|
|
|
 Re: يا ناس الان في الفضائية السودانية .... المذيع سافي صاعوط (Re: willeim andrea)
|
| Quote: جراهام عبدالقادر راجل مثقف ومجدد ومبدع وعلي ما اظن احدي خريجي كلية الموسيقي والمسرح واكيد مشارك وبفعاليه في موضوع الالات الموسيقيه المحليه وله مشاركات تعمل في مجال تطوير التراث الموسقيي |
و الله جراهام دا اول يوم اشوفوا و يحصل لي الشرف
| Quote: وكان سفه ما يسف مش برضو حرية شخصيه قال سافي قال |
حرية شخصيه....يا راااااااااااجل 
| Quote: وانته الوداك تلاحظه التكورت في الشفايف شنو |
و الله بس شلاقتي... شفته الزول (يكعوج) في شلاليفو و (يبلع) في ريقو...قلتا يا ربي الزول دا مالوا
| |
 
|
|
|
|
|
|
|
 Re: يا ناس الان في الفضائية السودانية .... المذيع سافي صاعوط (Re: ناصر جامع)
|
الأخ ناصر
تحياتي
أنا في الحقيقة من المعجبين ببرنامج الأستاذ غراهام عبد القادر ولكن هذه الحلقة بالذات لم أشاهدها.. أظن أن وضع فمه وشفايفه تشبه وضع "الإنسان الخاتي ليهو سفة" وهناك كثيرين مثله..
ولا أظن أنه كان يضع سفة.. فوضع السفة يعوق الكلام، ومن غير المعقول أن يقوم شخص مثله بفعلها..
أظن أن هناك لوائح تمنع وضع السفة أثناء تقديم البرامج أو إذاعة النشرات.. بنفس الطريقة أظن أن التدخين ممنوع على المذيعين ومقدمي البرامج..
وتسلم..
ياسر
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: Yasir Elsharif)
|
Quote: ÇáÃÎ äÇÕÑ
ولا أظن أنه كان يضع سفة.. فوضع السفة يعوق الكلام، ومن غير المعقول أن يقوم شخص مثله بفعلها..
íÇÓÑ
|
القال ليك منو؟؟
لو انه يعوق الكلام ما تحدث نصف اهل السودان في صباحات البلاد..
بعدين انا ما عارف شنو المانع انو الزول يسف في تلفزيون السودان او في اي مكان عام غير مساجد الرحمن ...
انا حتى الان ما شفتا لي سفة بتطلع دخان...
وللذين لا يعلمون
لو فقط تعلمون ان السفة بتكنيك مهذب وحريف ممكن تبوس بيها ذاتو دون ان تدري حبيبتك ان هنالك سفة بالجوار ...
تبوس بيها ولا تترك اي طعم في فم الغالية ..
سفو وبعدين تعالو نتفاهم..
كيف يظن العالم انهم مهذبون اكتر منا لمجرد انهم لايتعاطون التمباك ؟؟
| |
|
|
|
|
|
|
|
|
 Re: يا ناس الان في الفضائية السودانية .... المذيع سافي صاعوط (Re: willeim andrea)
|
عزيزي وليم أندريه
تحية طيبة
أنا لم أقصد حجم الشلاليف وإنما قصدت شكل المنطقة بين الذقن والشفة السفلى ووضع الفم.. وهي مسألة موجودة لدى كثير من الناس وليس فقط السودانيين .. أنا أراها في أناس أوروبيين، لا يمكن أن يخطر على بال أحد انهم يستعملون الصعوط..| Quote: اولا هي خلقه ربانيه وما فيها حاجه وما اظن في كده في خلاف ...... |
بالتأكيد..
تعرف هنا تقوم بعض النساء بإجراء عمليات حقن للشلاليف بمادة السيليكون حتى تصبح غليظة، أو يزول عنها "الرق" والرهف الشديد.. وطبعا عندنا في السودان كان دق الشلوفة اساسا لهذا الغرض..
| Quote: الشي التاني هناك من يفاخر بانه ذو اصول كذا و كذا وينسب نفسه الي قبيلة الجعلين او الخ الخ بس لما تعاين للشكل وخاصتا الشفايف بتعرف انه ذو اصول افريقيا وهذا ليس عيب او انقاص من قدر اي شخص النقص المخجل ان نتحدث ونقيم الانسان بشكله او قبيلته والا رايك شنو |
لا أظن أنك تظن بأنني أقيم الناس بأشكالهم أو بقبائلهم؟؟ إن كان ذلك كذلك فاسمح لي يا عزيزي أن أقول لك كم أنت مخطئ في هذا الظن.. ويبقى الود..
