|
توب بلدي ....
|
توب بلدي
حنان باشري / الرياض
أنا سودانية سمحة زي و أخلاقي إسلامية وطبعي بياض النية *** وفي الموضة توبي أناقة وسترة يا بنية *** لباس حبوبة والخالة والعمة لينا جواز و هوية *** توبنا سفير حالو بين العالم إقول أنا سودانية *** زوق وقيافة أتحدى بيوتات الأزيا الغربية *** اعرفي كيف لبسو لانه أمانة و مسؤولية ***
فيه كل ألوان الطيف زي لوحة تشكيلة *** حرير من دودة قز هندية و تواتل من قطن جزيرتنا المروية و صناعتو في أحدث المصانع السويسرية *** و في بلاد الله البعيدة لما أشوف توبك بت بلدي أحس بالفخر لكل موضة بالندية *** و الله يا توبي إنت ما شوية موحدنا من زمان توبي لا جنوبية لا شرقية لا شمالية لا غربية توبي إقول أنا سودانية أنا سـودانيـة ***
|
|
|
|
|
|