرتب لهذا الاحتفال ووقتها يكون الموصلي رجع وأيضا تماضر و دعونا نقيم احتفال يليق بالمناسبه ايه رايكم؟؟؟؟؟؟
مع خالص الود..
مهـــــا بشير
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: ABDELAZIZ MAHADY)
|
اليوم شعرت بحماسة تجاه انجاح هذه الدعوة واتمنى ان يتجاوز المتداخلون مرحلة المجاملة وتوزيع الابتسامات الى مرحلة تحديد موعد لمكان وتاريخ اللقاء واقترح بان يكون المكان شلالات ياجرا فى عطلة نهاية الاسبوع فى منتصف اغسطس هل توافقون ؟ وعلى صاحب الفكرة تنظيم الناحية المالية وما تضيعوا الوقت فى قول هنا وهناك.
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: هاشم نوريت)
|
الاعزاء شمس الدين السنوسي شاو دورشيد سهير الشيخ مها بشير محمد السر النصري امين تراجي مصطفى محمد عثمان الحاج هاشم نوريت منصور المفتاح أبكر اسماعيل كل بورداب اونتاريو
حزنا نبيلا ... ياوطن عزائي لكم ولشعبنا في رحيل المناضل الشهيد د. جون قرنق وشهداء الاحداث الاخيرة عميق الاسف والحزن لتبعات الحدث من تخريب ودمار وعنف ... التحية و الانحناء لشعب السودان ... معلم الشعوب صامدا موحدا مسالما وهو يجتاز عقبات المحنة الى افق التسامح والاخوة والسلام . تذكرون مابدانا ... رغم صعوبة هذه الايام ... لماذا لا نحيي اقتراحنا .. اكثر قوة وعزيمة في ان نلتقي جميعا ... يوم مبسط ... باقل الامكانيات المتاحة لنا .. نقطة بداية لمشوار نتفاكر حوله ... وليكن عطلة الاسبوع الاول من سبتمبر ولتكن نياغرا وليكن يومنا اعلاء لقيم التسامح والمحبة والاخاء ... عكس لجمالنا وقوتنا التي اكتسبنا في تجاوز كل المحن والازمات لنقف اكثر قوة واشد عزيمة كما علمنا شعبنا السوداني العظيم ... قبل عودة الابناء للمدارس وعطلة اول سبتمبر ونياغرا يوم بورداب اونتاريو ... ويوم السودان وليكن عنواننا لهذا اليوم :
عشانك يا بلد ...
وفي انتظاركم ... ولي قدام
ايمن
| |
|
|
|
|
|
|
Re: بورداب أونتاريو/ كندا ...اي مقترحات ؟؟؟؟؟؟؟؟؟؟؟ (Re: rani)
|
Quote: والدخول بالملابس الرسميه(بدل وتكسيدو )
Quote: دي غايتو حتكون ورطة ، اخير من اسه الواحد يفتش ليهو درب ايجار!! وطالما حسمته موضوع العازف خلاص ، ماعندك اي مشكلة تكسيدو1000 انشاء الله .. يلا نجض المسائل الباقية وفي انتظارك |
غايتو انا عندي صاحبي ممكن نستفيد من خبراتو في مسألة البدل دي . اصلوا هو كل يوم بمشي بشتري قميص وبنطلون لأي مناسبة ، وبعد المناسبة برجعهم للمكان ... وبرجع قروشوا .. مرة واحدة بس إتمقلب لأنو ضيع ( الرِسيت ) عشان كدة أي واحد يحافظ على رسيت بدلتوا .. وبعد الصورة تطلع يرجع البدلة لمحلها .
بالمناسبة الفكرة جميلة ومهمة ... وندعمها بشدة لانها يمكن أن تشكل بدايات لهزيمة هذا المكان الموحِش . مع ودي وتقديري
عزت الماهري .... هاملتون
| |
|
|
|
|
|
|
|