ياسر
| |
|
|
|
|
|
|
|
|
 Re: يا ناس الان في الفضائية السودانية .... المذيع سافي صاعوط (Re: willeim andrea)
|
الأخ العزيز ناصر جـــامع
والأخوة الشباب بالبوست..
سلامات..
معليش إضافة صغيرة في شكل حاجه تعريفية عن الأستاذ القدير جراهـــام عبد القادر.. حبيت انو اساهم بيها في البوست ربما شوية تعرفكم بالاستاذ..
جراهام عبد القادر استاذ قدير خريج معهد الموسيقى والمسرح تخص آلة الكمان.. وهو احد اعمدة اوركسترا السمندل الموسيقية .. في فترة انتعاش الموسيقى السودانية في العام 87-89.. وبعد تشتيت اعضاء الفرقة ما بين المهجر أو الظروف المحلية القاسية.. واصل الأستاذ جلوسه بالسودان فترة طويلة يدعم العمل الموسيقي من خلال تدريس علم الموسيقى .. والاشراف على الفرقة القومية للآلآت الشعبية فترة من الزمن.. وهو الآن يقدم برنامجه التراثي المشهور وانا من المتابعين لهذا البرنامج ايضانسبة لاهتمامه المميز بالتراث السوداني البحت..
تربطني علاقة حميمة مع الأستاذ جراهام عبد القادر وهو في مقام أخى الأكبر .. ربما لا يعرفه البعض هنا.. ما يتحلى به من ادب جم وسلوك سوداني اصيل وهنا اكرر كلمات الأستاذ احمد عثمان ساطور ( ترهاقا ) وهو ايضا من قبيلة المزيكاتية ربما لاختلاطه اكثر مني مع الأستاذ جراهام.. اكرر كلمات الأستاذ عما كتبه عن الأستاذ جراهام .. وهو عدم تعاطيه لأي انواع من المكيفات وهو من النادر جدا في الوسط الفني ..
هذا لايعني أنني ضد هذه المسالك الشخصية أو ..ما شابه ذلك .. لكن أوضح حتى وإن كان الأستاذ جراهام ممن يتعاطون لا اظن ان من سلوكياته أن يدخل الاستديو لتسجيل حلقة يعرف تماما انه يواجه بها كاميرا وجمهور لا اعتقد انه كان يمكن أن يرتكب مثل هذه الحماقه إذا سلمنا جدلاً انه يتعاطي ..
محبتي للجميع وللاستاذ جراهام عبد القـــادر...
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: ناصر جامع)
|
الاخ ناصر جامع تحيتى لك..وتحيتى للاخوة المتداخلين
لاشك فيما ذكره الاخوة عن الاستاذ جراهام عبد القادر..فهو من الذين لم يالوا جهدا فى سبيل تطوير الموسيقى السودانية..
ولكن ما فاقنى اعجابا هو..انت ..وانت تضرب مثلا عن الروح الديمقراطى ..
ليت جميعنا مثلك!!
وادعو الجميع لرفع هذا البوست عاليا..ليكون هذا ديدننا فى تناول الامور ..ولتثبيت مبدا النقد والنقد الذاتى..باعتباره(اعظم ما توصلت اليه البشرية جمعاء..تفوقا(فى تقديرى)على كل ما انجزته المعارف البشرية من علوم وتكنولوجيا..فهو مقياس التقدم..ومفتاح التطور..
وللجميع محبتى
عاصم كته
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: Asim Sharief)
|
جراهام عبدالقادر..رجل قيافة في التقديم وإدارة الحوار..وقد كنت أتابع هذا البرنامج وأخرج منه دائما بأنطباع جيد عن المقدم علاوة على المادة المتنوعة بتنوع الجغرافيا والالات الموسيقية الشعبية.
