يا ضي مصابيح الحنايا يا وتر نبض المعاني اللابسة لونين الفرح ونديه زي وهج المرايا جواك نده عشم الكلام واتكاسل النوم في مشيك واتبرجت ليك النهاية سافرت مدن الوقوف قبل السفر يوطى القمر واخترتا اوصل ليك برايا مدي المساحات الشموس واتشابي لي حس الفرح ورينا كيف تبدأ البدايه وكيف بكون شوق الفصول قبال تفاصيل الهطول تدهش ينابيع الحاية
يا داخلة بي كل الزمن وندية زي شوقي وانا ومرسومة في كل الخلايا فرحانة بيك كل الدروب فرحان معاي حتى الفرح مبسوطة بي جيتك سمايا وقادلة بي جيتك خطاي تتباهى بيك وسط الكلام شوفيها ما صبحت خطايا وازدتتا شبرين بي بهاك لامس رذاذ صوتي السماء وصوت الرذاذ لامس صدايا وبيك كبر زمن الحنين يومين من الشوق الندي وامتدى عبقك في رؤايا يا باسطة بي كل الكلام مسكون بيك كل الحروف وريها كيف بدت الحكايه وكيف بدت جواي خطاك تتحسس الهمس القديم وتفك طلاسيم القراية واني بيك ببقى الكمال قبل الجمال يضوي الفرح والروعة تشرق من ورايا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست