|
وهج المسام
|
بدخلك من بين جنون فرحك ومن بين المسام من بين شفايف البهجة في وهجك بكون الضحكة والغيم النزل جواكي قبال الكلام يدهش مسافات الحروف اللسه منك نازلة شوق وتعانقك قبل السلام وتكون طريقك بين وفاك الفيني لابس نور عينيك لابسني بيك توبين وله جواكي يا كل التسام
بدخلك من بين كنوز الدنيا ببقاك الحنين وقتين يداهمني الفرح وانا في مراكب الغربة صوت بحّت تقاسيمو السنين
بدخلك من بين وهج كل الغنى من بين كلام الضحكة وابقالك انا البهجة لي فرحا ضنين بدخلك يا حلوة بيتين من عشق زولا عشق واتلاشى جواك الغمام زيك تمام ورجاكي وين؟ بين شهقة الحرف الشرق من شوقو ليك فتّر تقاسيم النهار بالاانتظار مستني لو حسّك يبين
عبدالله وداعه الامين
|
|
|
|
|
|