ثم السفة ياناصر..وأخوك كلما تجي سيرة الصعوط راسه يلف، فتجربتي معه لم تتكرر مع اي سائل أو طائر أو مبلوع..ولم يهزأ بي شيء مثلما هزأ بي التمباك..فقد دور بي البلد داك في تلك المرة ولكن تحت عمود نور من أعمدة الحلة..ثم وبعد الإعتذار لناس الصعوط وحكما على تجاربي مع أندادي الذين كانوا (ولسه) يسفون..فكل صاحب سفه زول غميص يظهر ما لا يبطن ويرشد الصرف ويوفر المليم ويتكتك، وعندما كنا لا نعرف أكثر من تخميسة سجارة وعلى شط النهر أو في زحمة المحطة الوسطى إلا أن من يضبطنا أو يلمحنا من كبار الحي وفي الفم سجارة حمراء (طرشاء ما فاهمة) كان يعدنا من الصعاليك بالرغم من أننا كنا لا نعرف من الأزقة إلا زقاق المنفلة ولا نعرف من البيوت إلا بيت الربيت أما أصحاب الصعوط فقد كانوا يعدون من المؤدبين لصعوبة ضبطهم.
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: banadieha)
|
اتاري يا بناديها انا من زمان اقول الشكل ده ما غريب علي...يا ربي اكون شفتك في حلويات قنجاري؟؟
عارف واحد من اصحابنا في الجامعة كان بيسف الصعوط في البركس و يتجنصص بي علبة البنسون في الجامعة قدام الجكس...يوم لقيتو ليك خالط خلطه شديده خلاص ... اها قلتا ليهو يا فرده جيب سفه...باقيليك اليوم داك انا بتا في الجامعة...يا زول انا الزول ده اسبوع زايغ منو
| |
|
|
|
|
|
|
|
|
تحياتى اخى الحبيب ناصر جامع
اكاد اتفق مع الدكتور ياسر الشريف
حقيقة انا من الذين يستوقفهم برنامج هذا الرجل الذى احس انه بسيط وجدير ومتمكن
ومعجب جدا ببرنامجه فله منى التحية والتجلة
حقيقة انا لاحظت قبل فترة ما لاحظته انت لكن تاكد لى بانه غير ذلك فهذا الرجل
اراه فى قمة الادب والتادب والاحترام ويتخيل لى يحمل قيم جميلة بداخلة فلا اظن يفعل ذلك او ان مكانته لدى الكثير من الناس يجعله يفعل ذلك على الملا وعلى الفضائية مباشرة
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: شدو)
|
الأخ شدو،
تحية طيبة
لقد رأيتك تعيد وضع جزء من كتابتي ولا تعلق عليها فما هو قصدك بالضبط.. على كل حال لقد أوضحت قصدي للأخ وليم أندريه الذي بالرغم من توضيحي لا يزال يظن أن المسألة مخارجة، للأسف الشديد..
فـ
Re: هل يجوز؟؟؟؟
أن أكون بمثل هذا النوع من السلوك في نظرك أنت وفي نظر وليم؟؟
أنتما لا تعرفاني!! وقد حزنت جدا لهذا وأرجو أن تتيسر لكما معرفة المزيد عني..
ياسر
| |
|
|
|
|
|
|
|
|
 Re: يا ناس الان في الفضائية السودانية .... المذيع سافي صاعوط (Re: ناصر جامع)
|
الاستاذ بناديها... كدي ذكرني زقاق المنفله ده وين.....
غايتو لما تجي سيرة المحطه الاوسطي ... انا خاتي ليها الذكري القديمه ( لانو الوضع الحالي مخيف وقذر) يعني انا بتذكر ايام مرطبات ميامي ( اهي دي الا يعرفوها العجايز) وطشاش كده اجزخانة شاشاتي وقهوه ود الاغا والا انا غلطان ... اها الناس ما تقوم تهجمني وتقول لي انته من الزمن داك زمان الطليان والجيش الحفيان
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: willeim andrea)
|
تعرف ياويلي شارع المنفلة دا واقع وسط منطقة عجيبة..وبالنظر في خريطة يعود تاريخها إلى ثلاثين سنة خلت فموقعه وسط بين معالم اندثرث الآن أهمها زريبة العيش ومكتبة عكاشة وسوق الحداحيد وحقة سورج للصعوط وجامع التقلاوي وجامع الأحمدية وجامع أمدرمان الكبير والمحطة الوسطى ونزولا بشارع الصاغة والقيصرية وسوق العناقريب وجامع البرير وبيت ناس البرير هي أماكن كلها تقع إلى الشرق من زقاق المنفلة وبمسافات متفاوتة منه وإلى الغرب من زقاق المنفلة كان يقع بيت توفيق بتاع دار الرياضة أمدرمان وبيت الوسيلة (نادي التاج) وبيت كوبري (عرقي ومريسة) وبيت عيسى (مخانة) وبيت الحناوي (مخانة) وبيت النفراوي (مخانة) وبيت اللالوبة (عرقي) ونسيت أسمه المعروف به ثم بعد ذلك مدارس الكتيابي وبيت استاد أمير (والد زوجة أخونا الكبير ياسر الشريف) وناس المشرف وناس عبدالله حامد الأمين وناس مصطفى خوجلي وناس التجاني عامر وناس جبرتي وشيوخ الكبابيش وناس سكينة الداية والدة نعوم أحد رواد فرق الجاز الذين لم يشتهروا ووالدة صديقي العزيز المعماري الذي درس في اسبانيا وكنكش فيها ولم أقابله لأكثر من ثلاثين سنة : حسن عبدالكريم والآن أخوك موعود خمسين - والخمسون هذه استخدمها أخي الصغير أساسي لمعايرة كوستاوي بها ونسى أن أصحاب الخمسينات هنا أو الجايين عليها كتار خالص وبهذه المناسبة نطالب اساسي بإعتذار واضح وكبير لهذه الفئة -، وقد قصدت ياولي أن اورد تلك الأماكن بجوامعها وباراتها ومخاناتها وبعض عوائلها ودون حصر لأني كنت أمر عابرا بتلك المنطقة، وقد قصدت برسم هذه الخريطة المختزلة لأقول لك أن زقاق المنفلة كانت تقطنه عوائل كريمة ومعروفة أذكر من معارفي من ابناء تلك العوائل بابكر وقاسم بوكو وماهر وحسن عبدالمجيد شقيق سمية عبدالمجيد زوجة هاشم بدرالدين وكان بيتهم على بعد لفة أو لفتين إلى الشرق..الآن قامت فنادق وعمارات ومتاجر وتغيرت معالم وهجرت العوائل المنطقة.
زقاق المنفلة كان مدسوس وراء سوق الحداحيد.
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: willeim andrea)
|
تعرف ياويلي شارع المنفلة دا واقع وسط منطقة عجيبة..وبالنظر في خريطة يعود تاريخها إلى ثلاثين سنة خلت فموقعه وسط بين معالم اندثرث الآن أهمها زريبة العيش ومكتبة عكاشة وسوق الحداحيد وحقة سورج للصعوط وجامع التقلاوي وجامع الأحمدية وجامع أمدرمان الكبير والمحطة الوسطى ونزولا بشارع الصاغة والقيصرية وسوق العناقريب وجامع البرير وبيت ناس البرير هي أماكن كلها تقع إلى الشرق من زقاق المنفلة وبمسافات متفاوتة منه وإلى الغرب من زقاق المنفلة كان يقع بيت توفيق بتاع دار الرياضة أمدرمان وبيت الوسيلة (نادي التاج) وبيت كوبري (عرقي ومريسة) وبيت عيسى (مخانة) وبيت الحناوي (مخانة) وبيت النفراوي (مخانة) وبيت اللالوبة (عرقي) ونسيت أسمه المعروف به ثم بعد ذلك مدارس الكتيابي وبيت استاد أمير (والد زوجة أخونا الكبير ياسر الشريف) وناس المشرف وناس عبدالله حامد الأمين وناس مصطفى خوجلي وناس التجاني عامر وناس جبرتي وشيوخ الكبابيش وناس سكينة الداية والدة نعوم أحد رواد فرق الجاز الذين لم يشتهروا ووالدة صديقي العزيز المعماري الذي درس في اسبانيا وكنكش فيها ولم أقابله لأكثر من ثلاثين سنة : حسن عبدالكريم والآن أخوك موعود خمسين - والخمسون هذه استخدمها أخي الصغير أساسي لمعايرة كوستاوي بها ونسى أن أصحاب الخمسينات هنا أو الجايين عليها كتار خالص وبهذه المناسبة نطالب اساسي بإعتذار واضح وكبير لهذه الفئة -، وقد قصدت ياولي أن اورد تلك الأماكن بجوامعها وباراتها ومخاناتها وبعض عوائلها ودون حصر لأني كنت أمر عابرا بتلك المنطقة، وقد قصدت برسم هذه الخريطة المختزلة لأقول لك أن زقاق المنفلة كانت تقطنه عوائل كريمة ومعروفة أذكر من معارفي من ابناء تلك العوائل بابكر وقاسم بوكو وماهر وحسن عبدالمجيد شقيق سمية عبدالمجيد زوجة هاشم بدرالدين وكان بيتهم على بعد لفة أو لفتين إلى الشرق ومن أبرز معالم شارع المنفلة تلك العائلة الهندية التي كانت تسكن فيه ولا أعرف اسمها ولكنهم من تجار أمدرمان..الآن قامت فنادق وعمارات ومتاجر وتغيرت معالم وهجرت العوائل المنطقة.
زقاق المنفلة كان مدسوس وراء سوق الحداحيد.
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: ناصر جامع)
|
الأخ العزيز شدو،
تسلم يا سيدي وأشكرك ..
الأخ وليم أندريه، بالله إنت بتتذكر المحطة الوسطى امدرمان واجزخانة شاشاتي؟؟ والعدني والطوخي وغيرهم من أعلام المحطة الوسطى..
نحن قديمين لكن ما حضرنا زمن سينما برمبل لكن سمعنا بيها..
هناك برنامجان في الفضائية السودانية يستحقان المتابعة وأنا أتابعهما كلما وجدت فرصة.. الأول برنامج الأستاذ غراهام عبد القادر هذا.. وأغاني التراث والرقص من كل أنحاء السودان..
البرنامج الثاني هو "أصوات وأنامل" يجيء يوم الجمعة.. يقدم فنانين رسم وفنانين مبدعين في شتى ضروب الفن وشعراء غير معروفين..
| |
|
|
|
|
|
|
|
|
|
Re: يا ناس الان في الفضائية السودانية .... المذيع سافي صاعوط (Re: ناصر جامع)
|
صباح الخير يا المعتقين..... والفايتين البلو لايبل بي تمانيه وعشرين سنه....
دكتور ياسر ....سينما برمبل انا دخلتها وكان عندها اسم تاني سينما قديس.... بس صدقني بتذكره طشاش... طبعا ما دخلتها براي يعني دخلتها مع الاهل لما كانت السينما مع وسائل الترفيه المشروعه للبيوت السودانيه في ذاك الزمن السمح وزيدك من الشعر بيت حتي الطرماي ركبته من المحطي الاوسطي حتي ابورؤؤف قبل ما يعملوا كبري شمبات شفته انا قديم كيف بس تعال اقول ليك سر انا مولود بعد سنة 51 بكتير .....
اخوي بناديها اكيد كل المناطق الذكرتها بعرفه بس ما كانت في برنامجي اليومي ولا طريقي للمدرسه لاني كنته من ناس شرق المحطه الوسطي
| |
|
|
|
|
|
|
|
|
 Re: يا ناس الان في الفضائية السودانية .... المذيع سافي صاعوط (Re: Yasir Elsharif)
|
التحية لكل المتداخلين ..
الأستاذ جراهام عبدالقادر قامة فنية لا يستهان بها ..
وباحث عن الفن والتراث السوداني وله مجهودات مقدرة في هذا الشأن ..
وبرنامج تراثيات يحكي عن ذلك ..
وأعتقد كثير من المداخلات أفادت في هذا الشأن ..
أتمنى أخي ناصر أن يعّرف هذا البوست عن الأستاذ جراهام الفنان والإنسان وعن مجهوداته وإبداعاته ..
ودي ..
| |
|
|
|
|
|
|
|
ابو يسرا
salah elamin
adil amin
willeim andrea
Yasir Elsharif
فرح
ترهاقا
tmbis
Asim Sharief
banadieha
بلدى يا حبوب
jini
Kostawi
معتصم دفع الله
فيس بوك
تويتر
انستقرام
يوتيوب
بنتيريست